ഒരു ഇരുപത് വർഷം മുൻപ് വരെ റോഡിൽ നോക്കിയാൽ 99% പുരുഷന്മാർ മാത്രമാണ് കാറോ ബൈക്കോ ഓടിച്ചിരുന്നത്. അന്നൊക്കെ സ്ത്രീകൾ വാഹനം ഓടിക്കുന്നത് അത്ര സാധാരണം ആയിരുന്നില്ല. മാറുന്ന കാലത്തിനനുസരിച്ച് ഇപ്പോൾ പുരുഷൻമാർ മാത്രമല്ല, എല്ലാ പ്രായത്തിലുള്ള സ്ത്രീകളും ഡ്രൈവിംഗ് സീറ്റിലുണ്ട്. അവർ പുരുഷന്മാരേക്കാൾ സുരക്ഷിതമായി വാഹനമോടിക്കുന്നു. കാറും ബൈക്കും മാത്രമല്ല, ലോറിയും ബസും ട്രെയിനും മെട്രോയും വിമാനവും എല്ലാം ഓടിക്കുന്നു. ഇന്നത്തെ സ്ത്രീകൾ വിദ്യാഭ്യാസത്തോടൊപ്പം ഡ്രൈവിംഗിനും പ്രാധാന്യം നൽകിത്തുടങ്ങിയത് അത് അവരുടെ സ്റ്റൈൽ സ്റ്റേറ്റ്‌മെന്‍റായി മാറിയതുകൊണ്ടാണ്. ഇന്ന് സ്ത്രീകൾ പൊതുവെ സ്വയം ആശ്രയിക്കുന്നവരാണ്, അവർക്ക് എവിടെയെങ്കിലും പോകണം, എന്ന് തോന്നിയാൽ ആരെയും ആശ്രയിക്കാതെ പോകണം എന്നാണ് ആഗ്രഹം.
വനിതകൾ ടാക്സികളും ബസുകളും ഓടിച്ച് പണം സമ്പാദിക്കുന്നു. പ്രായമായവരോ പെൺകുട്ടികളോ ഒരു വനിതാ ഡ്രൈവർക്കൊപ്പം യാത്ര ചെയ്യുമ്പോൾ സുരക്ഷിതരാണെന്ന് ചിന്തിക്കുന്നു. ഏതെങ്കിലും അടിയന്തര ഘട്ടങ്ങളിൽ, രാത്രിയിൽ പോലും ഒരു വനിതാ ഡ്രൈവറുടെ കൂടെ പോകാൻ ആർക്കും ഒരു മടിയുമില്ല.
എറണാകുളത്ത് ഒരു പോഷ് ഏരിയയിൽ താമസിച്ചിരുന്ന സുധയുടെ ഭർത്താവിന് അർദ്ധരാത്രിയിൽ പെട്ടെന്ന് അസുഖം ബാധിച്ചു. അയാൾ ഓൺലൈനിൽ ഒരു കാർ തിരയാൻ ശ്രമിച്ചു, പക്ഷേ കാർ കിട്ടിയില്ല എന്നാൽ സുധ ധൈര്യം കൈവിടാതെ വണ്ടി എടുത്തു ഭർത്താവിനെ ഹോസ്പിറ്റലിൽ എത്തിച്ചു, ഉടനടി ചികിത്സ നൽകി. കുട്ടികൾക്ക് സ്‌കൂൾ ബസ് കിട്ടാതെ വന്നാലോ മറ്റോ കാറോ സ്‌കൂട്ടറോ ഓടിച്ച് കൃത്യസമയത്ത് അവരെ എത്തിക്കാൻ കഴിയും.
സ്ത്രീകൾ സുരക്ഷിതമായി വാഹനമോടിക്കുന്നു
ഒരു റിപ്പോർട്ട് അനുസരിച്ച്, ഗുരുതരമായ അപകടങ്ങളിൽ ഇരകളാകുന്ന ഡ്രൈവർമാരിൽ 3% സ്ത്രീകൾ മാത്രമാണ്. റോഡ് ആൻഡ് ട്രാൻസ്‌പോർട്ട് മന്ത്രാലയത്തിന്‍റെ റിപ്പോർട്ട് അനുസരിച്ച്, 2020ൽ 56,334 (97.3%) പുരുഷന്മാരും 1551 (2.7%) സ്ത്രീ ഡ്രൈവർമാരും അപകടങ്ങളിൽ മരിച്ചു, രാജ്യത്തെ മൊത്തം 20.58 കോടി ഡ്രൈവർമാരിൽ 1.39 കോടി സ്ത്രീകളാണ് (6.76%). സ്ത്രീകളുടെ വേഗപരിധി പുരുഷന്മാരേക്കാൾ 12% കുറവാണെന്നും ഗവേഷണങ്ങൾ പറയുന്നു.
അതിനാൽ, എല്ലാ കാര്യങ്ങളിലും സ്ത്രീ ഡ്രൈവർ സുരക്ഷിതയായി കണക്കാക്കപ്പെടുന്നു. ഡൽഹി സർക്കാരും നിരവധി കാർ ഡ്രൈവിംഗ് സംഘടനകളും സ്ത്രീകളെ സൗജന്യമായി ഡ്രൈവിംഗ് പഠിക്കാൻ സഹായിക്കുന്നതിന്‍റെ കാരണം ഇതാണ്.
ഡ്രൈവിംഗ് പ്രയോജനങ്ങൾ
ഇത് സ്ത്രീകളെ കൂടുതൽ സ്വതന്ത്രമാക്കുന്നു, അവർക്ക് എവിടെയും പോകാൻ ആരെയും ആശ്രയിക്കേണ്ടതില്ല. അവർക്ക് എപ്പോൾ വേണമെങ്കിലും എവിടെയും സ്വന്തം സൗകര്യത്തിനനുസരിച്ച് ഏത് ജോലിയും ചെയ്യാം.
ഡ്രൈവിംഗ് ഒരു സ്ത്രീയുടെ ആത്മവിശ്വാസം വർദ്ധിപ്പിക്കുന്നു, കാരണം വാഹനമോടിക്കുമ്പോൾ, വാഹനത്തിന്‍റെ പൂർണ്ണ നിയന്ത്രണം വ്യക്തിയുടെ കൈകളിലാണ്, അതിൽ വേഗത, ബ്രേക്ക്, ക്ലച്ച് മുതലായവ ഉൾപ്പെടുന്നു. തുടക്കത്തിൽ ഡ്രൈവിംഗ് ചിലപ്പോൾ ബുദ്ധിമുട്ടായി തോന്നിയേക്കാം, എന്നാൽ കാലക്രമേണ അത് വളരെ എളുപ്പം ആയി തോന്നും.
പൊതുഗതാഗതത്തിലൂടെ യാത്ര ചെയ്യാൻ കൂടുതൽ സമയമെടുക്കുന്നതിനാൽ സ്വയം ഡ്രൈവിംഗ് ചെയ്ത് പോയാൽ കൂടുതൽ സമയം ലാഭിക്കാം. ഡ്രൈവിംഗ് അറിയുന്നതിലൂടെ ഒരു സ്ത്രീക്ക് തന്‍റെ സമയത്തിനനുസരിച്ച് പല ജോലികളും പൂർത്തിയാക്കാൻ കഴിയും.
ശ്രദ്ധാലുവായിരിക്കുക
മുംബൈ ട്രാഫിക് പോലീസ് ഇൻസ്‌പെക്ടർ മുകുന്ദ് വെങ്കിടേഷ് യാദവ് പറയുന്നത്, മുംബൈ പോലുള്ള തിരക്കേറിയ നഗരത്തിൽ സ്ത്രീകൾക്ക് വാഹനമോടിക്കുക അത്ര എളുപ്പമല്ലെന്നാണ്. പൊതു ഗതാഗതം ആയാലും മണിക്കൂറുകളോളം ഗതാഗതക്കുരുക്കിൽ പെട്ടേക്കാം. എന്നാൽ തന്നെയും ഡ്രൈവിംഗ് അറിയൂന്നവർക്ക് അടിയന്തിര സാഹചര്യങ്ങളിൽ സഹായിക്കാനാകും. കാറോ ബൈക്കോ ഓടിക്കുമ്പോൾ, ഇനിപ്പറയുന്ന കാര്യങ്ങൾ പ്രത്യേകം ശ്രദ്ധിക്കണം:
- ഡ്രൈവിംഗ് സീറ്റിൽ ഇരുന്ന ശേഷം, ആദ്യം സീറ്റ് ബെൽറ്റ് ധരിക്കുക, തുടർന്ന് നിങ്ങളുടെ സൗകര്യത്തിനനുസരിച്ച് സീറ്റ് ഉയരം ക്രമീകരിക്കുക. ഇത് ഡ്രൈവിംഗ് എളുപ്പമാക്കുന്നു. മൊബൈൽ ഫോൺ സൈലന്‍റ് മോഡിൽ സൂക്ഷിക്കുക.
- ABC-യെ കുറിച്ചുള്ള ശരിയായ വിവരങ്ങൾ അതായത് A എന്നത് ആക്സിലറേറ്റർ, B എന്നാൽ ബ്രേക്ക്, C എന്നാൽ ക്ലച്ച്. ട്രെയിനിംഗ് എടുക്കുമ്പോൾ ഈ 3 കാര്യങ്ങൾക്കും മാനദണ്ഡം വെക്കുക, റോഡിൽ വാഹനമോടിക്കുമ്പോൾ ഒരു പ്രശ്നവും ഉണ്ടാകില്ല.
- ട്രാഫിക് നിയമങ്ങൾ പൂർണ്ണമായി മനസ്സിലാക്കുക, കാർ എവിടെ നിർത്തണം, ഏത് ലെയ്നിൽ ഓടിക്കണം, ട്രാഫിക് ജമ്പുകളിൽ നിന്നോ മറ്റ് തരത്തിലുള്ള ചലഞ്ചുകളിൽ നിന്നോ കാർ എങ്ങനെ ഒഴിവാക്കാം തുടങ്ങിയവ.
- കാർ ഓടിക്കുമ്പോൾ, എല്ലായ്പ്പോഴും നിങ്ങളുടെ ലൈസൻസ് കൊണ്ടുപോകുക, അല്ലാത്തപക്ഷം വലിയ പിഴ ഈടാക്കാം.
- ബൈക്ക് ഓടിക്കുമ്പോൾ ഹെൽമറ്റ് ധരിക്കുന്നത് ഉറപ്പാക്കുക.
- ഓടിക്കാൻ ആഗ്രഹിക്കുന്ന കാറിന്‍റെയോ ബൈക്കിന്‍റെയോ എല്ലാ സവിശേഷതകളും നന്നായി മനസിലാക്കണം . ഉദാഹരണത്തിന്, എസി, പവർ വിൻഡോകൾ, നിയന്ത്രണങ്ങൾ, വയർലെസ് ചാർജിംഗ്, സ്മാർട്ട്ഫോൺ കണക്റ്റിവിറ്റി, ലൈറ്റുകൾ, സൗണ്ട് സിസ്റ്റം എന്നിവയുമായി ബന്ധപ്പെട്ട ഭാഗങ്ങളെ കുറിച്ച് ശരിയായ അറിവ് ആവശ്യമാണ്.
- പലർക്കും അമിതവേഗതയും ഓവർടേക്കിങ്ങും ഹരമാണ്. അങ്ങനെ ഡ്രൈവിംഗ് രസകരമാക്കാമെന്നു അവർ കരുതുന്നു, എന്നാൽ അത്തരം വിനോദം അപകടത്തിലേക്ക് നയിക്കും. അതിനാൽ വേഗപരിധിയും മുന്നിലുള്ള വാഹനത്തിൽ നിന്നുള്ള ദൂരവും പരമാവധി നിരീക്ഷിക്കുക.
- കാർ ഓടിക്കുന്നവർ ഇടത് വലത് സൂചകങ്ങൾ, ഹസാർഡ് ലൈറ്റുകൾ, സ്റ്റോപ്പ്, ഹെഡ്‌ലാമ്പ്, ടെയിൽ ലാമ്പ്, ഡിം ഡിപ്പർ തുടങ്ങിയ പ്രധാന കാര്യങ്ങൾ ഉൾപ്പെടുന്ന സിഗ്നൽ സൂചകങ്ങൾ ശ്രദ്ധിക്കണം. ഇതുമൂലം പകലും രാത്രിയും വാഹനമോടിക്കുന്നതിന് ബുദ്ധിമുട്ടുണ്ടാകില്ല.
- വാഹനമോടിക്കുമ്പോൾ രണ്ട് കൈകളും സ്റ്റിയറിംഗ് വീലിൽ വയ്ക്കുക, ഒരു കൈകൊണ്ട് സ്റ്റിയറിംഗ് പിടിച്ചു മറ്റേ കൈയിൽ ഫോൺ പിടിച്ചു സംസാരിക്കരുത്. മാനുവലോ ഓട്ടോമാറ്റികൊ ആകട്ടെ, ശ്രദ്ധ കാറിന്‍റെ സ്റ്റിയറിംഗ് വീലിൽ ആയിരിക്കണം.
- വാഹനമോടിക്കുമ്പോൾ, ഒരു സ്ത്രീ തന്‍റെ കണ്ണുകൾ ഇടത്, വലത് വ്യൂ മിററുകളിലും ക്യാബിനിനുള്ളിലെ പിൻ വ്യൂ മിററിലും വയ്ക്കണം, അതിലൂടെ അവൾക്ക് പ്രധാനപ്പെട്ട എല്ലാ കാര്യങ്ങളും കാറുകളോ മറ്റ് വാഹനങ്ങളോ ഇടത്, വലത് എന്നിവിടങ്ങളിൽ നിന്ന് കാണാൻ കഴിയും. കൂട്ടിയിടി ഒഴിവാക്കാൻ കാറിന് പിന്നിലും മറ്റും.
ഡ്രൈവിംഗ് സമയത്ത് ആത്മവിശ്വാസം
നിങ്ങൾ ഒരു നല്ല ഡ്രൈവറാണെന്ന് വിശ്വസിക്കുക. സ്വയം വിശ്വാസവും ക്ഷമയും ഉണ്ടായിരിക്കുക. തിരക്കുകൂട്ടരുത്. അപ്പോൾ കാറോ ബൈക്കോ സുഗമമായി ഓടിക്കുന്നതിൽ പ്രശ്‌നം ഉണ്ടാകില്ല.
