ഒരു സിനിമ താരം എന്നാൽ അഭിനയ ശേഷി ആണ് മുഖ്യം എന്ന് വീണ്ടും വീണ്ടും ബോധ്യപ്പെടുത്തിക്കൊണ്ടിരിക്കുന്ന മലയാളി നടിയാണ് നിമിഷ സജയൻ. ഇപ്പോൾ വലിയൊരു സന്തോഷ വാർത്ത കൂടി നിമിഷ പങ്കു വെയ്ക്കുകയാണ്.
ബോളിവുഡിൽ അരങ്ങേറ്റം കുറിക്കാൻ നിമിഷ സജയൻ ഒരുങ്ങുന്നു. ബോളിവുഡ് സംവിധായകൻ ഒനീറിന്‍റെ വിആർ എന്ന ചിത്രത്തിലൂടെ ആണ് ബോളിവുഡ് അരങ്ങേറ്റം. ഈ ചിത്രത്തിൽ പ്രധാന കഥാപാത്രത്തെ ആണ് നിമിഷ അവതരിപ്പിക്കുന്നത്. തന്‍റെ ബോവുഡ് എൻട്രിയെ കുറിച്ച് നിമിഷ ആണ് ട്വിറ്റ്‌റിലൂടെ ആരാധകരെ അറിയിച്ചിരിക്കുന്നത്.
ഏറെ പ്രശംസ നേടിയ ആന്തോളജി സീരീസിലെ ശക്തമായ കഥയാണ് ഐ ആം. ദേശീയ അവാർഡ് നേടിയ ഐ ആം എന്ന സിനിമയുടെ തുടർച്ചയാണ് വീ ആർ എന്ന ചിത്രം. 2011 ൽ പുറത്തിറങ്ങിയ ഐ ആം നാല് സിനിമകളുടെ ഒരു സമാഹാരമായിരുന്നു, കുട്ടികളെ ദുരുപയോഗം, എൽജിബിടിക്യുഐ അവകാശങ്ങൾ, കശ്മീരി പണ്ഡിറ്റുകൾ, ശുക്ല ദാനം എന്നിങ്ങനെ പ്രസക്തമായ വിഷയങ്ങളെ അഭിസംബോധന ചെയ്ത സിനിമ ആയിരുന്നു അത്..
അതേ സമയം ഫഹദ് ഫാസിലിനൊപ്പം നിമിഷ അഭിനയിച്ച മാലിക്ക് എന്ന ക്രൈം ത്രില്ലർ സിനിമ കഴിഞ്ഞ ദിവസം റിലീസ് ആയി.. അവിസ്മരണീയമായ അഭിനയമാണ് ഇരുവരും കാഴ്ച വെച്ചിരിക്കുന്നത്.
ദിലീഷ് പോത്തന്‍റെ തോണ്ടി മുതലും ദൃക്‌സാക്ഷിയും എന്ന ചിത്രത്തിലൂടെ ആണ് നിമിഷ സജയൻ മലയാള സിനിമയിൽ തുടക്കം കുറിച്ചത്. ഈട, ഒരു കുപ്രസിധ പയ്യൻ, നായാട്ട്, ദി ഗ്രേറ്റ് ഇന്ത്യൻ കിച്ചൻ എന്നിവ നിമിഷയുടെ ഏറെ ശ്രദ്ധിക്കപ്പെട്ട ചിത്രങ്ങളാണ്.
