ലളിതമായ ഏതാനും ചോദ്യങ്ങൾ.. ഈ ചോദ്യങ്ങൾക്ക് നിങ്ങൾ എന്ത് ഉത്തരമാണ് മനസ്സിൽ കണ്ടത്? താഴെ കൊടുത്തിരിക്കുന്ന ചോദ്യങ്ങളും അവയ്ക്ക് (A) (B) എന്നീ കോളങ്ങളിൽ കൊടുത്തിട്ടുള്ള ഉത്തരങ്ങളും വായിച്ചു നോക്കി, നിങ്ങൾക്ക് യോജിക്കുന്നത് സത്യസന്ധമായി രേഖപ്പെടുത്തി നോക്കൂ... ജീവിതത്തിൽ എത്രമാത്രം സന്തോഷവാൻ/ വതി ആണെന്ന് ആത്മപരിശോധന നടത്താൻ ഈ ശ്രമം നിങ്ങളെ സഹായിക്കും.
ചോദ്യം: നിങ്ങൾ ഉണരുമ്പോൾ ആദ്യം മനസ്സിലേക്ക് വരുന്ന കാര്യം
- ഇന്നും ജോലിക്ക് പോകണമല്ലോ എന്ന നിരാശ
- ഇന്നത്തെ ദിവസം എങ്ങനെയാകും എന്ന തോന്നൽ
ചോദ്യം: സൂപ്പർ മാർക്കറ്റിൽ ചെല്ലുമ്പോൾ ക്യാഷർ നിങ്ങളോട് പുഞ്ചിരിയോടെ ഹലോ പറയുന്നു. നിങ്ങൾ അപ്പോൾ...
- ശ്രദ്ധിക്കാതെ കടന്നു പോകും
- ക്യാഷർക്ക് നേരെ പുഞ്ചിരിക്കും. ഹായ് പറയും.
ചോദ്യം: എന്തെങ്കിലും മോശം കാര്യം ജീവിതത്തിൽ സംഭവിക്കുമ്പോൾ ഇങ്ങനെ ചിന്തിക്കും
- ദൈവമേ എന്തുകൊണ്ട് ഇങ്ങനെ സംഭവിക്കുന്നു? എന്ന് വിഷമിക്കും.
- എങ്ങനെ ഈ അവസ്ഥ തരണം ചെയ്യും എന്ന് ആലോചിക്കും.
ചോദ്യം: ഒരു ദിവസത്തിൽ നിങ്ങൾ എപ്പോഴൊക്കെ ചിരിക്കാറുണ്ട് എന്ന് ശ്രദ്ധിച്ചിട്ടുണ്ടോ?
- കാര്യമായിട്ടില്ല. മറ്റുള്ളവർ പറയുന്ന തമാശകളിലെ ഹാസ്യം കണ്ടെത്താൻ ശ്രമിക്കാറില്ല.
- ഉവ്വ്. തമാശ പറയാനും കേൾക്കാനും ഇഷ്ടമാണ്.
ചോദ്യം: നിങ്ങളുടെ സുഹൃത്ത് ഒരു സഹായം ആവശ്യപ്പെടുന്നു. അപ്പോൾ നിങ്ങളുടെ മനസ്സിലേക്ക് ആദ്യം വരുന്നത്...
- അവൻ/ അവൾ ഒരു സഹായവും തനിക്കക് ചെയ്തിട്ടില്ല. പിന്നെ ഞാൻ എന്തിന് സഹായിക്കണം.
- സന്തോഷത്തോടെ സഹായിക്കാമെന്ന് പറയും. സൗഹൃദം എന്നാൽ ഇതൊക്കെ അല്ലേ എന്ന് ചിന്തിക്കും.
ചോദ്യം: കുടുബത്തിൽ/ പങ്കാളിയോട് വഴക്ക് ഉണ്ടാക്കുന്ന ശീലം ഉണ്ടോ
- മിക്കപ്പോഴും
- വല്ലപ്പോഴും
ചോദ്യം: വരാനിരിക്കുന്ന അഞ്ച് വർഷത്തിൽ ജീവിതത്തിൽ എന്തൊക്കെ മാറ്റങ്ങൾ പ്രതീക്ഷിക്കുന്നു?
- ഇപ്പോഴത്തെ ജീവിതരീതി തുടർന്നാൽ ഭാവി ശോഭനമാകില്ല.
- നല്ല ഒരു ഭാവി സ്വപ്നം കാണുന്നു. അഞ്ച് വർഷത്തിനകെ ലക്ഷ്യത്തിൽ എത്തിച്ചേരാൻ വേണ്ടത് ചെയ്യും.
ചോദ്യം: അർദ്ധരാത്രിയിൽ സുഹൃത്ത് ഒരു റോഡ് ട്രിപ്പിന് ക്ഷണിക്കുന്നു. നിങ്ങൾ അത് നിരസിക്കും. കാരണം?
- നേരത്തെ ചില കാര്യങ്ങൾ ഏറ്റിരുന്നു.
- വേണ്ടത്ര തയ്യാറെടുപ്പുകൾ നടത്താൻ സമയം ലഭിക്കുന്നില്ല.
ചോദ്യം: കൈവശം ധാരാളം പണം ഉണ്ട്. നിങ്ങൾ അതുകൊണ്ട്...
- മൂന്നാറി. ഒരു സമ്മർ ഹൗസ് വാങ്ങും.
- വീടിനും സ്വയവും ഇൻഷുറൻസ് എടുക്കും.
ചോദ്യം: ശുഭ ചിന്ത, അശുഭ ചിന്ത ഇതിൽ ഏതാണ് നിങ്ങളെ നയിക്കുന്നത്?
- അശുഭ ചിന്തകൾ, ജീവിതത്തെ സംശയത്തോടെ കാണുന്നു.
- ശുഭ ചിന്ത, ജീവിതത്തെ സ്നേഹത്തോടെയും വിവേകത്തോടെയും നോക്കി കാണുന്നു.
B ഉത്തരം ഏഴോ അതിൽ അധികമോ കുറിച്ചിട്ടുണ്ട് എങ്കിൽ നിങ്ങൾ ജീവിതത്തിൽ യഥാർത്ഥത്തി. സന്തോഷവാനാണ്. ഒരു പ്രതിസന്ധികൾക്കും നിങ്ങളുടെ പോസിറ്റീവായ ജീവിത വീക്ഷണങ്ങളെ തറ പറ്റിക്കാൻ കഴിയില്ല. ഇനി 5 ൽ താഴെയാണ് B ഉത്തരങ്ങൾ എങ്കിൽ നിങ്ങൾക്ക് ജീവിതത്തെ വേണ്ടത്ര പ്രസന്നതയോടെ അഭിമുഖീകരിക്കാൻ കഴിയുന്നില്ല എന്നാണ് അർത്ഥം. അതുകൊണ്ട് കുറുച്ച് കൂടി കരുതൽ ആവശ്യമായി വരും. A ആണ് നിങ്ങളുടെ ഉത്തരം എങ്കിൽ ജീവിതത്തെ പോസിറ്റീവായി കാണേണ്ടത് അത്യാവശ്യമാണ്. ജീവിതത്തിലെ ചിന്താഗതികൾക്ക് മാറ്റം വരുത്താൻ സമയമായി എന്നാണർത്ഥം. സന്തോഷകരമായ ജീവിതത്തിനായി ചിലപ്പോൾ കടുത്ത തീരുമാനങ്ങൾ എടുക്കേണ്ടതും ആവശ്യമാണ്. ഒരു നല്ല നാളേക്കായി ഇപ്പോൾ മുതൽ പരിശ്രമിക്കാൻ തുടങ്ങാം.
