പ്ലാസ്റ്റിക് ബൗളിൽ ഭക്ഷ്യവസ്തുക്കൾ അടച്ച് വച്ച് മൈക്രോവേവ് ഓവനിൽ പാചകം ചെയ്‌ത് കഴിച്ചാൽ ഗുരുതരമായ ആരോഗ്യ പ്രശ്നങ്ങൾ ഉണ്ടാകുമോ? വന്ധ്യത, പ്രമേഹം, അമിതവണ്ണം, കാൻസർ തുടങ്ങിയ ആരോഗ്യ പ്രശ്നങ്ങൾക്ക് ഇതിട വരുത്തുമോ?
പ്ലാസ്റ്റിക് പാത്രങ്ങളിൽ ഭക്ഷ്യവസ്തുക്കൾ മൈക്രോവേവിൽ പാകം ചെയ്‌തോ ചൂടാക്കിയോ കഴിച്ചാൽ ഉയർന്ന രക്‌തസമ്മർദ്ദമുണ്ടാകുമെന്നാണ് വിവിധ പഠനങ്ങൾ പറയുന്നത്. ഇത് പ്രത്യുല്പാദനശേഷിയേയും ബാധിക്കും. മസ്‌തിഷ്കത്തിന്‍റെ പ്രവർത്തന ശൃംഖലയേയും ഇത്തരം ഭക്ഷണശീലം ബാധിക്കും. അതായത് മൈക്രോവേവ് ഓവനിൽ പ്ലാസ്റ്റിക് പാത്രം ചൂടാവുമ്പോൾ പ്ലാസ്റ്റിക്കിലുള്ള രാസവസ്‌തുക്കളിൽ 95 ശതമാനവും സ്രവിക്കും.
ആരോഗ്യത്തിന്‍റെ ശത്രു
പ്ലാസ്റ്റിക് പാത്രങ്ങൾ നിർമ്മിക്കുന്നതിനായി വിസ്ഫെനോൾ എ എന്ന രാസ വസ്‌തു ഉപയോഗിക്കാറുണ്ട്. ഈ രാസവസ്തു പൊതുവെ ബിപിഎ എന്ന പേരിലാണ് അറിയപ്പെടുന്നത്. വന്ധ്യത, ഹോർമോൺ അസന്തുലിതാവസ്‌ഥ, കാൻസർ തുടങ്ങിയ രോഗങ്ങൾക്ക് ഈ രാസവസ്തു ആക്കം കൂട്ടും. വ്യക്‌തിയുടെ ലൈംഗിക സ്വഭാവത്തിലും മാറ്റങ്ങൾ സൃഷ്ടിക്കും. അതായത് പൗരുഷ ഗുണങ്ങളെ കുറയ്ക്കുമെന്നർത്ഥം. മസ്‌തിഷ്ക ഘടനയേയും ഇത് ദോഷകരമായി ബാധിക്കും. പൊണ്ണത്തടിക്കും ഇത് കാരണമാകാം. പ്ലാസ്റ്റിക് പാത്രത്തിൽ ഭക്ഷ്യവസ്തുക്കൾ മൈക്രോവേവിൽ വച്ച് പാകം ചെയ്യുമ്പോൾ പ്ലാസ്റ്റിക്കിലുള്ള രാസവസ്‌തുക്കൾ ഓവനിന്‍റെ ചൂടിൽ അലിഞ്ഞ് ഭക്ഷ്യപദാർത്ഥങ്ങളിൽ അലിഞ്ഞു ചേരുന്നു. മൈക്രോവേവിൽ ഏത് തരം പ്ലാസ്റ്റിക് പാത്രം വയ്ക്കുന്നതും സുരക്ഷിതമല്ല. മൈക്രോവേവിൽ ഉപയോഗിക്കുന്ന ഫുഡ് ഗ്രേഡ് പ്ലാസ്റ്റിക് പാത്രങ്ങളുമായി താരതമ്യം ചെയ്യുമ്പോൾ മറ്റ് തരം പ്ലാസ്റ്റിക് പാത്രങ്ങൾ അപകടം കുറഞ്ഞവയായിരിക്കും. അവയിലൊക്കെ വളരെ കുറച്ചേ ഹാനികരകങ്ങളായ രാസവസ്തുക്കളെ ഉപയോഗിക്കുന്നുള്ളൂ.
മൈക്രോവേവിന്‍റെ ഉപയോഗം പല അപകടങ്ങളേയും ക്ഷണിച്ചു വരുത്തും. മൈക്രോവേവ് ഉപയോഗിക്കുമ്പോൾ ഹാനികാരകങ്ങളായ വികിരണങ്ങൾ ഉണ്ടാകും. എന്നാലും ഭൂരിഭാഗം കേസുകളിലും മൈക്രോവേവിലുള്ള പാചകവും ഭക്ഷണം ചൂടാക്കലുമൊന്നും അത്ര അപകടകരമല്ലെന്നും കണ്ടെത്തിയിട്ടുണ്ട്. മൈക്രോവേവിൽ തെറ്റായ പാത്രങ്ങൾ ഉപയോഗിക്കുന്നത് ആരോഗ്യപ്രശ്നങ്ങൾ ഉണ്ടാക്കും. പ്ലാസ്റ്റിക് പാത്രങ്ങൾ ഉപയോഗിക്കുന്നത് ഒഴിവാക്കുക.
ചില്ല് പാത്രങ്ങൾ കൂടുതൽ സുരക്ഷിതം
ഭക്ഷണം വിളമ്പി വയ്ക്കാൻ ചില്ല് പാത്രങ്ങൾ ഉപയോഗിക്കുന്നത് തീർത്തും സുരക്ഷിതമാണ്. ചൂടായാലും ചില്ല് പാത്രങ്ങളിൽ രാസവസ്‌തുക്കൾ സ്രവിക്കുകയില്ല. പ്ലാസ്റ്റിക് പാത്രങ്ങൾ സർവ്വസാധാരണമായതിനാൽ അവയുടെ ഉപയോഗം ഫലപ്രദമായി കുറയ്ക്കുകയോ ഒഴിവാക്കുകയോ ചെയ്യുന്നതാണ് നല്ലത്. പ്ലാസ്റ്റിക് പാത്രങ്ങൾ ഒഴിവാക്കുകയും കുറയ്ക്കുകയും ചെയ്യുന്നതു വഴി ശരീരത്തിൽ വിഷപദാർത്ഥങ്ങൾ പ്രവേശിക്കുന്നത് തടയാനാവും.
- ഡോ. നതാഷാ ഗുപ്ത
ഗൈനക്കോളജിസ്റ്റ് ആന്‍റ് ഐവിഎഫ് എക്സ്പെർട്ട്, ഇന്ദിരാ ഐവിഎഫ് ഹോസ്പിറ്റൽ ന്യൂഡൽഹി
