മഴക്കാലം ഇഷ്ടപ്പെടാത്തവർ ആരാനുള്ളത്!! മഴ യാത്ര ഹരമുള്ള ആളാണോ? എങ്കിൽ മൺസൂൺ കാലം വിനിയോഗിക്കു. ബാഗ് പാക്ക് ചെയ്ത് ഇറങ്ങു… മൺസൂൺ യാത്രയെ സവിശേഷമാക്കുന്ന ചില സ്ഥലങ്ങളെക്കുറിച്ചറിയാം.
- ദുത്‍സാഗർ
മഴക്കാലത്ത് ഗോവയെ ഓഫ് സീസൺ എന്നാണ് വിളിക്കുന്നത്. എന്നാൽ മഴക്കാലത്ത് മാത്രം ഗോവ ആസ്വദിക്കാൻ പോകണം. ആളുകൾ നിറഞ്ഞ കടൽത്തീരത്തിനു പകരം, തെക്കൻ ഗോവയിലെയും കർണാടക അതിർത്തിയിലെയും ദുത്‍സാഗർ വെള്ളച്ചാട്ടം മഴയും തണുത്ത കാറ്റും ഏറ്റ് ആസ്വദിക്കാം. ഇതേ വെള്ളച്ചാട്ടമാണ് ചെന്നൈ എക്സ്പ്രസ് എന്ന ചിത്രത്തിൽ നമ്മൾ കണ്ടത്. വെള്ളച്ചാട്ടത്തിന് മുകളിലൂടെ കടന്നു പോകുന്ന റെയിൽവേ ട്രാക്കാണ് പ്രത്യേകത. ഈ ലൊക്കേഷൻ ആളുകൾ വളരെയധികം ഇഷ്ടപ്പെട്ടു. ഇടതൂർന്ന വനങ്ങളാൽ ചുറ്റപ്പെട്ട ദുത്‍സാഗർ കാണാൻ ധാരാളം ആളുകൾ ജൂൺ മുതൽ സെപ്റ്റംബർ വരെ മാസങ്ങളിൽ വരുന്നു. ഈ വെള്ളച്ചാട്ടം അകലെ നിന്ന് കാണുമ്പോൾ പർവ്വതങ്ങളിൽ നിന്ന് പാൽ സമുദ്രം ഒഴുകുന്നത് പോലെ തോന്നും .
- ലോണാവാല
ലോണാവാലയിലെ പർവ്വതങ്ങളുടെയും താഴ്‌വരകളുടെയും ഭംഗി കാണാൻ മൺസൂണിനേക്കാൾ മികച്ച സീസൺ ഇല്ല. ഇത് സ്വിറ്റ്സർലൻഡ് ഓഫ് ഇന്ത്യ എന്നും അറിയപ്പെടുന്നു. മഴക്കാലത്ത് പ്രകൃതിയെ ഇവിടെ വളരെ അടുത്തായി കാണാം. അതെ, നിങ്ങൾ ഇവിടെ പോകുന്നുണ്ടെങ്കിൽ, ലോണാവാലയിലെ ടൈഗർ പോയിന്‍റിലെ പച്ചക്കറികൾ കഴിക്കാൻ മറക്കരുത്. ആ അനുഭവം നിങ്ങളുടെ യാത്രയെ ആവേശകരമാക്കും.
- ഉദയ്‍പൂർ
നിങ്ങൾക്ക് മഴയുടെ സൗന്ദര്യം മല നിരകളിൽ ആസ്വദിക്കാൻ ആണ് ആഗ്രഹം എങ്കിൽ ഉദയ്‍പൂർ സന്ദർശിക്കുക. ഉദയ്പൂരിലെ വന സൗന്ദര്യം മഴക്കാലത്ത് വർണ്ണനാതീതം ആണ്. ഉദയ്പൂരില്‍ വർണ്ണാഭമായ രാജസ്ഥാനിലെ മനോഹരമായ മഴ കാഴ്ച കാണാം. രാജസ്ഥാനി സംസ്കാരവും ഇവിടത്തെ കൊട്ടാരങ്ങളും ഒപ്പം മുത്തു പോലുള്ള മഴത്തുള്ളികളും നിങ്ങളെ ആവേശം കൊള്ളിക്കും .
- ആഗ്ര
കാലവർഷത്തെ റൊമാന്‍റിക് സീസൺ എന്നും വിളിക്കാം. ഈ സീസണിൽ ആഗ്രയിലേക്ക് പോയി നോക്കു. സ്നേഹത്തിന്‍റെ അടയാളം. രാജ്യത്തെ ഏഴ് അത്ഭുതങ്ങളിലൊന്നായ താജ്മഹൽ മഴയിൽ കാണുന്നത് കൂടുതൽ രസം പകരും. താജ്മഹലിന് പുറമെ നിരവധി കോട്ടകളും കൊട്ടാരങ്ങളും ഇവിടെയുണ്ട്.
- പുതുച്ചേരി
രാജ്യത്തെ മികച്ച ടൂറിസ്റ്റ് സ്ഥലങ്ങളുടെ പട്ടികയിൽ ഏറ്റവും കൂടുതൽ പേർ ഇഷ്ടപ്പെടുന്ന സ്ഥലമാണ് പുതുച്ചേരി. മഴക്കാലത്ത് പുതുച്ചേരിയിലേക്കുള്ള യാത്ര അവിസ്മരണീയമായിരിക്കും. ഓഗസ്റ്റ് മുതൽ ഒക്ടോബർ വരെ ഇവിടെ മൺസൂൺ കാലമാണ്. പൊതുവെ പറഞ്ഞാൽ ഓഗസ്റ്റ് മുതൽ ഫെബ്രുവരി വരെ ചൂട് അല്പം കുറഞ്ഞ ക്ലൈമറ്റ് ആയിരിക്കുന്നതിനാൽ സന്ദർശിക്കാൻ പറ്റിയ സമയം ഇതാണ്.
