ജീവിതം ഹൃസ്വമാണെങ്കിലും അത് സന്തോഷത്തോടെ ജീവിച്ച് തീർക്കുകയെന്നത് മഹാഭാഗ്യമാണ്. അതിന് രണ്ട് കാര്യങ്ങൾ അനിവാര്യമാണ്. ആരോഗ്യമുള്ള മനസ്സും ശരീരവും. ആയുരാരോഗ്യ സൗഖ്യത്തിന് മുതിർന്ന പ്രായത്തിൽ പാലിക്കേണ്ട ചില ടിപ്സുകളിതാ:-

ഞാവൽപ്പഴം, ചെറി, ആൽമണ്ട്, ആപ്പിൾ, ഓറഞ്ച്, കുരുമുളക്, പൈനാപ്പിൾ, ഇഞ്ചി തുടങ്ങിയവ ദൈനംദിന ജീവിതത്തിൽ ഉൾപ്പെടുത്തുക. ഇവ ഹൃദയാരോഗ്യം വർദ്ധിപ്പിക്കും.
മീനെണ്ണ 1000 മില്ലിഗ്രാം അളവിൽ അല്ലെങ്കിൽ കോഡ് ലിവർ ഓയിൽ കഴിക്കുക. അതിന് പകരമായി ഫ്ളാക്സീഡും വാൽനട്ടും കഴിക്കാം. സ്ട്രോക്ക് ഉണ്ടാകുന്നത് തടയും.
വെളുത്തുള്ളി: ഭക്ഷണം കഴിക്കുന്നതിനൊപ്പം ഒരല്ലി വെളുത്തുള്ളിയും ചവച്ച് തിന്നുക. ദിവസവും രണ്ട് തവണ പ്രധാന ഭക്ഷണത്തോടൊപ്പം വെളുത്തുള്ളി കഴിക്കുക. കാൻസറിനെതിരെ പ്രതിരോധമൊരുക്കാൻ വെളുത്തുള്ളി ഉത്തമമാണ്. അതുപോലെ നിർബന്ധമായും ഒഴിവാക്കേണ്ട ചില കാര്യങ്ങളുമുണ്ട്, കേസരി പൗഡർ, പുകവലി, ഫോർമൽഡിഹൈഡ് അടങ്ങിയ ഡിയോഡറന്‍റുകൾ, കരിഞ്ഞ ഭക്ഷ്യവസ്‌തുക്കൾ, പുകയില, അമിതമായി പഞ്ചസാര ഉപയോഗിക്കൽ, നെയ്യ്, ബോട്ടിലിലടച്ച ഭക്ഷണം, പാക്കറ്റിലടച്ച ഭക്ഷണം, പ്രിസർവേറ്റിവുകൾ എന്നിവ പാടെ ഒഴിവാക്കുക.
മത്സ്യം, നിലക്കടല എന്നിവ കഴിക്കുന്നത് ആയുർദൈർഘ്യം കൂട്ടും. മുത്താറി, മുന്തിരി ജ്യൂസ്, റൈഡ് വൈൻ, റാസ്പ്ബെറി എന്നിവയും ഉത്തമമാണ്.
ഭക്ഷ്യവസ്‌തുവിൽ ഏറ്റവും ഉത്തമം: ചീര (സ്പിനാച്ച്) ഓക്സാലിക് ആസിഡാൽ ചുറ്റപ്പെട്ട കാത്സ്യം ചീരയിൽ അടങ്ങിയിട്ടുണ്ട്. ദിവസവും ചെറിയൊരളവിൽ ചീര കഴിക്കുക.
മികച്ച ഡ്രിങ്ക്: ഗ്രീൻ ടീ
ആയുരാരോഗ്യത്തിന് മികച്ച 20 ഭക്ഷ്യവസ്‌തുക്കൾ: ആപ്പിൾ, ഓറഞ്ച്, മാതളം, ബെറി, തക്കാളി, ബീൻസ്, ബ്രോക്കോലി, സവാള, മത്തങ്ങ, സ്പിനാച്ച് (ചീര), ഓട്ട്സ്, സോയ, ടർക്കി മത്സ്യം, വെളുത്തുള്ളി, നിലക്കടല, തേൻ, വാൽനട്ട്, ഗ്രീൻ ടീ, ഒലീവ് ഓയിൽ, കൊഴുപ്പില്ലാത്ത തൈര് (യോഗർട്ട്)
ആയുരാരോഗ്യത്തിന് യോജിച്ച മറ്റ് ഭക്ഷ്യവസ്‌തുക്കൾ: പീയർ പഴം, നാരങ്ങാ, മുന്തിരി, തണ്ണിമത്തൻ, പപ്പായ, പേരയ്ക്ക, ഗ്രീൻപീസ്, കാബേജ്, കാരറ്റ്, ക്വാളിഫ്ളവർ, ഉരുളക്കിഴങ്ങ്, ഡാർക്ക് ചോക്ക്ളേറ്റ്, തവിടുള്ള അരി, ചിക്കൻ, ആൽമണ്ട്, കശുവണ്ടി.
സിംഗിൾ പോഷക സാന്ദ്രതയിൽ ഉൾപ്പെടുത്തിയിരിക്കുന്ന ഭക്ഷ്യവസ്‌തുക്കൾ: സ്പിനാച്ച് -100, പച്ച, ഇല വർഗ്ഗങ്ങൾ-97, ഫലങ്ങൾ- 45, മുഴുധാന്യങ്ങൾ, നട്ട്സ് -20, മത്സ്യം -15, മുട്ട-11, കൊഴുപ്പേറിയ പാലുൽപന്നങ്ങൾ- 4, ഓയിൽ -1, പഞ്ചസാര- 0 ഒരു വ്യക്‌തിയ്ക്ക് ഏറ്റവും ഫലവത്തായത് ഏതെന്ന് മനസ്സിലാക്കി കഴിക്കാൻ ഇത് സഹായിക്കും.
ആയുർദൈർഘ്യം ഹോർമോൺ ഉൽപാദനത്തെ ആശ്രയിച്ചാണിരിക്കുന്നത്. അതിനായി ഓട്സ്, കോൺ, അരി, ഇഞ്ചി, ബനാന, ബാർലി, ചീസ്, സ്പിരുലിന, ചിക്കൻ, ടർക്കി, ആൽമണ്ട്, പീനട്ട്, മിൽക്ക്, യോഗർട്ട് (തൈര്), നിയാസിൻ അടങ്ങിയ ഭക്ഷ്യവസ്‌തുക്കൾ, ബി 6, കാത്സ്യം, സൂര്യപ്രകാശം ഏൽക്കൽ, ഫാസ്റ്റിംഗ്, ലോ ഫാറ്റ് ഡയറ്റ്, ഭക്ഷണം 3- 4 മണിക്കൂർ ഇടവേളയിൽ കഴിക്കുക, എയ്റോബിക്, റണ്ണിംഗ്, ട്രഡ്മിൽ, വെയിറ്റ് ലിഫ്റ്റിംഗ്, സൈക്ലിംഗ് എന്നിവ ശീലിക്കാം.
ഫാസ്റ്റിംഗ് ബ്ലഡ്ഷുഗർ 80 നും 100നും ഇടയിലും ഗ്ലൈസേറ്റഡ് ഹീമോ ഗ്ലോബിൻ) എച്ച് ബി എ1 സി ഏകദേശം 5 ആയിരിക്കാനും ശ്രദ്ധിക്കുക.
ഫ്രീറാഡിക്കലുകൾ ശാരീരിക പ്രവർത്തനങ്ങളെ തകരാറിലാക്കാം. ആന്‍റി ഓക്സിഡന്‍റുകളിലൂടെ അതിനെ നേരിടാം. ചില ഭക്ഷ്യവസ്‌തുക്കളിൽ നിന്നാണ് ശരീരം ആന്‍റി ഓക്‌സിഡന്‍റുകൾ ഉൽപാദിപ്പിക്കുക. മാംസം, മത്സ്യം, മുട്ട, വെളുത്തുള്ളി, സവാള, കാബേജ്, ഗ്രീൻ ടീ, സ്പിനാച്ച്, ഉരുളക്കിഴങ്ങ്, ബെറി, പ്ലം, മുന്തിരി, ഉണക്കമുന്തിരി, എന്നിവയിൽ നിന്നും ശരീരം ആന്‍റി ഓക്സിഡന്‍റുകൾ ഉൽപാദിപ്പിക്കും. എ, സി, ഇ തുടങ്ങിയ വിറ്റാമിനുകളിൽ നിന്നും ആന്‍റി ഓക്‌സിഡന്‍റുകൾ ഉൽപാദിപ്പിക്കാം.
ആരോഗ്യമുള്ള മസ്‌തിഷ്കവും ആയുരാരോഗ്യ സൗഖ്യത്തിന് വഴിയൊരുക്കും. അതിന് ലോ ഫാറ്റ്, മിതമായ കലോറി ഡയറ്റ് പിന്തുടരണം. വിറ്റാമിൻ സി, ബി 5, മത്സ്യം, ചിക്കൻ, മുട്ട, ബീൻസ് ഇവയെല്ലാം ആവശ്യമാണ്. അത്രയേറെ പ്രാധാന്യം ബ്രെയിൻ എക്സർസൈസ്, ചെസ് കളി, മെമ്മറി ഗെയിമുകൾ എന്നിവയ്ക്കും ഉണ്ട്.
പ്രതിരോധ ശക്‌തി എത്രമാത്രം ഉയർന്നതാണോ ആയുർദൈർഘ്യം അത്രയും ഉയരും. കോഡ് ലിവർ ഓയിൽ, വിറ്റാമിൻ ബി,സി,ഇ, ബീറ്റാ കരോട്ടിൻ, സിങ്ക്, സെലനിയം, കരോട്ടിനോയിഡ്സ്, ഫ്‌ളാക്‌സ്, വെളുത്തുള്ളി, ഗ്രീൻ ടീ, മുന്തിരി, കാരറ്റ്, സ്വീറ്റ് പൊട്ടറ്റോ, തക്കാളി, ലെറ്റ്യൂസ്, ഇരുണ്ട പച്ചക്കറികൾ, കാബേജ്, ക്വാളിഫ്ളവർ, ആപ്പിൾ, ആപ്രിക്കോട്ട്, വാഴപ്പഴം, ഓട്സ്, സ്പിരുലിന, വാൽനട്ട്, സോയ, മഞ്ഞൾ, ഇഞ്ചി, കറുവാപ്പട്ട, ബീറ്റ്റൂട്ട്, ചിക്കൻ, ടർക്കി എന്നിവ കഴിക്കുന്നത് പ്രതിരോധത്തെ ബൂസ്റ്റ് ചെയ്യും. മദ്യം, ജങ്ക്ഫുഡ്, പഞ്ചസാര, പുകയില എന്നിവ പ്രതിരോധശക്‌തി തളർത്തിക്കളയും. എന്നാൽ മിതമായ രീതിയിൽ മദ്യം കഴിക്കുന്നത് പ്രതിരോധ ശക്‌തിയെ ബാധിക്കില്ലെന്ന വാദഗതിയുമുണ്ട്.
മൂന്ന് നേരം വിറ്റാമിൻ സി 500 മില്ലി ഗ്രാം അളവിൽ എടുക്കാം.
രാവിലെയും രാത്രിയിലുമായി വിറ്റാമിൻ ഇ 200 മില്ലി ഗ്രാം അളവിൽ കഴിക്കാം.
പ്രതിദിനം മൾട്ടി വിറ്റാമിനും മിനറൽ ടാബ്‍ലറ്റും കഴിക്കാം. (ഡോക്‌ടറുടെ നിർദ്ദേശപ്രകാരമായിരിക്കണം)
ബീറ്റാ കരോട്ടിൻ അടങ്ങിയ ഭക്ഷ്യവസ്തുക്കളായ ക്യാരറ്റ്, മധുരക്കിഴങ്ങ്, മത്തങ്ങ, തക്കാളി, സ്പിനാച്ച് എന്നിവ കഴിക്കാം.
കാത്സ്യം 500 മില്ലി ഗ്രാം ഡി ക്കൊപ്പം വിറ്റാമിൻ ഡി 200 എംജിയും കഴിക്കുക. വീണ് എല്ല് ഒടിയുന്നത് ഇത് തടയും.
പ്രമേഹ രോഗികൾ തക്കാളി കഴിക്കുന്നത് നല്ലതായിരിക്കും.
ഹീമോഗ്ലോബിൻ നില കൃത്യമായി പരിശോധിക്കുക. പുരുഷന് 13 മുതൽ 16 ഉം സ്ത്രീയ്ക്ക് 11 മുതൽ 13 വരെയായിരിക്കും ഇത്. അതിൽ കുറവാണെങ്കിൽ ഡോക്‌ടറെ കൺസൾട്ട് ചെയ്യാം.
ശരീരോഷ്മാവ് താഴ്ന്ന നിലയിലായിരിക്കണം.
18 മുതൽ 22 വരെയായിരിക്കണം ബിഎംഐ.
കാർബോഹൈഡ്രേറ്റും ഗ്ലൈസമിക് നിലയും കുറഞ്ഞ ഭക്ഷ്യവസ്‌തുക്കൾ കഴിക്കുക. ഇൻസുലിൻ ലെവൽ താഴ്ന്നിരിക്കാനിത് സഹായിക്കും.
വറുത്ത് പൊരിച്ച ഭക്ഷ്യവസ്‌തുക്കൾ, ബട്ടർ, നെയ്യ് ഒഴിവാക്കുക.
ദിവസവും രാത്രി കിടക്കും മുമ്പ് മൗത്ത്‍വാഷ് ഉപയോഗിക്കുക.
പ്രായത്തിനനുസരിച്ച് മിതമായി വ്യായാമം ചെയ്യുക. ഒരു മൈൽ 8 മിനിറ്റു കൊണ്ട് ഓടാൻ ശ്രമിക്കാം. ജീവിത ദൈർഘ്യം കൂട്ടാൻ സഹായിക്കും.
വെയ്റ്റ് ലിഫ്റ്റിംഗ്, കണ്ണ്, ചുമൽ, പുറം തുടങ്ങിയവയ്‌ക്കായുള്ള വ്യായാമം ചെയ്യുക.
പ്രായമേറിയവർക്ക് നടക്കുകയെന്നത് മികച്ച വ്യായാമമാണ്.
പൂന്തോട്ട നിർമ്മാണം: മനസ്സിനും ശരീരത്തിനും വ്യായാമവും സന്തോഷവും പകരുന്ന കാര്യമാണ്.
ബിസിയായിരിക്കാൻ ശ്രദ്ധിക്കുക.
സൗകര്യമുള്ളപ്പോൾ ദീർഘ ശ്വാസോഛ്വാസമെടുക്കുക.
ആവശ്യമുള്ളപ്പോൾ വേണ്ടത്ര വിശ്രമം എടുക്കുക.
ഇടയ്ക്ക് ബോഡി മസ്സാജ് ചെയ്യാം. മസിലിന് ആയാസം കിട്ടാനും, മാനസിക പിരിമുറുക്കവും തളർച്ചയും ക്ഷീണവും അകലാനും മസ്സാജിംഗ് ഉത്തമമാണ്. രക്‌തചംക്രമണം മെച്ചപ്പെടുത്തുകയും ചെയ്യും. രക്‌തത്തിലൂടെ ഓക്‌സിജന്‍റെയും പോഷകങ്ങളുടെയും പ്രവാഹത്തെ ത്വരിതപ്പെടുത്തും. ലിംഫ് മൂവ്മെന്‍റുകൾ വളരെ വേഗത്തിലാവും. അതുപോലെ ബിപി, എഡോമ, ഹൃദയമിടിപ്പ് നിരക്ക് നിയന്ത്രിതമാകും.
ഡീറ്റോക്സിഫിക്കേഷൻ: അതിരാവിലെ ഒരു ഗ്ലാസ് ചൂട് വെള്ളത്തിൽ അരമുറി നാരങ്ങാനീര് പിഴിഞ്ഞൊഴിച്ച് കുടിക്കുക. പഞ്ചസാരയോ ഉപ്പോ ചേർക്കേണ്ടതില്ല. മാസത്തിലൊരിക്കൽ ഉപവാസം അനുഷ്ഠിക്കുക. ഇടയ്ക്ക് ജ്യൂസ് കുടിക്കാം.
ഇടയ്ക്കിടയ്ക്ക് കഴിക്കുന്നത് ഒഴിവാക്കാം: ദിവസവും 2000 കലോറിയ്ക്ക് താഴെയായി വരുന്ന ഭക്ഷണം കഴിക്കുക. വെജ് മീൽസാണെങ്കിൽ രണ്ട് ഭക്ഷണത്തിനിടയിൽ 3 മണിക്കൂർ ഇടവേളയും നോൺ വെജ് ആണെങ്കിൽ 4 മണിക്കൂർ ഇടവേളയും നൽകാം.
പാസ്ച്ചുറൈസ് ചെയ്യാത്ത പാൽ ഒഴിവാക്കുക. ശരിയായി സ്റ്റോർ ചെയ്യാത്തതും എക്സ്പയറി ഡേറ്റ് കഴിഞ്ഞതുമായ പാൽ ഒഴിവാക്കുക.
ആന്‍റി ബാക്‌ടീരിയൽ സോപ്പ് ഉപയോഗിച്ച് കൈ ഇടയ്ക്കിടയ്ക്ക് കഴുകുക.
ആൾക്കൂട്ടമുള്ള ഭാഗം ഒഴിവാക്കുക.
മാനസിക പിരിമുറുക്കത്തെ റിലാക്സേഷൻ, യോഗ, മെഡിറ്റേഷൻ, പ്രാണായാമം, പ്രാർത്ഥന, വിശ്വാസം, സംഗീതം, അരോമതെറാപ്പി മുതലായവയിലൂടെ നേരിടുക.
അലുമിനിയം, നോൺസ്റ്റിക്ക് കുക്ക് വെയർ ഒഴിവാക്കി പകരം സ്റ്റൈയിൻലസ് സ്റ്റീൽ, ഗ്ലാസ്, സെറാമിക് പാത്രങ്ങൾ ഉപയോഗിക്കാം.
പ്ലാസ്റ്റിക് കണ്ടെയിനറുകളും ബാഗുകളും ഒഴിവാക്കുക.
സിന്തറ്റിക് ടവ്വലുകൾ, പോളിയുറീൻ എന്നിവ ഒഴിവാക്കി കോട്ടൺ ഉപയോഗിക്കുക.
പാകം ചെയ്‌ത ഭക്ഷണം മൂന്ന് മണിക്കൂറിനുള്ളിൽ കഴിക്കുക. അല്ലെങ്കിൽ ഭക്ഷണം ചൂടാക്കി ഉപയോഗിക്കാം.
പ്ലാസ്റ്റിക്ക് പാത്രത്തിൽ പാകം ചെയ്ത ഭക്ഷണം സൂക്ഷിച്ച് വയ്‌ക്കരുത്.
എല്ലാ ദിവസവും അൽപനേരം അക്യുപ്രഷർ ചെയ്യാം.
ഉള്ളതിലും പ്രായം കുറവ് തോന്നിക്കുന്നത് ആയുർദൈർഘ്യം കൂട്ടാൻ സഹായിക്കും.
കണ്ണാടിയ്ക്ക് മുന്നിൽ നിന്നോ ഇരുന്നോ സ്വന്തം രൂപത്തെ നോക്കി ആസ്വദിക്കുക.
അനായാസവും സുഖകരവും ധാരാളിത്തവുമുള്ള ജീവിതത്തേക്കാളിലും സംഘർഷഭരിതവും പ്രതിസന്ധികൾ നിറഞ്ഞതുമായ ജീവിതം ആയുർദൈർഘ്യം കൂട്ടും.
ഉച്ച കഴിഞ്ഞ് കുറച്ച് സമയം എന്നും ഉറങ്ങുക.
ജീവിതത്തിൽ ഒരു ലക്ഷ്യമുണ്ടാക്കി ജീവിക്കുക.
കുടുംബവും കൂട്ടുകാരുമൊത്തുള്ള ആഹ്ലാദഭരിതമായ ജീവിതം ആയുർദൈർഘ്യം കൂട്ടും.
പുകയിലയും പുകവലിയും ഇല്ലാതിരിക്കുന്നത് ആയുസ് 2 വർഷമായി കൂട്ടും.
ബീഫ്, ഹോട്ട് ഡോഗ്, ബേക്കൺ എന്നിവ കഴിക്കുന്നത് ഒഴിവാക്കിയാൽ ആയുസ് രണ്ട് വർഷമായി വർദ്ധിപ്പിക്കാം.