സുദൃഢവും ആഹ്ളാദകരവുമായ ദാമ്പത്യത്തിന് സെക്സ് അനിവാര്യമാണ്. എന്നാൽ വിവാഹത്തിന്‍റെ ആദ്യ വർഷങ്ങളിൽ സെക്സിനോട് ഉണ്ടായിരുന്ന താൽപര്യം മധ്യവയസ്സിൽ എത്തുന്നതോടെ ഉണ്ടാകണമെന്നില്ല. 40 വയസ്സ് പിന്നിടുന്നതോടെ ഈ താൽപര്യം കുറഞ്ഞു വരുന്നതായാണ് കാണാറ്. ഈ സമയത്ത് മടിച്ച് മടിച്ചാണെങ്കിലും ചിലർ ലൈംഗിക താൽപര്യം പ്രകടിപ്പിച്ചാലും പങ്കാളി മറ്റ് വിഷയങ്ങളെക്കുറിച്ച് സംസാരിച്ച് അത് ഒഴിവാക്കാനാകും ശ്രമിക്കുക. പങ്കാളികൾ തമ്മിലുള്ള ബന്ധത്തിൽ ഉലച്ചിൽ തട്ടാൻ ഈ താൽപര്യക്കുറവ് കാരണമാകും. ദമ്പതികൾക്കിടയിലെ സ്വരച്ചേർച്ചയില്ലായ്മ പലവിധ ദാമ്പത്യ കലഹങ്ങൾക്കും ഇട വരുത്തും.
മധ്യവയസ്സിലെത്തുന്ന ദമ്പതികളിൽ ശാരീരകവും മാനസികവുമായ മാറ്റങ്ങൾ സംഭവിക്കുന്നത് സ്വാഭാവികമാണ്. അവരുടെ ജീവിതശൈലിയിലും ഉണ്ടാകും പ്രകടമായ മാറ്റങ്ങൾ. അതവരുടെ ലൈംഗിക താൽപര്യങ്ങളെയും സ്വാധീനിക്കും. ഈ ഘട്ടത്തിൽ പുരുഷനിലും സ്ത്രീയിലും ഹോർമോൺ വ്യതിയാനങ്ങൾ ഉണ്ടാകാം. സൂക്ഷമവും സ്വാഭാവികവുമായ ഈ മാറ്റങ്ങളൊക്കെയും ശാരീരിക പ്രവർത്തനങ്ങളെയും മസ്തിഷ്കത്തെയും വരെ സ്വാധീനിച്ചെന്നും വരാം. ഈവക മാറ്റങ്ങളെ സ്വയം തിരിച്ചറിയുന്ന പങ്കാളിക്ക് തന്‍റെ ഇണയുമൊത്ത് സുഖകരമായ ജീവിതം നയിക്കാനാകും. എന്നുമാത്രമല്ല സെക്സ് അവർക്ക് കൂടുതൽ ആസ്വാദ്യകരമാക്കാനും സാധിക്കും.
സ്വാഭാവിക മാറ്റങ്ങൾ
ആർത്തവ വിരാമത്തോട് അനുബന്ധിച്ചാണ് സ്ത്രീകളിൽ ഏറെക്കുറെ ശാരീരിക മാറ്റങ്ങളുണ്ടാകുന്നത്. ആർത്തവവിരാമ സമയത്ത് ഹോർമോണുകൾ രൂപം കൊള്ളുന്ന പ്രക്രിയ മന്ദഗതിയാലാകുന്നു. ക്രമേണ, അർത്തവമുണ്ടാകുന്നത് നിലയ്ക്കുകയും ചെയ്യും. ഏകദേശം 50 വയസ്സാകുമ്പോഴാണ് ഇങ്ങനെ സംഭവിക്കുന്നത് എങ്കിലും ഈ പ്രക്രിയ 40- 42 വയസ്സിലേ തുടങ്ങിയിരിക്കും. ഈ കാലയളവിനെ പ്രീ മെനപോസ് പീരിയഡ് എന്നാണ് വിശേഷിപ്പിക്കുന്നത്. നാല് മുതൽ ആറേഴ് വർഷം വരെ ഈ പ്രക്രിയ മന്ദഗതിയിൽ തുടർന്നുകൊണ്ടിരിക്കും. ഈ കാലയലവിൽ സ്ത്രീയുടെ ലൈംഗികാവയവം നേർത്തതും ശുഷ്കവുമായിരിക്കും. മാത്രമല്ല, ലൈംഗികാവയവം സ്നിഗ്ദ്ധമാകാൻ ഏറെ സമയം വേണ്ടിവരുകയും ചെയ്യും. കൂടാതെ കൊഴുപ്പ് നിറഞ്ഞ യോനിയുടെ മുകൾഭാഗം ക്രമേണ നേർത്ത് നേർത്ത് ഇല്ലാതാകുന്നതോടെ ലൈംഗികാബന്ധം വേദനാപൂർണ്ണവും ആയിത്തീരും. സെക്സ് അസഹ്യവും ദുഷ്കരവും ആയിത്തീരാൻ ഇത് ഇടയാക്കും. ഇക്കാരണത്താലാണ് ഈ പ്രായത്തിൽ സെക്സിനോട് സ്ത്രീകൾ പൊതുവേ വിമുഖത കാട്ടുന്നത്.
ആനന്ദദായകമായ സാമീപ്യം
ശാരീരികമായ ഇത്തരം പരിവർത്തനങ്ങളെ സ്വയം തിരിച്ചറിയാത്ത സ്ത്രീകൾ ഭർത്താവ് തങ്ങളോട് ക്രൂരമായി പെരുമാറുന്നു എന്നാവും പരാതി പറയുക. സെക്സിനോടുള്ള ഭാര്യയുടെ വിമുഖതയും താൽപര്യക്കുറവും ഭാര്യയ്ക്ക് തന്നോട് സ്നേഹമില്ലെന്ന ധാരണയിലാകും ഭർത്താവിനെ നയിക്കുക. സെക്സിനോടുള്ള വിരക്തി സ്ത്രീയിലുണ്ടാകുന്ന ഹോർമോൺ വ്യതിയാനം കൊണ്ട് സംഭവിക്കുന്നതാണ്.
പുരുഷന്മാരിലും ഹോർമോൺ പരിവർത്തനങ്ങൾ ഉണ്ടാകാറുണ്ട്. പുരുഷന്മാരിൽ ലൈംഗികോത്തേജനത്തെ സ്വാധീനിക്കുന്ന ഹോർമോണായ ടെസ്റ്റാസ്റ്റിറോൺ 20നും 35നും ഇടയിലായിരിക്കും പൂർണ്ണമായ ലൈംഗികോത്തേജനം പ്രകടമാക്കുക. പിന്നീട് ഈ ഹോർമോണിന്‍റെ അളവിൽ കുറവുണ്ടാകുകയും ക്രമേണ ഉത്തേജനം മന്ദഗതിയിലാകുകയും ചെയ്യും. ഇത് മൂലം സെക്സിനോടുള്ള താൽപര്യം കുറയാൻ ഇടയാക്കും. ദാമ്പത്യത്തിൽ ലൈംഗിക പ്രക്രിയകളുടെ എണ്ണം കുറയുകയും ചെയ്യും. അതായത് സെക്സ് വല്ലപ്പോഴുമൊരിക്കലെന്ന രീതിയിലാകുമെന്നർത്ഥം.
മധ്യവയസ്സിലെത്തുന്നതോടെ മന്ദഗതിയിലാകുന്ന രക്തചക്രമണം അവരുടെ ലിംഗോദ്ധാരണത്തെ ബാധിക്കും. യൗവനകാലത്ത് ഉണ്ടായിരുന്നതുപോലെ ശക്തമായ ഉദ്ധാരണശേഷി മധ്യവയസ്സിൽ ഉണ്ടാകണമെന്നില്ല.
സെക്സ് പൂർണ്ണമായും അസ്വദിക്കുന്നതിനുവേണ്ടി ഭാര്യയും ഭർത്താവും ഇത്തരം ശാരീരിക മാറ്റത്തെ പൂർണ്ണമായി ഉൾക്കൊള്ളുകയാണ് ആദ്യം വേണ്ടത്. സ്തീയുടെ ലൈംഗികാവയത്തിലുണ്ടാകുന്ന വരൾച്ചയെ ഏതെങ്കിലും ക്രീമോ ജെല്ലിയോ ഉപയോഗിച്ച് പരിഹരിക്കാവുന്നതേയുള്ളൂ. ശാരീരികമാറ്റങ്ങളെ സ്വയം തിരിച്ചറിഞ്ഞ് അതിൽ നിന്നും മോചിതരാകാനുള്ള വഴികളെക്കുറിച്ച് ആലോചിക്കുകയാണ് ദമ്പതികൾ ചെയ്യേണ്ടത്. അതിനുള്ള പരിഹാരം കണ്ടെത്തി മുമ്പത്തേതുപോലെ തന്നെ ആഹ്ളാദകരമായ ലൈംഗിക ജീവിതം നയിക്കാനും സാധിക്കും.
ലൈംഗിക സംതൃപ്തി
യവനകാലത്ത് ലൈംഗിക താൽപര്യം വളരെ ശക്തമായ നിലയിലായിരിക്കുമെന്ന് എല്ലാവർക്കുമറിയാം. പുരുഷന് രതിമൂർച്ഛയിലെത്താൻ ഏതാനും മിനിട്ടുകൾ മതി. എന്നാൽ സ്ത്രീകൾക്ക് ലൈംഗികോത്തേജനം കിട്ടാൻ 15 മുതൽ 20 മിനിട്ടുവരെ വേണ്ടിവരും.
ബുദ്ധിമാനായ ഭർത്താവിന് ഇക്കാര്യം മനസ്സിലാക്കി സ്വയം നിയന്ത്രിതമായ രീതിയിൽ പ്രവർത്തിച്ച് ഭാര്യയിലും ലൈംഗികോത്തേജനം സൃഷ്ടിക്കാനാകുമെന്നാണ് സെക്സോളജിസ്റ്റുകൾ പറയുന്നത്. എന്നാൽ പ്രായമേറുന്നതോടെ പുരുഷന്‍റെ സെക്സ് പ്രക്രിയും മന്ദഗതിയിലാകും. രക്തചംക്രമണം സാധാരണയിലും താഴ്ന്ന നിലയിലാകുന്നതുകൊണ്ട് 40- 45 വയസ്സ് പ്രായമുള്ള പുരുഷനിൽ ലൈംഗികോത്തേജനമുണ്ടാകാൻ ഏറെ സമയം വേണ്ടിവരും. അതുകൊണ്ട് സ്ത്രീയുടെ ലൈംഗികോത്തേജനവുമായി താളക്രമം പാലിക്കാൻ ഈ അവസ്ഥ സഹായകരമാകും മുമ്പുണ്ടായിരുന്ന അത്രയും വേഗത്തിൽ പുരുഷനിൽ സ്ഖലനവും ഉണ്ടാകുകയുമില്ല. ഇക്കാരണങ്ങളാൽ മധ്യവയസ്സിലെ ലൈംഗികാസ്വാദ്യതയ്ക്ക് ക്ഷീണമുണ്ടാകുന്നില്ല. പഴയതുപോലെ തന്നെ സ്നേഹത്തോടെയും സൗഹാർദ്ദത്തോടെയും ദാമ്പത്യം നയിക്കാൻ ഭാര്യക്കും ഭർത്താവിനും കഴിയുകയും ചെയ്യും. ഭാര്യയെ ആഹ്ളാദചിത്തയാക്കാൻ പരമാവധി ശ്രമിക്കുന്ന ഭർത്താവിന് അതിലൂടെ സ്വയം സന്തുഷ്ടനാകാനും കഴിയുമെന്നാണ് സത്യം.
സാമീപ്യം
ഹോർമോൺ വ്യതിയാനങ്ങൾ യഥാർത്ഥത്തിൽ ഭാര്യക്കും ഭർത്താവിനുമിടയിലുള്ള അടുപ്പം സന്തുലിതമായ അവസ്ഥയിലാക്കുകയാണ് ചെയ്യുന്നത്.
പ്രായമേറുന്നതിനനുസരിച്ച് ദമ്പതികൾ പക്വതയാർജ്ജിക്കുമല്ലോ. അനുഭവസ്ഥരായ അവർക്ക് പരസ്പരം ഇഷ്ടാനിഷ്ടാനങ്ങൾ അറിയാൻ ഏറെനേരം വേണ്ടിവരില്ല. പണ്ടത്തേതിനെ അപേക്ഷിച്ച് അവർ കൂടുതലായി പരസ്പരമാശ്രയിക്കുന്നത് ഈ ഘട്ടത്തിലായിരിക്കുമെന്നത് ഒരു പ്ലസ്പോയിന്‍റാണ്. സെക്സിനെക്കുറിച്ച് ഈ സമയത്ത് തുറന്ന് സംസാരിക്കുന്നത് ഇഷ്ടാനിഷ്ടങ്ങളെ മനസ്സിലാക്കാൻ ഉപകരിക്കും.
എത്രവട്ടം സെക്സിൽ എർപ്പെടുന്നു എന്നതിലല്ല ദാമ്പത്യബന്ധം സുദൃഢമാകുന്നത്. മറിച്ച് സെക്സിൽ പരസ്പരം എത്രമാത്രം സന്തുഷ്ടരാകുന്നുവെന്നതിനാലാണ്. അതുകൊണ്ട് ഓരോ അവസരവും ആഘോഷവേളകളാക്കുകയാണ് വേണ്ടത്. എങ്കിലും ദിനചര്യകൾ പോലെ ഒഴിച്ചുകൂടാനാകാത്ത കാര്യമാണ് സെക്സ് എന്ന ധാരണ പാടില്ല.
40നു ശേഷമുള്ള ലൈംഗികജീവിതം സന്തുഷ്ടി നിറഞ്ഞതാക്കാൻ പുതിയ ചില പരീക്ഷണങ്ങൾ നടത്തി നോക്കുകയുമാകാം. ശാരീരിക മാറ്റങ്ങളെ സ്വാഭാവികമായ പ്രക്രിയകളായി കാണുന്ന ദമ്പതികൾക്ക് അതിനെ ചെറുക്കാനായി പുതിയ വഴികൾ കണ്ടെത്താം. ഈ പ്രായത്തിൽ ഫോർപ്ലേയുടെ ദൈർഘ്യം കൂട്ടുന്നത് നന്നായിരിക്കും. പരസ്പരം ലാളിക്കുന്ന രീതിയിൽ പുതുമകൾ കൊണ്ടുവരാം. ജീവിതത്തിൽ ഫ്രഷായ കാര്യങ്ങൾ ഉടലെടുക്കുമ്പോൾ തീർച്ചയായും ലൈംഗികബന്ധം പണ്ടത്തേതിലും സംതൃപ്തവും ആഹ്ളാദകരവുമായിത്തീരും.
