ചോദ്യം
22 വയസ്സുള്ള പെൺകുട്ടിയാണ്. ഞാനൊരാളുമായി പ്രണയത്തിലാണ്. പക്ഷേ അദ്ദേഹത്തിന് ഒരിക്കലും ഒരു അച്‌ഛനാകാൻ കഴിയില്ല. ഞാനദ്ദേഹത്തെ വിവാഹം കഴിക്കാൻ ആഗ്രഹിക്കുന്നു. വീട്ടുകാർ ഈ ബന്ധം ശക്‌തിയുക്തം എതിർക്കുകയാണ്. അതിനാൽ രജിസ്റ്റർ മാര്യേജിനായി ആലോചിക്കുന്നു?
ഉത്തരം
നിങ്ങളുടെ ആഗ്രഹം തെറ്റല്ല. ഒരാളുടെ ശരീരികമായ അവസ്ഥയുടെ പേരിൽ തഴയുന്നതും ശരിയല്ല. എന്നാൽ വിവാഹം പോലെ ഏറ്റവും പ്രധാനപ്പെട്ട കാര്യത്തിൽ തീരുമാനം കൈക്കൊള്ളാൻ നിങ്ങൾ അത്ര പക്വതയാർജ്‌ജിച്ചിട്ടില്ല. അതുകൊണ്ടാണ് വീട്ടുകാർ ഇങ്ങനെ എതിർപ്പ് പറയുന്നത്. ഭാവനകളുടെ ലോകമല്ല ജീവിതം. അതുകൊണ്ട് യഥാർത്ഥ്യം ഉൾക്കൊള്ളണം. അമ്മയും അച്‍ഛനും ജീവിതം കണ്ട അനുഭവത്തിൽ നിന്നാകും അഭിപ്രായം പറയുന്നത്. മാതാപിതാക്കൾ നിങ്ങളുടെ നന്മയല്ലേ ആഗ്രഹിക്കൂ. അതുകൊണ്ട് അവർ പറയുന്നത് അനുസരിക്കുക. ആ വ്യക്‌തിയുമായി സംസാരിച്ച് ഉചിതമായ തീരുമാനം എടുക്കാം. ആരോഗ്യപരമായ കാരണങ്ങൾ ആണെങ്കിൽ പരിഹരിക്കാൻ കഴിയുമോ എന്ന് അന്വേഷിക്കുക. എന്തായാലും നിങ്ങളുടെ തീരുമാനം പക്വത ഉള്ളതാണോ എന്ന് അറിയാൻ കുറച്ചു കൂടി കാത്തിരിക്കുക. വിവാഹം ചെയ്യാതെ തന്നെ നിങ്ങൾക്ക് ഇപ്പോൾ മുന്നോട്ട് പ്രണയം കൊണ്ടുപോകാൻ കഴിയുമെങ്കിൽ അങ്ങനെ ചെയുകയുമാവാം.
