ക്രിസ്മസ് ന്യൂയർ ആഘോഷങ്ങൾ ആരംഭിച്ചു കഴിഞ്ഞു. ഈ ദിവസങ്ങളിൽ പ്രിയപ്പെട്ടവരോടൊപ്പം ഒഴിവു സമയം ചെലവഴിക്കുന്നതാണ് കൂടുതൽ സന്തോഷം. അതിനൊപ്പം ഉച്ചഭക്ഷണത്തിൽ മികച്ച രുചിയുള്ള ദം ബിരിയാണി കിട്ടിയാൽ അന്നത്തെ ദിവസം കുശാൽ... കുടുംബം മുഴുവൻ ഡൈനിംഗ് ടേബിളിൽ ഇരുന്നു വീട്ടിൽ ഉണ്ടാക്കുന്ന സ്വാദിഷ്ഠമായ ബിരിയാണിക്കായി കാത്തിരിക്കുന്നു... എങ്കിൽ ഈ പാചക കുറിപ്പ് ധൈര്യമായി പരീക്ഷിക്കാവുന്നതാണ്.
ശരിയായ മസാലകൾ ആണ് രുചികരമായ ദം ബിരിയാണിയുടെ രഹസ്യം.. സൺറൈസിന്‍റെ ബിരിയാണി മസാല ഈ പ്രശ്‌നത്തെ ലഘൂകരിക്കും. ബിരിയാണി മസാലകളുടെ മികച്ച മിശ്രിതം ഇതിൽ അടങ്ങിയിരിക്കുന്നു.
ചിക്കൻ ദം ബിരിയാണി
ചേരുവകൾ
1 കിലോ ചിക്കൻ
3 കപ്പ് അരി
2 സ്പൂൺ ഇഞ്ചി-വെളുത്തുള്ളി പേസ്റ്റ്
3 സവാള അരിഞ്ഞത്
1 വലിയ തക്കാളി അരിഞ്ഞത്
3-4 പച്ചമുളക്
2 സ്പൂൺ തൈര്
2 സ്പൂൺ സൺറൈസ് ബിരിയാണി മസാല
അല്പം പച്ച ഏലക്ക, ബേ ലീഫ്, കറുവപ്പട്ട, ഗ്രാമ്പൂ, അല്പം വറുത്ത ഉള്ളി, പാകത്തിന് ഉപ്പ്, അല്പം നെയ്യ്
ആവശ്യാനുസരണം എണ്ണ.
തയ്യാറാക്കുന്ന വിധം
ഒരു വലിയ പാത്രത്തിൽ വെള്ളം തിളപ്പിച്ച് അരി, 2 ടീസ്പൂൺ ഉപ്പ്, ഗ്രാമ്പൂ, ഏലയ്ക്ക, കറുവപ്പട്ട, കായം എന്നിവ ചേർത്ത് 80% വരെ വേവിക്കുക. വെന്തു കഴിഞ്ഞാൽ വെള്ളം കളഞ്ഞ് മാറ്റി വയ്ക്കുക. അതിനിടയിൽ, ചിക്കൻ, തൈര്, അല്പം സൺറൈസ് ബിരിയാണി മസാല, അല്പം ഉപ്പ് എന്നിവ ചേർത്ത് ചിക്കൻ മാരിനേറ്റ് ചെയ്യുക.
ഇനി കട്ടിയുള്ള ഒരു പാത്രത്തിൽ എണ്ണ ചൂടാക്കി ഉള്ളി, പച്ചമുളക്, ഇഞ്ചി-വെളുത്തുള്ളി പേസ്റ്റ് എന്നിവ വഴറ്റുക. ഇതിലേക്ക് ചിക്കൻ ഇടുക, ചിക്കൻ വറുത്തു കഴിഞ്ഞാൽ നന്നായി ഇളക്കുക. ഇനി സൺറൈസ് ബിരിയാണി മസാലയും ഉപ്പും തക്കാളിയും ചേർക്കുക. ഇടത്തരം തീയിൽ എല്ലാം നന്നായി ഇളക്കി ചിക്കൻ 90% വരെ വേവിക്കുക.
പാകം ചെയ്യുമ്പോൾ, കുറച്ച് ചിക്കൻ പാത്രത്തിൽ വെച്ചിട്ട് ബാക്കിയുള്ളത് പുറത്തെടുക്കുക. ഇനി പാത്രത്തിൽ ബാക്കിയുള്ള ചിക്കന്‍റെ മുകളിൽ ഒരു ലെയർ വേവിച്ച അരി വയ്ക്കുക. വീണ്ടും ചിക്കൻ ഒരു ലെയർ ചേർത്ത് അരിയുടെ ഒരു പാളി ഉപയോഗിച്ച് പൂർത്തിയാക്കുക. മുകളിൽ വറുത്ത ഉള്ളിയും നെയ്യും ചേർക്കുക. പാത്രത്തിന്‍റെ അരികുകളിൽ മാവ് കുഴച്ചു പിടിപ്പിച് ലിഡ് അടയ്ക്കുക. ചെറിയ തീയിൽ 30 മിനിറ്റ് ബിരിയാണി വേവിക്കുക. ദം ബിരിയാണി റെഡി. ഇനി അത് സാലഡും റൈത്തയും ചേർത്ത് വിളമ്പുക.
