ഇന്നത്തെ കാലത്ത് എല്ലാവരും അവരവരുടെ ഭക്ഷണകാര്യത്തിൽ പ്രത്യേകം ശ്രദ്ധിക്കുന്നവരാണ്. ഡ്രാഗൺ ഫ്രൂട്ട് ഭക്ഷണത്തിൽ ഉൾപ്പെടുത്തുന്നതിലൂടെ നമുക്ക് ധാരാളം ഗുണങ്ങൾ ലഭിക്കുന്നു. ഈ പഴം രുചിയും പോഷകങ്ങളും കൊണ്ട് സമ്പന്നമാണ്. ഡ്രാഗൺ ഫ്രൂട്ട് കഴിക്കുന്നത് ആരോഗ്യകരം മാത്രമല്ല, ഈ പഴത്തിന്‍റെ ഫേസ് മാസ്കിടുന്നത്‌ ചർമ്മത്തിന് വളരെ ഗുണം ചെയ്യും.
ഡ്രാഗൺ ഫ്രൂട്ട് കഴിക്കുന്നത് നിങ്ങളുടെ ചർമ്മത്തിലെ ജലാംശം നിലനിർത്തുന്നു. ഇതുമൂലം ചർമ്മം തിളങ്ങുകയും ക്ലിയർ ആവുകയും ചെയ്യുന്നു. ഡ്രാഗൺ ഫ്രൂട്ടിൽ നിന്നുള്ള ഉൽപ്പന്നങ്ങളും മാസ്കുകളും ഉപയോഗിക്കുന്നത് നിങ്ങളുടെ ചർമ്മത്തെ പോഷിപ്പിക്കുന്നു. ഡ്രാഗൺ ഫ്രൂട്ടിന്‍റെ ഗുണങ്ങളെ കുറിച്ച് നമുക്ക് നോക്കാം...
ചർമ്മത്തെ പോഷിപ്പിക്കുന്നു
ഡ്രാഗൺ ഫ്രൂട്ടിൽ അടങ്ങിയിരിക്കുന്ന വിറ്റാമിനുകളും ധാതുക്കളും ചർമ്മത്തെ പോഷിപ്പിക്കാനും അതുവഴി മൊത്തത്തിലുള്ള ആരോഗ്യം മെച്ചപ്പെടുത്താനും സഹായിക്കുന്നു.
ചർമ്മത്തിൽ ജലാംശം നിലനിർത്താൻ
ഡ്രാഗൺ ഫ്രൂട്ടിൽ പ്രകൃതിദത്തമായ പഞ്ചസാരയും ജലാംശവും ഉള്ളതിനാൽ ഇത് ചർമ്മത്തിന് ഈർപ്പം നൽകുന്നു. ഡ്രാഗൺ ഫ്രൂട്ടിൽ ഉയർന്ന ജലാംശം ഉള്ളതിനാൽ ചർമ്മത്തിന്‍റെ ആരോഗ്യം നിലനിർത്താൻ ഇത് സഹായിക്കും.
ആന്‍റി ഓക്‌സിഡന്‍റുകളാൽ സമ്പന്നമാണ്
ആന്‍റി ഓക്‌സിഡന്‍റുകളും വിറ്റാമിൻ സിയും അടങ്ങിയ ഡ്രാഗൺ ഫ്രൂട്ട് ചർമ്മത്തെ ഫ്രീ റാഡിക്കലുകളിൽ നിന്ന് സംരക്ഷിക്കാൻ സഹായിക്കും. ഇക്കാരണത്താൽ, നിങ്ങളുടെ ചർമ്മം ഇറുകിയതായി മാറുന്നു, ചർമ്മത്തിന്‍റെ യുവത്വം നിലനിർത്തുന്നു.
ചർമ്മം തിളങ്ങുന്നു
ഡ്രാഗൺ ഫ്രൂട്ടിൽ വിറ്റാമിൻ സി ധാരാളം അടങ്ങിയിട്ടുണ്ട്, ഇത് മുഖത്തെ കറുത്ത പാടുകളും അസമമായ ചർമ്മ ടോണും കുറയ്ക്കും, അതിനാൽ നിങ്ങളുടെ ചർമ്മം തിളങ്ങുന്നു. ഡ്രാഗൺ ഫ്രൂട്ട് ഉൽപ്പന്നങ്ങളോ മാസ്കുകളോ ഉപയോഗിക്കുന്നത് നിങ്ങളുടെ ചർമ്മത്തിന് സ്വാഭാവിക തിളക്കം നൽകും.
സെൻസിറ്റിവിറ്റി ശമിപ്പിക്കുന്നു
ഡ്രാഗൺ ഫ്രൂട്ടിന് ആന്‍റി ഇൻഫ്ലമേറ്ററി ഗുണങ്ങളുണ്ട്, അത് നിങ്ങളുടെ ചർമ്മത്തിലെ അലർജികളും മറ്റും ശമിപ്പിക്കും. ചർമ്മം സെൻസിറ്റീവ് ആയ ആളുകൾക്കും ഇത് ഉപയോഗിക്കാം.
മുഖക്കുരു കുറയ്ക്കുന്നു
ഡ്രാഗൺ ഫ്രൂട്ടിന് ആന്‍റി മൈക്രോബയൽ ഗുണങ്ങളുണ്ട്, ഇത് ചർമ്മത്തിലെ ബാക്ടീരിയകളുടെ വളർച്ച തടയാനും മുഖക്കുരു കുറയ്ക്കാനും സഹായിക്കും.
കൊളാജൻ ഉത്പാദനം വർദ്ധിപ്പിക്കുന്നു
ഡ്രാഗൺ ഫ്രൂട്ടിൽ അടങ്ങിയിരിക്കുന്ന വിറ്റാമിൻ സി കൊളാജൻ ഉൽപാദനത്തിന് അത്യന്താപേക്ഷിതമാണ്. ഇത് പതിവായി ഉപയോഗിക്കുന്നത് കൊളാജൻ ഉൽപാദനത്തെ പ്രോത്സാഹിപ്പിക്കുന്നു, ഇത് നല്ല ചർമ്മത്തിന് വളരെ പ്രധാനമാണ്.
എക്സ്ഫോളിയേഷൻ
ഡ്രാഗൺ ഫ്രൂട്ടിലെ കറുത്ത വിത്തുകൾ ചർമ്മത്തിന് പ്രത്യേക പരിചരണം നൽകാൻ ഉപയോഗിക്കുന്നു. ഇത് ഒരു മൈൽഡ് എക്സ്ഫോളിയേറ്ററായി പ്രവർത്തിക്കുന്നു. ഡ്രാഗൺ ഫ്രൂട്ട് കഴിക്കുന്നത് ചർമ്മത്തിലെ മൃതകോശങ്ങളെ നീക്കം ചെയ്യാനും ചർമ്മത്തിന് തിളക്കം നൽകാനും സഹായിക്കുന്നു.
