മേക്കപ്പിന്‍റെ വ്യത്യസ്തമായ ലുക്ക് വ്യക്‌തിത്വത്തിന് അഴകുപകരുന്നതിനൊപ്പം ആത്മവിശ്വാസവും വർദ്ധിപ്പിക്കുന്നു. വെഡിംഗ്, പാർട്ടി മേക്കപ്പിൽ ഏറ്റവും ട്രെൻഡിയായ ഒരു മേക്കപ്പാണ് യൂറോപ്യൻ ലുക്ക് മേക്കപ്പ്. സെലിബ്രിറ്റി മേക്കപ്പ് ആർട്ടിസ്‌റ്റ് അഭിഷേക് ഖേത്രപാല്‍ യൂറോപ്യൻ ലുക്ക് മേക്കപ്പ് പരിചയപ്പെടുത്തുന്നു. യൂറോപ്യൻ ലുക്ക് മേക്കപ്പ് ചെയ്യുന്നതെങ്ങനെയെന്നറിയാം.
ബേസ് മേക്കപ്പ്
മേക്കപ്പിടും മുമ്പ് മുഖം ക്ലൻസിംഗ് ചെയ്ത് നന്നായി വൃത്തിയാക്കണം. ശേഷം ടോണിംഗ്, മോയിസ്ച്ചുറൈസിംഗ് ചെയ്യാം. തുടർന്ന് കൺസീലർ പുരട്ടി മുഖത്തെ പാടുകളെയും മറ്റും മറയ്ക്കാം. ഇനിയാണ് ഫൗണ്ടേഷൻ അഥവാ ബേസ് പുരട്ടി മുഖത്തിന് സ്മൂത്ത് ലുക്ക് നൽകേണ്ടത്. ശ്രദ്ധിക്കുക സ്വന്തം സ്കിൻ ടോണിന് അനുസരിച്ചുള്ളതാകണം ബേസ്. സ്കിൻ ടോണിന് അനുസരിച്ചുള്ള ബേസ് തെരഞ്ഞെടുക്കാൻ ബേസ് നെറ്റിത്തടത്തിലോ, കവിളുകളിലോ പുരട്ടി നോക്കാം. മുഖചർമ്മവുമായി ബേസ് നന്നായി ഇണങ്ങുന്നുണ്ടെങ്കിൽ മുഖത്തിന് അതേ ബേസ് അപ്ലൈ ചെയ്യാം. ബേസ് അപ്ലൈ ചെയ്യുമ്പോൾ ലാഫിംഗ് ലൈൻസ്, ഐ കോർണറുകൾ, ലിപ് കോർണറുകൾ എന്നീ ഭാഗങ്ങൾ ശ്രദ്ധയോടെ അപ്ലിഫ്റ്റ് ചെയ്യാം. ബേസ് നന്നായി ബ്ലൻഡ് ചെയ്യുംവിധം വേണം ചർമ്മത്തിൽ അപ്ലൈ ചെയ്യാൻ. ചർമ്മ സുഷിരങ്ങൾ ഫിൽ ചെയ്ത് സ്മൂത്ത് ആക്കുംവിധം ബേസ് അപ്ലൈ ചെയ്യാം.
മുഖം അൽപം ഡ്രൈ ആണെങ്കിൽ പ്രൈമർ അല്ലെങ്കിൽ മോയിസ്ച്ചുറൈസർ പുരട്ടാം അഥവാ ഓയിലിയാണെങ്കിൽ മാറ്റ് ഫിനിഷ് ടോണർ പുരട്ടാൻ മറക്കരുത്. അതോടെ ചർമ്മത്തിലെ ഓയിലി ഇഫക്റ്റ് വരുന്നത് ഇല്ലാതാകും. ബേസ് ബ്ലൻഡ് ചെയ്യുമ്പോൾ കൈ കൊണ്ട് നേരിയ പ്രഷർ മാത്രമേ കൊടുക്കാവൂ. ഐ ബോൾസ് ഏരിയയിൽ ബേസ് പുരട്ടരുത്. പുരട്ടിയാൽ കണ്ണുകൾ ചെറുതായതു പോലെ തോന്നും.
ട്രാൻസ്‍ല്യൂഷൻ പൗഡർ
മുഖത്ത് ബേസ് നന്നായി ബ്ലൻഡ് ചെയ്ത് പിടിപ്പിക്കുക. അതിനു മീതെ ട്രാൻസ്‍ല്യൂഷൻ പൗഡർ റൗണ്ട് ഡയറക്ഷനിലായി പുരട്ടുക. അഥവാ കൂടുതലായി പോയാൽ ബ്രഷ് ഉപയോഗിച്ച് എക്സ്ട്രാ പൗഡർ നീക്കാം. ലാഫിംഗ് ലൈൻ കാണാതിരിക്കാൻ ബ്ലൻഡിംഗ് നല്ലവണ്ണം ചെയ്യുക.
പാൻകേക്ക് ടച്ച് ചെയ്യുകയാണെങ്കിൽ വെള്ളം മിക്‌സ് ചെയ്ത് തന്നെ ടച്ച് ചെയ്യാം. മേക്കപ്പ് നീക്കം ചെയ്യുമ്പോൾ എണ്ണ പുരട്ടി നീക്കം ചെയ്യണം. പാൻകേക്ക് മേക്കപ്പിനെ ലോംഗ്‍ലാസ്റ്റിംഗും വാട്ടർ പ്രൂഫുമാക്കും. നൈറ്റ് പാർട്ടിയ്ക്ക് വെസ്റ്റേൺ ഡ്രസ്സാണ് അണിയുന്നതെങ്കിൽ മുഖത്ത് മെറ്റാലിക് ഷൈനർ ടച്ച് ചെയ്യാം.
ബ്ലഷർ
മേക്കപ്പിൽ ബ്ലഷർ ഏറ്റവും പ്രധാനമാണ്. ഡൾ സ്കിന്നിൽ ഫ്രഷ്നസ്സും റോസിഗ്ലോയും നൽകും. ബ്ലഷർ ഫീച്ചേഴ്സിനെ കൂടുതൽ എടുത്ത് കാട്ടും. ഒപ്പം മുഖത്തിന് ശരിയായ ഡെഫിനിഷനും കിട്ടും. മുഖത്തിന് ഷെയ്പ് വരുത്തുന്നതിന് പുറമെ കൊൺടൂറിംഗും ചെയ്യാന്‍ ബ്ലഷര്‍ ഉപയോഗപ്പെടുത്താം. ബ്ലഷർ അപ്ലൈ ചെയ്യാൻ ഡോം ഷെയിഡ്സ് ബ്ലഷർ ബ്രഷ് ഉപയോഗിക്കാം. ബ്ലഷറിൽ ബ്രഷ് വട്ടത്തിൽ ചലിപ്പിച്ച് കവിളിൽ ലൈറ്റ് സ്ട്രോക്‌സായി ഇട്ടുകൊണ്ട് നെറ്റിയിലേക്ക് ബ്ലഷർ വ്യാപിപ്പിച്ച് ബ്ലൻഡ് ചെയ്യാം. ബ്ലഷർ കൂടി പോയാൽ പൗഡർ പഫിൽ ടിഷ്യൂപേപ്പർ പൊതിഞ്ഞ് ബ്ലഷറിൽ ഗോൾഡൻ ഷിമർ ചേർത്ത് അപ്ലൈ ചെയ്യാം. ഇത് മുഖത്തെ ഫീച്ചേഴ്സിനെ ഹൈലൈറ്റ് ചെയ്യും. സ്കിൻ ടോൺ ഡാർക്ക് ആണെങ്കിൽ പേൾ പെസ്റ്റൽ ഷെയിഡ്സ് അപ്ലൈ ചെയ്യുന്നത് ഒഴിവാക്കാം. അല്ലെങ്കിൽ ചർമ്മത്തിന്‍റെ നിറം ചാരനിറമാർന്നതായി കാണപ്പെടും.
