അമിത രോമവളർച്ച പെൺകുട്ടികളെ സംബന്ധിച്ച് ഒരു വലിയ തലവേദനയാണ്. അമിത രോമവളർച്ചയ്ക്ക് പിന്നിൽ ഒത്തിരി കാരണങ്ങളുണ്ട്. ആർത്തവ ക്രമക്കേടുകൾ, ഹോർമോൺ അസന്തുലിതാവസ്‌ഥ, ചില പ്രത്യേക മരുന്നുകളുടെ ഉപയോഗം, ഗർഭകാലം എന്നിവയാണവ.
അമിത രോമവളർച്ച ഇല്ലാതാക്കാൻ ഇന്ന് ധാരാളം ആധുനിക സാങ്കേതിക വിദ്യകളുണ്ട്. വാക്‌സിംഗ്, ലേസർ ഹെയർ റിമൂവൽ, ഇലക്ട്രോലൈസിസ് എന്നിങ്ങനെ. അവയെല്ലാം ചെലവേറിയതും എല്ലാവർക്കും താങ്ങാനാവാത്തതുമാണ്. എന്നാൽ അനാവശ്യ രോമവളർച്ച തടയാൻ പണ്ടു മുതലെ ആളുകൾ പരീക്ഷിച്ചിരുന്നതും വീട്ടിൽ ചെയ്യാവുന്നതുമായ ചില വിദ്യകളുണ്ട്. അവയെല്ലാം പ്രകൃതിദത്തവും പാർശ്വഫലങ്ങളില്ലാത്തതുമാണ്. അത്തരം ചില ഹോം റെമഡീസ് ഇതാ…
എഗ്ഗ് മാസ്ക്ക്
പകുതി സ്പൂൺ കോൺഫ്ളോർ ഒരു ടേബിൾ സ്പൂൺ പഞ്ചസാര ഒരു മുട്ട എന്നിവ ചേർത്ത് കട്ടി പേസ്റ്റ് തയ്യാറാക്കി മുഖത്ത് പുരട്ടുക. 15 മിനിറ്റിനു ശേഷം അത് നീക്കം ചെയ്യുക. ആഴ്ചയിൽ രണ്ടോ മൂന്നോ തവണ ഇത് ചെയ്യുക ഫലം ഉറപ്പ്.
ചെറുപയർ പരിപ്പ് ഉരുളക്കിഴങ്ങ് പേസ്റ്റ്
ചെറുപയർ പരിപ്പ് ഒരു രാത്രി കുതിർക്കുക. ധാരാളം ബ്ലീച്ചിംഗ് മൂലികകൾ ഉരുളക്കിഴങ്ങിൽ അടങ്ങിയിട്ടുണ്ട്. ഇവ രണ്ടും അരച്ച് പേസ്റ്റാക്കി മുഖത്തും ശരീരത്തിന്‍റെ മറ്റ് ഭാഗങ്ങളിലും പുരട്ടുക. ഉണങ്ങിയ ശേഷം തണുത്ത വെള്ളമുപയോഗിച്ച് കഴുകി കളയാം.
ഷുഗർ ഹണി ലെമൺ മിക്‌സ്ച്ചർ
പഞ്ചസാരയും നാരങ്ങാനീരും തേനും കൂടി ചേർന്ന് ഒരു വാക്‌സ് പോലെയാണ് പ്രവർത്തിക്കുക. ഒരു ബൗളിൽ ഒരു ടേബിൾ സ്പൂൺ പഞ്ചസാരയും ഒരു സ്പൂൺ നാരങ്ങാനീരും ഒരു സ്പൂൺ തേനും ചേർത്ത് 3 മിനിറ്റു നേരം ചൂടാക്കുക. അതിനു ശേഷം തണുപ്പിക്കുക. രോമം നീക്കേണ്ട ഭാഗം നന്നായി വൃത്തിയാക്കിയ ശേഷം ആ ഭാഗത്ത് കോൺസ്റ്റാർച്ച് പുരട്ടുക. വാക്‌സിംഗ് സ്പാറ്റുല ഉപയോഗിച്ച് ഷുഗർ മിക്‌സ്ച്ചർ രോമവളർച്ചയ്ക്ക് എതിർദിശയിലേക്ക് എന്ന വണ്ണം പുരട്ടുക. അതിനുശേഷം തുണിയോ വാക്‌സിംഗ് സ്ട്രിപ്പോ ഉപയോഗിച്ച് അതിനു മീതെ അമർത്തി ഒട്ടിച്ച് രോമവളർച്ചയുടെ വിപരീത ദിശയിലേക്ക് വലിക്കുക. അതോടെ രോമം ഫലപ്രദമായി നീക്കം ചെയ്യപ്പെടും.
പടികക്കാരം റോസ്‍വാട്ടർ
മൂന്നിൽ രണ്ട് ടേബിൾ സ്പൂൺ റോസ്‍വാട്ടറും അര സ്പൂൺ പടികക്കാരവും മിക്സ് ചെയ്യുക. അതിൽ പഞ്ഞി മുക്കി രോമമുള്ള ഭാഗങ്ങളിൽ പുരട്ടുക. ഉണങ്ങിയ ശേഷം വീണ്ടും ഈ മിക്സ് പുരട്ടുക. ഒരു മണിക്കൂർ നേരം ഇതാവർത്തിക്കാം. അതിനുശേഷം കഴുകി കളയുക. തുടച്ച ശേഷം ഉടനടി കടുകെണ്ണയോ ഒലീവ് ഓയിലോ പുരട്ട മോയിസ്ച്ചുറൈസ് ചെയ്യുക.
ബനാനാ ആന്‍റ് ഓട്ട്മീൽ സ്ക്രബ്ബ്
വാഴപ്പഴവും ഓട്മീലും ചേർന്നുള്ള മിക്സ് നല്ലൊരു എക്സ്ഫോളിയേറ്റർ ആണ്. ചർമ്മത്തെ മൃദുലമാക്കാൻ ഈ് സഹായിക്കും. ഓട്ട്മീൽ സ്കിൻ ക്ലൻസറായി ഉപയോഗിക്കാം. നല്ല പഴുത്ത വാഴപ്പഴം നല്ലവണ്ണം ഉടച്ച് മാഷ് ചെയ്യുക. ഇതിലേക്ക് 2 ടിസ്പൂൺ ഓട്ട്മീൽ ചേർത്ത് പേസ്റ്റാക്കി രോമമുള്ളിടത്ത് അപ്ലൈ ചെയ്യുക. അതിനു ശേഷം വട്ടത്തിൽ ഉരച്ച് മസാജ് ചെയ്യുക. 15-20 മിനിറ്റിനു ശേഷം വെള്ളമൊഴിച്ച് നല്ലവണ്ണം കഴുകി കളയുക.
പച്ച പപ്പായയും മഞ്ഞൾപ്പൊടിയും
എല്ലാതരം ചർമ്മത്തിനും ഇണങ്ങുന്ന ഒരു പൊടിക്കൈയാണ് ഇത്. പപ്പായ തൊലി കളഞ്ഞ് കഷണങ്ങളാക്കി നന്നായി അരയ്ക്കുക. ഈ പേസ്റ്റിലേക്ക് അര ടീസ്പൂൺ മഞ്ഞൾപ്പൊടി ചേർക്കുക. ചർമ്മം നന്നായി മസാജ് ചെയ്‌ത ശേഷം ഈ പേസ്റ്റ് പുരട്ടി 15-20 മിനിറ്റിനു ശേഷം കഴുകുക. ഈ പായ്ക്ക് ആഴ്ചയിൽ രണ്ടോ മൂന്നോ തവണ പുരട്ടുക.
മഞ്ഞൾപ്പൊടി റോസ്‍വാട്ടർ
മഞ്ഞളിൽ ആന്‍റി ബാക്‌ടീരിയയും ആന്‍റി ബാക്‌ടീരിയൽ മൂലികകളുമുണ്ട്. ഇത് രോമവളർച്ചയെ തടയും. റോസ്‍വാട്ടറിൽ ആവശ്യമായ മഞ്ഞൾ, പാൽ, വെള്ളം എന്നിവ ചേർത്ത് പേസ്റ്റാക്കി മുഖത്തിടുക. 20 മിനിറ്റ് കഴിഞ്ഞ് ചൂടു വെള്ളമുപയോഗിച്ച് കഴുകുക.
സവാള, തുളസി പായ്ക്ക്
ചർമ്മ സൗന്ദര്യം വർദ്ധിപ്പിക്കാനുള്ള പ്രകൃതിദത്ത ചേരുവകളാൽ സമ്പന്നമാണ് സവാള. സവാള തുളസിയിലക്കൊപ്പം ചേർത്തുപയോഗിച്ചാൽ അനാവശ്യരോമങ്ങൾ അനായാസം നീക്കം ചെയ്യാം. 2 മീഡിയം സൈസ് സവാളയുടെ പാളിയും 12 തുളസിയിലയും അരച്ച് പേസ്റ്റാക്കി അനാവശ്യ രോമമുള്ള ശരീരഭാഗങ്ങളിൽ പുരട്ടി 30 മിനിറ്റിനു ശേഷം കഴുകി കളയാം. ആഴ്ചയിൽ ഈ പ്രക്രിയ മൂന്നോ നാലോ വട്ടം ആവർത്തിക്കുക. ഇപ്രകാരം ഒന്നോ രണ്ടോ മാസം ചെയ്‌താൽ നല്ല ഫലം കിട്ടും.
കർപ്പൂരം കുരുമുളക് പായ്ക്ക്
കർപ്പൂരവും കുരുമുളകും ചർമ്മത്തിൽ പൊള്ളലിന് സമാനമായ അവസ്ഥയുണ്ടാകുന്നവയാണ്. പ്രത്യേകിച്ചും സംവേദന ക്ഷമതയേറിയ ചർമ്മത്തിൽ ഇത് അധികമായിരിക്കും. വെള്ള കുരുമുളക് നന്നായി പൊടിച്ച് രണ്ട് ടേബിൾ സ്പൂൺ കർപ്പൂര പൊടിയുമായി ചേർക്കുക. അതിൽ ഏതാനും തുള്ളി ആൽമണ്ട് ഓയിൽ ഒഴിച്ച് മിക്സ് ചെയ്‌ത് കാലുകളിൽ തേയ്‌ക്കുക. കൃത്യം 15 മിനിറ്റിന് ശേഷം കഴുകി രോമങ്ങൾ പൊഴിഞ്ഞു പോകുന്നത് കാണാനാവും.
ആര്യവേപ്പില – മഞ്ഞൾ പേസ്റ്റ്
ആര്യവേപ്പിലയും മഞ്ഞളും ചേർന്നുള്ള മിക്സ് അനാവശ്യ രോമത്തെ നീക്കം ചെയ്യാൻ ഫലവത്താണ്. അൽപം ആര്യവേപ്പിലയെടുത്ത് നന്നായി അരയ്ക്കുക. അതിലേക്ക് മഞ്ഞൾപ്പൊടി ചേർത്ത് നന്നായി യോജിപ്പിക്കുക. ഏതാനും തുള്ളി വെള്ളവും ചേർത്ത് ഈ മിക്സ് ചർമ്മത്തിൽ അപ്ലൈ ചെയ്യുക. 15-20 മിനിറ്റിനു ശേഷം നീക്കം ചെയ്യുക.
ചെറുപ്പയർപ്പൊടി റോസ്‍വാട്ടർ പേസ്റ്റ്
ഒരു ബൗളിൽ 2 ടേബിൾസ്പൂൺ റോസ്‍വാട്ടർ എടുത്ത് അതിൽ 2 ടേബിൾ സ്പൂൺ ചെറുപ്പയർപൊടി ചേർക്കുക. ഇത് നന്നായി മിക്സ് ചെയ്യുക. ഇതിലേക്ക് നാരങ്ങാനീര് ചേർത്ത് പേസ്റ്റാക്കി ചർമ്മത്തിൽ പുരട്ടുക. 20-25 മിനിറ്റിനു ശേഷം ഉണങ്ങിക്കഴിഞ്ഞ് കഴുകി കളയുക.
സ്പിയർമിന്‍റ് ടീ
സ്പിയർമിന്‍റ് ടീ ശരീരത്തിലുള്ള ആൻഡ്രജൽ ലെവൽ കുറയ്‌ക്കാൻ സഹായകമാണ്. ഇത് അനാവശ്യ രോമങ്ങൾ നീക്കം ചെയ്യും. 5 മുതൽ 6 ഫ്രഷ് സ്പിയർമിന്‍റ് ഇലയോ ഉണങ്ങിയ സ്പിയർമിന്‍റ് ഇട്ടോ ചായ തയ്യാറാക്കുക. 7-8 മിനിറ്റിനു ശേഷം ഫിൽറ്റർ ചെയ്‌ത് കുടിക്കുക. ഇത് ശരീരത്തിലെ അനാവശ്യ രോമവളർച്ചയെ തടയും. ഈ ചായ ദിവസവും ഒന്നോ രണ്ടോ തവണ കുടിക്കുക. നല്ല ഫലമുണ്ടാകുമെന്ന് തീർച്ച!
