ഈ പുതുവർഷത്തിൽ എല്ലാവരും തന്നെ പെർഫക്റ്റ് ലുക്ക് വേണമെന്ന് സ്വപ്നം കാണുന്ന ആ പെർഫക്റ്റ് ലുക്ക് സ്വന്തമാക്കിയാലോ.... ഏത് അവസരത്തിലായാലും വളരെ സ്റ്റൈലിഷ് ആയി കാണപ്പെടണം. അതാണ് ഏത് പെണ്ണും ആഗ്രഹിക്കുന്നത്. സെലിബ്രിറ്റി ഫാഷൻ എന്നത് എപ്പോഴും ട്രെന്‍റിയായ ഒന്നാണ്. വസ്ത്രങ്ങൾ അണിഞ്ഞതു കൊണ്ട് മാത്രം സൗന്ദര്യം ഉണ്ടാകുമെന്നല്ല. നമ്മുടെ ആന്തരിക സൗന്ദര്യമാണ് നമ്മുടെ വ്യക്‌തിത്വത്തെ തിളക്കമുള്ളതാക്കുന്നത്. എന്നാൽ നൈസർഗ്ഗികമായി കിട്ടിയ സൗന്ദര്യത്തെ പരിപാലിക്കുക, സ്വയം സ്നേഹിക്കുക. അതിനാൽ ഈ പുതുവർഷത്തിൽ അൽപ്പം ശ്രദ്ധ സ്വന്തം കാര്യത്തിലും നൽകാം.
സ്കിൻ കെയർ തുടങ്ങി മേക്കപ്പ്, ഡ്രസ്സിംഗ് സെൻസ് എന്നിവയെല്ലാം തന്നെ പ്രധാനമാണ്. മികച്ച ലുക്കിന് പണം വാരികോരി ചെലവാക്കണമെന്നല്ല. മറിച്ച് കുറഞ്ഞ ചെലവിലും നിങ്ങൾക്ക് മികച്ച ലുക്ക് നേടിയെടുക്കാം. അൽപ്പം ബുദ്ധി പ്രയോഗിച്ചാൽ ആർക്കും സൗന്ദര്യറാണിയാകാം.
ഇതാ ചില വിശേഷപ്പെട്ട ടിപ്സുകൾ
കളർഫുൾ ട്രൗസർ
എല്ലാവരും അണിയുന്ന ഒന്നാണ് ജീൻസ്. മിക്കവരുടേയും കൈവശം ജീൻസുണ്ടാവുമല്ലോ. ജീൻസ് വാങ്ങാൻ ആഗ്രഹിക്കുന്നവർ ആ സ്‌ഥാനത്ത് മറ്റേതെങ്കിലും നിറത്തിലുള്ള ട്രൗസർ വാങ്ങാം. ഇത് വേറിട്ട സ്റ്റൈലിഷ് ലുക്ക് നൽകും. ഏത് ടോപ്പിനൊപ്പവും അണിഞ്ഞ് കൂളായി ഓഫീസിലും പോകാം. വളരെ കംഫർട്ടിബിളായ ഔട്ട് ഫിറ്റാണിത്. ആംഗിൾ ലെംഗ്ത് ട്രൗസർ കുർത്തയ്ക്കൊപ്പം തീർച്ചയായും ട്രൈ ചെയ്തു നോക്കൂ. ഫോർമൽ ലുക്കിനൊപ്പം ലേറ്റസ്റ്റ് ഫാഷൻ എന്ന ഫീലും ലഭിക്കും.
പ്ലീറ്റഡ് സ്കർട്ട്
വാർഡ്രോബിൽ ഒരു പ്ലീറ്റഡ് സ്കർട്ടെങ്കിലും കരുതി വയ്ക്കാം. ബജറ്റിനനുസരിച്ചുള്ളതും സ്റ്റൈലിഷ് ലുക്ക് ഉള്ളതുമായിരുന്നാൽ സംഗതി കലക്കും. ഡേറ്റിംഗിന് പോകാനോ ഓഫീസിലെ വീക്കെൻഡ് പാർട്ടിക്കോ പ്ലീറ്റഡ് സ്കർട്ട് ഫോർമലായും കാഷ്വലായും ധരിക്കാം. ഏത് ടോപ്പിനൊപ്പവും ഇത് ക്യാരി ചെയ്യാം.
സ്ട്രിപ്പ് ഡ്രസ്
ആക്ട്രസ് ലുക്ക് വേണമെന്ന് ആഗ്രഹിക്കുന്ന ഏത് പെൺകുട്ടിയും കുറഞ്ഞത് ഒരു സ്ട്രിപ്പ് ഡ്രസ്സെങ്കിലും കരുതി വയ്ക്കണം. ഏതെങ്കിലുമൊരു ദിവസത്തിൽ ഒരു സ്പെഷ്യൽ ലുക്ക് വേണമെന്ന് തോന്നുകയാണെങ്കിൽ ഈ ഡ്രസ് ധൈര്യപൂർവ്വം അണിയാം. ഇതും ബജറ്റ് ഫ്രണ്ട്‍ലി ഡ്രസ്സാണ്. മാത്രവുമല്ല അടിക്കടി ഷോപ്പിംഗ് നടത്തേണ്ട ആവശ്യവും വരില്ല. സ്വന്തം ഉയരമനുസരിച്ച് ഇതിന്‍റെ ലങ്ത്ത് കണക്കാക്കാം.
സാരി
ഏത് തരം വേസ്റ്റേൺ ഡ്രസ്സുകൾ ധരിച്ചാലും ശരി സാരി ധരിക്കുമ്പോഴുണ്ടാകുന്ന ഒരു ലുക്ക് വേറെ തന്നെയാണ്. ഏത് പെൺകുട്ടിയും കൊതിക്കുന്ന ഒന്ന്. അതുകൊണ്ട് സാരിയിൽ തന്നെ പുതിയ ട്രെന്‍റ് ട്രൈ ചെയ്‌ത് നോക്കാം. ഫേവറൈറ്റ് കളറിലുള്ള സീക്വൻസ് സാരി തന്നെ തെരഞ്ഞെടുക്കാം. വിവാഹ വേളയിലോ കോക്ടെയിൽ പാർട്ടിയിലോ സാരി ധരിക്കാം. ബോളിവുഡ് സുന്ദരിമാർ മനോഹരമായി സാരിയണിഞ്ഞ് തിളങ്ങുന്നത് കണ്ടിട്ടില്ലേ... സീക്വൻസ് സാരി ഇത്തരത്തിൽ ഫന്‍റാസ്റ്റിക് ഓപ്ഷനാണ്.
സ്പെഷ്യൽ ടിപ്
ലുക്കിനെ കോംപ്ലിമെന്‍റ് ചെയ്യുന്ന തരത്തിലുള്ള ഫുട്‍വിയര്‍ ധരിക്കണം. ഷൂസ്, ഹീൽ, ഫ്ളാറ്റ് സ്ലീപ്പർ എന്നിവ കയ്യിൽ കരുതി വയ്ക്കുക.
