മസാല പൊറോട്ട
പൊറോട്ട തയ്യാറാക്കാനുള്ള മാവ് കുഴയ്ക്കുമ്പോൾ അതിൽ കുറച്ച് സുഗന്ധവ്യഞ്ജനങ്ങൾ ചേർത്ത് മസാല പൊറോട്ട തയ്യാറാക്കിയാൽ മതി. മറ്റ് സ്റ്റഫ്‌ഡ് പൊറോട്ടകളെ അപേക്ഷിച്ച് ഇത് തയ്യാറാക്കാൻ വളരെ എളുപ്പമാണ്. ഒപ്പം ഏതെങ്കിലും വെജ്ജ്, നോൺ വെജ്ജ് കറിയും കൂടിയായാൽ ബഹുരസം.
ചേരുവകൾ
ഗോതമ്പ് മാവ് 2 കപ്പ്
എണ്ണ ഒരു ടീസ്പൂൺ
ജീരകം കാൽ ടീസ്പൂൺ
അയമോദകം കാൽ ടീസ്പൂൺ
പൊടിച്ച കുരുമുളക് കാൽ ടീസ്പൂൺ
മുളകുപൊടി കാൽ ടീസ്പൂൺ
മഞ്ഞൾപ്പൊടി കാൽ ടീസ്പൂൺ
ഗരം മസാല പൊടി അര ടീസ്പൂൺ
മാങ്ങാപ്പൊടി അര ടീസ്പൂൺ
വെള്ളം കാൽ കപ്പ്
പൊറോട്ട പാകം ചെയ്യാൻ നെയ്യ് അല്ലെങ്കിൽ എണ്ണ
തയ്യാറാക്കുന്ന വിധം
ഗോതമ്പ് മാവിൽ എല്ലാ സുഗന്ധ വ്യഞ്ജനങ്ങളും ചേർത്ത ശേഷം ഒരു സ്‌പൂൺ എണ്ണയും അര കപ്പ് വെള്ളവും ചേർത്ത് കുഴയ്ക്കുക. മാവ് കുഴയ്ക്കുമ്പോൾ ആവശ്യമുള്ളത്ര വെള്ളം ചേർക്കുക. ശേഷം മാവ് ഒരു നനഞ്ഞ തുണി കൊണ്ട് മുടി 30 മിനിറ്റ് നേരം മാറ്റി വയ്ക്കുക. അതിനുശേഷം അതിൽ നിന്ന് മാവ് ചെരിയ ഉരുളകളാക്കി പരത്തി പൊറോട്ട തയ്യാറാക്കുക. തവയിൽ നെയ്യോ എണ്ണയോ പുരട്ടി സ്വർണ്ണനിറമാകുന്നതുവരെ പൊറോട്ട ഇരുവശവും മൊരിച്ചെടുക്കുക. എല്ലാ പൊറോട്ടകളും ഇതേ രീതിയിൽ തയ്യാറാക്കാം.
ആട്ട ചീല
സമയക്കുറവുള്ളവർക്ക് വേഗത്തിൽ തയ്യാറാക്കാവുന്ന വളരെ ഹെൽത്തിയായ ഒരു വിഭവമാണ് ആട്ട ചീല.
ചേരുവകൾ
ഗോതമ്പ് മാവ് രണ്ട് കപ്പ്
സവാള 2 (ഇടത്തരം) ചെറുതായി അരിഞ്ഞത്
തക്കാളി ഇടത്തരം 1 ചെറുതായി അരിഞ്ഞത്
പച്ചമുളക് രുചി അനുസരിച്ച്
മല്ലിയില 2 ടേബിൾസ്‌പൂൺ (ചെറുതായി അരിഞ്ഞത്)
അയമോദകം അര ടീസ്പൂൺ
ജീരകം അര ടീസ്പൂൺ
ഉപ്പ് രുചി അനുസരിച്ച്
എണ്ണ ആവശ്യത്തിന്
തയ്യാറാക്കുന്ന വിധം
ആദ്യം ഒരു വലിയ പാത്രത്തിൽ ഗോതമ്പ് മാവ് എടുക്കുക. ചീലയുടെ ബാറ്റർ തയ്യാറാക്കാൻ എല്ലാ അരിഞ്ഞ പച്ചക്കറികളും മാവിൽ ചേർക്കുക. ഇനി അതിൽ അയമോദകം, ജീരകം, ഉപ്പ് എന്നിവ ചേർത്ത് മാവ് നന്നായി കുഴച്ചെടുക്കുക. മാവ് അധി കം കട്ടിയുള്ളതായിരിക്കരുത്. ബാറ്റർ തയ്യാറാക്കിയ ശേഷം തവ അല്ലെങ്കിൽ പാൻ ഇടത്തരം തീയിൽ ചൂടാക്കുക. പാൻ ചൂടായശേഷം അതിൽ കുറച്ച് എണ്ണ പുരട്ടുക. തയ്യാറാക്കിയ ബാറ്റർ ഒഴിച്ച് ഒരു സ്‌പൂൺ ഉപയോഗിച്ച് വൃത്താകൃതിയിൽ പരത്തുക. അൽപസമയത്തിനു ശേഷം അരികുകളിൽ കുറച്ച് എണ്ണ പുരട്ടി ഏകദേശം ഒന്ന് മുതൽ 2 മിനിറ്റ് കഴിഞ്ഞ് ചീല ശ്രദ്ധാപൂർവ്വം മറിച്ചിടുക. ശേഷം അൽപം എണ്ണ പുരട്ടി നന്നായി മൊരിക്കുക. ഇരുവശത്തും ഇളം ചുവപ്പ് നിറമാകുമ്പോൾ പാനിൽ നിന്നും എടുക്കാം. ഇപ്രകാരം എല്ലാ ചീലകളും ചുട്ടെടുക്കുക.
മേഥി (ഉലുവ) പൊറോട്ട
പ്രഭാത ഭക്ഷണത്തിന് നല്ല ചൂടൻ പൊറോട്ട കിട്ടിയാൽ എന്ത് രസമായിരിക്കുമല്ലേ. അതും ചിക്കൻ കറിയ്ക്ക് അല്ലെങ്കിൽ വെജ്ജ്ജ് കുറുമയ്ക്കൊപ്പമോ ആയാൽ പറയാനും വയ്യ. പ്രത്യേകിച്ചും കുട്ടികൾക്ക് ഇത് ഏറെ ഇഷ്ടമാകും.
