ഹൈലൈറ്റ് ചെയ്ത് കളറിംഗ് ചെയ്ത് മുടിക്ക് ഫാഷനബിൾ ലുക്ക് നൽകുന്ന പ്രവണത ഇന്ന് സ്ത്രീകൾക്കിടയിൽ വർദ്ധിച്ചു വരികയാണ്. ഹെയർ എക്സ്റ്റൻഷനുകൾ ഉപയോഗിച്ച് മുടിക്ക് വർണ്ണാഭമായതും രസകരവുമായ രൂപം നൽകാം. മാത്രമല്ല, വോളിയം കൂട്ടാനും അവ ഉപയോഗിക്കുന്നു.
പ്രധാനമായും 2 തരം ഹെയർ എക്സ്റ്റൻഷൻ ഉണ്ട്:
1) സിന്തറ്റിക് ഹെയർ എക്സ്റ്റൻഷൻ.
2 )ഹ്യൂമൻ ഹെയർ എക്സ്റ്റൻഷൻ
കട്ടിംഗ്, കേളിംഗ്, സ്‌റ്റൈലിംഗ് എന്നിവ ഹ്യൂമൻ ഹെയർ എക്സ്റ്റൻഷനിൽ എളുപ്പത്തിൽ ചെയ്യാം. എന്നാൽ സിന്തറ്റിക് ഹെയർ എക്സ്റ്റൻഷനുകൾ ഉപയോഗിച്ചാൽ ഇത് സാധ്യമല്ല.
ഹ്യൂമൻ ഹെയർ എക്സ്റ്റൻഷൻ ചെലവേറിയതാണെങ്കിലും പല തരത്തിലും രൂപത്തിലും ലഭ്യമാണ്. സ്വാഭാവിക ഹെയർസ്റ്റൈലുകൾ പോലെ നിങ്ങൾക്ക് അവയെ പരിപാലിക്കാൻ കഴിയും. അതേ സമയം ഷാംപൂ ചെയ്യുമ്പോഴോ ബ്ലോ ഡ്രയർ ഉപയോഗിക്കുമ്പോഴോ സിന്തറ്റിക് എക്സ്റ്റൻഷൻ നീക്കം ചെയ്യേണ്ടതുണ്ട്.
ഹെയർ എക്സ്റ്റൻഷൻ പ്രയോഗിക്കുന്നതിനുള്ള വ്യത്യസ്ത വഴികൾ:
നെയ്ത്ത്: ഇതിൽ, പ്രകൃതിദത്ത മുടി ഉപയോഗിച്ച് നെയ്തെടുത്താണ് മുടി ചേർക്കുന്നത്.
ബോണ്ടിംഗ്: സ്വാഭാവിക മുടിയിൽ, പശയുടെ സഹായത്തോടെ വേറെ മുടി ഘടിപ്പിക്കുന്നു. ഇതൊരു താത്കാലിക രീതിയാണ്. മുടി നീക്കം ചെയ്യുമ്പോൾ കേടുപാടുകൾ ഉണ്ടാകാതെ സൂക്ഷിക്കണം.
ക്ലിപ്പ് ഇൻ: ഇത് ഹെയർ ക്ലിപ്പുകളുടെ സഹായത്തോടെ മുടി ഘടിപ്പിക്കുന്നു. നിങ്ങൾക്ക് എപ്പോൾ വേണമെങ്കിലും നീക്കം ചെയ്യാനും സ്വയം പ്രയോഗിക്കാനും കഴിയും.
ടേപ്പ് ഓൺ: ഇതിൽ എക്സ്റ്റൻഷൻ ഹെയർ ടേപ്പിന്‍റെ സഹായത്തോടെ യഥാർത്ഥ മുടിയിൽ ഘടിപ്പിക്കുന്നു.
മിനി ലിങ്കുകൾ: പശ, ഹീറ്റ്, റിമൂവർ അല്ലെങ്കിൽ രാസവസ്തുക്കൾ എന്നിവയില്ലാതെ പ്രകൃതിദത്ത മുടിയിൽ എക്സ്റ്റൻഷൻ മുടിയിഴകൾ പ്രയോഗിക്കുന്നു. ഈ ആവശ്യത്തിനായി ഒരു വൃത്താകൃതിയിലുള്ള ലിങ്ക് ഉപയോഗിക്കുന്നു.
റെമി ഹെയർ: ഇവ പ്രകൃതിദത്തമായ മനുഷ്യ മുടിയാണ്. പശ, മെഴുക്, രാസവസ്തുക്കൾ അല്ലെങ്കിൽ നെയ്ത്ത് എന്നിവയില്ലാതെ പ്രകൃതിദത്തമായി മുടിയിൽ ചേർക്കുന്നു. ഇതിന്‍റെ ഓരോ ഇഴയിലും പ്രോട്ടീന്‍റെ ഒരു വൃത്താകൃതിയിലുള്ള വളയമുണ്ട്. അതിൽ യഥാർത്ഥ മുടി ഒരു പ്ലാസ്റ്റിക് ലൂപ്പിന്‍റെ സഹായത്തോടെ തിരുകുകയും തലയോട്ടിയോട് വളരെ അടുത്ത് ഒരു റെനക്‌സർ ടൂൾ ഉപയോഗിച്ച് കെട്ടുകയും ചെയ്യുന്നു.
നാച്ചുറൽ, ബേസ്, വൈബ്രന്‍റ് എന്നിങ്ങനെ 3 നിറങ്ങളിൽ ബി ഗോർജിയസ് എക്സ്റ്റൻഷൻ ലഭ്യമാണ്. അവയ്ക്ക് 18 ഇഞ്ച് നീളമുണ്ട്. അവ ഒരു സ്‌ട്രാൻഡിന്‍റെ വില ഏകദേശം ₹150 ആണ്.
മുടി നീട്ടുന്നതിന്‍റെ പ്രയോജനങ്ങൾ
- ഇൻസ്റ്റന്റ് ന്യൂ ലുക്ക്.
- നീണ്ട ഹെയർസ്റ്റൈൽ.
- വ്യത്യസ്ത കളർ ഓപ്ഷൻ.
- ശരിയായി പരിപാലിക്കുകയാണെങ്കിൽ അവ 1 വർഷത്തേക്ക് സുരക്ഷിതമായി തുടരും.
- ഒരു സ്ട്രാൻഡ് പ്രയോഗിക്കാൻ 10 മുതൽ 12 സെക്കൻഡ് വരെ എടുക്കും.
- 2-3 മണിക്കൂറിനുള്ളിൽ മുടി മുഴുവൻ ചെയ്യാവുന്നതാണ്.
മുൻകരുതലുകൾ
- മുടി ഇപ്രകാരം നീട്ടിയതിന് ശേഷം പ്രോട്ടീൻ അടങ്ങിയ ഷാംപൂ ഉപയോഗിച്ച് മുടി കഴുകരുത്. ഇത് മുടി സിൽക്കി ആക്കുകയും കെട്ട് അയവു വരുത്തുകയും ചെയ്യും.
- സാധാരണ ചീപ്പ് ഉപയോഗിക്കരുത്. ഒരു ലൂപ്പ് ബ്രഷ് ഉപയോഗിച്ച് ചീകുക.
- അധികം എണ്ണ പുരട്ടരുത്.
- ബ്രെയ്ഡ് ചെയ്യുക. അതായത് കെട്ടിയിട്ട് ഉറങ്ങുക.
ഹെയർ എക്സ്റ്റൻഷൻ ഹെയർസ്റ്റൈൽ
മനോഹരമായ ഹെയർസ്റ്റൈലുകളുടെ ആകർഷണത്തിൽ നിന്ന് ആർക്കാണ് ഒഴിയാൻ കഴിയുക? വ്യത്യസ്തമായ സ്റ്റൈലിഷ് ലുക്ക് നൽകി മുടിയുടെ ചാരുത വർദ്ധിപ്പിക്കാൻ ശ്രമിക്കാം,
(ഡൽഹി പ്രസ്സിന്‍റെ ഡൽഹിയിൽ വച്ച് നടത്തിയ ഫാബ് ഇവന്‍റിൽ അഫ്ഗാനിസ്ഥാനിലെ പ്രമുഖ ഹെയർസ്റ്റൈലിസ്റ്റ് റസിയ സുൽത്താനും ബി ഗോർജിയസ് ഹെയർ എക്‌സിന്‍റെ ഉടമ ഡാനിയൽ ഗോഗ്നയുമായും നടത്തിയ സെമിനാറിനെ അടിസ്ഥാനമാക്കി തയ്യാറാക്കിയത്)
