ചോദ്യം
ഞാൻ 24 വയസുള്ള യുവതിയാണ്. ഞാനൊരു യുവാവുമായി പ്രണയത്തിലാണ്. അയാളും എന്നെ ഒരുപാട് സ്നേഹിക്കുന്നുണ്ട്. ഉടനടി വിവാഹിതരാകണമെന്നാണ് അദ്ദേഹം ആഗ്രഹിക്കുന്നത്. വിവാഹത്തിനു വേണ്ടി അയാൾ സമ്മർദ്ദം ചെലുത്തുകയാണ്. പക്ഷേ ഇപ്പോൾ കരിയറിൽ ശ്രദ്ധ കൊടുക്കാനാണ് എനിക്കിഷ്ടം. പക്ഷേ പെട്ടെന്നുള്ള വിവാഹത്തിന് വിയോജിപ്പ് അറിയിച്ചതോടെ അദ്ദേഹമിപ്പോൾ എന്നോട് മിണ്ടാറേയില്ല. ഞാനീ സാഹചര്യത്തിൽ എന്താണ് ചെയ്യേണ്ടത്?
ഉത്തരം
നിങ്ങൾ ചിന്തിച്ചത് വളരെ ശരിയാണ്. പെൺകുട്ടികൾ ഇക്കാലത്ത് സ്വന്തം കരിയറിലാണ് ഏറ്റവുമധികം ശ്രദ്ധ ചെലുത്തേണ്ടത്. അക്കാര്യം ബോയ്ഫ്രണ്ടിനെ പറഞ്ഞ് മനസിലാക്കുക. അദ്ദേഹമത് അംഗീകരിക്കുന്നില്ലെങ്കിൽ ഒരു കാര്യം പ്രത്യേകം ഓർക്കുക. നല്ല വിദ്യാഭ്യാസത്തിനും കരിയറിനുമുള്ള പ്രായമാണ് നിങ്ങളുടേത്. ബോയ്ഫ്രണ്ടിനേക്കാൾ നിങ്ങളുടെ കരിയറാണ് മുൻഗണന. ഇപ്പോൾ അതിന് പ്രാധാന്യം നൽകുക. സ്വന്തം നിലപാട് വ്യക്തമാക്കി ഉറച്ചു നില്ക്കു. നിങ്ങളെ ശേരിക്കും സ്നേഹിക്കുന്ന ആൾ ആണെങ്കിൽ കൂടെ ഉണ്ടാകും. ജീവിതത്തിൽ പങ്കാളിയുടെ വ്യക്തിത്വവും ആഗ്രഹങ്ങളും പരസ്പരം പൂരകങ്ങൾ ആവണം.
