ടൊമാറ്റോ ഫിഷ്
ചേരുവകൾ
ഫിഷ് 250 ഗ്രാം
ടൊമാറ്റോ കെച്ചപ്പ് 2 ടീസ്‌പൂൺ
ചില്ലി പേസ്‌റ്റ് അര ടീസ്‌പൂൺ
വെളുത്തുള്ളി 50 ഗ്രാം
ഇഞ്ചി അരച്ചത് 50 ഗ്രാം
കോൺഫ്ളോർ 50 ഗ്രാം
മുട്ട രണ്ടെണ്ണം
ആരോറൂട്ട് 50 ഗ്രാം
തക്കാളി, സവാള രണ്ടെണ്ണം
വൈറ്റ് പെപ്പർ ആവശ്യത്തിന്
ചൈനീസ് സാൾട്ട് ആവശ്യത്തിന്
തയ്യാറാക്കുന്ന വിധം
മീൻ നന്നായി കഴുകി വൃത്തിയാക്കി ചെറിയ കഷണങ്ങളായി മുറിക്കണം. ഇതിൽ ഇഞ്ചി- വെളുത്തുള്ളി അരച്ചത് പുരട്ടി വയ്ക്കുക. ആരോറൂട്ട് പൊടി, മൈദ, മുട്ട എന്നിവ ചേർത്ത് മിശ്രിതം തയ്യാറാക്കി മീൻ കഷണങ്ങളിൽ ചേർത്ത് വറുത്തെടുക്കുക.
ഇനി കനം കുറച്ച് അരിഞ്ഞിരിക്കുന്ന വെളുത്തുള്ളി ഇഞ്ചി കഷണങ്ങൾ വഴറ്റിയെടുക്കണം. ഇതിലേയ്ക്ക് ടൊമാറ്റോ കെച്ചപ്പ്, തക്കാളി, സവാള സ്‌ളൈസ് ചേർത്ത് വീണ്ടും വഴറ്റുക. മസാലയും മീൻ കഷണങ്ങളും ഇട്ട് വേവിക്കണം. ടൊമാറ്റോ ഫിഷ് തയ്യാർ.
ചില്ലി ചിക്കൻ
ചേരുവകൾ
ബോൺലെസ്സ് ചിക്കൻ 200 ഗ്രാം
വെളുത്തുള്ളി അരച്ചത് 50 ഗ്രാം
ഇഞ്ചി അരച്ചത് 50 ഗ്രാം
മുട്ട രണ്ടെണ്ണം
ആരോറൂട്ട് പൊടി 50 ഗ്രാം
ചില്ലി പേസ്‌റ്റ് ഒരു ടീസ്‌പൂൺ
സവാള രണ്ടെണ്ണം
കാപ്സിക്കം രണ്ടെണ്ണം
കാരറ്റ് രണ്ടെണ്ണം
സോയാസോസ് അര ടീസ്‌പൂൺ
ഉള്ളി രണ്ടെണ്ണം
തയ്യാറാക്കുന്ന വിധം
ബോൺലെസ്സ് ചിക്കനിൽ മസാല കുട്ട് തേച്ചു പിടിപ്പിക്കുക. ഇത് മുട്ട, മൈദ, ആരോറൂട്ട് പൊടി എന്നിവ കൊണ്ട് തയ്യാറാക്കിയ മിശ്രിതത്തിൽ മുക്കി ചെറിയ പക്കാവട പോലെ തയ്യാറാക്കി വറുത്തെടുക്കാം. ഒരു ഫ്രൈയിംഗ് പാനിൽ എണ്ണയെടുത്ത് കനം കുറച്ച് അരിഞ്ഞു വച്ചിരിക്കുന്ന വെളുത്തുള്ളിയും ഇഞ്ചി അരച്ചതുമിട്ട് ബ്രൗൺ നിറമാകുന്നതുവരെ വറക്കുക. ഇതിലേയ്ക്ക് സവാള, കാപ്സിക്കം, കാരറ്റ്, ഉള്ളി അരിഞ്ഞതും ചേർക്കാം. ഇനി ചിക്കൻ സ്റ്റോക്കുമൊഴിച്ച് ചില്ലി പേസ്‌റ്റ്, ചൈനീസ് സാൾട്ട്, വൈറ്റ് പെപ്പർ എന്നിവയും ചിക്കൻ പക്കാവടയും ചേർത്ത് വെള്ളം വറ്റുംവരെ വേവിക്കുക.
ചിക്കൻ സ്പ്രിംഗ് റോൾ
ചേരുവകൾ:
കാരറ്റ് 50 ഗ്രാം
ബീൻസ് 50 ഗ്രാം
കാബേജ് 50 ഗ്രാം
ബോൺലെസ്സ് ചിക്കൻ 100 ഗ്രാം
സവാള 50 ഗ്രാം
കാപ്സിക്കം 50 ഗ്രാം
മൈദ 50 ഗ്രാം
ആരോറൂട്ട് പൊടി 50 ഗ്രാം
മുട്ട രണ്ടെണ്ണം
ചൈനീസ് സാൾട്ട് ആവശ്യത്തിന്
വൈറ്റ് പെപ്പർ ആവശ്യത്തിന്
ടൊമാറ്റോ കെച്ചപ്പ് ഒരു ടീസ്‌പൂൺ
സോയാ സോസ്, പഞ്ചസാര അര ടീസ്‌പൂൺ
തയ്യാറാക്കുന്ന വിധം
ഒരു കപ്പ് മൈദ, രണ്ടുകപ്പ് ആരോറൂട്ട് പൊടി, രണ്ടു മുട്ട എന്നിവ കൊണ്ട് മിശ്രിതം തയ്യാറാക്കുക. ഒരു ചീനച്ചട്ടിയിൽ എണ്ണ തൂവി അല്പം മിശ്രിതം ഒഴിച്ച് ദോശപോലെ പരത്തിയെടുത്ത് ഒരു പ്ലേയ്റ്റിലേയ്ക്കു മാറ്റിവയ്ക്കുക. തുടർന്ന് ചീനച്ചട്ടിയിൽ എണ്ണയൊഴിച്ച് കനം കുറച്ച് അരിഞ്ഞു വച്ചിരിക്കുന്ന വെളുത്തുള്ളി- ഇഞ്ചി കഷണങ്ങളിട്ടശേഷം പച്ചക്കറി സ്‌ളൈസാക്കിയതുമിട്ട് വഴറ്റാം. ഇതിൽ ടൊമാറ്റോ കെച്ചപ്പ്, ചിക്കൻ കഷണങ്ങൾ, മസാലയും ചേർക്കാം. ഈ മിശ്രിതം പരത്തിവച്ച ചപ്പാത്തിയിൽ നിറച്ച് വറുത്തെടുക്കാം. ഇഷ്ട്‌ടമുള്ള ആകൃതിയിൽ മുറിച്ചെടുത്ത് പച്ചക്കറി കൊണ്ട് ഗാർണിഷ് ചെയ്‌ത് സർവ്വ് ചെയ്യാം.
ഫ്രൈഡ് പ്രോൺസ്
ചേരുവകൾ
ചെമ്മീൻ 250 ഗ്രാം
വെളുത്തുള്ളി അരച്ചത് 50 ഗ്രാം
