രുചിക്കും ഇഷ്ടത്തിനും അനുസരിച്ച് പല തരത്തിലുള്ള ചട്ണികൾ നമ്മുടെ വീടുകളിൽ ഉണ്ടാക്കാറുണ്ട്. ഈ ചട്ണികൾ കഴിക്കാൻ എല്ലാവർക്കും ഇഷ്ടമാണ്. എന്നാൽ വീട്ടിൽ ഉണ്ടാക്കുന്ന ഇത്തരത്തിലുള്ള ചട്ണികൾ നിങ്ങളെ ആരോഗ്യം ഉള്ളവരാക്കാൻ സഹായിക്കുമെന്ന് നിങ്ങൾക്കറിയാമോ. അതെ, ചട്ണി രുചി വർദ്ധിപ്പിക്കാൻ മാത്രമല്ല, ആരോഗ്യത്തിന് വളരെയധികം ഗുണം ചെയ്യും.
പല ആരോഗ്യ പ്രതിസന്ധികൾക്കും പെട്ടെന്ന് പരിഹാരം കാണുന്നതിനും ചമ്മന്തി നല്ലതാണ്. വളരെ ചുരുങ്ങിയ സമയം കൊണ്ട് ഏറിപ്പോയാൽ അഞ്ച് മിനിട്ട് കൊണ്ട് തയ്യാറാക്കാവുന്ന ഒന്നാണ് ചട്ണി. ആരോഗ്യ ഗുണങ്ങളാവട്ടെ അത് പറയുകയും വേണ്ട. അത്രയ്ക്കും ഗുണങ്ങൾ ചമ്മന്തിയിൽ ഉണ്ട്. പലതരം ചട്ണികൾ കഴിക്കുന്നതിന്‍റെ ഗുണങ്ങളെക്കുറിച്ചാണ് ഇവിടെ പറയുന്നത്.
പുതിന ചട്ണി
പുതിന ചട്ണി ഭക്ഷണത്തോടൊപ്പം പതിവായി കഴിക്കുകയാണെങ്കിൽ ദഹന സംബന്ധമായ അസുഖങ്ങളിൽ നിന്ന് ഒരു പരിധി വരെ അകന്ന് നിൽക്കാൻ സാധിക്കും. കാരണം, ദഹന പ്രക്രിയ നന്നായി നിലനിർത്താൻ പുതിന ചട്ണി വളരെ ഗുണം ചെയ്യും. വിശപ്പ് വർദ്ധിപ്പിക്കുന്നതിനൊപ്പം, ഓക്കാനം, മലബന്ധം, ഛർദ്ദി തുടങ്ങിയ പല രോഗങ്ങൾ ശമിപ്പിക്കാനും ഇത് സഹായിക്കുന്നു.
നെല്ലിക്ക ചട്ണി
വിറ്റാമിൻ സിയുടെ മികച്ച ഉറവിടമാണ് നെല്ലിക്ക. ശരീരത്തിന്‍റെ പ്രതിരോധശേഷി വർദ്ധിപ്പിക്കുന്നതിന് ഇത് പ്രവർത്തിക്കുന്നു. ഇതിന്‍റെ ഉപയോഗം ചർമ്മ സംബന്ധമായ പ്രശ്‌നങ്ങൾ ഉണ്ടാക്കുന്നില്ല. ഇത് കൂടാതെ നെല്ലിക്ക ചട്ണി കഴിക്കുന്നത് കൊളസ്‌ട്രോളിന്‍റെ അളവ് കുറയ്ക്കും. ഇത് ഇൻസുലിൻ സ്രവിക്കാനും പ്രമേഹം നിയന്ത്രിക്കാനും നെല്ലിക്ക ചട്ണി സഹായിക്കുന്നു.
മല്ലിയില ചട്ണി
എളുപ്പത്തിൽ തയ്യാറാക്കാൻ കഴിയുന്നതും നമ്മുടെ വീടുകളിൽ ഏറ്റവും കൂടുതൽ ഉപയോഗിക്കുന്നതും മല്ലിയില ചട്ണിയാണ്. ദഹനം വർദ്ധിപ്പിക്കാനുള്ള ഏറ്റവും നല്ല മരുന്നാണ് ഇത്. വൈറ്റമിൻ സിയ്‌ക്കൊപ്പം വിറ്റാമിൻ കെയും ആവശ്യമായ അളവിൽ ഇതിൽ കാണപ്പെടുന്നു. ഇത് രക്തത്തിലെ പഞ്ചസാരയെ നിയന്ത്രിക്കുന്നു. ഇതിന്‍റെ ഉപയോഗം നിങ്ങളുടെ ആരോഗ്യത്തിന് ഏറെ ഗുണം ചെയ്യും.
ഉള്ളി, വെളുത്തുള്ളി ചട്ണി
വെളുത്തുള്ളി ആന്‍റി ബാക്ടീരിയൽ, ആന്‍റി ഫംഗൽ, ആന്‍റി ഇൻഫ്ലമേറ്ററി ഗുണങ്ങളാൽ സമ്പുഷ്ടമാണ് അതിനാൽ ഉള്ളി, വെളുത്തുള്ളി ചട്ണി മലബന്ധം, പൈൽസ് തുടങ്ങിയ പ്രശ്നങ്ങൾക്ക് പരിഹാരം നൽകുന്നു. ഇതുകൂടാതെ പ്രമേഹം നിയന്ത്രിക്കാനും ഈ ചട്ണി ഗുണകരമാണ്.
തക്കാളി ചട്ണി
വിറ്റാമിനുകളും ഗ്ലൂട്ടത്തയോണും തക്കാളി ചട്ണിയിൽ വലിയ അളവിൽ കാണപ്പെടുന്നു. ആരോഗ്യകരമായ ജീവിതത്തിന് തക്കാളി ചട്ണി പതിവായി കഴിക്കണം. കാൻസർ ഭേദമാക്കുന്ന ഗുണങ്ങൾ ഇതിൽ കാണപ്പെടുന്നു.
കറിവേപ്പില ചട്ണി
ഇരുമ്പിന്‍റെയും ഫോളിക് ആസിഡിന്‍റെയും മികച്ച ഉറവിടമാണ് കറിവേപ്പില. ഇരുമ്പ് ആഗിരണം ചെയ്യാനുള്ള ശരീരത്തിന്‍റെ കഴിവ് വർദ്ധിപ്പിക്കാൻ ഫോളിക് ആസിഡ് പ്രവർത്തിക്കുന്നു. വിളർച്ച അഥവാ അനീമീയ അനുഭവിക്കുന്നവർക്ക് ഒരു അനുഗ്രഹമാണ് കറിവേപ്പില ചട്ണി.
തേങ്ങ ചട്ണി
തേങ്ങ ചിരകിയോ ചുട്ടോ എടുത്തു ഉണ്ടാക്കുന്ന ചമ്മന്തി മലയാളികളുടെ ഏറ്റവും പ്രധാന കറികളിൽ ഒന്നാണ്. നാളികേരത്തിന്‍റെ അസംഖ്യം ഗുണങ്ങൾ എല്ലാവർക്കും അറിയാം. ശരീരത്തിലെ ടോക്സിന്‍ ഇല്ലാതാക്കുന്നതിന് വളരെയധികം സഹായിക്കുന്ന ഒന്നാണ് തേങ്ങ ചമ്മന്തി. ഇത് ശരീരത്തിലെ വിഷാംശത്തെ ഇല്ലാതാക്കുന്നതിന് സഹായിക്കുന്നു. അൾസർ രോഗം ഉള്ളവർക്ക് മുളക് കുറച്ചു തേങ്ങ ചേർത്ത ചമ്മന്തി ഉണ്ടാക്കി കഴിക്കുന്നത് ഗുണം ചെയ്യും. ദോശയ്ക്കും കഞ്ഞിക്കും ഒപ്പം നല്ല കോമ്പിനേഷൻ ആണ് തേങ്ങ ചട്ണി.
