സ്നാക്സിൽ രുചികരവും ആരോഗ്യകരവുമായ പാചകക്കുറിപ്പ് പരീക്ഷിക്കാൻ നിങ്ങൾ ആഗ്രഹിക്കുന്നുവെങ്കിൽ, പനീർ ടിക്കയുടെ ഈ പാചകക്കുറിപ്പ് മറക്കരുത്.

ചേരുവകൾ

1 സവാള

1 കാപ്സിക്കം

1 ടീസ്പൂൺ ഇഞ്ചി വെളുത്തുള്ളി പേസ്റ്റ്

200 ഗ്രാം പനീർ

200 ഗ്രാം കട്ട തൈര്

2 ടീസ്പൂൺ കശ്മീരി മുളകുപൊടി

1 ടീസ്പൂൺ മല്ലിപ്പൊടി

1/2 ടീസ്പൂൺ മഞ്ഞൾ പൊടി

1/2 ടീസ്പൂൺ ഗരം മസാല പൊടി

1 ടീസ്പൂൺ ജീരകം പൊടി

1 ടീസ്പൂൺ ഉണങ്ങിയ മാങ്ങാപ്പൊടി

1 ടീസ്പൂൺ അയമോദകം

1 ടീസ്പൂൺ ചാട്ട് മസാല

1/2 ടീസ്പൂൺ കുരുമുളക് പൊടി

1/2 ടീസ്പൂൺ ബ്ലാക്ക് സാൾട്ട്

11/2 ടീസ്പൂൺ നാരങ്ങ നീര്

1 ടീസ്പൂൺ കടുക് എണ്ണ. (ഇഷ്ടമുണ്ടെങ്കിൽ)

തയ്യാറാക്കുന്ന വിധം

സവാള തൊലി കളഞ്ഞ് കഴുകി 1 മുതൽ 11/2 ഇഞ്ച് വരെ ചതുരാകൃതിയിൽ മുറിക്കുക. അതുപോലെ കാപ്സിക്കം കഴുകി 1 മുതൽ 11/2 ഇഞ്ച് കഷണങ്ങളാക്കി മുറിക്കുക. അവയെ പ്രത്യേകം സൂക്ഷിക്കുക. വേണമെങ്കിൽ തക്കാളിയും ഉപയോഗിക്കാം. 200 മുതൽ 250 ഗ്രാം വരെ പനീർ ചതുര കഷ്ണങ്ങളാക്കി മുറിച്ച് മാറ്റി വയ്ക്കുക.

ടിക്ക മാരിനേറ്റ് ചെയ്യുന്ന വിധം

200 ഗ്രാം തൈര് ഒരു പാത്രത്തിൽ നല്ലതുപോലെ കട്ടയുടയ്ക്കുക. ഇനി ഇഞ്ചി വെളുത്തുള്ളി പേസ്റ്റും ചേരുവകളിൽ നൽകിയിരിക്കുന്ന എല്ലാ മസാലകളും തൈരിലേക്ക് ചേർക്കുക. 1/2 ടീസ്പൂൺ ബ്ലാക്ക് സാൾട്ടും പ്ലെയിൻ ഉപ്പും രുചിക്കനുസരിച്ച് മിക്സ് ചെയ്യുക. ബ്ലാക്ക് സാൾട്ട് ഇല്ലെങ്കിൽ നിർബന്ധമില്ല. ചെറുനാരങ്ങാനീരും കടുകെണ്ണയും ചേർക്കുക. കടുകെണ്ണയ്ക്ക് പകരം ഇഷ്ടാനുസരണം മറ്റേതെങ്കിലും എണ്ണ ഉപയോഗിക്കാം. എല്ലാ വസ്തുക്കളും നന്നായി മിക്സ് ചെയ്യുക.

ഇനി ഈ മിശ്രിതത്തിലേക്ക് സവാള, ക്യാപ്‌സിക്കം, പനീർ എന്നിവ ചേർത്ത് പതുക്കെ ഇളക്കുക, അങ്ങനെ മസാല എല്ലാം നന്നായി പിടിപ്പിക്കാനായി മിക്സ് ചെയ്യുമ്പോൾ പനീറിന്‍റെ ആകൃതി നഷ്ടമാകാതെ ശ്രദ്ധിക്കുക. ഇനി ഫ്രിഡ്ജിൽ വെച്ച് 2 മണിക്കൂറെങ്കിലും മാരിനേറ്റ് ചെയ്യാൻ വെക്കുക.

ഗ്രിൽ ചെയ്യുന്ന വിധം

ഓവൻ 230 അല്ലെങ്കിൽ 240 ഡിഗ്രി സെൽഷ്യസിലോ 464 ഡിഗ്രി ഫാരൻഹീറ്റിലോ 15 മുതൽ 20 മിനിറ്റ് വരെ ചൂടാക്കുക. ബാമ്പു സ്റ്റിക്ക് ഉയോഗിക്കുന്നതിന് മുമ്പ്, നന്നായി കഴുകുക അല്ലെങ്കിൽ വേണമെങ്കിൽ, കുറച്ച് നേരം വെള്ളത്തിൽ ഇട്ട് വയ്ക്കുക. അതിനുശേഷം പച്ചക്കറികളും പനീറും സ്റ്റിക്കിൽ മാറി മാറി ത്രെഡ് ചെയ്യുക. ഓവൻ ഗ്രിൽ ചെയ്യുമ്പോഴോ പ്രീ ഹീറ്റ് ചെയ്യുമ്പോഴോ ഓവന്‍റെ മുകളിലെ ഹീറ്റിംഗ് റോഢ് മാത്രം പ്രവർത്തിക്കുന്നു എന്ന് ഉറപ്പാക്കുക.

അതിനുശേഷം, ഒരു ട്രേയിൽ അലുമിനിയം ഫോയിൽ വയ്ക്കുക, തയ്യാറാക്കിയ പനീർ ടിക്ക സ്റ്റിക്ക് അതിൽ വയ്ക്കുക.

മുകളിൽ അൽപം എണ്ണ തേച്ച് പ്രീ ഹീറ്റ് ചെയ്ത ഓവനിൽ മുകളിലെ റാക്കിൽ ട്രേ വയ്ക്കുക. 230 മുതൽ 240 ഡിഗ്രി സെൽഷ്യസിലോ 464 ഡിഗ്രി ഫാരൻഹീറ്റിലോ 7 മുതൽ 10 മിനിറ്റ് വരെ ഗ്രിൽ ചെയ്യുക. എന്നിട്ട് ഓവനിൽ നിന്ന് ട്രേ പുറത്തെടുത്ത്, പനീർ ടിക്ക തിരിച്ചവച്ച് മുകളിൽ അൽപം എണ്ണ പുരട്ടി റാക്കിൽ തിരികെ വയ്ക്കുക.