ആരോഗ്യകരമോ നമ്മുടെ ജീവിതം

ആരോഗ്യവുമായി ജീവിതശൈലിക്കും ശീലങ്ങൾക്കുമുള്ള ബന്ധം വളരെ ആഴമേറിയതാണ്. ദൈനംദിന ജീവിതത്തിൽ ഇതുപോലെ പല കര്യങ്ങളും നമ്മൾ അവഗണിക്കാറുണ്ട്. അവ സ്വീകരിക്കുക അല്ലെങ്കിൽ നിരാകരിക്കുക എന്നുള്ളതാണ് ആരോഗ്യത്തിന് നല്ലത്. അത്തരം ചില കാര്യങ്ങളെക്കുറിച്ചറിയാം.

പരീക്ഷ വേളയിൽ നന്നായി ഉറങ്ങുന്നത് കുട്ടികൾക്ക് മികച്ച് ഗ്രേഡ് ലഭിക്കാൻ സഹായിക്കും 

പരീക്ഷയ്ക്ക് മുമ്പ് വിദ്യാർത്ഥികൾ നന്നായി ഉറങ്ങുന്നത് നല്ലതാണെന്ന് ആരോഗ്യവിദഗ്ദ്ധർ പറയാറുണ്ട്. അമേരിക്കയിലെ ഒരു യൂണിവേഴ്സിറ്റിയിൽ നടത്തിയ ഗവേഷണത്തിൽ പറയുന്നത് കുട്ടികൾ പരീക്ഷയ്ക്ക് തൊട്ട് തലേന്ന് രാത്രിയിൽ 8 മണിക്കൂർ ഉറങ്ങിയാൽ അവർക്ക് പരീക്ഷയിൽ മികച്ച വിജയം നേടാനാവുമെന്നാണ്.

വീക്കെന്‍റ് വേളയിൽ ഉറങ്ങുക അഥവാ ജീവിതം നിറഞ്ഞ് ആസ്വദിക്കുക

ജേർണൽ ഓഫ് സ്ലീപ് റിസർച്ചിൽ പ്രസിദ്ധീകരിച്ച ഒരു പുതിയ പഠനം പറയുന്നത് വീക്കെന്‍റ് വേളയിൽ ഉറങ്ങുന്നത് ആയുസ് വർദ്ധിപ്പിക്കുമെന്നാണ്. സ്വീഡനെ അടിസ്ഥാനപ്പെടുത്തിയായിരുന്നു ഈ പഠനം.

മുതിർന്ന പ്രായത്തിൽ സന്തുഷ്ടരായിട്ടുള്ളവർക്ക് ആയുസ് കൂടുതലായിരിക്കും

സിംഗപ്പൂരിലെ സ്യൂട്ടക്ക് എൻയുഎസ് മെഡിക്കൽ സ്ക്കൂളിൽ നടത്തിയ പഠനമാണിത്. ഗവേഷകനായ രാഹുൽ മൽഹോത്രയുടെ നേതൃത്വത്തിൽ നടത്തിയ പഠനത്തിൽ പറയുന്നത് സന്തോഷം വർദ്ധിക്കുന്നത് ആയുസ് വർദ്ധിപ്പിക്കുമെന്നാണ്. ഏജ് ആന്‍റ് ഏജിംഗ് ജേർണലിൽ ഇത് പ്രസിദ്ധീകരിക്കുകയുണ്ടായി. പഠനത്തിൽ 4,470 പേരെ ഉൾപ്പെടുത്തിയിരുന്നു. 2009 ൽ തുടങ്ങിയ പഠനം 31 ഡിസംബർ 15 വരെ നീണ്ടു നിൽക്കുകയുണ്ടായി. തുടക്കത്തിൽ ഇതിൽ സന്തോഷവും പിന്നെ ഏതെങ്കിലും കാരണം കൊണ്ട് ഉണ്ടാകുന്ന മരണവും തമ്മിലുള്ള ബന്ധത്തെക്കുറിച്ചും പഠനം നടക്കുകയുണ്ടായി.

പുറത്തെ ഭക്ഷണം ചികിത്സയില്ലാത്ത രോഗങ്ങൾക്ക് കാരണമാകും

അടുത്തിടെ അമേരിക്കയിൽ നടത്തിയ ഒരു പഠനം പറയുന്നത് പുറത്തെ ഭക്ഷണം പല ഗുരുതര രോഗങ്ങൾക്കും ചികിത്സയില്ലാത്ത അസുഖങ്ങൾക്കും കാരണമാകുമെന്നാണ്.

സയലന്‍റ് സ്പ്രിംഗ് ഇൻസ്റ്റിറ്റ്യൂട്ടിലെ ഗവേഷകർ നടത്തിയ പഠനത്തിൽ പറയുന്നത് വീട്ടിൽ നിന്നും എപ്പോഴും ഭക്ഷണം കഴിക്കുന്നവരുടെ ശരീരത്തിൽ പിഎഫ്എഎസ് എന്ന് പേരുള്ള അപകടകാരിയായ രാസവസ്തു വളരെ കുറച്ചേ ഉണ്ടാവുകയുള്ളൂ എന്നാണ്. സ്വയം ഭക്ഷണം പാകം ചെയ്ത് കഴിക്കുന്നത് ഇത്തരത്തിൽ പല ടോക്സിക്ക് രാസവസ്തുക്കളിൽ നിന്നും മോചനം നേടാനാവുമെന്നാണ് പഠനം പറയുന്നത്. വീട്ടിൽ തയ്യാറാക്കുന്ന ഭക്ഷണം കഴിക്കുന്നത് ക്യാൻസർ, തൈറോയിഡ് പ്രശ്നങ്ങൾ ഉണ്ടാകുന്നത് തടയും.

തിളങ്ങുന്ന ഫലങ്ങളും പച്ചക്കറികളും ആരോഗ്യത്തിന് ഭീഷണി

നല്ല തിളക്കമുള്ള പഴങ്ങളും പച്ചക്കറികളും ആരോഗ്യത്തിന് നന്നല്ല. പഴങ്ങളും പച്ചക്കറികളും വിൽക്കുന്നതിന് നിറം പകരാറുണ്ട്. ഇവ കഴിക്കുന്നത് ട്യൂമർ, ക്യാൻസർ പോലെയുള്ള അപകടകാരിയായ രോഗങ്ങൾക്ക് ഇടവരുത്തും.

പച്ചക്കറികളിൽ ഏറ്റവുമധികം പച്ചനിറമാണ് ചേർക്കുക. മെലറ്റൈറ്റ് ഗ്രീൻ എന്നു പേരുള്ള രാസവസ്തുവാണിത്. ഈ രാസവസ്തു രക്‌തത്തിൽ അടിഞ്ഞുകൂടും. ഒരു പരിധി കഴിഞ്ഞാൽ ഇത് കോശങ്ങൾക്ക് നാശമുണ്ടാക്കും. ഇത് ട്യൂമറിനും ക്യാൻസറിനും കാരണമാകും. ഇപ്രകാരം ചുവപ്പ് നിറത്തിന് ഉപയോഗിക്കുന്ന റോഡാമിൻ, മഞ്ഞനിറത്തിലുള്ള ഔറമിൻ ഡൈ എന്നിവയടക്കം ഈ മൂന്ന് നിറവും കരൾ, കിഡ്നി, ഹൃദയം എന്നിവയ്ക്ക് ഹാനികാരകങ്ങളാണ്.

പെയിൻ കില്ലർ കഴിക്കുന്ന ശീലം അപകടം

ഒരിത്തിരി വേദന തോന്നുമ്പോൾ പലരും പെയിൻ കില്ലർ കഴിച്ചു കാണാറുണ്ട്. ചിലരത് ശീലവുമാക്കിയിട്ടുണ്ട്. ഈ ശീലം ആരോഗ്യത്തിന് അപകടം ക്ഷണിച്ചുവരുത്തും. കരൾ, കിഡ്നി ശരീരത്തിന്‍റെ മറ്റ് ഭാഗങ്ങൾക്ക് അപകടം ഉണ്ടാക്കും. ചെറുതും വലുതുമായ പ്രശ്നങ്ങൾക്ക് ആശ്വാസം പകരുന്ന പെയിൻ കില്ലറുകൾ ഏതെങ്കിലും വലിയ രോഗങ്ങൾക്ക് കാരണമാകും.

ഹൃദയത്തിനല്ല മസ്തിഷ്ക്കത്തെ ബാധിക്കുന്ന ദേഷ്യം

ആരെങ്കിലും ഉച്ചത്തിൽ നിങ്ങളോട് കയർത്തു സംസാരിക്കുകയോ ദേഷ്യപ്പെടുകയോ ചെയ്താൽ നിങ്ങളുടെ മസ്തിഷ്കം അതിവേഗം പ്രതികരിക്കും. ജേർണൽ സോഷ്യൽ കോഷ്നിറ്റിവ് ആന്‍റ് ഇഫക്ടീവ് ന്യൂറോസയൻസിൽ പ്രസിദ്ധീകരിച്ച ഒരു പഠനം പറയുന്നത് ദേഷ്യം ഉളവാക്കുന്ന ശബ്ദം കേൾക്കുമ്പോൾ നമ്മുടെ മസ്തിഷ്കം അതിവേഗം സംവേദനക്ഷമമാകുമെന്നാണ്.

അന്ധവിശ്വാസങ്ങൾ ദോഷം

മാനസികാരോഗ്യത്തിനുള്ള ശാസ്ത്രീയമായ പോംവഴിക്ക് പുറമെ ആളുകൾ പലപ്പോഴും ആശ്വാസം കണ്ടുപിടിക്കാൻ അന്ധവിശ്വാസങ്ങളെ കൂട്ടുപിടിക്കാറുണ്ട്. ഒരു സർവ്വേ പ്രകാരം 44 ശതമാനം മാനസിക രോഗികളും ഡോക്ടറെ കണ്ട് പരിഹാരം തേടുന്നതിന് പകരം മന്ത്രവാദികളേയും ജ്യോത്സ്യന്മാരെയും കണ്ട് പരിഹാരം തേടുകയാണ് ചെയ്യുക. എന്നാൽ 26 ശതമാനം രോഗികൾക്ക് വീടിന് 50 കിലോമീറ്റർ പരിധിയിൽ മികച്ച ചികിത്സ സൗകര്യം ലഭിക്കുന്നില്ല. ഇത് സംബന്ധിച്ച് നടത്തിയ പഠനമാണ് ഇക്കാര്യം വെളിപ്പെടുത്തിയിരിക്കുന്നത്.

മേക്കപ്പ് ഉൽപ്പന്നങ്ങൾ കൊണ്ട് കുഞ്ഞുങ്ങൾ അസുഖ ബാധിതരാകുന്നു

അമേരിക്കയിലെ നേഷൻ വൈഡ് ചിൽഡ്രൻ ഹോസ്പിറ്റലിനെ ഗവേഷകർ പറയുന്നത് എല്ലാ വർഷവും 5 വയസ്സിന് താഴെ പ്രായം വരുന്ന 4,300ലധികം അമേരിക്കൻ കുട്ടികളിൽ മേക്കപ്പ് ഉൽപ്പന്നങ്ങൾ മൂലം പ്രശ്നങ്ങൾ ഉണ്ടാകുന്നുവെന്നാണ്. പ്രൊഡക്റ്റുകളിൽ എഴുതിയ കാര്യങ്ങൾ കുട്ടികൾക്ക് വായിക്കാനാവില്ല. പാക്കറ്റിന്‍റെ നിറപ്പകിട്ട് കണ്ട് ആകർഷിതരായി അത് കഴിക്കാനും മറ്റും ശ്രമിക്കുന്നുവെന്നാണ് നേഷൻ വൈഡ് റിസർച്ചർ റബേക്ക പറയുന്നത്.