ഗർഭിണി ആയിരിക്കുന്ന വേളയിൽ സ്ത്രീകൾ പൊതുവേ സെക്സിനോട് താൽപര്യം കാണിക്കുന്നത് കുറവാണ്. ഇനി താൽപര്യം ഉണ്ടെങ്കിൽ തന്നെയും ഭയമായിരിക്കും. ഗർഭാവസ്ഥയിൽ ലൈംഗീക ബന്ധത്തിലേർപ്പെടുന്നത് അപകടമാവുമെന്ന ആശങ്കയാണ് പ്രധാനം. എന്നാൽ ഗർഭാവസ്‌ഥയിലാണെങ്കിലും നീണ്ട കാലയളവ് സെക്സിൽ ഏർപ്പെടാതെയിരിക്കുന്നത് നല്ലതല്ലെന്നാണ് സൈക്കോളജിസ്റ്റ് ഡോ. ചന്ദ്ര കിഷോർ കുന്ദ്ര പറയുന്നത്.
ആദ്യത്തെ 3 മാസം
ഗർഭിണിയുടെ ആദ്യത്തെ മൂന്നു മാസങ്ങൾ വളരെ ശ്രദ്ധാപൂർവ്വം ജീവിക്കണം. സെക്സ് എന്നു മാത്രമല്ല ഏതുതരം ആക്ടിവിറ്റികളും ശ്രദ്ധയോടെ ചെയ്യേണ്ട സമയമാണത്. ലൈംഗീകബന്ധത്തിനു പകരം ഫോർപ്ലേയും മറ്റു മാർഗ്ഗങ്ങളും ഈ സമയം ഉപയോഗപ്പെടുത്താം. വയറിൽ സമ്മർദ്ദം വരാത്ത പൊസിഷനുകൾ ശ്രദ്ധയോടെ ചെയ്യാം. ഗർഭധാരണത്തിനു ശേഷമുള്ള ആദ്യമാസങ്ങളിൽ സ്ത്രീകളിൽ ലൈംഗീക താൽപര്യം ഉണ്ടായിരിക്കും.
3 മുതൽ 6 മാസം വരെ
ഈ സമയത്ത് ഗർഭാവസ്‌ഥയും ഗർഭിണിയും ആരോഗ്യത്തോടെയിരിക്കുന്നു എന്ന് ഡോക്ടർ പറഞ്ഞിട്ടുണ്ടെങ്കിൽ സെക്സ് ചെയ്യുന്നതിൽ കുഴപ്പമില്ല. പക്ഷേ അതും ശ്രദ്ധയോടെ തന്നെ വേണം. അമിതസമ്മർദ്ദം ഒഴിവാക്കണം. സ്ത്രീയ്ക്ക് ബ്ലീഡിംഗ്, വേദന, ചൊറിച്ചിൽ എന്നിവ തോന്നിയാൽ തീർച്ചയായും ഒഴിവാക്കുക.
6 മുതൽ 9 മാസം വരെ
ഈ സമയത്ത് ഫോർപ്ലേയും മറ്റു ആനന്ദ ഉപാധികളും സ്വീകരിക്കാം. അവസാന മാസങ്ങളിൽ കുഞ്ഞിനു ചുറ്റും അംമ്നിയോട്ടിക് ഫ്ളൂയിഡ് നിറഞ്ഞിരിക്കുന്നതിനാൽ അമിത സമ്മർദ്ദം ഒഴിവാക്കണം.
• ഗർഭാവസ്ഥയിൽ കിടന്നു കൊണ്ടുള്ള ലൈംഗീക ബന്ധങ്ങൾ ഒഴിവാക്കാവുന്നതാണ്.
• ഗർഭിണിക്ക് ഇരുന്നുള്ള സെക്സ് ആണ് സുരക്ഷിതം.
• മുമ്പ് അബോർഷൻ സംഭവിച്ചിട്ടുള്ളവർ സെക്സ് ഒഴിവാക്കണം.
• ഗർഭാവസ്ഥയിൽ ഓറൽ സെക്സ് നല്ലതല്ല.
• സെക്സ് ചെയ്യാൻ ക്രീം ഉപയോഗിക്കുന്നതും ഒഴിവാക്കുക.
• കോണ്ടം ഉപയോഗിക്കുക.
• ലൈംഗീക ബന്ധം ഒഴിവാക്കാൻ ഡോക്ടർ പറഞ്ഞിട്ടുണ്ടെങ്കിൽ തീർച്ചയായും അതു ഫോളോ ചെയ്യുക.
