ഒരു ഡോക്ടറുടെ കേസ് ഡയറിയിൽ നിന്നും. 32 വയസ്സുകാരിയായ പൂജയ്‌ക്ക് അസഹ്യമായ വയറുവേദനയായിരുന്നു. ഒപ്പം രക്‌തസ്രാവവും. പരിശോധനയിൽ പൂജയ്‌ക്ക് ഹെറ്ററോടോപ്പിക് പ്രഗ്നൻസിയാണെന്ന് തിരിച്ചറിഞ്ഞു.
ഈ പ്രശ്നം തിരിച്ചറിയുന്നതിന് ഒരു മാസമെടുത്തു. കഴിഞ്ഞ മാസം എംടിപിയും ചെയ്‌തു. എംടിപിക്ക് മുമ്പ് പെൽവിക്ക് ഏരിയയിൽ വേദനയുണ്ടായിരുന്നു. സർജറിയിലൂടെ ഗർഭചിദ്രം ചെയ്‌ത ശേഷവും ആ വേദന തുടർന്നു. ഈ സ്ഥിതിയിൽ ഗർഭപാത്രത്തിലും ഫലോപ്പിയൻ ട്യൂബിലും ഗർഭധാരണം ഒരുമിച്ചുണ്ടാകാം. അതുകൊണ്ട് ഇത്തരമൊരു പരിശോധനയെക്കുറിച്ച് ആരും ചിന്തിക്കാറില്ല.
എന്താണ് ഹെറ്ററോടോപ്പിക് പ്രഗ്നൻസി?
ഹെറ്ററോടോപ്പിക് പ്രഗ്നൻസി ഒരു സാധാരണ അവസ്‌ഥയാണ്. രണ്ട് അല്ലെങ്കിൽ മൂന്നിലധികം ഗർഭധാരണം ഒരേ സമയത്ത് വ്യത്യസ്‌ത സ്‌ഥാനങ്ങളിലായി അതായത് ഗർഭാശയത്തിന് അകത്തോ പുറത്തോ ഉണ്ടാകുന്ന അവസ്‌ഥയാണിത്. ഹെറ്ററോടോപ്പിക് കേസുകൾ വളരെ വിരളമായാണ് കണ്ടു വരുന്നത്. ഇന്ത്യയിൽ 10000 മുതൽ 30,000 ഗർഭിണികളിൽ ഒരാൾക്ക് മാത്രമാണ് ഈ പ്രശ്നമുണ്ടാകുന്നത്. അമേരിക്കയിലും മറ്റ് പശ്ചിമ രാജ്യങ്ങളിലും ഏകദേശം 2 ശതമാനം സ്ത്രീകളിൽ ഈ പ്രശ്നം കണ്ടുവരാറുണ്ട്.
അസിസ്റ്റഡ് റിപ്രൊഡക്ഷൻ ഐവിഎഫ് ചെയ്യുന്നവരിലാണ് ഇത്തരം കേസുകൾ കൂടുതലായി കണ്ടു വരുന്നതെന്നാണ് അടുത്തിടെ നടന്ന പഠനങ്ങൾ സൂചിപ്പിക്കുന്നത്. ഐവിഎഫ് ചെയ്യുന്ന വേളയിൽ ഹൈഡ്രോസ്‌റ്റാറ്റിക്ക് പ്രഷർ സൃഷ്‌ടിക്കപ്പെടുന്നു. അതിന്‍റെ ഫലമായി ഭ്രൂണത്തെ ഗർഭാശയത്തിലേക്ക് സ്വീകരിക്കപ്പെടുമ്പോൾ അപകട സാധ്യത ഒന്നു കൂടി വർദ്ധിക്കുന്നു.
കഴിഞ്ഞ കുറച്ച് വർഷങ്ങളായി ഹെറ്ററോടോപ്പിക് പ്രഗ്നൻസി കേസുകൾ വർദ്ധിച്ചു വരികയാണ്. ഗർഭധാരണത്തിനായി ഐവിഎഫും മറ്റ് അസിസ്റ്റഡ് റിപ്രൊഡക്റ്റീവ് ടെക്‌നിക്കുകൾ ഉപയോഗിക്കുന്നത് വർദ്ധിച്ചിരിക്കുന്നതാണ് കാരണം.
മരണസാധ്യത ഏറുന്നു
കണക്കുകൾ പ്രകാരം ഗർഭകാലത്തും പ്രസവ സമയത്തുണ്ടാകുന്ന മൊത്തം മരണങ്ങളിൽ 10 മുതൽ 15 ശതമാനം കേസുകളും ഹെറ്ററോടോപ്പിക് പ്രശ്നങ്ങൾ മൂലമാണ്. ഇതിന്‍റെ പരിശോധന അൽപം കഠിനമാണ്. അതുകൊണ്ട് ഇതിന്‍റെ ഫലമായുണ്ടാകുന്ന രക്‌തസ്രാവം അപകടകരമാണ്.
കാരണങ്ങൾ
ആദ്യ ഗർഭധാരണത്തിൽ ഈ പ്രശ്നമുണ്ടായ സ്ത്രീകളിൽ രണ്ടാമതും ഈ പ്രശ്നമുണ്ടാകാനുള്ള സാധ്യത 35 ശതമാനം ആണെന്നാണ് അടുത്തിടെ നടന്ന സർവ്വേയിൽ പറയുന്നത്. 31 ശതമാനം പേരിൽ പെൽവിക്ക് ഏരിയയിൽ നേരത്ത തുടങ്ങി നീര് ഉണ്ടാകാം.
ട്യൂബൽ സർജറി ചെയ്‌തിട്ടുള്ള സ്ത്രീകളിൽ 33 ശതമാനം പേരിലും ഈ രോഗമുണ്ടാകാനുള്ള സാധ്യത കൂടുതലാണ്.
ഹെറ്ററോടോപ്പിക് കേസുകളിൽ ഭൂരിഭാഗവും അസിസ്റ്റഡ് റിപ്രൊഡക്ടീവ് സാങ്കേതിക വിദ്യയുമായി ബന്ധപ്പെട്ടുള്ളതാണ്. അതുപോലെ പുകവലി, ലഹരി വസ്‌തുക്കൾ എന്നിവ ഉപയോഗിക്കുന്നവരിലും ഈ പ്രശ്നമുണ്ടാകാം.
ലക്ഷണം
അടിവയറ്റിലുണ്ടാകുന്ന വേദനയാണ് ഇതിന്‍റെ ഏറ്റവും സാധാരണമായ ലക്ഷണം. യോനിയിൽ നിന്നുള്ള രക്‌തസ്രാവവും വയറിന്‍റെ ഇടത് ഭാഗത്ത് വേദനയുണ്ടാകുന്നതും ഇതിന്‍റെ ലക്ഷണമാണ്. ആന്തരിക രക്‌തസ്രാവവും മിക്ക സ്ത്രീകളിലും ലക്ഷണമായി പ്രത്യക്ഷപ്പെടാറുണ്ട്.
റിസ്ക്ക് ഫാക്ടേഴ്സ്
ചുവടെ കൊടുത്തിരിക്കുന്ന പരിസ്‌ഥിതികളിൽ ഹെറ്ററോടോപ്പിക് പ്രഗ്നൻസി ഗുരുതരമായ പ്രശ്നമാകാം.
• ആദ്യമായി ഹെറ്ററോടോപ്പിക് പ്രഗ്നൻസി ഉണ്ടായ സ്ത്രീകളിൽ
• സർജറി അല്ലെങ്കിൽ അണുബാധ എന്നിവ മൂലം ഫലോപ്പിയൻ ട്യൂബിന് അസാധാരണങ്ങളായ പ്രശ്നങ്ങൾ ഉണ്ടാകുക. ഇക്കാരണത്താൽ ഫലോപ്പിയൻ ട്യൂബ് തകരാറിലാവുന്നു. തടസ്സങ്ങൾ ഉണ്ടാകുന്നു. ഇതു മൂലം ഹെറ്ററോടോപിക് പ്രഗ്നൻസിക്കുള്ള സാധ്യത വർദ്ധിക്കുന്നു.
• പെൽവിക്ക് ഏരിയയിലുണ്ടാകുന്ന അണുബാധ ഇതിനുള്ള സാധ്യത വർദ്ധിപ്പിക്കുന്നു.
• ചിലരിൽ ശാരീരിക ബന്ധം പുലർത്തുക വഴിയും അണുബാധയേറാം.
• ഗർഭധാരണ വേളയിൽ പുകവലിച്ചാൽ ഹെറ്ററോടോപ്പിക് പ്രഗ്നൻസിക്കുള്ള സാധ്യത കൂടുന്നു.
ഡയഗ്‍നോസിസ്
ബ്ലാക്ക് ഹോർമോൺ ടെസ്‌റ്റ്, പെൽവിക്ക് അൾട്രാസൗണ്ട് എന്നീ പരിശോധനകൾ വഴിയാണ് ഹെറ്ററോടോപ്പിക് പ്രഗ്നൻസി പരിശോധിക്കുക. പെൽവിക്ക് ഏരിയയിലുണ്ടാകുന്ന വേദനയും രക്‌തസ്രാവവും ഒരിക്കലും അവഗണിക്കാൻ പാടില്ല. സാധാരണ രീതിയിൽ ഗർഭിണിയായവരോ അതുമല്ലെങ്കിൽ അസിസ്റ്റഡ് റിപ്രൊഡക്ടീവ് ടെക്നോളജിയുടെ സഹായത്തോടെ ഗർഭിണിയായവരോ ആണെങ്കില്‍ വയറുവേദന അനുഭവപ്പെട്ടാൽ പലതരം പരിശോധനകൾക്ക് വിധേയമാക്കുന്നു. അതോടൊപ്പം തന്നെ ഹെറ്ററോടോപ്പിക് പ്രഗ്നൻസിക്കുള്ള സാധ്യതയും പരിശോധിക്കുന്നു.
ചികിത്സ
സർജറി അല്ലെങ്കിൽ മരുന്നുകൾ വഴിയാണ് ഹെറ്ററോടോപ്പിക് ചികിത്സിക്കുക. ഹെറ്ററോടോപ്പിക് പ്രഗ്നൻസിക്ക് സാധാരണ സർജറിക്ക് പകരമായി ലാപ്രോസ്കോപിക്ക് സർജറിയാണ് ഡോക്‌ടർമാർ നിർദ്ദേശിക്കുക. അതിനാൽ രക്‌തസ്രാവവും വേദനയും വളരെ കുറവായിരിക്കും. മാത്രവുമല്ല ശസ്‌ത്രക്രിയ കഴിഞ്ഞാൽ ആശുപത്രിയിൽ ഏറെ ദിവസം താമസിക്കേണ്ടിയും വരികയില്ല.
