ഐശ്വര്യ റായ് ബച്ചൻ തന്‍റെ അമ്മായിയമ്മയുമായി പിണങ്ങി വേർപിരിഞ്ഞുവെന്ന വാർത്തകൾ ബോളിവുഡിന്‍റെ ഇടനാഴികളിൽ പരക്കുകയാണ്. ഐശ്വര്യ റായ് ബച്ചനും അമ്മായിയമ്മ ജയ ബച്ചനും തമ്മിൽ അഭിപ്രായ വ്യത്യാസമുണ്ടെന്ന് സോഷ്യൽ മീഡിയയിൽ വാർത്തകൾ പ്രചരിക്കുന്നുണ്ട്. എന്നാൽ ഇതുവരെ ഐശ്വര്യയും അഭിഷേകും ഇക്കാര്യത്തിൽ അഭിപ്രായം നൽകിയിട്ടില്ല. ഇതിനെല്ലാം ഇടയിൽ ഒരു വീഡിയോ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ഈ വീഡിയോയിൽ, ഐശ്വര്യ തന്‍റെ അമ്മായി അച്ഛൻ കൂടിയായ അമിതാഭ് ബച്ചൻ, ഷാരൂഖ് ഖാൻ, കരൺ ജോഹർ എന്നിവരുൾപ്പെടെയുള്ള താരങ്ങൾക്കൊപ്പം നൃത്തം ചെയ്യുന്നതായി കാണുന്നു.
മുംബൈയിലെ ധീരുഭായ് ഇന്‍റർനാഷണൽ സ്‌കൂളിന്‍റെ വാർഷിക ചടങ്ങിൽ ആണ് ഈ താരങ്ങൾ കാണുകയും നൃത്തം ചെയ്യുകയും ചെയ്തത്. താരങ്ങളുടെ വീഡിയോ സോഷ്യൽ മീഡിയയിൽ വൈറലായതോടെ ആരാധകർ വലിയ പ്രതികരണമാണ് നടത്തുന്നത്.
നിരവധി ബോളിവുഡ് താരങ്ങളുടെ കുട്ടികൾ മുംബൈയിലെ ധീരുഭായ് ഇന്‍റർനാഷണൽ സ്കൂളിൽ പഠിക്കുന്നു. സ്‌കൂളിന്‍റെ വാർഷിക ചടങ്ങിനോടനുബന്ധിച്ച് ഷാരൂഖ് ഖാൻ, ഐശ്വര്യ റായ് ബച്ചൻ, കരീന കപൂർ ഖാൻ, കരൺ ജോഹർ, ഷാഹിദ് കപൂർ തുടങ്ങി നിരവധി താരങ്ങൾ കുട്ടികളുമായി എത്തിയിരുന്നു. ഈ താരങ്ങൾ തങ്ങളുടെ കുട്ടികളുടെ പ്രകടനം കണ്ട് അവരെ പുകഴ്ത്തികൊണ്ടുള്ള വീഡിയോകളും സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ഇതിൽ ഒരു വീഡിയോ ഏറ്റവും വൈറലായിക്കൊണ്ടിരിക്കുകയാണ്. ഈ വീഡിയോയിൽ ഐശ്വര്യ ബച്ചൻ, അമിതാഭ് ബച്ചൻ, ഷാരൂഖ് ഖാൻ, കരൺ ജോഹർ, സുഹാന ഖാൻ തുടങ്ങി എല്ലാ താരങ്ങളും നൃത്തം ചെയ്യുന്നതായി കാണാം. ഷാരൂഖ് ഖാന്‍റെ ഓം ശാന്തി ഓം എന്ന ചിത്രത്തിലെ ദീവാംഗി-ദീവാംഗി എന്ന ഗാനത്തിനാണ് എല്ലാവരും നൃത്തം ചെയ്യുന്നത്.
ഇൻസ്റ്റാഗ്രാമിൽ ഈ പോസ്റ്റ് കാണുക
View this post on Instagram
ഐശ്വര്യ റായ് ബച്ചനും അഭിഷേകും തമ്മിൽ വേർപിരിയാൻ പോകുന്നു എന്ന രീതിയിൽ കുറച്ചു നാൾ മുൻപ് വ്യാജ വാർത്ത പരന്നിരുന്നു. ഇരുവരും തമ്മിലുള്ള അഭിപ്രായവ്യത്യാസത്തെക്കുറിച്ചുള്ള വാർത്തകൾ മുൻപേ പുറത്തു വന്നതാണ്. ഐശ്വര്യ റായ് ബച്ചൻ ജയ ബച്ചന്‍റെ വീട് വിട്ട്, അതായത് ബച്ചൻ ഹൗസ് ഉപേക്ഷിച്ച് വേറെ താമസിക്കുന്ന വാർത്തയാണ് വാർത്തകളിൽ നിറഞ്ഞത്. ഇതൊരു വലിയ വാർത്ത ആക്കാൻ മാത്രം കാരണം ഒന്നും കാണുന്നില്ല എങ്കിൽ കൂടി പാപ്പരാസികൾ ഇവരെ വിടുന്നില്ല എന്നതാണ് വാസ്തവം. ഐശ്വര്യ റായ് ബച്ചൻ ജൽസ ഹൗസ് വിട്ട് വേർപിരിഞ്ഞ് താമസിക്കുകയാണെന്ന് മാധ്യമങ്ങൾ റിപ്പോർട്ട് ചെയ്യുന്നു. ഐശ്വര്യ റായ് ബച്ചൻ ജയാ ബച്ചനുമായി സംസാരിക്കുന്നില്ലെന്നും ഇതിനെ തുടർന്ന് കുടുംബത്തിൽ വഴക്കുണ്ടെന്നും പറയുന്നു. ഭാർത്തൃസഹോദരി ശ്വേത ബച്ചൻ ആണ് വഴക്കിന്‍റെ കാരണം എന്നും പറയുന്നുണ്ട്.
ബിഗ് ബിയുടെ മകൾ ശ്വേത ബച്ചൻ ഈ ദിവസങ്ങളിൽ വാർത്തകളിൽ നിറഞ്ഞിരിക്കുകയാണ്. സോഷ്യൽ മീഡിയ ശ്വേതയെ ഏറെ ട്രോളുകയാണ്. ശ്വേതയുടെ മകൾ നവ്യ അടുത്തിടെ പാരീസ് ഫാഷൻ വീക്കിൽ റാംപിൽ അരങ്ങേറ്റം കുറിച്ചിരുന്നു. ആ വീഡിയോ ആണ് അവർ ഷെയർ ചെയ്തത്. ഐശ്വര്യ റായിയും ഈ ഫാഷൻ വീക്കിന്‍റെ ഭാഗമായിരുന്നു. എന്നാൽ ആ വീഡിയോയിൽ ഐശ്വര്യയെ ശ്വേത ടാഗ് ചെയ്തിരുന്നില്ല. ഇക്കാരണത്താൽ അവർ വളരെയധികം ട്രോളുകൾ ചെയ്യപ്പെടുന്നു. ഇതാദ്യമായല്ല ശ്വേതയും ഐശ്വര്യയും തമ്മിൽ ഭിന്നത ഉണ്ടാകുന്നത്. ഐശ്വര്യയിൽ തനിക്ക് ഇഷ്ടപ്പെടാത്ത കാര്യം ഒരിക്കൽ ശ്വേത പറഞ്ഞിട്ടുണ്ട്.
