വേനലിലും ചുണ്ട് പൊട്ടുന്നതും വിണ്ട് കീറുന്നതും സാധാരണമാണ്. വീട്ടുവൈദ്യം കൊണ്ട് ഈ പ്രശ്നം വളരെ എളുപ്പത്തിൽ പരിഹരിക്കാൻ സാധിക്കും. എന്നാൽ ചുണ്ട് പൊട്ടുന്നത് എന്ത് കൊണ്ടാണെന്ന് ആദ്യം മനസ്സിലാക്കേണ്ടതുണ്ട്. വേനൽക്കാലത്തെ ചൂട് കാറ്റ് ഏൽക്കുന്നതിനാലാണ് ചുണ്ട് വിണ്ട് പൊട്ടുന്നതെന്ന് കോസ്മെറ്റിക്ക് ഇൻസ്റ്റിറ്റ്യൂട്ട് മുംബൈയിലെ കോസ്മെറ്റിക് സർജനായ ഡോ.മോഹൻ തോമസ് പറയുന്നത്. ഇതല്ലാതെ താഴെ പറയുന്ന മറ്റ് കാരണങ്ങൾ കൊണ്ടും വേനൽക്കാലത്ത് ചുണ്ട് പൊട്ടാം.
- ചുണ്ട് വരളുന്നതിനാലും ഇടക്കിടയ്ക്ക് നനച്ചു കൊടുക്കുമ്പോൾ അത് പെട്ടെന്ന് ഡ്രൈയാവുകയും ചുണ്ടിന്‍റെ മുകളിലെ തൊലി പൊളിഞ്ഞു വരാൻ ഇടയാവുകയും ചെയ്യുന്നു. ഇത് മാറ്റുമ്പോൾ അതിനു താഴെയുള്ള തൊലിയും വരളാൻ തുടങ്ങും. ഈ പ്രക്രിയ തുടർന്നു കൊണ്ടിരിക്കും.
- ചുണ്ടിൽ ഈർപ്പം നിലനിർത്തുന്ന ഗ്രന്ഥികൾ ഒന്നും തന്നെയില്ല. ചൂട് കാറ്റ് ഏറ്റ് ഡ്രൈനസ് ഉണ്ടാവുന്നതും വിണ്ട് പൊട്ടുന്നതും അതു കൊണ്ടാണ്. ശരീരത്തിലെ ഡിഹൈഡ്രേഷൻ കാരണമാണിത് സംഭവിക്കുന്നത്.
- സൺസ്ക്രീൻ കൊണ്ട് ചുണ്ടുകൾ സംരക്ഷിച്ചില്ലെങ്കിലും വരണ്ട് പോകും.
- വേനലിൽ പൊടി, അന്തരീക്ഷ മലിനീകരണം, ചൂട് കാറ്റ് എന്നിവ കാരണവും ചുണ്ട് പൊട്ടാം.
- നിങ്ങൾ വായിലൂടെ ശ്വസിക്കുമ്പോൾ ചൂട് വായു മൂക്കിലൂടെ ചുണ്ടുകളിലേയ്‌ക്ക് വരുന്നു. ഇതു കാരണവും ലിപ് ക്രാക്ക് ഉണ്ടാവുന്നു.
- ചില ടൂത്ത് പേസ്‌റ്റുകൾ ചുണ്ടിന്‍റെ ചർമ്മത്തിനു പറ്റാറില്ല. ഇതുകൊണ്ടും ചുണ്ട് പൊട്ടാം.
- ചിലർക്ക് ജ്യൂസ്, സോസ്, പുളി രസമുള്ള ഫലം എന്നിവ കഴിക്കുമ്പോൾ ചുണ്ടിൽ അലർജി ഉണ്ടാവാം. ഇതും ചുണ്ട് പൊട്ടാനിടയാക്കും.
- ചില മരുന്നുകൾ കഴിക്കുമ്പോഴും ചുണ്ട് ഡ്രൈയാവാം. മരുന്നു കഴിക്കുന്ന സമയത്ത് ധാരാളം വെള്ളം കുടിക്കണം. ജ്യൂസ് കഴിക്കുന്നതും നല്ലതാണ്.
“വേനലിൽ പുറത്തിറങ്ങി നടക്കുന്ന സ്ത്രീകൾക്ക് മാത്രമല്ല ചുണ്ട് വരണ്ട് പൊട്ടുന്നത്. വീട്ടിലിരിക്കുന്ന സ്ത്രീകൾക്കും ചൂട് കാറ്റും നിർജ്‌ജലീകരണവും കാരണം ചുണ്ട് പൊട്ടാറുണ്ട്. ചുണ്ടുകളുടെ ചർമ്മം വളരെയേറെ സംവേദനക്ഷമതയുള്ളതാണ്. ശരിയായ രീതിയിൽ ലുബ്രിക്കേറ്റ് ചെയ്‌തില്ലെങ്കിൽ ക്രാക്ക്സ് പ്രത്യക്ഷപ്പെടും.” കോസ്മെറ്റിക് സർജനായ ഡോ.ഡിസിൽവ പറയുന്നു.
വീട്ടുവൈദ്യം കൊണ്ട് പ്രശ്നം പരിഹരിക്കാം
- വേനലിൽ ദ്രവ ഭക്ഷണം ആവശ്യമായ അളവിൽ കഴിക്കാം. ശരീരത്തിന് നിർജ്ജലീകരണം തടയാനിത് സഹായിക്കും. ചുണ്ട് പൊട്ടുന്നത് ഒഴിവാകും.
- രാവിലെ ബ്രഷ് ചെയ്യുമ്പോൾ ചുണ്ടിൽ ഡ്രൈനെസ്സ് കാണുന്നുവെങ്കിൽ ബ്രഷ് കൊണ്ട് പതുക്കെ ചുണ്ടിൽ ഉരസാം. ഡെഡ് സ്കിൻ മാറും. എന്നിട്ട് ഉടനെ ലിപ് ബാം പുരട്ടുക.
- രാത്രി ഉറങ്ങാൻ കിടക്കും മുമ്പേ ചുണ്ടിൽ വെളിച്ചെണ്ണ പുരട്ടുക. ചുണ്ടിൽ ഈർപ്പം നിലനിർത്താനിത് സഹായിക്കും.
- മേക്കപ്പ് ചെയ്യുമ്പോൾ ലിപ്ഗ്ലോസ് ഉപയോഗിക്കരുത്. യുവി പ്രൊട്ടക്ഷൻ ഉള്ള ലിപ്ബാം പുരട്ടാം.
- പുറത്ത് പോകാത്ത അവസരത്തിൽ ചുണ്ടിൽ വെണ്ണ ഇടയ്ക്കിടയ്ക്ക് പുരട്ടാം.
- പോഷക ആഹാരങ്ങൾ കഴിക്കാൻ വളരെയധികം ശ്രദ്ധിക്കണം. വിറ്റാമിൻ സി, വിറ്റാമിൻ ഇ, പച്ചിലക്കറികൾ, പച്ചക്കറികൾ, വേനൽ പഴങ്ങൾ എന്നിവ ധാരാളം കഴിക്കുക.
- തൈര്, മോര് വെള്ളം കഴിക്കാം.
- ലസ്സി എത്ര കഴിക്കാൻ പറ്റുമോ അത്രയും അളവിൽ കഴിക്കാം. ചുണ്ടിന്‍റെ ആരോഗ്യത്തിന് വളരെ നല്ലതാണ്.
- പെൺകുട്ടികൾ സ്ലിം ട്രീം ആവുന്നതിന് വേണ്ടി ശരിയായ സമയത്ത് ശരിയായ ഭക്ഷണം കഴിക്കാറില്ല. ജങ്ക് ഫുഡിന്‍റെ ആരാധകരുമാണിവർ. അതിനാൽ ശരീരത്തിന് ആവശ്യമായ പോഷകങ്ങൾ ലഭിക്കാറില്ല. ഇതിന്‍റെ ലക്ഷണങ്ങൾ ആദ്യം ശരീരം പ്രകടിപ്പിക്കുന്നത് ചുണ്ടിൽ ആയിരിക്കും. പുകവലിയും മുറുക്കുന്നതും ചുണ്ടിന്‍റെ പ്രശ്നങ്ങൾ വഷളാക്കും.” ഡോ.അമിത് റാവു പറയുന്നു.
- കുറച്ച് തേൻ, പഞ്ചസാര, ചെറുനാരങ്ങ നീര് മിക്‌സ് ചെയ്‌ത് ഫിഡ്ജിൽ വയ്ക്കുക. എന്നിട്ട് സമയം കിട്ടുമ്പോഴെല്ലാം ചുണ്ടിൽ തേച്ച് പിടിപ്പിക്കാം. വേനലിൽ ജോലിയെടുക്കുന്ന സ്ത്രീകൾ ഇത് എന്തായാലും ചെയ്യണം.
- ചുണ്ട് വളരെയധികം പൊട്ടിയിട്ടുണ്ടെങ്കിൽ തക്കാളി നീരും നാടൻ നെയ്യും മിക്‌സ് ചെയ്‌ത് ചുണ്ടിൽ തേയ്‌ക്കാം. നെയ്യ്ക്ക് പകരം വെണ്ണയും ഉപയോഗിക്കാവുന്നതാണ്.
