ഗർഭ കാലത്തെ ശ്രദ്ധയും പരിചരണവും പോലെ തന്നെ പ്രധാന്യമർഹിക്കുന്ന ഒന്നാണ് 0-1 വയസ്സ് വരെയുള്ള നവജാത ശിശുക്കളുടെ പരിചരണവും. ആദ്യമായി അച്ഛനമ്മമാരായവർക്ക് പലപ്പോഴും കുഞ്ഞുങ്ങളുടെ പരിചരണത്തെപ്പറ്റി വലിയ അറിവ് ഉണ്ടാവുകയില്ല. അമ്മമാരിൽ നിന്നോ മുത്തശ്ശിമാരിൽ നിന്നോ ലഭിച്ച പരിമിതമായ അറിവ് വച്ച് നവജാത ശിശുവിനെ പരിപാലിക്കുമ്പോൾ പല അബദ്ധങ്ങളും സംഭവിക്കാം. ന്യൂക്ലിയർ ഫാമിലിയായതോടെ അറിവുള്ളവരുടെ സാന്നിദ്ധ്യവും പ്രതീക്ഷിക്കാനാവില്ലല്ലോ. നവജാത ശിശുക്കളുടെ നവയുവ രക്ഷിതാക്കളറിയാൻ ചില കാര്യങ്ങൾ… ആദ്യമായി അച്‌ഛനമ്മമാരാകുന്നവർ ശിശുപരിപാലന കാര്യത്തിൽ ഏറെ ശ്രദ്ധ പുലർത്തേണ്ടതുണ്ട്.
ശിശു പരിപാലനത്തിൽ അനുഭവജ്‌ഞാനമുള്ളവരോടോ വിദഗ്ദ്ധരോടോ ചോദിച്ച് മനസ്സിലാക്കുക. ഇന്ന് ഇത്തരം കാര്യങ്ങളിൽ വിദഗ്ദ്ധോപദേശം നൽകുന്ന ഒരു വിഭാഗം തന്നെ മിക്ക ആശുപത്രികളിലും പ്രവർത്തിക്കുന്നുണ്ട്. കുഞ്ഞുങ്ങൾക്ക് മുലപ്പാലൂട്ടുന്ന രീതി, കുപ്പിപ്പാൽ എങ്ങനെ നൽകാം, കുഞ്ഞുങ്ങളെ എടുക്കുന്ന രീതി, കുളിപ്പിക്കൽ മറ്റ് പരിപാലന രീതികളെപ്പറ്റിയൊക്കെ വിദഗ്ദ്ധരോട് ചോദിച്ച് മനസ്സിലാക്കാം. കുഞ്ഞുങ്ങളെ പരിചരിക്കുമ്പോൾ മുതിർന്നവർ പാലിക്കേണ്ട മുൻകരുതലുകൾ.
- കൈകൾ നന്നായി കഴുകി തുടച്ചശേഷം മാത്രമേ കുഞ്ഞുങ്ങളെ സ്പർശിക്കുകയോ എടുക്കുകയോ ചെയ്യാവൂ. നവജാത ശിശുക്കൾക്ക് പ്രാരംഭഘട്ടത്തിൽ ശക്‌തമായ രോഗപ്രതിരോധ ശേഷി ഉണ്ടാവുകയില്ല. അതുകൊണ്ട് അണുബാധയ്‌ക്കുള്ള സാദ്ധ്യത കൂടുതലായിരിക്കും.
- കുഞ്ഞിന്‍റെ ശിരസ്സിനും കഴുത്തിനും നല്ല സപ്പോർട്ട് നൽകുന്നുവെന്ന് ഉറപ്പു വരുത്താം. കുഞ്ഞിനെ എടുക്കുമ്പോൾ ശിരസ്സിന് സപ്പോർട്ട് നൽകിക്കൊണ്ടു വേണം എടുക്കാൻ.
- കളിപ്പിക്കുമ്പോൾ കുഞ്ഞിനെ ശക്‌തമായി കുലുക്കുകയോ ഉലയ്ക്കുകയോ ചെയ്യരുത്. ഇത് ഗുരുതരമായ അപകടം ക്ഷണിച്ചു വരുത്താം.
- കുഞ്ഞിനെ ഉറക്കത്തിൽ ഉണർത്തുന്നതിനായിപ്പോലും ശക്‌തമായി കുലുക്കി വിളിക്കരുത്. പകരം കുഞ്ഞിന്‍റെ കാൽ വെള്ളയിൽ ഇക്കിളിയിട്ട് കളിപ്പിക്കുകയോ ഉണർത്തുകയോ ചെയ്യാം.
- യാത്ര പോകുന്ന അവസരങ്ങളിൽ കുഞ്ഞുങ്ങൾക്കു സുഖമായി ഉറങ്ങാനുള്ള സൗകര്യമൊരുക്കാൻ പ്രത്യേകം ശ്രദ്ധിക്കണം. പരുപരുത്തതോ, സുഖപ്രദമല്ലാത്തതോ ആയ പ്രതലത്തിൽ കുഞ്ഞിനെ കിടത്തുന്നത് ഒഴിവാക്കണം. കുഞ്ഞിന് സുഖം പകരുന്ന ടവ്വലുകൾ കയ്യിൽ കരുതണം.
കുഞ്ഞുടുപ്പുകൾ തെരഞ്ഞെടുക്കുമ്പോൾ
- പിഞ്ചോമനകളുടെ ആരോഗ്യ പരിപാലനം പോലെ അതിപ്രധാനമാണ് അവർക്കായി യോജിച്ച കുഞ്ഞുടുപ്പുകൾ തെരഞ്ഞെടുക്കുകയെന്നതും. കുഞ്ഞിളം മേനിക്ക് യാതൊരു അസ്വസ്‌ഥതയുമുളവാക്കാത്തതും ഏറെ സുഖപ്രദവുമായതുമാവണം കുഞ്ഞുടുപ്പുകൾ.
- 100 % കോംബ്ഡ് കോട്ടണിലുള്ളതാവണം കുഞ്ഞുടുപ്പുകൾ.
- കുഞ്ഞിന്‍റെ സംവേദനക്ഷമതയേറിയ ചർമ്മത്തിന് യാതൊരുവിധ അലർജിയുമുണ്ടാക്കാത്ത ഫാബ്രിക്കാവണം.
- കെമിക്കൽ കളറുകൾക്ക് പകരമായി നാച്ചുറൽ കളറുകളിലുള്ള കുഞ്ഞുടുപ്പുകൾ തെരഞ്ഞെടുക്കാം.
- ബ്രൈറ്റ് കളറുകൾക്ക് പകരമായി ഇളം ഷെയ്‌ഡുകളിലായുള്ള ഉടുപ്പുകളാണ് കുഞ്ഞിളം മേനിക്ക് അനുയോജ്യം. (ഉദാ : ബേബി പിങ്ക്, സ്കൈ ബ്ലൂ, വൈറ്റ്, ഇളം റോസ്, ക്രീം, തുടങ്ങിയവ)
- ശരീരത്തിൽ ഇറുകി കിടക്കാത്ത സ്ട്രച്ചബിൾ ഫാബ്രിക്കിലുള്ള കുഞ്ഞുടുപ്പുകൾ ഏറെ കംഫർട്ടബിളായിരിക്കും.
- റിബണുകളും കെട്ടുകളുമില്ലാത്ത കുഞ്ഞുടുപ്പുകൾ തെരഞ്ഞെടുക്കാം.
- കഴുത്തിലൂടെ ഇടുന്നതിന് പകരം കയ്യിലൂടെ ഇടാൻ കഴിയുന്ന ഫ്രണ്ട് ഓപ്പൺ കുഞ്ഞുടുപ്പുകൾ സെലക്‌റ്റ് ചെയ്യാം.
- കഴുത്ത് ഇറുകി കിടക്കുന്നതോ കൈ സുഖപ്രദമായി കടക്കാത്തതോ ആയ ഉടുപ്പുകൾ വേണ്ട.
- പിഞ്ചോമനയ്‌ക്ക് ഉടുപ്പ് തെരഞ്ഞെടുക്കുമ്പോൾ ഒരളവ് കൂടുതൽ ഉള്ള ഉടുപ്പുകൾ തെരഞ്ഞെടുക്കാം. കാരണം കുഞ്ഞിന്‍റെ വളർച്ച അതിവേഗത്തിലായിരിക്കും.
- കാലാവസ്‌ഥയ്‌ക്ക് അനുസൃതമായുള്ള കുഞ്ഞുടുപ്പുകൾ ലഭ്യമാണ്. തണുപ്പുള്ളപ്പോൾ ഇടാൻ കഴിയുന്ന വാം ക്ലോത്തിംഗുകൾ ലഭ്യമാണ്. അതുപോലെ ചൂട് കാലത്ത് ശരീരത്തിന് കുളിർമ്മയും കാറ്റും പകരുന്ന തരം ഉടുപ്പുകൾ തെരഞ്ഞെടുക്കാം.
- കുഞ്ഞുടുപ്പുകൾ വീര്യം കൂടിയ സോപ്പ് ഉപയോഗിച്ച് കഴുകുന്നതിന് പകരം ബാത്തിംഗ് സോപ്പ് ഉപയോഗിച്ച് കഴുകി വെയിലത്തിട്ട് ഉണക്കിയെടുക്കണം.
- കുഞ്ഞുടുപ്പുകൾ അടുക്കി ചിട്ടയായി വയ്‌ക്കാനായി ഇന്ന് ആകർഷകങ്ങളായ ബേബി ബാഗുകളും ബാസ്ക്കറ്റുകളും ലഭ്യമാണ്. അത്തരം ബാസ്ക്കറ്റുകളിൽ സൂക്ഷിക്കുക വഴി കുഞ്ഞുടുപ്പുകൾ അനായാസം എടുക്കാനും ചിട്ടയായി വയ്‌ക്കാനും സാധിക്കും. മുതിർന്നവരുടെ വസ്‌ത്രങ്ങൾക്കൊപ്പമിട്ട് കുഞ്ഞുടുപ്പുകൾ കഴുകരുത്.
കോംബ്ഡ് കോട്ടൺ
- നൂലിഴകളെ ചീകി ബലപ്പെടുത്തിയും മൃദുലമാക്കിയും എടുത്തിട്ടുള്ള കോട്ടണാണ് കോംബ്ഡ് കോട്ടൺ. ചെറിയ നാരുകളേയും മാലിന്യങ്ങളേയും നീക്കം ചെയ്യുന്ന പ്രക്രിയയാണ് കോംബിംഗ്. കോംബ് ചെയ്യാത്ത കോട്ടണേക്കാളിലും ഉയർന്ന ക്വാളിറ്റി കോട്ടണാണ് കോംബ്ഡ് കോട്ടൺ.
- നൂലിഴകളെ നെയ്യുന്നതിന് മുമ്പായി ചെയ്യുന്ന ഒരു പ്രത്യേക പ്രക്രിയയാണ് കോംബിംഗ്. ശിശുക്കൾക്കായുള്ള തുണിത്തരങ്ങൾ തയ്യാറാക്കുന്നതിന് ഏറ്റവും ഉത്തമമാണ് കോംബ്ഡ് കോട്ടൺ. ശിശുക്കളുടെ സംവേദന ക്ഷമതയേറിയ ചർമ്മത്തിന് മൃദുത്വമാർന്നതും സുഖകരമായ അനുഭൂതി പകരുന്നു.
- നൂലിഴകളായി നെയ്യുന്നതിന് മുമ്പായുള്ള ഏറ്റവും മൃദുത്വമാർന്ന കോട്ടണാണ് കോംബ്ഡ് കോട്ടൺ. സാധാരണ കോട്ടണിനെ അപേക്ഷിച്ച് കോംബ്ഡ് കോട്ടണിന് താരതമ്യേന വിലയേറും. ബെഡ്ഷീറ്റും കുഞ്ഞുടുപ്പുകളും മറ്റ് തുണിത്തരങ്ങളുമൊക്കെ ഒരുക്കാൻ ഏറ്റവും അനുയോജ്യമാണ് മൃദുലമാർന്നതും ശക്‌തി കൂടിയതുമാണ് ഈ കോട്ടൺ.
- സാധാരണ കോട്ടൺ വൂളോ നൂലോ തയ്യാറാക്കുന്നതിന് പരുത്തി കൃഷി ചെയ്തെടുത്ത് വൃത്തിയാക്കി കുരുവും അഴുക്കുമൊക്കെ നീക്കം ചെയ്യുകയാണ് പതിവ്. പിന്നീട് നാരുകളേയും ലിനനിനേയും വേർതിരിച്ചെടുക്കുന്നു. സ്‍ലൈവറുകളായും അസംസ്കൃതമായ കോട്ടണായും കോട്ടണിനെ വേർതിരിച്ചാണ് നൂല് നെയ്‌തെടുക്കുക. കോട്ടൺ കോംബ് ചെയ്യാൻ ഏറ്റവും മികച്ച ബ്രഷാണ് ഉപയോഗിക്കുക. കോട്ടണിലെ എല്ലാവിധ മാലിന്യങ്ങളേയും നീക്കം ചെയ്യാനാണിത്. ഏകദേശം 15 അവശിഷ്‌ടങ്ങൾ ഇപ്രകാരം നീക്കം ചെയ്യുന്നു. നീണ്ടതും തുല്യ അളവിലുള്ളതുമായ നൂലിഴകളായി കോട്ടൺ അവശേഷിക്കുന്നു. ഈ കോട്ടൺ സ്‍ലൈവറുകൾ നൂലായി നെയ്‌തെടുക്കുന്നു.
- കോംബ്ഡ് കോട്ടണിൽ കുത്തി കൊള്ളുന്നതോ തടിച്ചതോ ആയ ചെറിയ നൂലിഴകൾ ഇല്ലാതാവുകയും നൂലിഴകളിലെ അഴുക്കെല്ലാം നീങ്ങിക്കിട്ടുകയും ചെയ്യുന്നു. കോംബ്ഡ് കോട്ടൺ ശക്‌തി യേറിയവയാണ്. പൊട്ടിപ്പോകുന്നതോ ചെറുതോ ആയ നൂലിഴകൾ ചീകുകവഴി നീക്കം ചെയ്യപ്പെടുന്നതിനാലാണിത്. മറ്റൊന്ന് സ്ട്രെയിറ്റർ ചെയ്‌ത ഫൈബറുകൾ ഒരേയളവിൽ ഒരുമിക്കുന്നു.
- ഭൂരിഭാഗം കമ്പനികളും കോംബ്ഡ് കോട്ടണാണ് വസ്‌ത്രങ്ങൾ നെയ്യാനും കിടക്കവിരി തയ്യാറാക്കാനും ഉപയോഗിക്കുക. മൃദുത്വവും ഈടും ഉറപ്പുമാണ് അതിന് കാരണം. കോംബ്ഡ് കോട്ടൺ മറ്റ് കോട്ടണുകളെ പോലെ ഒടുവിൽ കീറിപ്പോവുകയോ പൊട്ടിപ്പോവുകയോ ചെയ്യാം. കുഞ്ഞുങ്ങൾക്കും മുതിർന്നവർക്കും ഏറ്റവും മികച്ച വസ്‌ത്രങ്ങൾ ഒരുക്കാൻ ഇത് ഏറ്റവും ഉത്തമമാണ്.
ബലൂൺ പാഡിംഗ്
- തുന്നിയ ഫാബ്രിക്കിൽ നിന്നും അഴുക്കിനേയും പൊടിയേയും മറ്റും നീക്കം ചെയ്യുന്ന ഏറ്റവും ആധുനികമായ സാങ്കേതിക വിദ്യയാണിത്.
और कहानियां पढ़ने के लिए क्लिक करें...
गृहशोभा से और
