കോളേജ് വിദ്യാർത്ഥിനിയായാലും ഉദ്യോഗസ്‌ഥയായാലും വീട്ടമ്മയായാലും ശരി മേക്കപ്പ് ചെയ്ത് അണിഞ്ഞൊരുങ്ങി നടക്കാൻ ഇഷ്ടപ്പെടുന്നവരായിരിക്കുമല്ലോ. അൽപ്പം അണിഞ്ഞൊരുങ്ങി നടക്കുകയെന്നത് പുതിയ കാലത്തിന്‍റെ ആവശ്യകത കൂടിയാണ്. പ്രസന്‍റബിൾ ആന്‍റ് പ്ലസന്‍റബിൾ ആയിരിക്കുക അനിവാര്യമാണ്. ആത്മവിശ്വാസം വർദ്ധിക്കാനും ഇത് സഹായിക്കും. ഏത് സാഹചര്യത്തിലും സ്വയം സ്മാർട്ട് ആന്‍റ് ഫ്രഷ് ആയിരിക്കുവാൻ മേക്കപ്പ് ബാഗിൽ 5 അവശ്യ മേക്കപ്പ് വസ്തുക്കൾ കരുതി വയ്ക്കണം. എന്താണ് ആ 5 മേക്കപ്പ് സാമഗ്രികളെന്നറിയാം.
കാജൽ
സ്വന്തം വ്യക്‌തിത്വത്തിന്‍റെ അടയാളങ്ങളാണ് കണ്ണുകൾ. കണ്ണുകളുടെ ഭംഗിയും ആകർഷണീയതും നിലനിർത്തുകയെന്നത് ഏറ്റവുമാവശ്യമാണ്. ഓഫീസിലോ കോളേജിലോ ആയിരിക്കുമ്പോൾ അല്ലെങ്കിൽ വീട്ടിലായിരിക്കുമ്പോൾ സ്വന്തം കണ്ണുകൾ ഡള്ളായിരിക്കുകയാണെങ്കിൽ മേക്കപ്പ് ബാഗിൽ നിന്ന് കാജൽ എടുത്ത് കണ്ണുകൾക്ക് മേൽപ്പോളയിലും കീഴ്പ്പോളയിലും അപ്ലൈ ചെയ്ത് കണ്ണുകളെ മനോഹരമാക്കാം.
ശ്രദ്ധിക്കുക: ഏതൊരു പെൺകുട്ടിയും സ്ത്രീയും കയ്യിൽ കരുതേണ്ട ഫസ്റ്റ് ചോയിസാണ് കണ്മഷി അഥവാ കാജൽ. എന്നാൽ മാർക്കറ്റിൽ നിന്നും വാങ്ങുന്ന ഭൂരിഭാഗം കാജലിലും പാരാബിൻ, മിനറൽ ഓയിലുകൾ, പ്രിസർവേറ്റിവുകൾ എന്നിവ അടങ്ങിയിരിക്കും. ഇവയൊക്കെയും കണ്ണുകൾക്ക് എരിച്ചിൽ സൃഷ്ടിക്കും. അതിനാൽ കാജൽ വാങ്ങുമ്പോൾ അത് ലോംഗ് ലാസ്റ്റിംഗ് ആണോ അതിൽ ഓർഗാനിക് നെയ്യ്, ആൽമണ്ട് ഓയിൽ എന്നിവയൊക്കെ ഉണ്ടോയെന്ന് ഉറപ്പ് വരുത്തണം. ഇവയൊക്കെ കണ്ണുകളെ മോയിസ്ച്ചുറൈസ് ചെയ്യും. കർപ്പൂരം അടങ്ങിയതാണെങ്കിൽ വാട്ടർലൈനിന് കുളിർമ്മ പകർന്ന് എരിച്ചിലുണ്ടാവുന്നതിനെ തടയും.
ഫിനിഷിംഗ് പൗഡർ
നേരം ഉച്ചയോടടുക്കുമ്പോഴോ വൈകുന്നേരമാകുമ്പോഴോ ചർമ്മത്തിൽ എണ്ണമയം രൂപം കൊള്ളുക സാധാരണമാണ്. ഈ പ്രശ്നത്തിൽ നിന്നും മോചനം നേടാൻ ഇടയ്ക്കിടെ മുഖം കഴുകുന്നവരുണ്ടാകാം. ഇത് ചർമ്മത്തിലെ സ്വഭാവിക എണ്ണമയത്തെ ഇല്ലാതാക്കും. ഈ സാഹചര്യത്തിൽ മേക്കപ്പ് ബാഗിൽ അത്യാവശ്യമായും ഫിനിഷിംഗ് പൗഡർ കരുതി വയ്ക്കണം. ചർമ്മത്തിലെ ഓയിലിനെ ഡ്രൈയാക്കാതെ നീക്കം ചെയ്യുന്നതിന് ഫിനിഷിംഗ് പൗഡർ ഉപയോഗിക്കാം. മുഖം ഓയിലിയായി കാണപ്പെടുകയുമില്ല. മുഖത്തിന് വേറിട്ടൊരു തിളക്കവുമുണ്ടാകും.
ശ്രദ്ധിക്കാം: ഹൈപ്പർ പിഗ്മെന്‍റേഷൻ അല്ലെങ്കിൽ ഡ്രൈ സ്കിൻ പ്രോബ്ളം ഉണ്ടെങ്കിൽ വൈറ്റ്നിംഗ് പൗഡർ വിത്ത് സൺസ്ക്രീൻ തെരഞ്ഞെടുക്കാം. ഈ പൗഡർ അപ്ലൈ ചെയ്ത് കഴിഞ്ഞാൽ പെട്ടെന്ന് വിയർപ്പ് ഉണ്ടാവുകയില്ലെന്ന് മാത്രമല്ല സ്കിൻ ടോൺ മെച്ചപ്പെടുകയും ചെയ്യും. പൗഡറിൽ കെമിക്കലുകളില്ലെന്ന് ഉറപ്പ് വരുത്തുക. അതുപോലെ നാച്ചുറൽ ഇൻഗ്രീഡിയന്‍റുകൾ ഉള്ള ധാരാളം നല്ല ബ്രാൻഡുകൾ ഇപ്പോൾ ലഭ്യമാണ്. അത്തരം പൗഡറുകൾ ചർമ്മത്തെ ഹൈഡ്രേറ്റായി നിലനിർത്തുന്നതിനൊപ്പം നാച്ചുറലായി ഫിനിഷിംഗും നൽകും.
സിസി ക്രീം
ജോലി ചെയ്ത് തളർന്നിരിക്കുന്നവരുടെ മുഖത്തും ആ തളർച്ച പ്രകടമായിരിക്കും. ഇങ്ങനെയുള്ളപ്പോൾ മിനിറ്റുകൾക്കുള്ളിൽ ഫ്രഷ് ലുക്ക് ലഭിക്കാനും ഒപ്പം ഡൾ സ്കിന്നിനെ ഇംപ്രൂവ് ചെയ്യാനും മേക്കപ്പ് കിറ്റിൽ സിസി ക്രീം കരുതി വയ്ക്കാം. ചർമ്മത്തെ ഇത് മോയിസ്ച്ചുറൈസും ബ്രൈറ്റ്നിംഗ് ഇഫക്റ്റും നൽകി സ്കിന്നിന് മിനിറ്റുകൾക്കുള്ളിൽ മാജിക് ഫ്രഷ്നസ് പകരും.
ശ്രദ്ധിക്കുക: സ്വന്തം ചർമ്മത്തിന് സിസി ക്രീം ഉപയോഗിച്ച് നാച്ചുറൽ കവറേജ് പകരാൻ ആഗ്രഹിക്കുന്നുവെങ്കിൽ, നിങ്ങളുടെ സ്കിൻ സെൻസിറ്റീവാണെങ്കിൽ ഗ്രേപ് സീഡ്, വിറ്റാമിൻ ബി, ഫ്രൂട്ട്സ് എന്നിവ ചേർത്ത് തയ്യാറാക്കിയ സിസി ക്രീം വാങ്ങാൻ ശ്രദ്ധിക്കുക. ഇത് നാച്ചുറലും ആന്‍റി ഓക്സിഡന്‍റുകളാൽ സമ്പന്നവുമായിരിക്കും. അതിനാൽ ചർമ്മത്തെ ഫ്രീ റാഡിക്കലുകളിൽ നിന്നും പരിപൂർണ്ണമായി സംരക്ഷിക്കുകയും ചെയ്യും.
ഫേസ് മിസ്റ്റ്
ഫേസ് മിസ്റ്റ് എന്നത് ഒരു തരം സ്പ്രേ ആണ്. ഇത് അത്യാവശ്യമായും സ്വന്തം മേക്കപ്പ് റൂട്ടീനിൽ ഉൾപ്പെടുത്തണം. ചർമ്മത്തിന് ഹൈഡ്രേറ്റും മോയിസ്ച്ചുറൈസും നൽകി മിനിറ്റുകൾക്കുള്ളിൽ ഫ്രഷ് ലുക്ക് നൽകും. എല്ലാതരം ചർമ്മത്തിന് ഇണങ്ങുമെന്നതാണ് ഫേസ് മിസ്റ്റിന്‍റെ ഹൈലൈറ്റ്.
അത്യാവശ്യമായും ഏതെങ്കിലും ഫംഗ്ഷനിന് പോകേണ്ടി വരുമ്പോൾ സ്ട്രസ് കാരണം മുഖം വളരെയധികം ഡള്ളായി കാണപ്പെടുന്നുവെങ്കിൽ മേക്കപ്പ് ഇടുന്നതിന് മുന്നോടിയായി മുഖത്ത് ഫേസ്മിസ്റ്റ് അപ്ലൈ ചെയ്ത് മുഖത്തിന് ഞൊടിയിടക്കുള്ളിൽ ഗ്ലോ പകരാം. മുഖത്തുണ്ടാകുന്ന ഗ്ലോ കാരണം ആർക്കും തളർച്ചയോ ഡൾനസ്സോ പിടികിട്ടുകയില്ല. പൂർണ്ണമായും ഫ്രഷ് ലുക്ക് ലഭിക്കും.
ശ്രദ്ധിക്കുക: നാച്ചുറൽ ഇൻഗ്രീഡിയന്‍റുകൾ കൂടുതലായി അടങ്ങിയതാണോ എന്ന് ഉറപ്പ് വരുത്തിയ ശേഷം ഫേസ് മിസ്റ്റ് വാങ്ങാം. ഗ്രീൻ ടീ, അലോവേര എന്നിവ കൊണ്ട് തയ്യാറാക്കിയ ഫേസ് മിസ്റ്റും ലഭ്യമാണ്. ഇത്തരം ഫേസ്മിസ്റ്റുകൾ ആന്‍റി ഓക്സിഡന്‍റുകളാൽ സമ്പന്നമായതിനാൽ മുഖത്തിന് തിളക്കവും കാന്തിയും പകരും. ഒപ്പം ചുളിവുകൾ പോലെയുള്ള പ്രശ്നങ്ങൾ ഒഴിവായി കിട്ടും.
ലിപ്സ്റ്റിക് അല്ലെങ്കിൽ ലിപ് ബാം
എല്ലാതരം മുഖത്തിനും കോംപ്ലക്‌ഷനിനും ഇണങ്ങുന്ന ഒന്നാണ് ലിപ്സ്റ്റിക്. ലിപ്സ്റ്റിക് അണിഞ്ഞ് ലുക്കിൽ അടിമുടി മാറ്റം വരുത്താം. മുഖം മുഴുവനും മേക്കപ്പ് അപ്ലൈ ചെയ്യാൻ ആഗ്രഹിക്കാത്തവരാണെങ്കിൽ കയ്യിൽ ലിപ്സ്റ്റിക് ഉണ്ടെങ്കിൽ ലിപ്സിൽ അപ്ലൈ ചെയ്ത് മുഖത്തിന് ഫ്രഷ് ലുക്ക് പകരാം.
മേക്കപ്പ് കിറ്റിൽ സാധ്യമെങ്കിൽ റെഡ് അല്ലെങ്കിൽ പിങ്ക് ലിപ്സ്റ്റിക് കരുതി വയ്ക്കുക. ഒപ്പം ബ്ലഷർ, ഐഷാഡോ എന്നിവയായും ലിപ്സ്റ്റിക് ഉപയോഗിക്കാം. ഇനി ലിപ്സ്റ്റിക് അണിയാൻ താൽപര്യം ഇല്ലാത്തവരാണെങ്കിൽ ഈസിയായി ലിപ്ബാം ഉപയോഗിച്ച് മുഖത്തിന് സൗന്ദര്യം പകരാം.
ശ്രദ്ധിക്കുക: ലിപ്സ്റ്റിക് വാങ്ങുമ്പോൾ അതിൽ ജൊജോബാ ഓയിൽ, കൊക്കോബട്ടർ, വിറ്റാമിൻ ഇ പോലെയു ള്ള ഇൻഗ്രീഡിയന്‍റുകൾ ഉണ്ടോയെന്ന് ഉറപ്പ് വരുത്തിയ ശേഷം വാങ്ങുക. ഇവയൊക്കെയും ചുണ്ടുകൾക്ക് മൃദുത്വവും സ്നിഗ്ദ്ധതയും പകരും. ഒപ്പം ചുണ്ടുകളിലുണ്ടാവുന്ന പ്രശ്നങ്ങളെ അകറ്റുകയും ചെയ്യും. പെട്രോളിയം, മിനറൽ ഓയിലുകൾ എന്നിവയില്ലെന്നും ഉറപ്പുവരുത്തുക.
