നമ്മുടെ ശരീരാരോഗ്യത്തിനും അഴകിനും വിറ്റാമിന് സി വളരെ പ്രധാനമാണ്. നാരങ്ങ, ഓറഞ്ച് പോലെയുള്ള പഴങ്ങൽ വിറ്റാമിൻ സിയുടെ ഉത്തമ സ്രോതസ്സുകളാണ്. രോഗ പ്രതിരോധശേഷി വർദ്ധിപ്പിക്കുന്നതിന് ഏറ്റവും ആവശ്യമായ പോഷകമാണിത്. ആരോഗ്യത്തിനൊപ്പം ചർമ്മകാന്തിക്കും വിറ്റാമിൻ സി അനിവാര്യമാണ്. ഇത് ചർമ്മത്തെ ശുദ്ധീകരിക്കുന്നതിനും ചെറുപ്പ൦ നിലനിർത്തുന്നതിനും വളരെ ഗുണകരമാണ്‌. ചർമ്മകാന്തിക്ക് വിറ്റാമിൻ സി എങ്ങനെ ഉപയോഗപ്പെടുത്താം? വിപണിയിൽ വിറ്റാമിൻ സി അടങ്ങിയ വിറ്റാമിൻ സി സിറമുകൾ ലഭ്യമാണ്. എന്നാൽ ഇതിനെല്ലാം തന്നെ നല്ല വില കൊടുക്കേണ്ടി വരും. എന്നാൽ അതെ ഗുണഫലങ്ങൾ ഉൾക്കൊണ്ട് തന്നെ നമുക്ക് വിറ്റാമിൻ സി സിറം വീട്ടിൽ തന്നെ തയ്യാറാക്കാം. ഈ സിറം പതിവായി ഉപയോഗിക്കുന്നതിലൂടെ ചർമ്മത്തിന് നല്ല തിളക്കവും കാന്തിയും ലഭിക്കും. ഇത് എങ്ങനെ തയ്യറാക്കാം എന്നറിയാം.
വിറ്റാമിൻ സി എങ്ങനെയാണ് പ്രവർത്തിക്കുന്നത്?
വിറ്റാമിൻ സി സിറം ചർമ്മത്തിന് അമൃതിന് തുല്യമായ ഫലമാണ് നൽകുന്നത്. ഇത് ചർമ്മത്തെ മുറുക്കാനും ചുളിവുകൾ കുറയ്ക്കാനും ചർമ്മത്തിന് തിളക്കം നൽകാനും ചെറുപ്പ൦ നിലനിർത്താനും സഹായിക്കുന്നു. സ്ഥിരമായി വിറ്റാമിൻ സി സിറം ഉപയോഗിക്കുകയാണ് എങ്കിൽ ചർമ്മത്തിന് മുമ്പത്തേതിനേക്കാൾ മുറുക്കം ലഭിക്കുകയും തിളക്കം ഉള്ളതാകുകയും ചെയ്യും. ഇതോടൊപ്പം, ചർമ്മത്തിന്‍റെ നഷ്ടപ്പെട്ട തിളക്കം തിരികെ കൊണ്ടുവരാനും ഇതിന് കഴിയും. ചർമ്മ സംരക്ഷണ ദിനചര്യയിൽ വിറ്റാമിൻ സി അവശ്യം ഉപയോഗിച്ചിരിക്കണം. രാത്രി ഉറങ്ങുന്നതിനുമുമ്പ് ഇത് ഉപയോഗിക്കാം.
സിറം തയ്യാറാക്കാൻ എന്തെല്ലാമാണ് വേണ്ടത്
- 2 വിറ്റാമിൻ സി ഗുളികകൾ.
- 2 സ്പൂൺ റോസ് വാട്ടർ.
- 1 ടീസ്പൂൺ ഗ്ലിസറിൻ.
- ഒരു വിറ്റാമിൻ ഇ കാപ്സ്യൂൾ.
- സിറം സൂക്ഷിക്കാൻ ഒരു ഒഴിഞ്ഞ ഗ്ലാസ് ബോട്ടിൽ.
വിറ്റാമിൻ സി സിറം എങ്ങനെ തയ്യാറാക്കാം?
വിറ്റാമിൻ സി ഗുളികകൾ നന്നായി പൊടിച്ച് ഒഴിഞ്ഞ കുപ്പിയിൽ ഇടുക. ഇനി ഇതിലേക്ക് റോസ് വാട്ടർ ചേർത്ത് രണ്ടും നന്നായി മിക്സ് ചെയ്യുക. പൊടി റോസ് വാട്ടറുമായി കലർന്ന ഉടൻ നന്നായി ഇളക്കുക. മിക്സ് ചെയ്ത ശേഷം ഈ മിശ്രിതത്തിലേക്ക് വിറ്റാമിൻ ഇ ക്യാപ്‌സ്യൂൾ പൊട്ടിച്ച് ചേർക്കുക. ഇനി ഈ മിശ്രിതം നന്നായി യോജിപ്പിക്കാൻ കുപ്പി അൽപനേരം കുലുക്കുക. ഇതിനുശേഷം, കുപ്പി തണുത്തതും ഇരുണ്ടതുമായ സ്ഥലത്ത് സൂക്ഷിക്കുക. ഈ സിറം 2 ആഴ്ചയോളം ഉപയോഗിക്കാം. അതിനുശേഷം വീണ്ടും സിറം തയ്യാറാക്കി സ്റ്റോർ ചെയ്യാം.
മാർക്കറ്റിൽ നിന്നും ലഭിക്കുന്ന സിറം പോലെ തന്നെ ഫലപ്രദമാണ് വീട്ടിൽ ഉണ്ടാക്കുന്ന ഈ സിറവും. പതിവായി ഈ സിറം ഉപയോഗിക്കുകയാണ് എങ്കിൽ ഏതാനും ദിവസങ്ങൾക്ക് ഉള്ളിൽ നിങ്ങളുടെ ചർമ്മത്തിൽ വളരെയധികം മാറ്റമുണ്ടാകുന്നതായി കാണപ്പെടും. ചർമ്മം വളരെ ഡള്ളായി തോന്നുകയോ പ്രായമാകുന്നതിന്‍റെ ലക്ഷണങ്ങൾ കണ്ടുതുടങ്ങുകയോ ചെയ്യുകയാണെങ്കിൽ തീർച്ചയായും ഒരു തവണയെങ്കിലും ഈ സിറം തയ്യാറാക്കി ഉപയോഗിച്ചു നോക്കാം. ചർമ്മത്തിൽ തൽഫലമായി ഉണ്ടാകുന്ന മാറ്റങ്ങൾ കണ്ട് നിങ്ങൾ സ്വയം ആശ്ചര്യപ്പെടും.
