മുഖത്ത് നല്ല തിളക്കവും വെണ്മയും ലഭിക്കാൻ സഹായിക്കുന്ന ധാരാളം ഉൽപ്പന്നങ്ങളുണ്ട്. എന്നാൽ ബ്ലീച്ചിംഗ് ക്ലേ അഥവാ മഡിന് മുഖത്ത് നല്ല തിളക്കം പകരാൻ കഴിയുമെന്ന കാര്യം നിങ്ങൾക്ക് എത്രപ്പേർക്ക് അറിയാം? ഓയ്‍ലി, ഡ്രൈ സ്കിൻ പ്രശ്നങ്ങളിൽ നിന്നും മോചനം നേടാനും മുഖക്കുരു ഉണ്ടാകുന്നത് തടയുന്നതിനും പാടുകൾ നിശ്ശേഷം മാറി കിട്ടാനും കഴിയുമെന്നതാണ് മറ്റൊരു പ്രധാന കാര്യം. ബ്ലീച്ചിംഗ് ക്ലേ ചർമ്മത്തിന് പ്രയോജന പ്രദമാണെന്ന് പല പഠനങ്ങളും പറയുന്നുണ്ട്.
എങ്കിൽ ബ്ലീച്ചിംഗ് ക്ലേയെക്കുറിച്ച് ഭാരതി തനേജ നൽകുന്ന ചില സൗന്ദര്യ ടിപ്സുകളിതാ:-
എന്താണ് ബ്ലീച്ചിംഗ് ക്ലേ
ബ്ലീച്ചിംഗ് ക്ലേയെ കാവോലിൻ ക്ലേ എന്നും പറയാറുണ്ട്. ചർമ്മത്തെ ഡീറ്റോക്സ് ചെയ്യുന്നതിനൊപ്പം ചർമ്മത്തെ പ്രകൃതിദത്തമായി ബ്ലീച്ച് ചെയ്യാനും സഹായിക്കുന്നു. മുൽട്ടാണി മിട്ടി പോലെയുള്ള ഇത് വെളുത്ത നിറത്തിലുള്ളതാണ്. ചർമ്മത്തെ വളരെ നന്നായി ബ്ലീച്ച് ചെയ്യും.
കാവോലിൻ ക്ലേ ഉപയോഗിക്കുമ്പോൾ സ്കിൻ കൂടുതൽ മൃദുലവും സ്നിഗ്ദ്ധവുമാകും. ഒപ്പം ഇത് സ്കിൻ വൈറ്റ്നിംഗിനും നല്ലതാണ്. ഒറ്റ ഉപയോഗത്തില്‍ തന്നെ ചർമ്മത്തിന് കൂടുതൽ കാന്തിയും തിളക്കവും ലഭിക്കും.
എന്താണ് ഗുണം
ക്ലേ മാസ്ക് ചർമ്മത്തിലെ എക്സസ് ഓയിൽ റിമൂവ് ചെയ്‌ത് ചർമ്മത്തിന് നാച്ചുറൽ ഗ്ലോ പകരുന്നു.
എങ്ങനെ അപ്ലൈ ചെയ്യാം
കാവോലിൻ പൗഡറിൽ അൽപം തൈരും 3-4 തുള്ളി നാരങ്ങാനീരും ചേർത്ത് പായ്ക്ക് തയ്യാറാക്കുക. ശേഷം ഈ പായ്ക്ക് മുഖത്തിട്ട് 10 മിനിറ്റിനു ശേഷം മുഖം കഴുകാം. ചർമ്മത്തിലെ ടാനിംഗ് അകലാനും എക്സസ് ഓയിൽ നീങ്ങാനും ഇത് സഹായിക്കും.
മുഖക്കുരു ഇല്ലാതാക്കും
മുഖക്കുരു മൂലമാണ് മുഖത്ത് പാടുകളും മറ്റും ഉണ്ടാകുന്നത്. ഇത് മുഖസൗന്ദര്യത്തിന് മങ്ങലേൽപ്പിക്കാം. ഈ സാഹചര്യത്തിൽ ക്ലേ പായ്ക്ക് ഇടുന്നത് ഈ പ്രശ്നത്തിന് ശാശ്വത പരിഹാരമാണ്.
എങ്ങനെ അപ്ലൈ ചെയ്യാം
കവോലിൻ പൗഡറിൽ റോസ്‍വാട്ടറും ഏതാനും തുള്ളി നാരങ്ങാനീരും ചേർത്ത് മിക്‌സ് ചെയ്‌ത് പായ്ക്ക് തയ്യാറാക്കാം. ഈ പായ്ക്ക് ആഴ്ചയിൽ 2 തവണ മുഖത്ത് അപ്ലൈ ചെയ്യാം. മുഖക്കുരുവിനെ നിയന്ത്രിക്കുന്നതിനൊപ്പം മുഖക്കുരു വരാതെ തടയുകയും ചെയ്യും. മറ്റൊന്ന് പഴുപ്പ് ഉള്ള കുരുവിൽ ഈ പായ്ക്ക് ഇടരുത്.
സ്കിൻ ഡീറ്റോക്സ്
ശരീരത്തെ ഡീറ്റോക്സ് ചെയ്യുന്നതു പോലെ തന്നെ ചർമ്മത്തെ ഡീറ്റോക്സ് ചെയ്യേണ്ടതാവശ്യമാണ്. അല്ലാത്ത പക്ഷം ചർമ്മ സൗന്ദര്യത്തിന് മങ്ങലേൽക്കാം. ഒപ്പം പൊടി, ഏജിംഗ്, ഹോർമോൺ അസന്തുലിതാവസ്‌ഥ, ഓയ്‍ലി സ്കിൻ എന്നിവ മൂലം ഓപ്പൺ പോഴ്സ് വികസിച്ച് വൃത്തികേടായി കാണപ്പെടും.
ഇത്തരം ചർമ്മത്തിന് ക്ലേ മാസ്ക് മികച്ചതാണ്. ചർമ്മത്തെ ഡീറ്റോക്സ് ചെയ്യുന്നതിനൊപ്പം പോഴ്സ് കുറയുകയും ചെയ്യും.
എങ്ങനെ അപ്ലൈ ചെയ്യാം
ക്ലേ മാസ്ക് തയ്യാറാക്കുന്നതിന് കാവോലിൻ പൗഡറിൽ റോസ്‍വാട്ടർ ചേർത്ത് തിക്ക് പേസ്റ്റാക്കി മുഖത്ത് അപ്ലൈ ചെയ്യുക. പോഴ്സ് വൃത്തിയാകുമെന്ന് മാത്രമല്ല ടൈറ്റുമാകും. ഡ്രൈ സ്കിൻ ആയിട്ടുള്ളവർ പായ്ക്കിൽ 3-4 തുള്ളി തേൻ ചേർക്കാം. നല്ല റിസൾട്ട് ലഭിക്കും.
ഡെഡ് സ്കിൻ സെൽസിനെ റിമൂവ് ചെയ്യും
ചർമ്മോപരിതലത്തില്‍ ഡെഡ് സെൽസ് ഉണ്ടാവുക സാധാരണമാണ്. ഇതിനെ ഡെഡ് സ്കിൻ എന്നാണ് പറയുക. അഴുക്കും പൊടിയും അടിഞ്ഞു കൂടിയാണ് ചർമ്മത്തിൽ ഇത്തരത്തിലുള്ള പ്രശ്നങ്ങൾ ഉണ്ടാവുക. ഇക്കാരണം കൊണ്ട് ചർമ്മത്തിൽ പലതരം ഇൻഫക്ഷൻ വരെ ഉണ്ടാകാം. ഇങ്ങനെയുണ്ടാകാതിരിക്കാൻ സ്ക്രബ്ബിംഗും നാച്ചുറൽ രീതിയിലുള്ള സ്ക്രബ്ബിംഗും ആവശ്യമാണ്.
എങ്ങനെ അപ്ലൈ ചെയ്യാം
കാവോലിൻ പൗഡറിൽ തുല്യയളവിൽ ഓറഞ്ച് അല്ലെങ്കിൽ നാരങ്ങാ തൊലി പൊടിച്ചത് ചേർത്ത് ഏതാനും തുള്ളി നാരങ്ങാനീരോ ഓറഞ്ച് നീരോ ചേർത്ത് സ്ക്രബ്ബ് തയ്യാറാക്കി ആഴ്ചയിൽ രണ്ട് തവണ സ്ക്രബ്ബ് ചെയ്യുക. ഏതാനും ദിവസങ്ങൾക്കുള്ളിൽ തന്നെ ചർമ്മത്തിന് നല്ല തിളക്കം ലഭിക്കും.
ഹെയർ ഗ്രോത്ത് വർദ്ധിക്കാൻ
കാവോലിൻ പൗഡറിൽ മുട്ടയും ഏതാനും തുള്ളി ഒലീവ് ഓയിലോ എള്ളെണ്ണയോ ചേർത്ത് മുടിയിൽ അപ്ലൈ ചെയ്യാം. ആഴ്ചയിൽ രണ്ട് തവണ ഇത് മുടിയിൽ പുരട്ടാം. ഇത് നല്ലൊരു ഹെയർ മാസ്കാണ്. മുടിയ്ക്ക് നല്ല കരുത്തും തിളക്കവും ലഭിക്കാനിത് സഹായിക്കും.
