പകൽ സമയത്തെ മുഴുവൻ തളർച്ചയും ക്ഷീണവും അകറ്റുന്ന ഇടമാണ് ബെഡ്റൂം. വളരെ മൃദുവായ കിടക്ക, മനം മയക്കുന്ന കർട്ടനുകൾ, മുറിയിലെങ്ങും പരന്നിറങ്ങുന്ന അരണ്ട വെളിച്ചത്തിൽ അലങ്കരിച്ച ഫർണ്ണീച്ചറുകൾ എന്നിവയൊക്കെ ഉണ്ടായിട്ടും ഉറക്കം വരുന്നില്ലായെങ്കിൽ ഓർക്കുക വീടിനകത്തെ അന്തരീക്ഷം ശുദ്ധമല്ല.
പകൽ മുഴുവനും തിരക്കു പിടിച്ച ജീവിതം നയിക്കുന്നവർക്ക് പിരിമുറുക്കമകറ്റാൻ സ്വസ്ഥവും സുഖകരവുമായ ഉറക്കത്തിന് മറ്റുള്ളവരെ അപേക്ഷിച്ച് ഏറെ ശുദ്ധമായ അന്തരീക്ഷമാണ് ആവശ്യം. അതുകൊണ്ട് വീടിനകത്ത് ഏതെങ്കിലും തരത്തിലുള്ള ചെടികൾ വയ്‌ക്കുന്നത് ഉത്തമമാണെന്ന് നാസ ഇൻസ്റ്റിറ്റ്യൂട്ട് ഓഫ് അമേരിക്കയിലെ ഒരു വിഭാഗം ഗവേഷകർ ചൂണ്ടിക്കാട്ടുന്നു.
ബാത്ത്റൂമിൽ നിന്നും വരുന്ന അമോണിയ ഗ്യാസ്, കീടങ്ങളിൽ നിന്നും വമിക്കുന്ന ഫോർമൽഡ്ഹൈഡ് ഗ്യാസ്, ഡിറ്റർജന്‍റിൽ നിന്നുള്ള ബെൻസീൽ, ഫർണ്ണീച്ചറിൽ നിന്നും വരുന്ന ട്രൈക്ലോറോ എത് ലീൻ, ഗ്യാസ് സ്റ്റൗവിൽ നിന്നുള്ള കാർബൺ മോണോക്സൈഡ്, ലോണ്ട്രിയിൽ നിന്നുള്ള ഗന്ധം എന്നിവയെ നിഷ്ക്രിയമാക്കാൻ ഇത്തരം ഇൻഡോർ ചെടികൾക്ക് കഴിയും. ചില പ്രത്യേകയിനം ചെടികൾക്ക് പ്യൂരിഫയർ എന്ന രീതിയിൽ പ്രവർത്തിക്കാൻ കഴിയുമത്രേ.
ഒരു പക്ഷേ ഇത് വായിക്കുമ്പോൾ എല്ലാവരുടേയും മനസ്സിൽ ഒരു സംശയം ഉണ്ടാകാം. ചെടികൾ രാത്രിയിൽ കാർബൺഡയോക്സൈഡ് വാതകമല്ലേ പുറപ്പെടുവിക്കുകയെന്ന്, മനുഷ്യന് ശ്വസിക്കാൻ ഓക്സിഡനല്ലേ ആവശ്യം? മനസ്സിലുണരുന്ന ഈ സംശയം തീർത്തും സത്യമാണ്. പ്രകാശ സംശ്ലേഷണം നടക്കുമ്പോൾ ചെടികൾ കാർബൺഡയോക് സൈഡ് വാതകം വലിച്ചെടുക്കുകയും പുറത്തേക്ക് ഓക്സിജൻ വാതകം പുറപ്പെടുവിക്കുകയും ചെയ്യുന്നു. എന്നാൽ ഈ പ്രക്രിയ പകലാണ് നടക്കുക. രാത്രിയിൽ ഇതിന് നേർവിപരീതമായ പ്രക്രിയയാണ് നടക്കുക.
എന്നാൽ ഇതിന് വിപരീതമായ ചില ചെടികളുണ്ടെന്നാണ് ചില ശാസ്ത്രജ്ഞന്മാർ പറയുന്നത്. രാത്രി ഏറെയായാലും അവ ഓക്സിജൻ പുറപ്പെടുവിക്കുമത്രേ. ഇത്തരം ചെടികൾ വിഷലിപ്തമായ വാതകങ്ങളെ വലിച്ചെടുക്കുകയും ചെയ്യും. പക്ഷ അത്തരം അലങ്കാര സസ്യങ്ങൾ ഏതൊക്കെയാണെന്ന കാര്യം കൃത്യമായി അറിഞ്ഞിരിക്കണം. അത്തരം ചില പ്യൂരിഫയർ ചെടികളിതാ:-
സ്നേക്ക് പ്ലാന്‍റ്
പകലും രാത്രിയും ഓക്സിജൻ നൽകുന്ന ഒരു ചെടിയാണിത്. ഔഷധ സസ്യമായാണ് ഇതിനെ കണക്കാക്കുന്നത്. സെൻസേപീരിയാ ട്രോഫേസിയ എന്ന പേരിലാണ് ഇതറിയപ്പെടുന്നത്. ഈ ചെടി രാത്രിയിലും ഓക്സിജൻ പുറപ്പെടുവക്കുമത്രേ. അതുകൊണ്ട് രാത്രിയും പകലും ഓക്സിജൻ നില വർദ്ധിപ്പിച്ച് അന്തരീക്ഷ മലിനീകരണത്തെ തടയുന്നു. ബാത്ത്റൂമിലെ അമോണിയ വാതക പ്രഭാവത്തെ തടയാൻ സ്നേക്ക് പ്ലാന്‍റ് വയ്‌ക്കുക. നിലത്തോ ജനാലയിലോ ഇത് വയ്ക്കാം. ഇനി പൂക്കളുടെ സുഗന്ധമാണ് ഇഷ്‌ടപ്പെടുന്നതെങ്കിൽ ബാത്ത്റൂമിൽ ക്രിസാന്തമം (ജമന്തി) വയ്ക്കാം.
ഗോൾഡൻ പോത്തോസ്
അകത്തെ അന്തരീക്ഷത്തിൽ കുറഞ്ഞ സൂര്യപ്രകാശത്തിൽ വളരുന്ന ഒരു ചെടിയാണ് ഗോൾഡൻ പോത്തോസ്. പച്ച, മഞ്ഞ നിറങ്ങളിലായി വീതിയേറിയ ഇലകളോടു കൂടിയ ഈ സസ്യം അന്തരീക്ഷ മലിനീകരണത്തെ തടയാൻ ഫലവത്താണ്. എയർ പ്യൂരിഫയർ ചെടികളിൽ ഏറ്റവും മികച്ച ചെടികളിലൊന്നായി പരിഗണിക്കപ്പെടുന്ന ഒന്നാണ് ഗോൾഡൻ പോത്തോസ്.
അകത്ത് ഏതെങ്കിലും സ്ഥാനത്തായി ബൾബ്, ട്യൂബ് പ്രകാശത്തിൽ ഇവ വളരും. വെള്ളം കുറച്ച് മതി. വെയ്സ്റ്റ് ബക്കറ്റിൽ നിന്നും ഉയരുന്ന വാതക പ്രഭാവത്തെ കറ്റാർവാഴച്ചെടി പോലെ ഇത് നിഷ്ക്രിയമാക്കും. ഇരുട്ടത്ത് വയ്ക്കുന്നതിന് പുറമെയായി ഹാംഗിംഗ് പോട്ടിൽ വയ്‌ക്കാവുന്ന ഹരിതാഭമായ ഈ സസ്യം മികച്ച രീതിയിൽ എയർ പ്യൂരിഫയറിംഗ് ചെയ്യും. സാധാരണ ദുർഗന്ധങ്ങൾക്ക് പുറമെ ഗ്യാസ് സ്റ്റൗവിൽ നിന്നും പുറപ്പെടുന്ന കാർബൺ മോണോക്സൈഡ് വാതകത്തേയും അകറ്റുകയും ചെയ്യും.
വീപ്പിംഗ് ഫിഗ്
മുറിയിലെ ഹെവി കർട്ടനുകൾ, സാധനസാമഗ്രികൾ, ഫർണ്ണീച്ചർ തുടങ്ങിയവയിൽ നിന്നുള്ള ഗന്ധം അന്തരീക്ഷത്തിൽ പടരാം. ഇത് പതിയെ അന്തരീക്ഷ വായുവിന്‍റെ ശുദ്ധതയെ സ്വാധീനിക്കാം. ഈ സാഹചര്യത്തിൽ വീപ്പിംഗ് ഫിഗ് എന്ന പേരുള്ള ചെടി എല്ലാതരം ഗന്ധങ്ങളെയും ഇല്ലായ്മ ചെയ്യാൻ ഫലവത്താണ്. ഫർണ്ണീച്ചറിലെ പെയ്ന്‍റിൽ നിന്നും ഗന്ധം വരുന്നുണ്ടെങ്കിൽ വാരണേറ്റ് ഡ്രസ്സീന ചെടി നട്ടു വളർത്താം. ഗന്ധത്തെ വിലച്ചെടുക്കും.
മുറിയിലെ ജനാലയിൽ റോഡോഡെൻഡ്രോൺ ഡിമസി ചെടി പ്ലൈവുഡ്, ഫോം എന്നിവയിൽ നിന്നും ഉയരുന്ന ഗന്ധത്തെ വലിച്ചെടുക്കും. ഇപ്രകാരം ബെഡ്റൂമിലെ കർട്ടനിൽ നിന്നോ അതുമല്ലെങ്കിൽ ഡ്രൈക്ലീൻ ചെയ്ത തുണികളിൽ നിന്നുയരുന്ന ഗന്ധത്തെയോ ഇല്ലായ്മ ചെയ്യാൻ ജെർബറ ഡെയ്സി ചെടി നട്ടുപിടിപ്പിക്കാം. മികച്ച ഫലം ലഭിക്കും. എന്നാൽ ഈ ചെടിയ്ക്ക് ശരിയായ മേൽനോട്ടം ആവശ്യമാണ്. കറ്റാർവാഴച്ചെടി, സ്നേക്ക് പ്ലാന്‍റ് എന്നിവയെപ്പോലെ രാത്രി ഏറെ നേരം വരെ ഓക്സിജൻ പ്രദാനം ചെയ്യും.
പീസ് ലില്ലി
അകത്തളത്തെ ശീതളിമ പകരുന്ന പച്ചപ്പിനൊപ്പം നനുത്ത സുഗന്ധവും നിങ്ങൾ ആഗ്രഹിക്കുന്നുവെങ്കിൽ വസന്തക്കാലം മുഴുവനും പൂവിടുന്ന പീസ് ലില്ലി ച്ചെടിയെ അകത്തളത്ത് വയ്ക്കാം. കുറഞ്ഞ പ്രകാശത്തിൽ വളരുന്ന ഈ ചെടിയ്ക്ക് ആഴ്ചയിൽ ഒരു തവണ ഇത്തിരി വെള്ളം നനച്ചു കൊടുത്താൽ മതി.
അന്തരീക്ഷ മലിനീകരണത്തെ അദ്ഭുതകരമാം വിധം ഇത് തടയും. സോപ്പ്, ഡിറ്റർജന്‍റ് എന്നിവയിൽ നിന്നുമുയരുന്ന ബെൻസീൻ ഗന്ധത്തെയും വെയ്‌സ്റ്റിൽ നിന്നുയരുന്ന ഗന്ധത്തെയും ഇത് ഫലവത്തായി വലിച്ചെടുക്കും. എയർ പ്യൂരിഫയറിന്‍റെ മികച്ചൊരു സ്രോതസ്സാണിത്.
പുഷ്പ്പിക്കുന്ന ചെടികളെക്കുറിച്ച് പറയുകയാണെങ്കിൽ ബെഡ്റൂം ജനാലയിലോ മറ്റോ ആന്തൂറിയം പോലെയുള്ളവ വയ്ക്കാം. ഇതിന് നേരിട്ട് വെയിൽ ആവശ്യമില്ല.
റെഡ് ആന്‍റ് ഡ്രസ്സീന
അകത്ത് വയ്‌ക്കുക വഴി അന്തരീക്ഷ മലിനീകരണം നിയന്ത്രിക്കപ്പെടും.
ഗ്രേയ്പ് ഐവി
മീഡിയം പ്രകാശത്തിലും കുറഞ്ഞ വെള്ളത്തിലും വളരുന്ന ഈ ചെടിയ്ക്ക് എല്ലായ്പ്പോഴും പരിചരണമാവശ്യമായി വരില്ല. ഗ്രേയ്പ് ഐവി ബെഡ്റൂമിൽ വയ്‌ക്കുകയാണെങ്കിൽ അത് വായു ശുദ്ധീകരിക്കും. ചെടി വളരുകയാണെങ്കിൽ നന്നായി നനച്ചു കൊടുക്കുക. ചിലർക്ക് ഈ ചെടി അലർജിയുണ്ടാക്കാം. അത്തരക്കാർ ജാഗ്രത പാലിക്കുക മാത്രവുമല്ല ഈ ചെടി പല തരം വാതകങ്ങളെ നിഷ്ക്രിയമാക്കുകയും ചെയ്യും. അടുക്കളയിലെ കാർബൺ മോണോക്സൈഡ് വാതകത്തെയോ അല്ലെങ്കിൽ വീടിന് പുറത്ത് തീ കത്തിച്ചതിനെ തുടർന്ന് ഉയരുന്ന പുകയോ തടയുന്നതിന് റബ്ബർ പ്ലാന്‍റ് അകത്തളത്തിന് അനുയോജ്യമായതാണ്.
ബാംബൂ പാം
ചിലന്തി വലകളെ അകറ്റാൻ ഉത്തമമായ ഒരു ചെടിയാണ് ബാംബൂ പാം. പൂക്കളേയും ചെടികളേയും സ്നേഹിക്കുന്നവരുടെ പ്രിയപ്പെട്ട അലങ്കാരച്ചെടിയാണിത്. അലങ്കാരത്തിനായാണ് ഈ ചെടി വയ്‌ക്കുന്നതെങ്കിലും ഉള്ളിലെ ഈർപ്പത്തെ ഇത് നിയന്ത്രിക്കും. അതിനാൽ നേരിട്ട് വെയിൽ വരുന്ന ഇടങ്ങളിൽ ഇത് വയ്ക്കാതിരിക്കുക. നല്ല കാറ്റ് വരുന്നയിടത്ത് ഈ ചെടി വയ്ക്കാം. ഇതും അകത്തളത്തിലെ ദുഷിച്ച ഗന്ധങ്ങളെ വലിച്ചെടുക്കും. വീട്ടിൽ വിശാലമായ ലോബിയുണ്ടെങ്കിൽ നനുത്ത കീടങ്ങളെ അകറ്റി നിർത്തുന്ന, സുഗന്ധം പൊഴിക്കുന്ന ലാവൻഡർ ചെടി ചട്ടിയിൽ നട്ടു വളർത്താം.
അടയ്ക്ക ചെടിയും ഡ്രോയിംഗ് റൂമിന് അഴക് പകരും. ബെൻസീൻ, കാർബൺമോണോക്സൈഡ് തുടങ്ങിയ ഗന്ധങ്ങളെ തടയുന്നതിന് ഇത് ഫലവത്താണ്.
സ്പൈഡർ പ്ലാന്‍റ്
ബാസ്ക്കറ്റിൽ തൂക്കിയിട്ട് വളർത്താവുന്ന ചെടിയാണിത്. വീടിനകത്ത് ഉയരുന്ന അശുദ്ധ വാതകങ്ങളേയും ഗന്ധങ്ങളേയും വലിച്ചെടുത്ത് അന്തരീക്ഷത്തെ ശുചിയാക്കും. അകത്തളത്തിൽ ഹൃദ്യവും സ്വസ്ഥവുമായ അന്തരീക്ഷമുണ്ടാക്കും.
