ദുപ്പട്ട എന്നത് വസ്ത്രത്തിന്‍റെ ഒരു ഭാഗം മാത്രമല്ല, അത് ഒരു സ്റ്റൈൽ സ്റ്റേറ്റ്‌മെന്‍റ് കൂടിയാണ്. വെറുതെ തോളിൽ തൂക്കി അതിന്‍റെ പ്രഭാവം കുറയ്ക്കരുത്. സ്കാർഫ് വേണമെങ്കിൽ ഒരു പുതിയ രീതിയിൽ ഉപയോഗിക്കാം അങ്ങനെ പാർട്ടിയുടെ ആകർഷണം ആയി മാറാൻ പറ്റും. ഈ ടിപ്സ് സ്വീകരിക്കുന്നതിലൂടെ, നിങ്ങൾ എവിടെയും സ്റ്റൈൽ സ്റ്റേറ്റ്‌മെന്‍റ് ഐക്കൺ ആയി മാറും.
ആപ്പിൾ കട്ട് കുർത്തയിൽ ദുപ്പട്ട സ്കാർഫ്
പരമ്പരാഗതവും എന്നാൽ സ്റ്റൈലിഷും ആയ കുർത്തകൾ ധരിക്കുന്ന വ്യക്തി ആണോ? കുറച്ച് പാശ്ചാത്യ ലുക്ക് ഇഷ്ടമാണോ? എങ്കിൽ ദുപ്പട്ട തോന്നിയ പോലെ ധരിച്ചു ഉള്ള ലുക്ക് നശിപ്പിക്കരുത്. നിങ്ങൾ ആപ്പിൾ കട്ട് കുർത്തയാണ് ധരിക്കുന്നതെങ്കിൽ, കഴുത്തിൽ ദുപ്പട്ട വൃത്താകൃതിയിലാക്കി ധരിക്കുക. പാശ്ചാത്യ ശൈലിയിൽ പരമ്പരാഗത വസ്ത്രങ്ങൾ ധരിച്ചാലും ഗംഭീരമായി കാണപ്പെടും.
സ്കാർഫ് ആണ് താരം
സാദാ രീതിയിൽ ദുപ്പട്ട ധരിക്കുന്നത് വിരസമായി തോന്നുന്നു എങ്കിൽ ഒരു സ്കാർഫ് ധരിക്കുന്നത് പോലെ ദുപ്പട്ട ധരിക്കുക. ഉദാഹരണത്തിന്, കഴുത്തിൽ രണ്ട് റൗണ്ടുകൾ ചുറ്റിയ ശേഷം രണ്ട് അറ്റങ്ങളും മുന്നോട്ട് കൊണ്ടുവരിക അല്ലെങ്കിൽ മുടിയിൽ ദുപ്പട്ട കെട്ടി രണ്ട് അറ്റങ്ങളും മുന്നോട്ട് കൊണ്ടുവരിക. ഇതുകൂടാതെ, മുഴുവൻ ദുപ്പട്ടയും കഴുത്തിൽ മാത്രം പൊതിയുന്നതിലൂടെയും സ്റ്റൈലിഷ് ആയി ഉപയോഗിക്കാം.
മുൻപ് രണ്ടര മീറ്റർ നീളം ഉള്ള ദുപ്പട്ടകൾ ആയിരുന്നു. അവയുടെ വീതിയും കൂടുതൽ ആയിരുന്നു, അതിനാൽ അവയെ സ്റ്റൈൽ ചെയ്യുന്നത് അത്ര എളുപ്പമായിരുന്നില്ല. എന്നാൽ, ഇപ്പോൾ അങ്ങനെയല്ല. ഭാരം കുറഞ്ഞതും വീതി കുറഞ്ഞതുമായ ദുപ്പട്ട ഉപയോഗിച്ച് നിങ്ങൾക്ക് ഇഷ്ടമുള്ള സ്റ്റൈലിംഗ് പരീക്ഷിക്കാം. സ്കാർഫ് പോലെ ഭാരം കുറഞ്ഞ ദുപ്പട്ടയുടെ സ്റ്റൈലിംഗ് എളുപ്പത്തിൽ ചെയ്യാം.
നിങ്ങൾ ലളിതമായ ഡ്രസ്സ്‌ ധരിക്കുമ്പോൾ അതിൽ പുതിയതായി ഒന്നും തോന്നുന്നില്ല. എന്നാൽ ദുപ്പട്ട വളരെ മനോഹരമായി എംബ്രോയ്ഡറി ചെയ്താലോ? പലരും അത് വിടർത്തി തോളിൽ വയ്ക്കും എന്നാൽ. അടുത്ത തവണ നിങ്ങൾ സ്യൂട്ടിൽ എംബ്രോയ്ഡറി ചെയ്ത ദുപ്പട്ട ധരിക്കുമ്പോൾ, ഷാരോൺ പോലെ ധരിക്കുക. ബീച്ചിൽ പെൺകുട്ടികൾ ബിക്കിനിക്ക് മുകളിൽ ദുപ്പട്ട ധരിക്കാറുണ്ട് അത് സ്റ്റൈലിഷ് ആയി കാണപ്പെടുന്നതിന് പുറമെ ശരീരവും മറയ്ക്കുന്നു. നിങ്ങൾക്ക് വ്യത്യസ്ത ശൈലികൾ മിക്സ് ചെയ്യാനും പൊരുത്തപ്പെടുത്താനും കഴിയും.
സാരി പല്ലു ദുപ്പട്ട
നിങ്ങൾ എങ്ങനെ സാരി ധരിക്കുന്നുവോ അതേ രീതിയിൽ തന്നെ ദുപ്പട്ട ധരിക്കാൻ തുടങ്ങുക. ഉദാഹരണത്തിന്, സാരിയിൽ പല്ലു കാണുന്നത് പോലെ അരയിൽ ദുപ്പട്ടയുടെ ഒരറ്റം വയ്ക്കുക. ദുപ്പട്ടയുടെ മറ്റേ അറ്റം തൂങ്ങി കിടക്കട്ടെ. ഇതുകൂടാതെ, നിങ്ങൾക്ക് ദുപ്പട്ടയ്‌ക്കൊപ്പം സ്‌ട്രെയ്‌റ്റ് പല്ലു സാരിയുടെ ശൈലിയും പരീക്ഷിക്കാം. അല്ലെങ്കിൽ തോളിന്‍റെ ഒരു വശത്ത് ദുപ്പട്ടയുടെ നടുവിൽ ഒരു പിൻ ഇടുക. ഇപ്പോൾ ഒരു ഭാഗം അൽപ്പം പിന്നിലേക്ക് തൂങ്ങിക്കിടക്കട്ടെ, തുടർന്ന് മറ്റേ ഭാഗത്തിന്‍റെ രണ്ട് കോണുകളിൽ ഒന്ന് മറ്റേ തോളിൽ പിൻ ചെയ്യുക. ദുപ്പട്ട പ്രിന്‍റ് സ്യൂട്ടിന്‍റെയും ഭംഗി വർദ്ധിപ്പിക്കും.
