ഏതു നാട്ടിൽ ചെന്നാലും വീട്ടിലെ ഭക്ഷണം ഒരു വികാരമാണ്. പരമ്പരാഗതമായി നമ്മുടെ അടുക്കളയിൽ തയ്യാറാക്കുന്ന നാടൻ വിഭവങ്ങളുടെ സ്വാദ് ഒന്നു വേറെ തന്നെയാണ്. അത്തരം വിഭവങ്ങളെ പരിചയപ്പെടാം. ഇത് രുചിയുടെ നൊസ്റ്റാൾജിയ!
കേരളത്തിലെ പരമ്പരാഗത കറിവിഭവങ്ങളിൽ ധാരാളം പേരുടെ ഇഷ്ടപ്പെട്ട വിഭവമാണ് ഉള്ളിത്തീയൽ. ഉള്ളിയ്ക്ക് എത്ര വില കൂടിയാലും ഈ ഉള്ളിത്തീയൽ ഇടയ്ക്ക് കഴിച്ചില്ലെങ്കിൽ എങ്ങനെ ശരിയാവും? ഉള്ളിത്തീയൽ ഉണ്ടാക്കുന്ന വിധം എങ്ങനെയെന്ന് നോക്കാം. ചെറിയ ഉള്ളിയും വറുത്തരച്ച തേങ്ങയുമാണ് ഇതിലെ പ്രധാന ചേരുവകൾ.
ചേരുവകൾ
പച്ചമുളക് കീറിയത് 6 എണ്ണം
വാളമ്പുളി പിഴിഞ്ഞ വെള്ളം പാകത്തിന്
തേങ്ങ ചിരകിയത് ഒരു കപ്പ്
മല്ലിപ്പൊടി 3 സ്പൂൺ
മുളകുപൊടി 2 സ്പൂൺ
കടുക് 1 സ്പൂൺ
കറിവേപ്പില
കുരുമുളക്, ഉലുവപ്പൊടി അൽപം
എണ്ണ രണ്ട് സ്പൂൺ
വറ്റൽ മുളക് വറുത്തിടാന്‍ ആവശ്യത്തിന്
ഉപ്പ് പാകത്തിന്
തയ്യാറാക്കുന്ന വിധം
സ്റ്റെപ്പ് 1
പാനിൽ എണ്ണയൊഴിച്ച് ആദ്യം ഉള്ളി വഴറ്റി മാറ്റി വയ്ക്കുക.
സ്റ്റെപ്പ് 2
മറ്റൊരു പാനിൽ എണ്ണയൊഴിച്ച് നാളികേരം ചിരവിയത് വറുത്തെടുക്കണം. ബ്രൗൺ നിറമാകുന്ന പരുവത്തിൽ മല്ലിപ്പൊടി, മുളകുപൊടി ഇവ തേങ്ങയിൽ ചേർത്ത് വറുത്ത് കോരുക. വറുത്തെടുത്ത ചൂടിൽ കുരുമുളക്, ഉലുവ, മഞ്ഞൾപ്പൊടി എന്നിവ കൂടി ഇട്ട് വഴറ്റി നല്ല മയത്തിൽ അരച്ചെടുക്കുക.
സ്റ്റെപ്പ് 3
പുളി മൂന്ന് കപ്പ് വെള്ളത്തിൽ പിഴിഞ്ഞെടുക്കുക.
സ്റ്റെപ്പ് 4
ഇത്രയും തയ്യാറാക്കിയ ശേഷം വെളിച്ചെണ്ണ ചൂടാക്കി അതിൽ പച്ചമുളക് കീറിയതും വെളുത്തുള്ളിയും ഇട്ട് വഴറ്റിയ ശേഷം നേരെത്ത വഴറ്റി വച്ച ഉള്ളി കൂടി ചേർത്ത് ഒന്നുകൂടെ നന്നായി വഴറ്റുക.
സ്റ്റെപ്പ് 5
നല്ല ബ്രൗൺ നിറമാകുമ്പോൾ ഈ ചേരുവയിലേക്ക് പുളി പിഴിഞ്ഞ വെള്ളവും അരപ്പും ഉപ്പും ചേർത്ത് നന്നായി തിളപ്പിക്കുക. കുറുകി വരുമ്പോൾ മറ്റൊരു പാത്രത്തിൽ വെളിച്ചെണ്ണയിൽ കടുക് വറുത്ത് ചുവന്ന മുളകും കറിവേപ്പിലയും ചേർത്ത് കറിയിലേക്ക് ഒഴിക്കുക.
കുറിപ്പ്
- ഉള്ളിയും തേങ്ങയും കരിയാതെ നന്നായി വറുത്തെടുക്കണം. അപ്പോഴാണ് കറിയ്ക്ക് നല്ല സ്വാദ് ലഭിക്കുക.
- നനവില്ലാത്ത പാത്രത്തിൽ സൂക്ഷിച്ചാൽ രണ്ട് ദിവസം ഫ്രഷ് ആയിരിക്കും.
