പ്രസന്‍റബിൾ വ്യക്തിത്വം കാഴ്ചവയ്ക്കുന്നതിൽ പെരുമാറ്റത്തിനു മാത്രമല്ല മികച്ച വസ്ത്രധാരണത്തിനും മേക്കപ്പിനും തനതായ പ്രാധാന്യമുണ്ട്. എങ്കിലും ഓഫീസിലേയ്ക്ക് പോകുമ്പോൾ സിമ്പിൾ മേക്കപ്പ് ആണ് നല്ലത്. ഓഫീസിലേക്ക് പോകാനൊരുങ്ങുമ്പോൾ ശ്രദ്ധിക്കേണ്ട കാര്യങ്ങൾ:

മുഖത്ത് സൺസ്ക്രീൻ ലോഷൻ പുരട്ടണം. ഇത് അൾട്രാവയലറ്റ് രശ്‌മികളിൽ നിന്നും ചർമ്മത്തിനു സംരക്ഷണം നൽകുന്നു. വെയിൽ ഇല്ലാത്തപ്പോഴും മഴക്കാലത്തും സൺസ്ക്രീൻ ലോഷൻ ഉപയോഗിക്കേണ്ട എന്ന ധാരണ തെറ്റാണ്. ഏതു കാലാവസ്‌ഥയിലും സൺസ്ക്രീൻ ലോഷൻ ഉപയോഗിക്കാം.
ചർമ്മത്തിനിണങ്ങുന്ന നിറത്തിലുള്ള ഫൗണ്ടേഷൻ തെരഞ്ഞെടുക്കാം. ഇത് ‌മുത്ത് ലുക്ക് നൽകും. കൺസീലർ പുരട്ടി മുഖത്തെ ചുളിവുകളും കറുത്ത പാടുകളും അകറ്റാം.
മുഖത്തെ 'T സോൺ' അതായത് നെറ്റി, താടി, മുക്ക് എന്നീ ഭാഗങ്ങൾ കൂടുതൽ എക്സ്പോസ് ആവുന്നതിനാൽ സൂര്യപ്രകാശം അധികമായി ഏൽക്കുന്നതും ഇതേ ഭാഗങ്ങളിൽ തന്നെയായിരിക്കും.
കണ്ണുകളുടെ സൗന്ദര്യത്തിന് ഡ്രസ്സിന്‍റെ നിറവുമായി മാച്ച് ചെയ്യുന്ന ഐഷാഡോ തെരഞ്ഞെടുക്കാം. ഇത് ഷൂട്ടിംഗ് ഇഫക്ട്ട് നൽകും. ഡാർക്ക് ഐഷാഡോ പടരുവാനോ മങ്ങുവാനോ സാധ്യത കൂടുതലാണ്. ബ്രൗൺ കളർ പെൻസിൽ കൊണ്ട് ഐബ്രോ വരച്ച് മനോഹരമാക്കാം.
ഓഫീസിലേക്ക് പോകുന്ന അവസരത്തിൽ ബ്രൗൺ ബ്ലാക്ക് മസ്കാര പുരട്ടാം. ഐലാഷസ് വച്ച് മേക്കപ്പ് കംപ്ലീറ്റ് ചെയ്യാം.
ഒറിജിനൽ സ്‌കിൻ ടോണിനേക്കാൾ ഒന്നോ രണ്ടോ മടങ്ങ് ഇരുണ്ട ലിപ് കളർ തെരഞ്ഞെടുക്കാം. അത് മുഖത്തിന് കൂടുതൽ തിളക്കം നൽകും. മേക്കപ്പി എന്‍റെ കാര്യത്തിൽ ശ്രദ്ധിക്കുന്നതു പോലെ, മേക്കപ്പ് ബ്രഷ് വൃത്തിയാക്കി വയ്ക്കുന്നതിലും അതിയായ ശ്രദ്ധ നൽകണം.
മേക്കപ്പിനു ശേഷം മേക്കപ്പ് ബ്രഷ് കോട്ടൺ തുണി കൊണ്ടോ ടിഷ്യു പേപ്പർ കൊണ്ടോ തുടച്ചു വൃത്തിയാക്കി വയ്ക്കണം. ബ്രഷ് നാരുകൾ (ബ്രിസിൽസ്) ശക്തിയായി വലിച്ചു തുടയ്ക്കരുത്.
ഇളം ചൂട് വെള്ളമോ ഷാമ്പുവോ ഉപയോഗിച്ച് മേക്കപ്പ് ബ്രഷ് തുടച്ചു വൃത്തിയാക്കാം. നാരുകളുളള ഭാഗം മുകളിൽ വരത്തക്കവിധം വച്ച് ഉണക്കി എടുക്കാം.
ഉപയോഗത്തിന് ശേഷം ബ്രഷ് അലക്ഷ്യമായി ഇടാതെ കെയ്‌സിലോ, ബോക്സിലോ സൂക്ഷിക്കണം. ട്രാൻസ്‌പരെന്‍റ് ഔട്ടർ കവറിംഗ് ബോക്സു‌കളിൽ ഇവ സൂക്ഷിക്കുന്നത് നല്ലതായിരിക്കും.
ബോക്‌സിൽ അല്ല സൂക്ഷിക്കുന്നത് എങ്കിൽ ബഷ് ഒരു ഹോൾഡറിൽ ട്രേറ്റ് ആയി വയ്‌ക്കേണ്ടതാണ്. അല്ലെങ്കിൽ ബ്രഷിന്‍റെ നാരുകൾ മടങ്ങിപ്പോകാൻ ഇടയുണ്ട്.

ശ്രദ്ധിക്കേണ്ടവ

കിറ്റിൽ എഴുതിയിരിക്കുന്ന നിർദ്ദേശങ്ങൾ വായിച്ച് മനസ്സിലാക്കണം.
ഉപയോഗത്തിന് ശേഷം ലിപ്സ്റ്റിക്ക് ബ്രഷ് വൃത്തിയാക്കി വയ്ക്കണം. അല്ലാത്തപക്ഷം വീണ്ടും ഉപയോഗിക്കുമ്പോൾ ഉദ്ദേശിച്ച നിറം ലഭിച്ചുവെന്നു വരില്ല.
മറ്റുള്ളവരുടെ മേക്കപ്പ് കിറ്റ് ഉപയോഗിക്കരുത്. ബ്രഷ് മാറി ഉപയോഗിച്ചാൽ മുഖക്കുരു വരാൻ സാധ്യതയുണ്ട്.

ബ്യൂട്ടി ടിപ്സ്

ചർമ്മത്തിന്‍റെ ഈർപ്പം നിലനിർത്താൻ ഹൈഡ്രേറ്റിംഗ് പ്രൈമർ ഉപയോഗിക്കാം.
ബിബി ക്രീം സദാ കയ്യിൽ കരുതുക.
4 മുഖത്ത് അധികം ചുളിവും വരയും ഉണ്ടെങ്കിൽ ബിബിക്കു പകരും സിസി ക്രീം ഉപയോഗിക്കാം.
പുരികത്തിലെ രോമങ്ങൾക്കിടയിൽ ഗ്യാപ് ഉണ്ടെങ്കിൽ ഐബ്രോ പെൻസിൽ കൊണ്ട് ആകൃതി നൽകാം. കറുത്തതോ നാച്ചുറൽ ബ്രൗൺ കളറോ ഉപയോഗിക്കാം.
ഐബ്രോ ഗ്രോത്ത് സിറം ഉപയോഗിച്ച് പുരകത്തിന്‍റെ ആകൃതി നൽകാൻ കഴിയും. പുരകത്തിന് തിളക്കവും മുഖത്തിന് യുവത്വവും ലഭിക്കും.
കണ്‍പീലികൾക്ക് കനം കുറഞ്ഞതായി തോന്നുന്നുണ്ടെങ്കിൽ കൃത്രിമ കൺപീലി ഉപയോഗിക്കാം.
ചുണ്ടിലെ ഡെഡ് സ്കിൻ നീക്കം ചെയ്തശേഷം മോയിസ്ചുറൈസർ ലിപ് ബാം ഉപയോഗിക്കണം.
മുടി അഴിച്ചിട്ടുള്ള ഹെയർ സ്റ്റൈൽ പ്രായം കുറച്ചു തോന്നിപ്പിക്കും. ബൺ കെട്ടുമ്പോൾ പ്രായം കൂടുതലും തോന്നും.
മുടി ഡാർക്ക് കളർ ചെയ്യുമ്പോൾ മുടിയേക്കാൾ ഒരു ഷേഡ് കുറഞ്ഞ നിറം ഉപയോഗിക്കുക.
ദിവസവും ആന്‍റി ഏജിംഗ് ക്രീം ഉപയോഗിക്കുന്നത് കൊളോജെൻ അളവ് വർദ്ധിപ്പിക്കും.
കണ്ണുകൾക്ക് താഴെ കറുപ്പും ചുളിവും കുറയ്ക്കാൻ ഉറങ്ങുന്നതിനുമുമ്പ് അണ്ടർ ഐ ക്രീം അല്ലെങ്കിൽ ജെൽ ഉപയോഗിക്കാം.
ക്ലീനിംഗ്, ടോണിംഗ്, എക്സ്ഫോളിയേഷൻ, മോയ്സ്ചുറൈസിംഗ് പ്രൊട്ടക്ഷൻ ഇവ കൃത്യമായി ചെയ്യുമ്പോൾ പ്രായാധിക്യത്തിന്‍റെ പ്രഭാവം മുഖത്ത് പ്രത്യക്ഷപ്പെടില്ല.