പഞ്ചാബിലെ മൊഹാലിയിൽ സ്ഥിതി ചെയ്യുന്ന ചണ്ഡീഗഡ് സർവകലാശാലയിൽ, ഒരു പെൺകുട്ടി മറ്റ് അറുപതോളം പെൺകുട്ടികൾ ബാത്ത്റൂമിൽ കുളിക്കുന്ന വീഡിയോ എടുത്ത് വൈറലാക്കി. നിയമത്തിന് പോലും ഇത്തരം സംഭവങ്ങളിൽ ഒന്നും ചെയ്യാനില്ലാത്ത അവസ്ഥ ആണ് എന്ന് സംശയം തോന്നിയാൽ അതിലൊരു തെറ്റുമില്ല. പക്ഷേ ഇത് ആശങ്കാജനകമാണ്. സമൂഹം ഇത്തരം ഭയാനകമായ കേസുകളിൽ എന്ത് നടപടികളാണ് സ്വീകരിക്കേണ്ടത് എന്ന് പറയാനും കഴിയുന്നില്ല. ഇതൊന്നും സംഭവിക്കാതിരിക്കാൻ സർക്കാരിനും സമൂഹത്തിനും എന്ത് ചെയ്യാൻ കഴിയും എന്നതാണ് ഏറ്റവും വലിയ കാര്യം.
കാര്യം ശ്രദ്ധയിൽപ്പെട്ടതിന് ശേഷം
ചണ്ഡീഗഢ് യൂണിവേഴ്‌സിറ്റി കാമ്പസിൽ വെച്ച് പെൺകുട്ടിയെ ചോദ്യം ചെയ്തതിന്‍റെ വീഡിയോയും പുറത്തു വന്നിട്ടുണ്ട്, മുഴുവൻ കുറ്റകൃത്യത്തിന്‍റെയും റിപ്പോർട്ടുകൾ പ്രകാരം, ഹോസ്റ്റൽ വാർഡൻ പറഞ്ഞത്, ഈ വീഡിയോകൾ ഒരു ആൺകുട്ടിക്ക് അവൾ അയച്ചു എന്നാണ്. പക്ഷേ ആൺകുട്ടിയെ അറിയില്ലെന്നാണ് യുവതിയുടെ വാദം. എന്തിനാണ് ഇത്തരം വീഡിയോ എടുക്കുന്നത് എന്ന ചോദ്യത്തിന് മറുപടി പറഞ്ഞില്ലെന്നും വാർഡൻ പറയുന്നു. ഒരു ‘തെറ്റ് സംഭവിച്ചു, ഭാവിയിൽ അങ്ങനെ ചെയ്യില്ല’ എന്ന് വിദ്യാർത്ഥി പറയുന്നു.
സത്യത്തിൽ ഇന്ന് മൊബൈലിന്‍റെ ഉപയോഗം സാധാരണമായതോടെ അതിനെ ഒരു ആയുധം എന്ന് വിളിച്ചാൽ അതിശയോക്തിയാകില്ല. ഇരുവശവും മൂർച്ചയുള്ള ഒരു വാൾ പോലെ മൊബൈൽ മാറിയിരിക്കുന്നു. വ്യക്തിക്കും സമൂഹത്തിനും ഗുണം ചെയ്യും അതേ സമയം ആഴത്തിലുള്ള സംശയത്തിലാക്കുകയും ചെയ്യും. ഇത്തരമൊരു സാഹചര്യത്തിൽ, ഈ ഡിവൈസ് ഉപയോഗിക്കുന്നതിന് പെൺകുട്ടികൾ പ്രത്യേകം ബോധവാന്മാരാകേണ്ടത് അനിവാര്യമായിരിക്കുന്നു.
ചണ്ഡീഗഢ് സർവ്വകലാശാലയിലെ സംഭവം യഥാർത്ഥത്തിൽ രാജ്യത്തെയാകെ ആശങ്കയിലാക്കിയിരിക്കുകയാണ്. രാജ്യത്തുടനീളം ചർച്ചാ വിഷയമായി നിലനിൽക്കുന്ന മറ്റൊരു ആശങ്കാജനകമായ വിഷയമായി ഇത് ഉയർന്നുവന്നിട്ടുണ്ട്. അതുകൊണ്ട് തന്നെ വരും കാലങ്ങളിൽ ഇത് ആവർത്തിക്കാതിരിക്കാൻ ഇത്തരം കാര്യങ്ങളിൽ നടപടികൾ സ്വീകരിക്കേണ്ടത് സർക്കാരിന്‍റെയും സമൂഹത്തിന്‍റെയും ആവശ്യമാണ്.
നിയമം അതിന്‍റെ വഴിക്ക് പോകുന്നു, പക്ഷേ…
സംഭവത്തിൽ പ്രതിയായ വിദ്യാർത്ഥിയെയും ആൺകുട്ടിയെയും അറസ്റ്റ് ചെയ്തിട്ടുണ്ട്. 31 കാരനായ മറ്റൊരു യുവാവിനെയും ചോദ്യം ചെയുന്നുണ്ട്. ഒരാൾ ചണ്ഡീഗഡിലെ ഒരു ബേക്കറിയിൽ ജോലി ചെയ്യുന്നു.
ഈ സാഹചര്യത്തിൽ, സംഭവത്തിന്‌ ഇരയായവരും പിന്തുണയുമായി എത്തിയവരും രാത്രി മുഴുവൻ പ്രകടനം നടത്തി. തുടർന്ന് മറ്റ് മുതിർന്ന പോലീസ് ഉദ്യോഗസ്ഥർ സ്ഥിതിഗതികൾ വിലയിരുത്താൻ ചണ്ഡിഗഡ് സർവകലാശാലയുടെ കാമ്പസിലെത്തി. പഞ്ചാബിലെ അഡീഷണൽ ഡയറക്ടർ ജനറൽ ഓഫ് പോലീസ് ഗുർപ്രീത് ദേവ് പറയുന്നതനുസരിച്ച്, കുറ്റാരോപിതയായ വിദ്യാർത്ഥി യുവാക്കളുമായി തന്‍റെ വീഡിയോ പങ്കിട്ടതായി പറയുന്നു. എന്നാൽ മറ്റൊരു വിദ്യാർത്ഥിയുടെയും ആക്ഷേപകരമായ വീഡിയോ സോഷ്യൽ മീഡിയയിൽ കണ്ടെത്തിയിട്ടില്ല. എന്നാൽ യൂണിവേഴ്‌സിറ്റി ഹോസ്റ്റലിലെ പെൺകുട്ടികളുടെ വീഡിയോകൾ എടുത്തു സോഷ്യൽ മീഡിയയിൽ ഷെയർ ചെയ്യുകയും ചിലർ അതിൽ വിഷമിച്ച് ആത്മഹത്യയ്ക്ക് ശ്രമിച്ചുവെന്നും അവകാശപ്പെടുന്ന “അടിസ്ഥാന രഹിത” റിപ്പോർട്ടുകളും സർവകലാശാല അധികൃതർ തള്ളിക്കളഞ്ഞു.
പെൺകുട്ടികളുടെ വീഡിയോകൾ ചോർന്നുവെന്ന കിംവദന്തികളെ തുടർന്ന് സർവകലാശാലയിൽ പ്രതിഷേധം ഉണ്ടായിരുന്നു. അറസ്‌റ്റിലായ വിദ്യാർഥിയുടെ മൊബൈൽ ഫോൺ ഫോറൻസിക്‌ പരിശോധനയ്‌ക്കായി പിടിച്ചെടുത്തിട്ടുണ്ടെന്നും ഒരു വിദ്യാർഥിയും ആത്മഹത്യയ്ക്ക് ശ്രമിച്ച കേസ്‌ പുറത്തുവന്നിട്ടില്ലെന്നും അദ്ദേഹം പറഞ്ഞു. ഇന്ത്യൻ ശിക്ഷാ നിയമത്തിലെ 354 സി, ഇൻഫർമേഷൻ ടെക്‌നോളജി ആക്‌ട് എന്നിവ പ്രകാരമാണ് കേസെടുത്തിരിക്കുന്നതെന്ന് ഉദ്യോഗസ്ഥർ പറഞ്ഞു.
എന്നാൽ ഈ വാർത്തകൾ പ്രകാരം ഈ സംഗതി അതീവ ഗുരുതരമാണെന്നും മൊബൈൽ ദുരുപയോഗത്തിൽ നിന്ന് രക്ഷപെടേണ്ട സമയം അതിക്രമിച്ചിരിക്കുന്നു എന്ന സന്ദേശമാണ് നൽകുന്നത്. അല്ലാത്തപക്ഷം, ഓരോരുത്തരുടെയും സ്വകാര്യത ലംഘിക്കപ്പെടാനും സ്വന്തം വീഡിയോ, ഫോട്ടോകൾ നമ്മൾ പോലും അറിയാതെ വൈറലാകാനും സാധ്യതയുണ്ട്.
