പേര് സൂചിപ്പിക്കും പോലെ വാഴപ്പഴം, സ്ട്രോബെറി ഇവയുടെ കമ്പിനേഷനിൽ സ്മൂതി തയാറാക്കി നോക്കിയാലോ. എങ്ങനെ ഉണ്ടാക്കാമെന്നു പറയാം...
ചേരുവകൾ
വലിയ വാഴപ്പഴം ഒരെണ്ണം,
സ്‌ട്രോബറി അര കപ്പ്
ലോ ഫാറ്റ് മിൽക്ക് അര കപ്പ്
ലോ ഫാറ്റ് സ്‌ട്രോബറി യോഗർട്ട് അര കപ്പ്
തേൻ രണ്ട് ടീസ്‌പൂൺ
അലങ്കരിക്കാൻ നുറുക്കിയ ബദാം പരിപ്പ്.
തയ്യാറാക്കുന്ന വിധം
വാഴപ്പഴം, സ്‌ട്രോബറി, പാൽ, തൈര്, തേൻ എന്നിവ ബ്ലൻഡറിൽ നന്നായി അടിച്ചെടുക്കുക. ഇത് മനോഹരമായ ചില്ല് ഗ്ലാസിൽ പകർന്ന് ബദാം കൊണ്ടലങ്കരിച്ച് സെർവ്വ് ചെയ്യാം.
വളരെ എളുപ്പം തയ്യാറാക്കാൻ കഴിയുന്ന ഈ സ്മൂത്തി വളരെ ഹെൽത്തി ആയ വെജിറ്റേറിയൻ ഫുഡ്‌ ആണ്.
ചെറുപയർ പൊറോട്ട
പൊറോട്ട എല്ലാർക്കും ഇഷ്ടമാണ്. മൈദ കൊണ്ടുള്ള വിഭവം എന്നതിനാൽ കുറെ പേർക് ആരോഗ്യ കാര്യങ്ങളിൽ ആശങ്ക ഉണർത്താറുള്ള എന്നാൽ ഏറ്റവും ഡിമാൻഡ് ഉള്ള ഭക്ഷണം ആണിത്. എന്നാൽ മുളപ്പിച്ച പയർ കൊണ്ട് നമുക്ക് പൊറോട്ട ഉണ്ടാക്കിയാലോ.
ചേരുവകൾ
ചെറുപയർ മുളപ്പിച്ചത് ഒരു കപ്പ്
സവാള ചെറുത് ഒരെണ്ണം ചെറുതായി അരിഞ്ഞത്
ഇഞ്ചി ഒരു കഷണം ചെറുതായി അരിഞ്ഞത്
കായം ഒരു നുള്ള്
വെളുത്തുള്ളി രണ്ട് അല്ലി ചെറുതായി അരിഞ്ഞത്
എണ്ണ രണ്ട് ടീസ്‌പൂൺ
ഉപ്പ് ആവശ്യത്തിന്
ഗോതമ്പ് പൊടി ഒരു കപ്പ്
സോയ പൗഡർ ഒരു ടേബിൾ സ്‌പൂൺ.
തയ്യാറാക്കുന്ന വിധം
മുളപ്പിച്ച ചെറുപയർ പ്രഷർ കുക്കറിൽ ഇട്ട് ഒരു വിസിലടിച്ച് വേവിച്ചെടുക്കുക. വെള്ളം കൂടുതലുണ്ടെങ്കിൽ കുക്കർ തുറന്ന് ചെറുതീയിൽ വെള്ളം വറ്റിക്കുക.
ചീനച്ചട്ടിയിൽ എണ്ണ ചൂടാക്കുക. അതിലേക്ക് കായം, ഉള്ളി, ഇഞ്ചി, വെളുത്തുള്ളി എന്നിവ ഇടുക. ഇവയെല്ലാം നന്നായി വഴറ്റിയ ശേഷം വേവിച്ച ചെറുപയർ ചേർത്ത് നന്നായി ഉടയ്‌ക്കുക.
ഇനി ഗോതമ്പ് പൊടിയിൽ സോയ പൗഡർ മിക്‌സ് ചെയ്‌ത് വെള്ളം ചേർത്ത് നന്നായി കുഴച്ചെടുത്ത് ഉരുളകൾ തയ്യാറാക്കി ചപ്പാത്തിയ്‌ക്കായി പരത്തുക.
ചെറുപയർ മിക്‌സ്, ചപ്പാത്തിയിൽ ഫിൽ ചെയ്‌ത് മടക്കുക. തവ ചൂടാക്കുക. അതിൽ എണ്ണ തൂവി ചപ്പാത്തി തിരിച്ചും മറിച്ചുമിട്ട് ചുട്ടെടുക്കുക.
ഈ പൊറോട്ട നിങ്ങളുടെ കിച്ചണിൽ ഒന്ന് പരീക്ഷിച്ചു നോക്കു.
