വേനൽക്കാലത്ത് ചർമ്മത്തിൽ ധാരാളം പ്രശ്നങ്ങൾ കണ്ടു തുടങ്ങുന്നത് സാധാരണമാണ്. ടാനി൦ഗ്, ചർമ്മത്തിലുണ്ടാകുന്ന ചൂട് കുരു, പിഗ്മെന്‍റേഷൻ തുടങ്ങി നിരവധി പ്രശ്നങ്ങൾ മുഖത്ത് ഉണ്ടാകാം. അത്തരം സാഹചര്യത്തിൽ പതിവായുള്ള ചർമ്മ സംരക്ഷണം വളരെ പ്രധാനമാണ്. പലപ്പോഴും, രാവിലെ കണ്ണാടിക്ക് മുന്നിൽ നിൽക്കുമ്പോഴാകും ചർമ്മപരിപാലനത്തിൽ വേണ്ടത്ര ശ്രദ്ധ നൽകിയില്ലല്ലോ എന്ന കാര്യം മനസിലാകുക. മുഖക്കുരു, കറുത്ത കലകൾ, ടാനിംഗ് മുതലായവ മുഖത്ത് ദൃശ്യമാകും. ഇതുമായി ബന്ധപ്പെട്ട്, ഐടിസി ചാർമിസിന്‍റെ ചർമ്മ വിദഗ്ധ ഡോ. അപർണ സന്താനം പറയുന്നത്, “നമ്മുടെ ശരീരത്തിലെ ഏറ്റവും വലിയ അവയവമാണ് ചർമ്മം, ഇത് വർഷം മുഴുവനും ചൂടും മഴയും തണുപ്പും സഹിക്കേണ്ടിവരുന്നു, ഇത്തരമൊരു സാഹചര്യത്തിൽ ശരിയായ ചർമ്മ സംരക്ഷണം, സന്തുലിതമായ ഭക്ഷണക്രമം, വർക്ക് ഔട്ട് തുടങ്ങിയവ ചെയ്യേണ്ടതുണ്ട്. ഈ ഉത്തരവാദിത്വം അത്ര ബുദ്ധിമുട്ടുള്ള കാര്യമല്ല, ഇതിനായി ശരിയായ ആസൂത്രണം ആദ്യം ചെയ്യണം, അതിൽ ചർമ്മത്തിന് അനുസൃതമായി ബ്രാൻഡഡ് ഉൽപ്പന്നം തിരഞ്ഞെടുക്കേണ്ടത് പ്രധാനമാണ്, ചർമ്മത്തിൽ അതിന്‍റെ പ്രഭാവം കാണുകയും ചെയ്യും” അതിനുള്ള നിർദ്ദേശങ്ങൾ ഇപ്രകാരമാണ്:
സിസ്റ്റമാറ്റിക് ആകുക
പിഗ്മെന്‍റേഷൻ, കറുത്ത പാടുകൾ, മുഖക്കുരു, ചർമ്മത്തിന്‍റെ തരം മുതലായവ പോലെ നിങ്ങൾക്കുണ്ടാകുന്ന എല്ലാ ചർമ്മപ്രശ്നങ്ങളുടെയും ഒരു ലിസ്റ്റ് ഉണ്ടാക്കുക. ഇതിനുശേഷം, നിങ്ങളുടെ ചർമ്മത്തെ നിങ്ങൾ മനസ്സിലാക്കണം, അതിലൂടെ ഉൽപ്പന്നങ്ങൾ അതിനനുസരിച്ച് ഉപയോഗിക്കാനാകും. വിറ്റാമിൻ സി അടങ്ങിയ ഉൽപ്പന്നങ്ങൾ തിരഞ്ഞെടുക്കുന്നതാണ് സുരക്ഷിതം. ഈ ഉൽപ്പന്നങ്ങൾ പാടുകളും വരൾച്ചയും നീക്കം ചെയ്യുകയും ചർമ്മത്തെ ടോണി൦ഗും ചെയ്യുന്നു. കൂടാതെ, മങ്ങിയ ചർമ്മത്തിന് ഇത് പുതിയ തിളക്കം നൽകുന്നു.
ചർമ്മത്തിന്‍റെ ആവശ്യങ്ങൾ മനസ്സിലാക്കുക
സ്വന്തം സ്‌കിൻ ടൈപ്പ് അറിഞ്ഞ ശേഷം ശരിയായ ഉൽപ്പന്നം അനായാസം വാങ്ങാം. രാവിലെ ഉണർന്നതിന് ശേഷം ചർമ്മത്തിൽ സ്പർശിക്കുമ്പോഴുണ്ടാകുന്ന അനുഭവത്തിൽ നിന്നാണ് സ്‌കിൻ ടൈപ്പ് മനസിലാക്കാൻ പറ്റും. ഒട്ടിപ്പിടിക്കാത്ത ലൈറ്റ് ഹൈഡ്രേറ്റിംഗ് ഉൽപന്നങ്ങൾ ഈ സീസണിൽ തിരഞ്ഞെടുക്കാം, അതിൽ സിറം മികച്ച ഓപ്ഷനാണ്, മുഖക്കുരു പ്രശ്നമുള്ളവർ സാലിസിലിക് ആസിഡ് അടങ്ങിയ ഉൽപ്പന്നം തിരഞ്ഞെടുക്കണം, ഹൈഡ്രോളിക് ആസിഡ് അടങ്ങിയ ഉൽപ്പന്നം വരണ്ട ചർമ്മത്തിന് ഗുണം ചെയ്യും.
മൾട്ടി പർപ്പസ് ഉൽപ്പന്നം തിരഞ്ഞെടുക്കുക
ചില ഉൽപ്പന്നങ്ങൾ പ്രത്യേക പ്രശ്‌നത്തിനാണ് ഉപയോഗിക്കുക. അതേസമയം ചർമ്മ ഉൽപ്പന്നങ്ങൾ ഓൾറൗണ്ടർ ആയിരിക്കണം, ഉദാഹരണത്തിന്, മോയ്സ്ചറൈസറിന് പകരം ഒരു സിറം വാങ്ങുക. സിറം ഒരു ഓൾറൗണ്ടർ ഉൽപ്പന്നമാണ്, ഇത് ചർമ്മത്തിന് ജലാംശവും യുവത്വവും മൃദുത്വവും നൽകുന്നു. സിറമിൽ അടങ്ങിയിരിക്കുന്ന ചെറിയ തന്മാത്രകൾ ചർമ്മത്തിൽ ആഴ്ന്നിറങ്ങുന്നു. എന്നാൽ ഫേഷ്യൽ ക്രീമീനോ മോയ്സ്ചറൈസറിനോ ഇത്തരത്തിൽ ചർമ്മത്തിനകത്തു പ്രവേശിക്കാൻ കഴിയില്ല.
ബജറ്റ് ശ്രദ്ധിക്കുക
ചർമ്മത്തിന് എന്തെങ്കിലും ഉൽപ്പന്നം വാങ്ങാൻ പോകുമ്പോൾ, എല്ലായ്‌പ്പോഴും സ്വന്തം ബജറ്റ് കൂടി മനസ്സിൽ കാണുക, സ്വന്തം ചർമ്മത്തിന് അനുസരിച്ചുള്ള മികച്ച ഉൽപ്പന്നം കുറഞ്ഞ വിലയിൽ വാങ്ങുക, ഇതിനായി ഓൺലൈനിനെ ആശ്രയിക്കാവുന്നതാണ്. ഫലപ്രദമായ പ്രീമിയം ഗണത്തിൽപ്പെട്ട സ്‌കിൻ ക്രീമുകൾ ഈ സീസണിൽ വാങ്ങേണ്ടത് പ്രധാനമാണ്. പുറത്തു പോകുന്ന അവസരങ്ങളിൽ സൺസ്‌ക്രീൻ നിർബന്ധമായും പുരട്ടിയിരിക്കണം.
