കഴിഞ്ഞ കുറച്ചു വർഷങ്ങളായി മികച്ച കരിയർ ഓപ്ഷൻ എന്ന നിലയിൽ പെൺകുട്ടികൾ ഫോട്ടോഗ്രാഫിയിലേക്ക് തിരിഞ്ഞിരിക്കുന്നു എന്നത് ഏറെ സന്തോഷം പകരുന്ന ഒരു കാര്യമാണ്. സാങ്കേതിക വിദ്യയിലൂടെ സൃഷ്ടിപരമായ മേഖലകളിലേക്ക് സ്ത്രീകളും കടന്നു വന്നുകൊണ്ടിരിക്കുകയാണ്. ഫോട്ടോഗ്രാഫി എല്ലായ്പ്പോഴും ഏറെ ഡിമാന്‍റുള്ള ഒരു കരിയർ ഓപ്ഷനാണ്. ആധുനിക ഡിജിറ്റൽ ക്യാമറകളുടെ വരവോടെ ഫോട്ടോഗ്രാഫി മുമ്പത്തേക്കാൾ കുറേക്കൂടി എളുപ്പമായിരിക്കുന്നു. മുമ്പ് ഫോട്ടോഗ്രാഫി എന്നത് പുരുഷ കേന്ദ്രീകൃത മേഖലയായിരുന്നു. എന്നാൽ ഇന്ന് കാലം മാറി. ഇപ്പോൾ നല്ലാരു വിഭാഗം പെൺകുട്ടികളും ഈ രംഗത്ത് സജീവമായി പ്രവർത്തിക്കുന്നുണ്ട്. പ്രത്യേകിച്ചും ദേശീയ-അന്തർദേശീയ മാധ്യമ രംഗങ്ങളിൽ.
ഇൻസ്റ്റാഗ്രാം ഫേസ് ബുക്ക് പോലെയുള്ള സോഷ്യൽ മീഡിയ പ്ലാറ്റ്ഫോമുകളുടെ മുന്നേറ്റം പെൺകുട്ടികളെ ഫോട്ടോഗ്രാഫി പിന്തുടരാൻ പ്രോത്സാഹിപ്പിക്കുന്നതിൽ നല്ലൊരു പങ്കു വഹിച്ചിട്ടുണ്ട്. വളർന്നുവരുന്ന ഫോട്ടോഗ്രാഫർമാർക്ക് അവരുടെ ജോലി പങ്കിടാനും ഫീഡ്ബാക്ക് അറിയാനും സമാന ചിന്താഗതിക്കാരായ വ്യക്‌തികളുമായി ബന്ധപ്പെടാനും ഈ പ്ലാറ്റ്ഫോമുകൾ ഒരു ഇടം നൽകുന്നുണ്ട്. ഫോട്ടോഗ്രാഫി രംഗത്ത് വിജയിച്ച നിരവധി വനിതാ ഫോട്ടോഗ്രാഫർമാർ അവരുടെ ഫോട്ടോഗ്രാഫുകൾ ഓൺലൈനിൽ പങ്കിട്ടുകൊണ്ടാണ് യാത്ര ആരംഭിച്ചത് എന്നോർക്കണം.
ഫോട്ടോഗ്രാഫി ഇഷ്ടപ്പെടുന്നവർക്ക് റോൾ മോഡലുകളാണ് ഈ വനിതാ ഫോട്ടോഗ്രാഫർമാർ. ആനി ലീബോ വിറ്റ്സ്, നാഷണൽ ജ്യോഗ്രഫിയിലെ ലിൻസി അഡാരിയോ, ഫാഷൻ ഫോട്ടോഗ്രാഫർ പെട്ര കോളിൻസ് തുടങ്ങിയവർ ഫോട്ടോഗ്രാഫിയിലും ദൃശ്യകലകയിലും അർത്ഥവത്തായ സംഭാവനകൾ നൽകാൻ സ്ത്രീകൾക്കും കഴിയുമെന്ന് തെളിയിച്ചവരാണ്. എടുത്തു പറയേണ്ട കാര്യം ഫോട്ടോഗ്രാഫി ഒരു കലയാണെന്നതാണ്. ഇതിൽ ഒരു മുഴുവൻ സമയ കരിയർ ഉണ്ടാക്കാൻ കമ്പ്യൂട്ടർ-സോഫ്റ്റ് വെയർ പരിജ്ഞാനം പോലെ തന്നെ ദൃശ്യപരവും സാങ്കേതികവുമായ അറിവ് ഉണ്ടായിരിക്കേണ്ടത് ആവശ്യമാണ്.
ദൃശ്യത്തിന് കഥപറച്ചിലിന്‍റെ ശക്തി
വെറും ചിത്രങ്ങൾ പകർത്തുന്നതിനേക്കാൾ അപ്പുറമാണ് ഫോട്ടോഗ്രാഫി. കഥപറച്ചിലിന്‍റെ ശക്തമായ ഒരു ചുരു ക്ക രൂപമാണിത്. തങ്ങളുടെ വേറിട്ട കാഴ്ചപ്പാടുകൾ തങ്ങളുടെ കണ്ണുകളിലുടെ ലോകത്തെ പ്രദർശിപ്പിക്കുക എന്ന ലക്ഷ്യത്തോടെയാണ് പെൺകുട്ടികൾ ഈ രംഗത്തേക്ക് വരുന്നത്. സാമൂഹിക പ്രശ്‌നങ്ങൾ രേഖപ്പെടുത്തുന്നതിനോ സൗന്ദര്യ നിമിഷങ്ങൾ പകർത്തുന്നതിനോ ആശയപരമായ കല സൃഷ്‌ടിക്കുന്നതിനോ ഫോട്ടോഗ്രാഫി ശക്തമായ മാധ്യമമായി മാറുകയാണ്. കുറേക്കൂടി വിശാലമായ ആശയവിനിമയമാണ് ഫോട്ടോഗ്രഫിയിലൂടെ സാധ്യമായിക്കൊണ്ടിരിക്കുന്നത്.
പ്രിന്‍റ് ഫോട്ടോകൾക്ക് ഡിമാൻഡ് കുറഞ്ഞെങ്കിലും ഇൻസ്റ്റന്‍റ് ഫോട്ടോകൾക്കും ഡിജിറ്റൽ ഇമേജുകൾക്കും ആവശ്യം വർധിച്ചത് ഫോട്ടോഗ്രാഫി വിപണിയ്ക്ക് കുതിപ്പ് നൽകി. പരസ്യം, മീഡിയ, കല്യാണം, ഫാ ഷൻ വ്യവസായങ്ങൾ എന്നീ രംഗങ്ങളിലുണ്ടായ അഭൂതപൂർവ്വമായ വളർച്ച ഫോട്ടോഗ്രാഫി ബിസിനസ്സിനെ ഇന്ത്യൻ യുവാക്കൾക്കിടയിൽ ആകർഷകവും ആവേശകരവുമായ മികച്ച ഒരു കരിയർ ഓപ്ഷൻ ആക്കി മാറ്റിയിരിക്കുന്നു. ആമസോൺ, ഫ്ളിപ്കാർട്ട് തുടങ്ങിയ ഇകോം കമ്പിനികളുടെ വർധിച്ചു വരുന്ന വ്യാപതിയും പ്രൊഡക്ട് ഫോട്ടോഗ്രാഫിയുടെ ഡിമാൻഡ് വർധിപ്പിച്ചിരിക്കുന്നു.
ഫോട്ടോഗ്രാഫിയ്ക്ക് പുറമെ ഫോട്ടോ എഡിറ്റിംഗ് മേഖലയിലും പ്രൊഫഷ ണൽ ഫോട്ടോഗ്രാഫർമാർക്ക് ആവശ്യക്കാർ ഏറെയാണ്. ജന്മദിനം, വാർഷികം, ബേബി ഷവർ തുടങ്ങിയ ചടങ്ങുകളിൽ ഫോട്ടോഗ്രാഫർമാർക്കുള്ള ഡിമാൻഡ് ഇപ്പോൾ ഏറിയിരിക്കുകയാണ്. ഇത് മാത്രമല്ല മെറ്റേണിറ്റി, പ്രീ വെഡ്‌ഡിംഗ്, വെഡ്‌ഡിംഗ് ഷൂട്ടുകൾ എന്നിവയോടുള്ള ആളുകളുടെ ആവേശവും താൽപര്യവും വർധിച്ചുകൊണ്ടിരിക്കുന്നതും ഫോട്ടോഗ്രാഫി രംഗത്തെ വളർച്ചയെ സൂചിപ്പിക്കുന്നു.
