മഞ്ഞപ്പല്ലുകൾ വെളുപ്പിക്കാം

പ്രായം വർദ്ധിക്കുന്നതിനു അനുസരിച്ച് ചില ഭക്ഷണ സാധനങ്ങളുടെ ഉപയോഗം കൊണ്ടോ പല്ലിന്‍റെ നിറം മങ്ങി മഞ്ഞയായി മാറുക സ്വാഭാവികമാണ്. ഈ പ്രശ്നം വളരെ വേഗം പരിഹരിക്കാൻ കഴിഞ്ഞാൽ പിന്നീട് വിഷമിക്കേണ്ടി വരില്ല.

ചിരി ആകർഷകമായിരുന്നാൽ ആ വ്യക്‌തിയ്ക്ക് മറ്റുള്ളവരിൽ ഉണ്ടാകുന്ന ഇംപാക്ട് വളരെ വലുതാണല്ലോ. അതിനാൽ ദന്തനിരകളുടെ ഭംഗിയും വൃത്തിയും പ്രധാന പങ്കു വഹിക്കുന്നു. പല്ലിന് സ്വാഭാവികമായി നിറം നൽകാൻ സഹായിക്കുന്ന നിരവധി പ്രോഡക്ടുകൾ മാർക്കറ്റിൽ ലഭ്യമാണ്. പേസ്റ്റ്, പൗഡർ, ടീത്ത് വൈറ്റ്നിംഗ് കിറ്റ്, ടീത്ത് വൈറ്റ്നിംഗ് സ്ട്രിപ്സ് ഇങ്ങനെയുള്ള പ്രോഡക്ടുകൾ ആണ് ഉപയോഗിക്കപ്പെടുന്നത്.

പല്ല് വെളുപ്പിക്കാൻ വീട്ടിൽ തന്നെ ചെയ്യാവുന്ന ചില ടിപ്സുകളിതാ.

• ആപ്പിൾ സിഡർ വിനാഗർ ഒരു സ്പൂൺ അര ഗ്ലാസ് വെള്ളത്തിൽ മിക്സ് ചെയ്‌ത് മൗത്ത് വാഷ് പോലെ കുലുക്കുഴിയുക. 30 സെക്കന്‍റ് വായ്ക്കുള്ളിൽ തന്നെ വച്ച ശേഷം തുപ്പിക്കളയുക. തുടർന്ന് വെള്ളം കൊണ്ട് വാ കഴുകിയ ശേഷം ബ്രഷ് ചെയ്യുക. കൃത്യമായ അളവിൽ മാത്രമേ ആപ്പിൾ സിഡർ വിനിഗർ ഉപയോഗിക്കാവൂ. അതു പ്രത്യേകം ശ്രദ്ധിക്കണം.
• ഒരു സ്പൂൺ ബേക്കിംഗ് സോഡയിൽ രണ്ട് സ്പൂൺ ഹൈഡ്രജൻ പെറോക്സൈഡ് ഉപയോഗിച്ച് പേസ്റ്റാക്കുക. ഈ പേസ്റ്റ് കൊണ്ട് പല്ലു തേയ്ക്കാം. പല്ലിലെ പ്ലാക്ക്, കീടാണു ഇതൊക്കെ നീക്കം ചെയ്യാൻ സഹായകമാണ്. ഇത് നിത്യേന ചെയ്യാം.
• മാർക്കറ്റിൽ ആക്ടിവേറ്റഡ് ചാർക്കോൾ ലഭിക്കും. അതുകൊണ്ട് പല്ലു തേയ്ക്കാം പല്ലും വെളുക്കും കീടാണുക്കളും പോകും.
• സ്ട്രോബറിയിൽ അടങ്ങിയിട്ടുള്ള മാലിക് ആസിഡ് പല്ലു വെളുപ്പിക്കാൻ നല്ലൊരു ഉപായമാണ്. സ്ട്രോബറി മുറിച്ച ശേഷം ബേക്കിംഗ് സോഡയിൽ ചേർത്ത് പല്ലു തേക്കുക. പല്ലിലെ ചെറിയ മഞ്ഞനിറം നീങ്ങാൻ ഇതുമതിയാകും. ആഴ്ചയിൽ മൂന്ന് തവണ ഇങ്ങനെ ചെയ്യുക.
• പല്ലിന് മഞ്ഞനിറം ഉണ്ടാകാതിരിക്കാൻ പഞ്ചസാര അടങ്ങിയ ഭക്ഷണസാധനങ്ങളുടെ ഉപയോഗം കുറയ്ക്കുക. ഭക്ഷണത്തിൽ കാത്സ്യത്തിന്‍റെ അളവ് വർദ്ധിപ്പിക്കുക. പുകയില, മുറുക്ക് ഇവ ഒഴിവാക്കുക. രാവിലെയും രാത്രിയും ബ്രഷിംഗ് ശീലമാക്കുക. കാപ്പി, സോഡ, റെഡ് വൈൻ ഇവ കഴിച്ചാൽ പല്ലിൽ നിറം മങ്ങാൻ സാധ്യത കൂടുതലാണ്.

വീട്ടിൽ പലതരം ഉപായങ്ങള്‍ പരീക്ഷിച്ചിട്ടും ഫലം കിട്ടിയില്ലെങ്കൽ ഡോക്ടറെ കണ്ട് ടീത്ത് വൈറ്റ്നിംഗ് ചികിത്സ തേടാവുന്നതാണ്.