ഇതൊരു തുടക്കം മാത്രം – കരിയറിലെ ഏറ്റവും വലിയ ഹിറ്റും 2023 ലെ ആദ്യ മലയാള സൂപ്പർ ഹിറ്റുമായി ഉയർന്നു വന്ന മാളികപ്പുറത്തിന്‍റെ ബോക്സ് ഓഫീസ് വിജയത്തെക്കുറിച്ച് നടൻ ഉണ്ണി മുകുന്ദൻ വിശദീകരിക്കുന്നത് ഇങ്ങനെയാണ്. കഴിഞ്ഞ മൂന്ന് വാരാന്ത്യങ്ങളിൽ വരുമാനത്തിൽ ഒന്നാം സ്‌ഥാനത്ത് തുടരുകയാണ് മാളികപ്പുറം. കുടുംബ പ്രേക്ഷകർക്കിടയിലുള്ള ഡിമാൻഡ് കാരണം കേരളത്തിലെ നിരവധി തിയേറ്ററുകളിൽ വാരിസു, തുണിവ് തുടങ്ങിയ വലിയ തമിഴ് ചിത്രങ്ങളെ പിന്തള്ളി കൊണ്ടു ഈ ചിത്രം മുന്നോട്ട് പോയി. ഇനി മറ്റ് ഭാഷകളിലും മൊഴിമാറ്റം ചെയ്യപ്പെടുമ്പോൾ ആ കണക്കുകൾ കൂടി വരുമ്പോൾ കോടി ക്ലബ് സ്റ്റാർ എന്ന പട്ടികയിൽ ഉണ്ണിയും കടന്നെത്തിയിരിക്കും.
ഏതായാലും ഈ ചിത്രത്തിന്‍റെ വിജയത്തിനായി ഉണ്ണിയും ടീമും ഏറെ വിയർപ്പൊഴുക്കി. നിറഞ്ഞ ഷോകൾക്കിടയിൽ തിയേറ്ററുകളിൽ നിന്നു തീയറ്ററുകളിലേക്ക് ഉണ്ണി നടത്തിയ സന്ദർശനങ്ങൾ പ്രേക്ഷകർക്ക് അപൂർവമായ സന്തോഷ അനുഭവം കൂടി സമ്മാനിച്ചു. അല്പം വൈകിയെങ്കിലും ഉണ്ണി മുകുന്ദൻ എന്ന നടനെ കേരളക്കര അംഗീകരിച്ചിരിക്കുന്നു.
താരം ഒടിടി പ്ലേയ്ക്ക് നൽകിയ എക്സ്ക്ലൂസീവ് ചാറ്റിൽ നിന്നുള്ള പ്രസക്തമായ ഭാഗങ്ങൾ കൂടി വായിക്കാം.
മാളികപ്പുറം ഇതുവരെയുള്ള ഏറ്റവും വലിയ ഹിറ്റായി മാറിയിരിക്കുന്നു
മാളികപ്പുറത്തിന്‍റെ യാത്ര തുടങ്ങിയിട്ടേ ഉള്ളൂ എന്ന് കരുതുന്നു. ജനുവരി ഇത് തമിഴ്, തെലുങ്ക്, ഹിന്ദി, കന്നഡ ഭാഷകളിൽ റിലീസ് ചെയ്തശേഷം ബോക്സ് ഓഫീസിൽ സിനിമ എത്രത്തോളം മികച്ച പ്രകടനം കാഴ്ച വച്ചിരിക്കുന്നു എന്ന് വിലയിരുത്താം.
സിനിമയിൽ വലതുപക്ഷ സ്വാധീനം കൂടുതലാണെന്ന് ആരോപണം ഉണ്ടായല്ലോ
സിനിമയിൽ വലതു പക്ഷ സ്വാധീനം ഉണ്ടെന്ന കമന്‍റുകളുടെ പ്രളയമായിരുന്നു. ഇപ്പോൾ മൂന്നാഴ്ച പിന്നിടുന്നു. സിനിമ ഇപ്പോഴും തിയേറ്ററുകളിൽ മികച്ച പ്രകടനം കാഴ്ച വയ്ക്കുന്നു. കുടുംബ പ്രേക്ഷകരാണ് പ്രേക്ഷകരിൽ ഭൂരിഭാഗവും.
ഒരു രാഷ്ട്രീയ പാർട്ടിയുടെ പുതിയ പോസ്റ്റർ ബോയ് ഞാനാണെന്നും നിരവധി കമന്‍റുകൾ ഞാൻ വായിച്ചു. എന്നാൽ സിനിമ കാണുമ്പോൾ കേരളത്തിലെ കുടുംബപ്രേക്ഷകർക്ക് ഇതിന്‍റെ ലക്ഷ്യം മനസിലാകുമെന്ന് സിനിമ റിലീസിന് മുമ്പ് ഞാൻ ഒരു പോസ്റ്റ് ഇട്ടിരുന്നു. ഇതൊരു കംപ്ലീറ്റ് എന്‍റർടൈൻമെന്‍റ് പാക്കേജ് ആയിരിക്കുമെന്ന് ഞാൻ വാക്ക് കൊടുത്തു. അത് അയ്യപ്പ ഭക്തർക്ക് ആശ്വാസം നൽകുമെന്നും ഞാൻ പറഞ്ഞു. ഇത്രയധികം ബോധ്യമുള്ള ഒരു സിനിമയ്ക്ക് വേണ്ടി ഞാൻ ആദ്യമായാണ് ഉറപ്പ് നൽകുന്നത്.
ഇപ്പോഴിതാ പടം കണ്ടിട്ട് അത് തങ്ങളെ കീഴടക്കി എന്ന് ആളുകൾ പറഞ്ഞു. അവർ എന്നെ കെട്ടിപ്പിടിച്ചിട്ടുണ്ട്, ചില പ്രത്യേക സന്ദർഭങ്ങളിൽ അവർ എന്നെ വണങ്ങി, അവർ സ്ക്രീനിൽ കണ്ടത് ഞാനാണെന്ന് വിശ്വസിച്ചു. ഒരു അഭിനേതാവ് എന്ന നിലയിൽ ഇതൊരു വെല്ലുവിളി നിറഞ്ഞ കഥാപാത്രമായിരുന്നു. സ്ക്രീനിൽ അയ്യപ്പനായി അഭിനയിക്കുമ്പോൾ അതെനിക്ക് രോമാഞ്ചം തന്നെ ആയിരുന്നു. വൈകാരികമായ അനുഭവങ്ങളും എനിക്ക് ഉണ്ടായി. അയ്യപ്പന്‍റെ രൂപത്തെ കുറിച്ച് ഞങ്ങൾക്ക് ഒരു റഫറൻസും ഇല്ലാത്തതിനാൽ എന്‍റെ രൂപത്തെ ഭക്തർ എങ്ങനെ മനസ്സിൽ സങ്കൽപ്പിച്ചു സാമ്യപ്പെടുത്തുമെന്ന് ഞാൻ ആശങ്കപെട്ടിരുന്നു. എന്നാൽ ഞങ്ങൾക്ക് അത് ആത്മാർത്ഥമായി തൃപ്തിപ്പെടുത്താൻ കഴിയുമെന്ന് മനസിലായി. അങ്ങനെ, ഈ സിനിമ എല്ലാവർക്കും വേണ്ടിയുള്ളതാണെന്ന് എനിക്ക് ബോധ്യമായി.
ഒരു സിനിമ വിജയിക്കാൻ ഒരു വിഭാഗം പ്രേക്ഷകരെ മാത്രം ലക്ഷ്യം വയ്ക്കാനാവില്ല. കേരളത്തിൽ പ്രേക്ഷകർ മതങ്ങൾക്കതീതമായി ഈ ചിത്രം ഏറ്റെടുത്തു. എല്ലാ ചോദ്യത്തിനുമുള്ള ഏറ്റവും വലിയ ഉത്തരമാണിതെന്ന് ഞാൻ കരുതുന്നു. എന്‍റെ കരിയറിൽ ഉടനീളം എനിക്ക് ഇത്തരം കാര്യങ്ങൾ അഭിമുഖീകരിക്കേണ്ടി വന്നിട്ടുണ്ട്. ഇപ്പോൾ എനിക്ക് അതിൽ പ്രയാസമില്ല. ഞാൻ ഒന്നിന്‍റെയും പ്രചാരകനല്ല. യഥാർത്ഥ സിനിമ വിജയിക്കുമെന്നും കേരളത്തിലെ പ്രേക്ഷകർ അത് മനസ്സിലാക്കുമെന്നും ഞാൻ വിശ്വസിക്കുന്നു. നല്ല വിദ്യാഭ്യാസമുള്ള, സംവേദനക്ഷമതയുള്ള ഒരു സമൂഹമാണ് നമ്മുടേത്. ഞാൻ വളരുന്നത് കണ്ട സമൂഹം ആണിത്.
നിങ്ങൾ ഒരുപാട് കഷ്ടപ്പെട്ടു, ഈ തിരിച്ചുവരവിന് അർഹതയുണ്ട് എന്ന് അവർ പറയുന്നു. ആളുകളിൽ നിന്ന് ആ ഫീഡ്ബാക്ക് ലഭിക്കുന്നുണ്ട്. മല്ലുസിങ്ങിൽ ഞാൻ അഭിനയിച്ചുവെങ്കിലും എന്‍റെ പേര് അറിയാത്തവരും ഉണ്ടായിരുന്നു. ഇപ്പോൾ എന്‍റെ പേര് ഒരിക്കലും മറക്കാതിരിക്കാൻ ഞാൻ അവർക്ക് ഒരു റീസൺ നൽകി. അതാണ് ഞാൻ നടത്തിയ പരിശ്രമം. പ്രേക്ഷകർ അതിനെ അഭിനന്ദിക്കുന്നു.
ഓൺലൈനിൽ ഒരു ചെറിയ വിഭാഗം ആളുകൾ വിമർശിക്കുന്നുണ്ടാകാം എന്നാൽ എന്‍റെ ശ്രദ്ധ മുഴുവൻ എന്‍റെ സിനിമ എങ്ങനെ മികച്ചതാക്കാം എന്നതിലാണ്. നല്ല സിനിമ ചെയ്താൽ പ്രേക്ഷകർ എന്നെ പിന്തുണയ്ക്കുമെന്നതാണ് എനിക്ക് ലഭിച്ച ഏറ്റവും വലിയ ഉറപ്പ്.
വർഷങ്ങളായി തിയറ്ററുകളിൽ എത്താത്ത മുതിർന്ന പ്രേക്ഷകർ പോലും വീൽ ചെയറിലും വാക്കിംഗ് സ്റ്റിക്കിലും വന്നു സിനിമ കാണുന്നുവെന്ന് ഫിലിം എക്സിബിറ്റർമാർ എന്നോട് പറഞ്ഞു.
ഈ വിജയത്തിന് രണ്ട് കാരണങ്ങളാൽ ഞാൻ കടപ്പെട്ടിരിക്കുന്നു. ഒന്നാമതായി, അയ്യപ്പഭക്തനെ നന്നായി അവതരിപ്പിക്കാൻ ഈ ചിത്രം ആത്മാർത്ഥമായി ശ്രമിച്ചിട്ടുണ്ട്. രണ്ടാമതായി, ഇത് ശരിക്കും നന്നായി നിർമ്മിച്ച സിനിമയാണ്. ബാലതാരങ്ങളുൾപ്പെടെയുള്ള അഭിനേതാക്കളുടെ പ്രകടനം കാരണം എന്നെ ബ്രാൻഡ് ചെയ്യാൻ ശ്രമിച്ചവർ ഉൾപ്പെടെയുള്ള പ്രേക്ഷകർ പോയി സിനിമ കണ്ടു. അല്ലെങ്കിൽ, ഞങ്ങൾക്ക് ഈ വിജയം ലഭിക്കുമായിരുന്നില്ല.
ഒരു നടൻ എന്ന നിലയിൽ, ഇപ്പോൾ ഞാൻ സന്തോഷവാനാണ്. ഈ സിനിമയ്ക്ക് ശേഷവും ഇതിലും വലിയ പോരാട്ടങ്ങൾ ഉണ്ടാകുമെന്ന് ഞാൻ വിശ്വസിക്കുന്നു. എന്നെ നിരന്തരം താഴേക്ക് വലിച്ചിടാൻ ശ്രമിക്കുന്ന ആളുകൾ എപ്പോഴും ഉണ്ടാകും. എന്‍റെ മുൻ സിനിമയിൽ (ഷെഫീക്കിന്‍റെ സന്തോഷം) പോലും ഇതുപോലെ ഒന്ന് ഉണ്ടായിരുന്നു.
താങ്കളെ മുൻ നിർത്തിയുള്ള ബിഗ് ബജറ്റ് പ്രോജക്ടുകളെ പിന്തുണയ്ക്കാൻ നിർമ്മാതാക്കൾ അൽപ്പം മടിച്ചു. എന്നാൽ മാളികപ്പുറത്തിന്‍റെ വിജയത്തിന് ശേഷം കഥ മാറിയോ?
കാര്യങ്ങൾ വളരെ മാറി, എനിക്ക് അത് നിഷേധിക്കാനാവില്ല. വമ്പൻ പദ്ധതികളാണ് ഇനി വരാൻ പോകുന്നത്. പല നിർമ്മാതാക്കളുമായും ഞാൻ ചർച്ച നടത്തുന്നുണ്ട്. എന്‍റെ ചെറിയ സിനിമകളെ വൻ വിജയങ്ങളാക്കി മാറ്റാൻ കഴിയുമെന്ന് അവർ അഭിനന്ദിക്കുന്നു, തൽഫലമായി അവർ എന്നോടൊപ്പം വലിയ സിനിമകളെ പിന്തുണയ്ക്കാൻ തയ്യാറാണ്. ഏതൊരു നടന്‍റെയും കാര്യം അങ്ങനെയാണ്. അത് സംഭവിക്കാൻ എനിക്ക് കുറച്ച് സമയമെടുത്തു.
പ്രായഭേദമന്യേ ആളുകൾ തിയേറ്ററുകളിൽ എത്തുമ്പോൾ, എന്‍റെ സിനിമകൾക്ക് മിനിമം ഗ്യാരണ്ടി ഉണ്ടെന്ന് അവർക്കറിയാം.
ഇപ്പോൾ നിങ്ങൾ കുടുംബ നായകനാണ്, പ്രേക്ഷകർ നിങ്ങളെ അവരുടേതായി കാണുന്നു. നിങ്ങൾക്ക് ഒരു മാസ് സിനിമയോ റൊമാൻറിക് സിനിമയോ ചെയ്‌തു കൂടെ? എന്നൊക്കെ ചോദ്യം വരുന്നുണ്ട്. എന്‍റെ സിനിമകൾ കാണാൻ വരുന്ന കുടുംബ പ്രേക്ഷകർ അത് നന്നായി ആസ്വദിക്കണം എന്നത് മാത്രമാണ് എന്‍റെ മാനദണ്ഡം, ആ വൈകാരിക ബന്ധമുണ്ടെന്ന് ഞാൻ ഉറപ്പാക്കേണ്ടതുണ്ട്. ഹിറ്റുകളുടെ ഭാഗമാകാൻ മാത്രമല്ല, എന്നിലെ നടനെ ഉപയോഗിക്കാനും ഞാൻ ആഗ്രഹിക്കുന്നു. ചിത്രത്തിലെ എന്‍റെ പ്രകടനവും മികച്ചതാണെന്ന് പ്രേക്ഷകർ പറയുമ്പോൾ അത് എനിക്ക് പൂർണ സംതൃപ്തി നൽകുന്നു.
