റൊട്ടി പാക്കറ്റ്

ചേരുവകൾ

റൂമാലി റൊട്ടി – 5 എണ്ണം

സോയ പൊടിച്ചത് (സോയ ഗ്രാനുള്‍)  – കാൽ കപ്പ്

ഗ്രീൻ പീസ് വേവിച്ചത് – ഒരു വലിയ സ്പൂൺ

തക്കാളി പ്യൂരി – ഒരു വലിയ സ്പൂൺ

ഇഞ്ചി വെളുത്തുള്ളി പേസ്റ്റ് – ഒരു ടീസ്പൂൺ

പച്ചമുളക് പേസ്റ്റ് – അര ടീസ്പൂൺ

മുളകുപൊടി – അര ടീസ്പൂൺ

മാഗി മസാല മാജിക് – ഒരു ടീസ്പൂൺ

ചില്ലി പനീർ മസാല – ഒരു ടീസ്പൂൺ

ബ്രഡ് ക്രമ്പ്സ് – ഒരു ചെറിയ ബൗൾ

ആട്ട / അരിപ്പൊടി കൊണ്ടുള്ള മാവ് ആവശ്യത്തിന്

വറുക്കാൻ എണ്ണ ആവശ്യത്തിന്

ഉപ്പ് പാകത്തിന്

തയ്യാറാക്കുന്ന വിധം

സ്റ്റെപ്പ് – 1

സോയപ്പൊടി അൽപസമയം ചൂട് വെള്ളത്തിൽ കുതിർക്കുക. വെള്ളം വാർത്തശേഷം കൈകൊണ്ട് വെള്ളം പിഴിഞ്ഞ് കളയുക.

സ്റ്റെപ്പ് – 2

ഒരു പാനിൽ എണ്ണ ചൂടാക്കി ഇഞ്ചി, വെളുത്തുള്ളി, പച്ചമുളക് അരച്ചത് എന്നിവയിട്ട് വഴറ്റുക. തക്കാളി പ്യൂരി ചേർത്ത് വെള്ളം വറ്റും വരെ വേവിക്കുക. മുഴുവൻ മസാലകളും കൂടി ചേർത്ത് വഴറ്റുക.

സ്റ്റെപ്പ് – 3

സോയയും ഗ്രീൻ പീസും ചേർത്ത് വെള്ളം തളിച്ച് 2 മിനിറ്റ് നേരം വേവിക്കുക. അടപ്പ് മാറ്റി വെള്ളം വറ്റുംവരെ ഉയർന്ന ഫ്ളെയിമിൽ ഇളക്കി വേവിക്കുക.

സ്റ്റെപ്പ് – 4

റൂമാലി റൊട്ടിയിൽ അൽപം ഫില്ലിംഗ് നിറയ്ക്കുക. ഇഷ്ടപ്പെട്ട ആകൃതിയിൽ റോൾ ചെയ്യുക. ആട്ട/ അരി മാവിൽ മുക്കി ബ്രഡ്ക്രമ്പ്സ് പൊതിഞ്ഞ് എണ്ണയിൽ വറുത്തെടുക്കുക.