നല്ല വീട്. അപ്പോൾ ഗൃഹോപകരണങ്ങളും ഫർണിച്ചറുമൊക്കെ സ്റ്റൈലിഷ് ആകേണ്ടേ? ഫർണിച്ചർ വാങ്ങാൻ ക്രേയ്‌സുള്ളവർ അവ മെയിന്‍റയിൻ ചെയ്യുന്നതിലും ശ്രദ്ധ നല്‌കിയേ തീരു. ഗൃഹസൗന്ദര്യം വർദ്ധിപ്പിക്കുന്നതിൽ ഫർണിച്ചറുകൾക്ക് സുപ്രധാന പങ്കാണ് ഉള്ളത്. ഫർണിച്ചറുകൾ എളുപ്പം കേടാകാതിരിക്കാനും കേടുവന്ന ഫർണിച്ചറുകൾ മെയിന്‍റയിൻ ചെയ്യാനും ശ്രദ്ധിക്കണം.
- കൂടുതൽ വെയിൽ ഏൽക്കുന്ന ഭാഗത്ത് ഫർണിച്ചർ ഇടുന്നത് ഒഴിവാക്കണം. വെയിലേറ്റാൽ തടി ചുരുങ്ങുവാനും ജോയിന്‍റുകൾ ഇളകാനും ഇടയാകും. നിറം മങ്ങും.
- വാക്വം ക്ലീനർ ഉപയോഗിച്ച് ഫർണിച്ചർ വൃത്തിയാക്കുന്നത് ഗുണകരമായിരിക്കും. എന്നും ഫർണിച്ചറിലെ പൊടി തുടച്ചു കളയാൻ ശ്രദ്ധിക്കണം.
- സോഫയിലോ ഫർണിച്ചറിലോ കറ പുരളുകയോ, പാട് വീഴുകയോ ചെയ്യുകയാണെങ്കിൽ ഉണങ്ങിയ തുണി കൊണ്ട് തുടച്ചു വൃത്തിയാക്കണം.
- ഫർണിച്ചർ വൃത്തിയാക്കാൻ ലെതർ ഫർണിച്ചർ കെയർ പ്രൊഡക്റ്റ്സ് ഉപയോഗിക്കണം. ഇത് ലെതർ ഫർണിച്ചർ സ്‌റ്റോറിൽ ലഭിക്കും.
- ഏതു കാലാവസ്‌ഥയിലും വുഡൻ ഫർണിച്ചറുകൾക്ക് ശരിയായ സംരക്ഷണം നല്കണം. ഇത്തരം ഫർണിച്ചറുകൾക്ക് മെലാമൈൻ പോളിഷ് ചെയ്യുന്നത് കൂടുതൽ ഭംഗി പകരും, മഴക്കാലത്ത് വാട്ടർ റെസിസ്‌റ്റന്‍റായി ഇത് പ്രവർത്തിക്കും.
- പതിവായി ഫർണിച്ചറുകൾ വൃത്തിയാക്കുന്നത് കീടങ്ങളുടെ ശല്യം ഉണ്ടാകാനുള്ള സാധ്യത കുറയ്ക്കും.
- സ്റ്റെയിൻലെസ്സ് സ്‌റ്റീൽ ഫർണിച്ചറുകൾക്ക് മെയിന്‍റനൻസ് വരാറില്ല. വാങ്ങുമ്പോൾ ഗുണ നിലവാരം ഉറപ്പുവരുത്തണമെന്ന് മാത്രം.
- ഫർണിച്ചർ തുടച്ചു വൃത്തിയാക്കാൻ ഉണങ്ങിയ തുണി ഉപയോഗിക്കണം. വല്ലപ്പോഴുമൊരിക്കൽ ഈർപ്പമുള്ള തുണി കൊണ്ട് തുടയ്ക്കാം. സ്ഥിരമായി നനഞ്ഞ തുണി കൊണ്ട് തുടയ്ക്കുന്നത് ഫർണിച്ചറിലെ പോളിഷ് ഇളകി തിളക്കം നഷ്ടമാകാൻ കാരണമാകും.
- ഫർണിച്ചറിന്‍റെ ഫിനിഷിംഗിൽ കേടുപാടു സംഭവിക്കുകയാണ് എങ്കിൽ വീണ്ടും പെയിന്‍റ് ചെയ്യാം.
- ഫർണിച്ചറിൽ വാക്സോ, മറ്റു കറകളോ പറ്റിപ്പിടിക്കുകയാണെങ്കിൽ കത്തി ചൂടാക്കി അത് ഉരച്ചു കളയാം.
- ഫർണിച്ചറിന്‍റെ നിറം മങ്ങുകയോ നേരിയ പാട് അവശേഷിക്കുന്നുണ്ടെങ്കിലോ വീണ്ടും പോളിഷ് ചെയ്ത് ഉപയോഗിക്കാം.
- അൺ ഫിനിഷ്ഡ് വുഡ്, പെയിന്‍റഡ് വുഡ് ഫർണിച്ചറുകൾ പതിവായി വൃത്തിയാക്കണം.
- തടി ഉപയോഗിച്ച് നിർമ്മിച്ചിരിക്കുന്ന ഫർണിച്ചർ ദീർഘകാലം നിലനില്ക്കണമെങ്കിൽ നല്ല ഈടുള്ള തടി കൊണ്ടുള്ളവ വാങ്ങണം.
- പ്ലൈവുഡ് ഉപയോഗിച്ച് ലാമിനേറ്റ് ചെയ്ത് ഫർണിച്ചറിൽ ചൂട് കൂടുതലുള്ള വസ്തുക്കൾ വയ്ക്കരുത്. പ്ലൈവുഡ് ഇളകി പോകാൻ ഇടയാക്കും. ഉണങ്ങിയ കോട്ടൻ തുണി കൊണ്ട് പ്ലൈവുഡ് പതിവായി തുടയ്ക്കണം.
- തേക്ക് തടി ഉപയോഗിച്ച് നിർമ്മിച്ച ഫർണിച്ചറിൽ പെട്ടെന്ന് ചിതൽ ആക്രമണം ഉണ്ടാവുകയില്ല. അതുകൊണ്ട് ഇത്തരം ഫർണിച്ചറുകൾ വാങ്ങാൻ മുൻഗണന നല്കണം.
- റോട്ട് അയേൺ, ബ്രാസ്സ് എന്നിവ കൊണ്ട് നിർമ്മിച്ച ഫർണിച്ചറുകൾ റെഡ് ഓക്സൈഡ് ഉപയോഗിച്ച് വേണം വൃത്തിയാക്കാൻ. ഇത്തരം ഫർണിച്ചറുകൾ എളുപ്പം തുരുമ്പു പിടിക്കാതിരിക്കാൻ ജോയിന്‍റ്സിൽ റെഡ് ഓക്സൈഡ് പുരട്ടണം.
- മഴക്കാലം എത്തുന്നതിനു മുമ്പുതന്നെ ഫർണിച്ചറുകൾ പെയിന്‍റ് ചെയ്യുകയോ വാർണിഷ് പുരട്ടുകയോ ചെയ്യാം. ചിതൽ ശല്യം അകറ്റാൻ ഇത് സഹായിക്കും.
- ലിവിംഗ് റൂമിനും പൂന്തോട്ടത്തിനും കാഷ്വൽ ലൂക്ക് നല്‌കുന്ന ഫർണിച്ചറുകൾക്ക് മഴക്കാലത്ത് കൂടുതൽ ശ്രദ്ധ നല്കണം. ഈർപ്പം തട്ടി ഫർണിച്ചറിൽ കറുത്ത പാടുകൾ വീഴുന്ന പക്ഷം ഫംഗസ് ബാധ ഏൽക്കാനുള്ള സാധ്യത കൂടുതലായിരിക്കും.
- കുറേയേറെ ദിവസം വീട്ടിൽ നിന്നും മാറി നില്ക്കുന്നുണ്ടെങ്കിൽ ഫർണിച്ചറുകൾ തുണികൊണ്ട് മുടി വയ്ക്കണം.
- ഫ്രഞ്ച് പോളിഷ് ചെയ്‌ത ഫർണിച്ചറുകൾക്ക് കൂടുതൽ ശ്രദ്ധ നല്കണം. ഈർപ്പം തട്ടിയാൽ ഇവ എളുപ്പം കേടുവരും.
और कहानियां पढ़ने के लिए क्लिक करें...
गृहशोभा से और
