സൂരജുമായി ഭ്രാന്തമായി പ്രണയത്തിലായിരുന്നു വിഭ. ഇരുവരും ഏകദേശം 2 വർഷമായി പ്രണയ ബന്ധത്തിലായിരുന്നു, എന്നാൽ വിഭയുടെ അമ്മ സൂരജിനെ ഇഷ്ടപ്പെടുന്നില്ല. ബന്ധം വിട്ടുപോകണമെന്ന് അമ്മ വിഭയെ പലതവണ ഉപദേശിച്ചു. എന്നാൽ വിഭ അമ്മയെ അവഗണിച്ചു. വിഭ എന്താണ് ധരിക്കേണ്ടത്, ആരുമായി ചങ്ങാത്തം കൂടണം, അതുപോലുള്ള എല്ലാ കാര്യങ്ങളും സൂരജ് ആണ് തീരുമാനിച്ചിരുന്നത്. വിഭയ്ക്ക് അവനോട് കടുത്ത പ്രണയം ആയിരുന്നു. അതിനാൽ അയാൾ പറയുന്നതെല്ലാം ചെയ്യാൻ അവൾ ഇഷ്ടപ്പെട്ടു. മാത്രമല്ല, ഒരുമിച്ച് ഭക്ഷണം കഴിക്കാനുള്ള പരിപാടി തയ്യാറാക്കുമ്പോഴെല്ലാം സൂരജ് വിഭയുടെ രൂപ മാത്രം ചെലവഴിക്കുമായിരുന്നു. വിഭയ്ക്ക് ജോലി ഉണ്ടായിരുന്നതിനാൽ പണത്തിനു ക്ഷാമം ഇല്ലായിരുന്നു. അതിനാൽ അവൾ ഈ കാര്യങ്ങളെക്കുറിച്ച് വിഷമിച്ചില്ല. അവൾക്ക് വേണ്ടത് സൂരജിന്‍റെ പിന്തുണ മാത്രമാണ്.
ഇതിനിടെ സൂരജിന് അടിയന്തിരമായി ഒന്നര ലക്ഷം രൂപയുടെ ആവശ്യം വന്നു. അയാൾ അക്കാര്യം വിഭയെ അറിയിച്ചപ്പോൾ അവൾ കൂടുതലൊന്നും ആലോചിക്കാതെ പണം കൊടുത്തു. രണ്ടു ദിവസം സൂരജ് പതിവ് പോലെ അവളെ കാണാൻ വന്നു. പിന്നെ പതിയെ പതിയെ ഓരോ കാരണം പറഞ്ഞു ഒഴിവായിക്കൊണ്ടിരുന്നു. ഒരാഴ്ചയ്ക്കുള്ളിൽ സൂരജ് പൂർണമായും അകന്ന മട്ടായി. അപ്പോഴും വിഭ അതൊരു വഞ്ചന ആണെന്ന് മനസിലാക്കിയില്ല. സൂരജിന് എന്താണ് സംഭവിച്ചതെന്ന് വിഭയ്ക്ക് മനസ്സിലായില്ല.
സൂരജ് അനിഷ്ടകരമായ ഒരു കാര്യത്തിന് ഇരയായിട്ടുണ്ടാകുമെന്ന് അവൾ ഭയപ്പെട്ടു. ഏത് കമ്പനിയിലാണ്, ഏത് സ്ഥാനത്താണ് ജോലി ചെയ്യുന്നതെന്ന് സൂരജ് പറഞ്ഞിരുന്നു. സൂരജ് പറഞ്ഞ ആ വിലാസത്തിൽ വിഭ ബന്ധപ്പെട്ടപ്പോൾ, ഈ പേരുള്ള ഒരു വ്യക്തിയും അവിടെ പ്രവർത്തിക്കുന്നില്ലെന്ന് മനസ്സിലായി. താൻ വഞ്ചിക്കപ്പെട്ടുവെന്ന് വിഭയ്ക്ക് മനസ്സിലായി. സൂരജ് തന്നെയല്ല, പണത്തെയാണ് സ്നേഹിച്ചത്.
വിഭയ്ക്ക് സംഭവിക്കുന്നതു പോലെ ആർക്കും സംഭവിക്കാം. പെൺകുട്ടികളെ പ്രണയബന്ധത്തിൽ കുടുക്കുകയോ ശാരീരിക പീഡനം നടത്തുകയോ ഒരേ സമയം നിരവധി പെൺകുട്ടികളുമായി ബന്ധത്തിലേർപ്പെടുകയോ ചെയ്യുന്ന ആൺകുട്ടികൾക്ക് ഇക്കാലത്തു ക്ഷാമമില്ല.
സ്നേഹം തീർച്ചയായും മനോഹരമായ ഒരു വികാരമാണ്. തന്‍റെ കാമുകനോടൊപ്പം ജീവിക്കാൻ തന്‍റെ കഷ്ടതകളെല്ലാം പ്രണയിനി മറക്കുന്നു. എന്നാൽ കാമുകൻ നിങ്ങളെ എപ്പോൾ വഞ്ചിക്കുമെന്നോ നിങ്ങളെ വിട്ട് പോകു മെന്നോ നിങ്ങൾ ചിന്തിക്കുന്നില്ല. നിങ്ങളുടെ കാമുകൻ എങ്ങനെയുള്ള വ്യക്തിയാണെന്നും നിങ്ങൾക്ക് എത്രമാത്രം പിന്തുണയ്ക്കാൻ കഴിയുമെന്നും അറിയാൻ, ഈ രീതിയിൽ നിങ്ങൾക്ക് അവനെ പരീക്ഷിക്കാൻ കഴിയും.
- പാസ്‌വേഡ് ഇല്ലാതെ വെച്ച നിങ്ങളുടെ മൊബൈൽ പരിശോധിക്കുന്നു
പാസ്‌വേഡ് ഇല്ലാതെ നിങ്ങളുടെ മൊബൈൽ കാമുകന്‍റെ സമീപം വെച്ച ശേഷം നിരീക്ഷിക്കുക. മറ്റൊരു മുറിയിലേക്ക് പോയി തിരക്കുള്ള ജോലിയിൽ ഏർപ്പെടാം എന്നതാണ് കാമുകന്‍റെ പരീക്ഷക്കുള്ള ഏറ്റവും നല്ല മാർഗ്ഗം. എന്നിട്ട് ആളെ നിരീക്ഷിക്കുക മൊബൈൽ എടുക്കാൻ ഒരു അവസരം ലഭിക്കുകയും നിങ്ങളുടെ മൊബൈൽ വേഗത്തിൽ പരിശോധിക്കുകയും ചെയ്യുന്നുണ്ടോ?
