എല്ലാവരും കഴിക്കാൻ ഇഷ്ടപ്പെടുന്ന ഒന്നാണ് പൂരി. സാദാ പൂരി, ഉലുവ പൂരി, ഇങ്ങനെ പലതരം പൂരികൾ ഉണ്ട്. ഇവ എല്ലാം വളരെ രുചികരമാണ്. പക്ഷേ എപ്പോഴെങ്കിലും പാൽ പൂരി കഴിച്ചിട്ടുണ്ടോ. അതെ, മിൽക്ക് പൂരിയും ഒരു വിഭവമാണ്.
ചേരുവകൾ
രണ്ട് കപ്പ് ഗോതമ്പ് മാവ്
പഞ്ചസാര ആവശ്യത്തിന്
1/4 ടീസ്പൂൺ ഏലക്ക പൊടി
നാല് കപ്പ് പാൽ
ഉപ്പ് പാകത്തിന്
ആവശ്യത്തിന് നെയ്യ്
ബദാം ചെറുതായി അരിഞ്ഞത്
പാൽ പൂരി ഉണ്ടാക്കുന്ന വിധം
ആദ്യം, ഒരു വലിയ പാത്രത്തിൽ ഗോതമ്പ് പൊടി, നെയ്യ്, ഉപ്പ് എന്നിവ കലർത്തി വെള്ളം ചേർത്ത് നന്നായി കുഴയ്ക്കുക. അതിനു ശേഷം തുണി അൽപം നനച്ച് മൂടി വയ്ക്കുക.
ഇതിനു ശേഷം ഒരു പാനിൽ പാൽ എടുത്ത് ചൂടാക്കി പകുതി ആകുന്നത് വരെ തിളപ്പിക്കുക. ഇതിന് ശേഷം ഏലക്കയും പഞ്ചസാരയും ചേർത്ത് നന്നായി ഇളക്കുക. അതിനുശേഷം ഗ്യാസ് ഓഫ് ചെയ്യുക.
ഇനി ഒരു പാനിൽ എണ്ണ ഒഴിച്ച് നന്നായി ചൂടാകുമ്പോൾ ചെറിയ ഉരുളകൾ പരത്തി എടുത്ത് പൂരി ഉണ്ടാക്കുക. ഇതിനുശേഷം തയ്യാറാക്കിയ പാലിൽ പൂരി ഇട്ട് അതിന് മുകളിൽ ബദാം ഇടുക. നിങ്ങളുടെ പാൽ പൂരി തയ്യാർ. ചൂടോടെ വിളമ്പുക.
