വൈറ്റ് ഫോറസ്റ്റ് കേക്ക്

ചേരുവകൾ

മൈദ – അര കപ്പ്

മാവ് ഒരു ടേബിൾ സ്പൂൺ

കാസ്റ്റർ ഷുഗർ – 115 ഗ്രാം (ഒരു കപ്പ്)

അന്തരീക്ഷ ഊഷ്മാവിൽ ഉരുകിയ വൈറ്റ് ചോക്ലേറ്റ് – 25 ഗ്രാം

ബേക്കിംഗ് പൗഡർ – ഒരു ടേബിൾ സ്പൂൺ

സോഡ ബൈ കാർബണേറ്റ് – ഒരു നുള്ള്

വാനില എസ്സൻസ് – 2 ടീസ്പൂൺ

ചൂട് വെള്ളം – ഒന്നര ടേബിൾ സ്പൂൺ

മുട്ട – 4

വാനില ക്രീം ഐസിംഗിന്

വിപ്പിംഗ് ക്രീം – 250 ഗ്രാം

ഐസിംഗ് ഷുഗർ – 5 ടേബിൾ സ്പൂൺ

വാനില എസ്സൻസ് – ഒരു ടീസ്പൂൺ

ഫ്രഷ് ചെറി – 12-13 എണ്ണം

മിൽക്ക് ചോക്ലേറ്റ് ബാർ -1

 തയ്യാറാക്കുന്ന വിധം

വിപ്പിംഗ് ക്രീം

സ്റ്റെപ്പ് 1

ക്രീം ഫ്രിഡ്ജിൽ വച്ച് തണുപ്പിക്കുക. അതിനുശേഷം 30 മിനിറ്റ് നേരം ക്രീം നന്നായി അടിച്ച് പതപ്പിക്കുക.

സ്റ്റെപ്പ് 2

ശേഷം ഐസ് വച്ചിരിക്കുന്ന ഒരു ബൗളിൽ മറ്റൊരു ബൗൾ വച്ചിട്ട് അതിലേക്ക് ക്രീം ഒഴിക്കുക. ഇതിൽ പഞ്ചസാരയും വാനില എസ്സൻസും ചേർത്ത് ക്രീം ഒന്നുകൂടി അടിച്ചുപതപ്പിക്കുക. ക്രീം നല്ല കട്ടിയാകും വരെ മിക്‌സ് ചെയ്യാം.

സ്റ്റെപ്പ് 3

ഐസിംഗ് ബാഗിൽ 4 ടേബിൾ സ്പൂൺ ഒഴിക്കുക. ഐസിംഗ് ബാഗും ബൗളിലുള്ള ബാക്കിയുള്ള ക്രീമും ഫ്രിഡ്ജിൽ വയ്ക്കുക.

ബേക്കിംഗ്

സ്റ്റെപ്പ് 1

ഓവൻ 180 ഡിഗ്രി പ്രീഹീറ്റ് ചെയ്യുക. മുട്ടയുടെ മഞ്ഞയും വെള്ളവും വേർതിരിച്ച് രണ്ട് ബൗളുകളിലായി ഇടുക.

സ്റ്റെപ്പ് 2

മുട്ട വെള്ള നല്ല കട്ടിയാകും വരെ അടിച്ച് പതപ്പിച്ച് ഒരു ടേബിൾ സ്പൂൺ പഞ്ചസാര ചേർത്ത് നന്നായി മിക്‌സ് ചെയ്ത് ഇതിൽ ഉരുകിയ വൈറ്റ് ചോക്ക്ളേറ്റും വാനില എസ്സൻസും ചേർക്കുക.

സ്റ്റെപ്പ് 3

മൈദമാവും ബേക്കിംഗ് പൗഡറും സോഡയും ഒരു ബൗളിലിട്ട് നന്നായി മിക്‌സ് ചെയ്യാം. അതിലേക്ക് ഒരു ടേബിൾ സ്പൂൺ വീതം മുട്ട മിശ്രിതം ചേർത്ത് വീണ്ടും മിക്‌സ് ചെയ്യാം.

സ്റ്റെപ്പ് 4

ചെറുതായി ചൂടാക്കിയ പാനിലേക്ക് മാവ് ഒഴിച്ച് അതിൽ സ്പൂൺ കൊണ്ട് കുത്തി വായു കുമിളകൾ കളയുക. ഈ പാൻ പ്രീഹീറ്റ് ചെയ്‌ത ഓവനിൽ വച്ച് 20-25 മിനിറ്റ് നേരം ബേക്ക് ചെയ്യാം. ഓവനിൽ നിന്നും പാൻ എടുത്ത് 5-10 മിനിറ്റ് നേരം തണുപ്പിക്കാം.

സ്റ്റെപ്പ് 5

ഒരു ട്രേയിലേക്ക് കേക്ക് മാറ്റുക. മുകൾഭാഗം ലെവൽ അല്ലെങ്കിൽ ട്രിം ചെയ്ത് ലെവലാക്കാം. അന്തരീക്ഷ ഊഷ്മാവിൽ ഒന്ന് – രണ്ട് മണിക്കൂർ നേരം കേക്ക് തണുക്കാന്‍ വയ്‌ക്കുക.

ഐസിംഗ്

2-3 ചെറി ചെറിയ കഷണങ്ങളാക്കുക. ചോക്ലേറ്റ് ബാർ പൊട്ടറ്റോ പീലർ കൊണ്ട് നേർമയായി ചുരണ്ടിയെടുത്ത് ഫ്രിഡ്ജിൽ വച്ച് തണുപ്പിക്കുക.

കവറിംഗ്

 സ്റ്റെപ്പ് 1

കേക്ക് മധ്യഭാഗത്ത് നെടുകെയായി മുറിക്കുക. ഇനി മാറ്റി വച്ച 2 ടേബിൾ സ്പൂൺ ക്രീം അടിയിലുള്ള സ്ലൈസിന് മീതെ നിരത്തുക.

സ്റ്റെപ്പ് 2

മുറിച്ചു വച്ച ചെറികൾ ക്രീമിന് മീതെയായി നിരത്തുക. ഇനി കേക്കിന്‍റെ മറ്റേ പകുതി സ്ലൈസ് മീതെ വയ്ക്കുക. ബാക്കിയുള്ള ക്രീം കൊണ്ട് കേക്കിന്‍റെ മുകളിലും സൈഡിലുമായി ഒരുപോലെ പുരട്ടുക.

സ്റ്റെപ്പ് 3

ഇനി ഐസിംഗ് ബാഗിലുള്ള ക്രീം കൊണ്ട് കേക്കിന്‍റെ അരികു വശത്തും മധ്യഭാഗത്തുമായി ചുരുളുകൾ പോലെയുള്ള ഡിസൈൻ ചെയ്യുക. ഒരോ ചുരുളിലും ചെറി വയ്‌ക്കുക.

സ്റ്റെപ്പ് 4

കേക്കിന് മീതെയും വശത്തുമായി ചീകി വച്ച ചോക്ലേറ്റ് വിതറാം. ഫ്രിഡ്ജിൽ റഫ്രിജറേറ്റ് ചെയ്‌ത ശേഷം സർവ്വ് ചെയ്യാം.