ഓരോ വധുവും സുന്ദരിയാണ്. വിവാഹവസ്ത്രത്തിൽ ഏറ്റവും സുന്ദരി ആകാൻ അവൾ ആഗ്രഹിക്കുകയും ചെയ്യുന്നു. ഒരു പെൺകുട്ടിയുടെ വിവാഹ സ്വപ്നത്തിന് സംഭാവന നൽകുന്നത് വളരെ ആവേശകരമാണെന്നാണ് പ്രശസ്ത സെലിബ്രിറ്റി ഡിസൈനർ രാഹുൽ മിശ്രയുടെ കാഴ്ചപ്പാട്. രാഹുലിന്‍റെ ഭാര്യ ദിവ്യയും ഫാഷൻ രംഗത്ത് പ്രവർത്തിക്കുന്നു. ഇരുവരും ഒരുമിച്ച് പഠിച്ചവരാണ്. പ്രണയിച്ചു വിവാഹം കഴിച്ചു.

ഫാഷൻ എന്ന മാജിക്‌

രാഹുലിന്‍റെ അഭിപ്രായത്തിൽ, ഫാഷൻ ഒരു സൂപ്പർ മാന്ത്രിക ശക്തിയാണ്. അത് മോശം ദിവസത്തെ നല്ല ദിവസമാക്കി മാറ്റും. ഓരോ സീസണിലും എങ്ങനെ ജീവിക്കണം എന്ന് പറയുന്ന ഫാഷനെ ജീവിതം എന്നും വിളിക്കാം.

ഫാഷൻ രംഗത്തേക്ക് കടക്കാനുള്ള പ്രചോദനത്തെക്കുറിച്ച് ചോദിച്ചപ്പോൾ രാഹുൽ പറയുന്നത്. തനിക്ക് കലയോട് കുട്ടിക്കാലം മുതൽ വലിയ താൽപ്പര്യമുണ്ടായിരുന്നു എന്നാണ്. പക്ഷേ ഡോക്ടറോ എഞ്ചിനീയറോ ആയി ഐഐടിയിൽ പോകണമെന്ന് പിതാവ് ആഗ്രഹിച്ചു. അതിനാൽ ഞാൻ സയൻസ് പഠിച്ചു. അതിനുശേഷം ഞാൻ NID അഹമ്മദാബാദിൽ ഡിസൈനറായി തിരഞ്ഞെടുക്കപ്പെട്ടു, അവിടെ ഡിസൈൻ പഠനം പൂർത്തിയാക്കിയ ഉടൻ തന്നെ എനിക്ക് അവിടെ പഠിപ്പിക്കാൻ അവസരം ലഭിച്ചു. തുടർന്ന് മിലാനിൽ പോകാൻ സ്കോളർഷിപ്പ് ലഭിച്ചു.

2009- 10 വർഷത്തിൽ, ഞാൻ എന്‍റെ ബ്രാൻഡിൽ നിരവധി ഫാഷൻ ഷോകളിൽ പങ്കെടുക്കാൻ തുടങ്ങി. ഏകദേശം 4- 5 വർഷത്തിനുള്ളിൽ എനിക്കും അവാർഡ് ലഭിച്ചു. 2014ൽ എനിക്ക് ഗ്ലോബൽ അവാർഡ് കിട്ടി. ഇതിനുശേഷം പാരീസ് ഫാഷൻ വീക്ക്, ഇന്ത്യയുടെ ഫാഷൻ വീക്ക് തുടങ്ങിയവ പാരീസിൽ തുടർന്നു. അക്കാലത്ത് ഇന്ത്യയിലും വിദേശത്തുമുള്ള വലിയ ഡിസൈനർമാർക്കൊപ്പം പ്രവർത്തിക്കാൻ എനിക്ക് അവസരം ലഭിച്ചു. ഇതിൽ നിന്ന് ഒരുപാട് പഠിക്കാനുണ്ടായിരുന്നു, ബ്രാൻഡിന്‍റെ വളർച്ച വളരെ വേഗത്തിൽ സംഭവിച്ചു. എന്‍റെ ബ്രാൻഡ് വളരെ വേഗത്തിൽ സ്ഥാപിക്കാൻ എനിക്ക് അവസരം ലഭിച്ചു. വിപണി അടിസ്ഥാനത്തിലും ബിസിനസ് വളർച്ച വളരെ മികച്ചതായിരുന്നു. ഇപ്പോൾ എന്‍റെ ടീമിൽ ഒരുപാട് പേരുണ്ട്, ഏകദേശം 1000.

ഡിസൈനിംഗ് മാത്രമല്ല, ഫോട്ടോഗ്രാഫി, ഫിലിം മേക്കിംഗ്, ഫർണിച്ചർ നിർമ്മാണം, ഇന്‍റീരിയർ തുടങ്ങി എല്ലാവരും ഇഷ്ടപ്പെടുന്ന കലയുമായി ബന്ധപ്പെട്ട എല്ലാ കാര്യങ്ങളും ചെയ്യാൻ രാഹുലിന് താൽപ്പര്യമുണ്ട്, ഫാഷൻ അപ്ഡേറ്റ് ചെയ്യുന്നതിനെക്കുറിച്ച് രാഹുൽ മിശ്ര പറയുന്നത് ഇങ്ങനെ. "ചിലപ്പോൾ പൂന്തോട്ടത്തിൽ ഇരിക്കുമ്പോൾ പോലും മികച്ച ആശയം വരാറുണ്ട്. ആശയങ്ങൾ നടപ്പിലാക്കാൻ സമയമെടുക്കുമെന്ന് മാത്രം. എന്‍റെ ഡിസൈൻ വസ്ത്രങ്ങൾക്ക് ആവശ്യക്കാർ വളരെ കൂടുതലാണ്. ക്രിയേറ്റീവ് ചിന്തയ്‌ക്ക് പുറമേ, ഒന്നിലധികം കാര്യങ്ങളിൽ ശ്രദ്ധ ചെലുത്തേണ്ടതുണ്ട്. നമ്മുട വസ്ത്രങ്ങൾ ഒന്നാം സ്ഥാനത്തെത്താൻ ഒരു നീണ്ട പ്രക്രിയയിലൂടെ കടന്നുപോകേണ്ടതുണ്ട്, ഈ ജോലി ആരും ഒറ്റയ്‌ക്ക് ചെയ്യുന്നതല്ല.