വെളിച്ചെണ്ണയുടെ ഗുണങ്ങൾ

വെളിച്ചെണ്ണയിൽ ഏറെക്കുറെ 40 ശതമാനത്തോളം ലോറിക് ആസിഡ് ഉണ്ടായിരിക്കും. ആന്‍റി ബാക്ടിരിയൽ ഗുണങ്ങളാൽ സമ്പന്നമായതിനാൽ ശരീരത്തിന്‍റെ പ്രതിരോധശേഷി വർദ്ധിപ്പിക്കും. മുലപ്പാലിലും ലോറിക് ആസിഡ് കണ്ടുവരാറുണ്ട്. അപ്പോൾ വെളിച്ചെണ്ണയുടെ മെഡിസിനൽ വാല്യു പിടിക്കിട്ടിക്കാണുമല്ലോ.
പ്രമേഹം തടയാൻ വെളിച്ചെണ്ണ ഫലപ്രദമാണെന്ന് നിരവധി ഗവേഷണങ്ങളിൽ തെളിഞ്ഞിട്ടുണ്ട്.
അതുപോലെ അൾഷിമേഴ്സ്, ഫിക്സ്, ഹൃദയാഘാതം, പരിക്കേറ്റ് കോശങ്ങൾ നശിച്ച് പോകൽ തുടങ്ങിയവയ്ക്കും വെളിച്ചെണ്ണയുടെ ഉപയോഗം ഗുണം ചെയ്യും.
വെളിച്ചെണ്ണയിൽ ലോറിക് ആസിഡ് ഉള്ളതിനാൽ ഹൃദയാരോഗ്യത്തെ പരിരക്ഷിക്കുന്നതിനൊപ്പം അണുബാധയിൽ നിന്നും ശരീരത്തെ സംരക്ഷിക്കുന്നു.
വെളിച്ചെണ്ണയിൽ കാത്സ്യവും മഗ്നീഷ്യവും പോലെയുള്ള ധാതുക്കൾ ഉള്ളതിനാൽ എല്ലുകൾക്ക് നല്ല ബലവും നൽകുന്നു.
വെളിച്ചെണ്ണ ഉപയോഗിച്ച് തയ്യാറാക്കിയ വിഭവങ്ങൾ കഴിച്ചയുടൻ ശരീരത്തിന് ഊർജം ലഭിക്കുന്നതാണ്. മറ്റ് കൊഴുപ്പുകളെ അപേക്ഷിച്ച് ഇത് വളരെ അനായാസം ദഹിക്കുകയും ചെയ്യും.
വെളിച്ചെണ്ണ ചർമ്മത്തെ ഈർപ്പമുള്ളതാക്കുന്നു. വരണ്ട നിർജീവമായ ചർമ്മത്തിന് തിളക്കവും കാന്തിയും പകരാൻ ഇത് ഉത്തമമാണ്.
വെളിച്ചെണ്ണയുപയോഗിച്ച് തല മസാജ് ചെയ്‌താൽ മസ്‌തിഷ്കത്തിന് നല്ല തണുപ്പ് കിട്ടും. ഒപ്പം ടെൻഷനും അകലും.
മുറിവുണങ്ങാനും വെളിച്ചെണ്ണ ഉത്തമമാണ്. നാശം സംഭവിച്ച കോശങ്ങളെ പുനരുജ്ജീവിച്ച് പരിക്ക് ഭേദമാക്കും.
തലയിൽ തേക്കാനും നല്ലതാണ്. പതിവായി തേയ്ക്കുകയാണെങ്കിൽ മുടിയുടെ കറുപ്പു നിറം കൂടുതൽ കാലം നിലനിൽക്കും.