കൊടും ചൂടിന്‍റെ ദിനങ്ങളാനിനി വരാനിരിക്കുന്നത്. ചർമ്മത്തിൽ നിരവധി പ്രശ്നങ്ങൾ ഉണ്ടാകുന്ന സമയം കൂടിയാണിത്. ചൂട് കുരു തുടങ്ങി ചർമ്മത്തിന് പൊള്ളലേൽക്കുന്നതു വരെയുള്ള പ്രശ്നങ്ങൾ ആണ് ഈ കാലയളവിൽ കണ്ടുവരുന്നത്.
വേനൽക്കാലത്തുണ്ടാകുന്ന ചർമ്മ സംബന്ധമായ പ്രശ്നങ്ങൾക്ക് യവ്നാ ക്ലിനിക്കിലെ ഡെർമ്മറ്റോളജിസ്റ്റായ ഡോ. മാധുരിയും വെൽനസ് ക്ലിനിക്കിലെ ബ്യൂട്ടി എക്സ്പെർട്ടായ ദിവ്യയും നൽകുന്ന നിർദ്ദേശങ്ങൾ എന്തൊക്കെയാണെന്ന് നോക്കാം.
സൺബേൺ
സൂര്യന്‍റെ ഹാനികരങ്ങളായ കിരണങ്ങളേറ്റ് ചർമ്മത്തിലുണ്ടാകുന്ന റിയാക്ഷൻ ആണ് സൺബേൺ (കരുവാളിപ്പ്). നിരന്തരമായി വെയിൽ ഏൽക്കുക വഴി ചർമ്മം വരണ്ടതും നിർജ്ജീവവും ആകാം. ഒപ്പം ചുളിവുകളും ഉണ്ടാകും. ഗുരുതരമായ രീതിയിൽ സൂര്യതാപമേറ്റാൽ ചർമ്മത്തിൽ പൊള്ളലേറ്റ് കുമിളകൾ പ്രത്യക്ഷപ്പെടാം. ചിലപ്പോൾ ചർമ്മം പൊളിഞ്ഞു പോവുകയും ചെയ്യാം.
ചികിത്സ
- വിറ്റാമിൻ ഇ ഒരു തരം ആന്‍റി ഓക്സിഡന്‍റാണ്. അണുബാധ കുറയ്‌ക്കാൻ ഇത് ഫലവത്താണ്. ചർമ്മത്തിലുണ്ടാകുന്ന പൊള്ളൽ, കരിവാളിപ്പ് മുതലായവയ്‌ക്ക് സപ്ലിമെന്‍റായി വിറ്റാമിൻ ഇ ഗുളിക കഴിക്കാം.
- സോപ്പ് ഉപയോഗിക്കരുത്. ചർമ്മം വൃത്തിയാക്കാൻ ഫേസ് വാഷോ ലോഷനോ ഉപയോഗിക്കുക. പ്രത്യേകിച്ചും ടിട്രീ മൂലിക അടങ്ങിയ ഉൽപന്നമായാല്‍ നന്ന്. ചർമ്മം തണുത്തതായിരിക്കാൻ കലാമൈൻ ലോഷൻ ഉപയോഗിക്കാം.
- കരിവാളിപ്പ് കൂടുതലുണ്ടെങ്കിൽ ഒരു ഡെർമ്മറ്റോളജിസ്റ്റിനെ കാണുന്നത് നല്ലതാണ്. ആന്‍റി അലർജി ഔഷധം നീറ്റൽ, നീര് തുടങ്ങിയവ കുറയ്ക്കും. പൊള്ളൽ മാറുന്നതോടെ ഹൈഡ്രോഫേഷ്യലിലൂടെ ചർമ്മത്തിന് ഓക്സിജൻ നൽകാം.
ചൂട് കുരുവിനുള്ള ചികിത്സ
ചൂട് കാലത്ത് അമിതമായി വിയർക്കുന്നത് സാധാരണമാണ്. വിയർപ്പ് മുഖത്ത് അടിഞ്ഞു കൂടി അതിന്‍റെ ഫലമായി ചർമ്മം ഡള്ളായി പോകാറുണ്ട്. വിയർക്കുക മൂലം ചർമ്മത്തിൽ ചെറിയ കുരുക്കളും പ്രത്യക്ഷപ്പെടാം. ചർമ്മത്തിലത് ചൊറിച്ചിലും അസ്വസ്ഥതയും ഉളവാക്കാം.
വീട്ടിൽ ചെയ്യാവുന്ന ഉപായങ്ങൾ
- ചൂട് കുരുവിന് ബേക്കിംഗ് സോഡ ഉത്തമമാണ്. ഒരു സ്പൂൺ ബേക്കിംഗ് സോഡയിൽ തണുത്ത വെള്ളം ചേർത്ത് അതിൽ തുണി മുക്കി ചൂട് കുരുവോ കരിവാളിപ്പോ ഏറ്റ ഭാഗത്ത് 5-10 മിനിട്ട് നേരം വയ്‌ക്കുക. ചൂടുകുരു മൂലമുണ്ടാകുന്ന ചൊറിച്ചിൽ മാറും.
- ചൂട് കുരുവിന് തണുത്ത വെള്ളം ഗുണം ചെയ്യും. ഒരു തുണിയിൽ കുറച്ച് ഐസ്ക്യൂബ്സ് കിഴി കെട്ടി കോൾഡ് കംപ്രഷൻ നൽകാം. 5-6 മണിക്കൂർ ഇടവിട്ട് ഇങ്ങനെ ചെയ്യാം. തടിപ്പും തിണർപ്പും അകലാൻ സഹായിക്കും.
- ചന്ദനത്തിന് ശരീരത്തിന്‍റെ ചൂട് കുറയ്‌ക്കാനുള്ള കഴിവുണ്ട്. സാൻഡൽ പൗഡറും റോസ്‍വാട്ടറും തുല്യയളവിൽ എടുത്ത് മിക്‌സ് ചെയ്‌ത് ചൂട് കുരുവുള്ള ഭാഗത്ത് പുരട്ടാം. ഉണങ്ങിയ ശേഷം തണുത്ത വെള്ളം കൊണ്ട് കഴുകാം. പകൽ ഇത് 2 തവണ ചെയ്യുക. നല്ല ആശ്വാസം ലഭിക്കും. നിർജ്ജലീകരണം തടയാൻ കരിക്കിൻ വെള്ളം കുടിക്കുക.
ചികിത്സ
ചൂട് കുരുവിന് ഹൈഡ്രോഫേഷ്യൽ ട്രീറ്റ്മെന്‍റ് ചെയ്യാം. 3-4 ഘട്ടമായുള്ള ചികിത്സയാണിത്. ആദ്യം സ്കിൻ ടൈറ്റ്നിംഗ് ചെയ്‌തശേഷം ടോക്സിൻ റിമൂവൽ ചെയ്യുന്നതാണ് രീതി. പിന്നീട് ഓക്സിജനൈസേഷനും ഒടുവിലായി വിറ്റാമിൻ ഇൻഫ്യൂസും ചെയ്യുന്നതാണ് ചികിത്സ.
റൊസേഷ്യക്കുള്ള വീട്ടു ചികിത്സ
- പ്രകൃതിദത്തമായ മാർഗ്ഗങ്ങളിലൂടെ ഈ പ്രശ്നത്തെ ലഘൂകരിക്കാം. രണ്ട് കപ്പ് ഗ്രീൻ ടീ തയ്യാറാക്കി തണുപ്പിക്കാനായി അരമണിക്കൂർ നേരം ഫ്രിഡ്ജിൽ വയ്‌ക്കുക. പിന്നീട് ഫ്രിഡ്ജിൽ നിന്നെടുത്ത് ഇതിൽ തുണിമുക്കി റൊസേഷ്യ ബാധിച്ച ചർമ്മഭാഗങ്ങളിൽ കുറച്ച് നേരം വയ്‌ക്കുക.
- ആപ്പിൾ മാസ്ക്കും റോസേഷ്യയ്ക്ക് ഉത്തമ പരിഹാരമാണ്. ആപ്പിൾ പേസ്റ്റ് തയ്യാറാക്കി മുഖത്ത് പുരട്ടുക. 15-20 മിനിറ്റിനു ശേഷം തണുത്ത വെള്ളമുപയോഗിച്ച് കഴുകുക.
ചികിത്സ
റൊസേഷ്യയ്ക്ക് വീട്ടു ചികിത്സ നടത്തുന്നതിന് പുറമെ കെമിക്കൽ, ഗ്ലൈക്കോളിക് പീൽ, ഫോട്ടോ ഫേഷ്യൽ എന്നിവയിലൂടെയും പരിഹാരം കാണാം. കെമിക്കൽ പീൽ ഒരു ട്രീറ്റ്മെന്‍റാണ്. മൃതചർമ്മത്തെ നീക്കം ചെയ്‌ത് ചർമ്മം മൃദുലമാക്കുന്ന ചികിത്സയാണത്. ഇപ്രകാരം തന്നെയാണ് ഗ്ലൈക്കോലിറ്റ് പീലും പ്രവർത്തിക്കുക.
മുഖക്കുരു പ്രശ്നം
എണ്ണ ഗ്രന്ഥികൾ കൂടുതൽ സക്രിയമാകുകയും താളം തെറ്റിയ രീതിയിൽ പ്രവർത്തിക്കുന്നതിന്‍റെയും ഫലമായാണ് മുഖക്കുരു ഉണ്ടാകുന്നത്. എണ്ണഗ്രന്ഥി പുറപ്പെടുവിക്കുന്ന സ്രവം മൂലം ചർമ്മത്തിലെ രോമസുഷിരങ്ങൾ തുറക്കുകയും ബ്ലാക്ക്ഹെഡ്സ്, മുഖക്കുരു തുടങ്ങിയ പ്രശ്നങ്ങൾ ഉണ്ടാവുകയും ചെയ്യും.
വീട്ടു ചികിത്സ
- കുക്കുംബർ ഫേസ്പായ്ക്ക് മുഖക്കുരു പ്രശ്നങ്ങൾക്ക് ഉത്തമമാണ്. കുക്കുംബറും ഓട്ട്മീലും ചേർത്ത് പേസ്റ്റാക്കി അതിൽ ഒരു സ്പൂൺ തൈരും ചേർത്ത് മുഖത്തിടുക. ഉണങ്ങിയ ശേഷം തണുത്ത വെള്ളം കൊണ്ട് മുഖം കഴുകാം. ചർമ്മത്തെ റിജുവനേറ്റ് ചെയ്യും.
- അതുപോലെ മഞ്ഞളും ഏറെ ഫലവത്താണ്. രണ്ട് സ്പൂൺ മഞ്ഞളിൽ കുറച്ച് സാൻഡൽ, ബദാം ഓയിൽ ചേർത്ത് മുഖത്ത് പായ്ക്കിടുക. 10-15 മിനിറ്റിനു ശേഷം ചെറുതായി മസാജ് ചെയ്‌ത് പായ്ക്ക് നീക്കുക. ശേഷം തണുത്ത വെള്ളം കൊണ്ട് മുഖം കഴുകുക.
- മുഖക്കുരു പ്രശ്നത്തിന് ഏറെ ഫലവത്താണ് തേൻ. തേനും നാരങ്ങാനീരും കൂട്ടി യോജിപ്പിച്ച് മുഖത്ത് പുരട്ടുക. ഉണങ്ങിയ ശേഷം തണുത്ത വെള്ളം കൊണ്ട് മുഖം കഴുകാം.
മുഖക്കുരു ചികിത്സ
മുഖക്കുരു (അക്നെ) പ്രശ്നം പരിഹരിക്കുന്നതിന് മരുന്ന് കഴിക്കാം. അതുപോലെ മുഖക്കുരു പ്രശ്നം തടയാൻ വിവിധതരം ഉൽപന്നങ്ങൾ തന്നെയുണ്ട്. അക്നെ ഫേസ്വാഷ്, അക്നെ ബേബി ക്രീം, അക്നെ സോഫ്റ്റ് കൺസീലർ, അക്നെ പീൽ, കെമിക്കൽ പീൽ, ലേസർ ലൈറ്റ്ട്രീറ്റ്മെന്‍റ് എന്നീ മാർഗ്ഗങ്ങൾ ഉപയോഗിച്ച് മുഖക്കുരു പ്രശ്നം തടയാം. സാലിസിലിക്ക് ആസിഡ് ചേരുവയായുള്ള ഫേസ് വാഷും ക്രീമും ഉത്തമമാണ്.
ശരീര ദുർഗന്ധം
നമ്മുടെ ശരീരത്തിൽ നിന്നും രണ്ട് തരം വിയർപ്പുകളാണ് ഉണ്ടാവുക. ആദ്യത്തേത്, അക്രായിൻ ദുർഗന്ധമില്ലാത്തതും വൃത്തിയുള്ളതുമായ വിയർപ്പ്. ശരീരം മൊത്തത്തിൽ ഈ വിയർപ്പുണ്ടാകാം. ശരീരത്തിന്‍റെ ശരീരോഷ്മാവ് ഇത് നലനിർത്തുകയും ചെയ്യും. രണ്ടാമത്തേത് ആപോക്രൈൻ ആണ്. അരക്കെട്ട്, കക്ഷം എന്നീ ഭാഗങ്ങളിലുള്ള ഗ്രന്ഥികൾ സ്രവിപ്പിക്കുന്ന അൽപം കട്ടി കൂടിയ സ്രവമാണിത്. ബാക്‌ടീരിയയുടെ പ്രവർത്തനത്തിന്‍റെ ഫലമായാണ് ഈ വിയർപ്പ് ദുർഗന്ധ പൂർണ്ണമാകുന്നത്. ശരീരത്തിലെ വിയർപ്പ് ഗന്ധമകലാൻ ചുവടെ കൊടുത്തിരിക്കുന്ന ഉപായങ്ങൾ സ്വീകരിക്കാം.
- നാരങ്ങ നല്ലൊരു ബാക്‌ടീരിയ നാശിനിയാണ്. ഒരു നാരങ്ങ രണ്ടായി മുറിച്ച് കക്ഷഭാഗങ്ങളിൽ ഉരയ്‌ക്കുക. കുറച്ചു കഴിഞ്ഞ് തണുത്ത വെള്ളം കൊണ്ട് കഴുകുക.
- നിങ്ങളുടെ കൈവശം ഡിയോഡറന്‍റ് ഇല്ലാതെ വരികയാണെങ്കിൽ ഒരു കപ്പ് വെള്ളത്തിൽ അൽപം ഹൈഡ്രജൻ പെറോക്‌സൈഡ് ചേർക്കുക. ഈ വെള്ളത്തിൽ വൃത്തിയുള്ള തുണി മുക്കി നനച്ച് കക്ഷം തുടയ്ക്കുക.
ചികിത്സ
ഡിയോഡ്രാറ്റ്, ആന്‍റിപെഴ്സിപിറന്‍റ് എന്നിവ ചില ചികിത്സാ രീതികളാണ്. ആന്‍റി പെഴ്സിപിറന്‍റിൽ അലുമിനിയം ക്ലോറൈഡ് ഉണ്ട്. ഇത് ശരീരത്തിൽ നിന്നും സ്രവിക്കുന്ന വിയർപ്പിനെ കുറയ്ക്കും. ബോട്ടോക്സ് ട്രീറ്റ്മെന്‍റിലൂടെയും പരിഹാരം കാണാം.
