ചോദ്യം
24 വയസുള്ള പെൺകുട്ടിയാണ്. വിവാഹം കഴിഞ്ഞിട്ട് 3 മാസമായി. വിവാഹത്തിന് മുമ്പ് ഞാൻ മറ്റൊരാളുമായി പ്രണയത്തിലായിരുന്നു. പക്ഷേ വീട്ടുകാരുടെ സമ്മർദ്ദത്തെ തുടർന്ന് മറ്റൊരു വിവാഹത്തിന് സമ്മതിച്ചു. എന്‍റെ ഭർത്താവ് വളരെ തുറന്നിടപെടുന്നയാളാണ്. അതുകൊണ്ട് വിവാഹ ജീവിതവുമായി പൊരുത്തപ്പെടുന്നതിന് അദ്ദേഹമെനിക്ക് പൂർണ്ണമായ സ്വാതന്ത്യ്രവും പിന്തുണയും തന്നിട്ടുണ്ട്. ഞങ്ങൾക്കിടയിൽ ഇതുവരെ യാതൊരു ബന്ധവുമുണ്ടായിട്ടില്ല. പക്ഷേ ഞങ്ങൾക്കിടയിലെ ഈ അകലം മാറണമെന്നാണ് ഞാനിപ്പോൾ ആഗ്രഹിക്കുന്നത്. അതിന് എനിക്ക് എന്താണ് ചെയ്യാൻ കഴിയുന്നത്?
ഉത്തരം
പുതിയ ജീവിതവുമായി ഇണങ്ങി ചേരുന്നതിനും ഉൾക്കൊള്ളുന്നതിനും ഭർത്താവ് പൂർണ്ണമായ സ്വാതന്ത്യ്രം തന്നത് വളരെ നല്ല കാര്യം തന്നെയാണ്. ഈ കാലയളവിൽ നിങ്ങൾ ഭർത്താവിനെക്കുറിച്ചും അദ്ദേഹത്തിന്‍റെ കരുതലും സ്നേഹത്തെക്കുറിച്ചും എത്ര നല്ലവനായ മനുഷ്യനാണ് ഭർത്താവെന്ന കാര്യം നിങ്ങൾ മനസിലാക്കി കാണുമല്ലോ. നിങ്ങൾക്കിടയിലെ അകലം കുറയ്ക്കുന്നതിനേക്കാളിലും അദ്ദേഹത്തോടൊപ്പം യാത്രകൾ പോകുന്നത് നല്ലതായിരിക്കും. നിങ്ങളെ മനസിലാക്കാൻ അദ്ദേഹത്തിനും സമയം നൽകണമല്ലോ. അതുകൊണ്ടും അടുപ്പം ഉണ്ടാവുന്നില്ലെങ്കിൽ നിങ്ങൾ അദ്ദേഹത്തിന് മുന്നിൽ കൂടുതൽ റൊമാന്‍റിക്കാവാൻ ശ്രമിക്കുക. അദ്ദേഹത്തിനു വേണ്ടി സർപ്രൈസ് പ്ലാൻ ചെയ്യുക. രാത്രിയിൽ ബെഡ്റൂം സവിശേഷ രീതിയിൽ പൂക്കളും മെഴുകുതിരികളും കൊണ്ട് അലങ്കരിക്കുക. സ്വന്തം വേഷവിധാനത്തിലും ശ്രദ്ധിക്കുക. ഭർത്താവിന് സർപ്രൈസ് ഗിഫ്റ്റുകൾ നൽക്കുക. ഇഷ്‌ടമുള്ള ഭക്ഷണം ഒരുക്കുക. എല്ലാ രീതിയിലും ശുഭ ചിന്തയോടെ ജീവിക്കാൻ ശ്രമിക്കുക. പഴയ ഓർമ്മകൾ കടന്നു വന്നാലും കുറ്റബോധം അലട്ടാതെ മറികടക്കാൻ ശ്രമിക്കുക
