കഴുത്തളവിന് സൂപ്പർ ലുക്ക് പകരുന്ന ആഭരണമാണ് ചോക്കർ. കഴുത്തിൽ പറ്റിച്ചേർന്ന് കിടക്കുന്ന ചോക്കർ എന്ന ഒറ്റപ്പീസ് മതി ലുക്കിനെ മൊത്തം മാറ്റിമറിക്കാൻ. ഏത് പ്രായക്കാർക്കും ക്യൂട്ട് ലുക്ക് പകരും. പാർട്ടിയ്ക്കായ്ക്കോട്ടെ വിവാഹഘോഷത്തിനായ്ക്കോട്ടെ ഏത് വിശേഷാവസരത്തിനും ചോക്കർ എന്ന ഒറ്റപ്പീസിൽ സ്റ്റൈലിഷ് ലുക്ക് കൈവരിക്കാം!
ചോക്കേഴ്സ് തെരഞ്ഞെടുക്കുമ്പോൾ ചില കാര്യങ്ങൾ കണക്കിലെടുക്കണം. കുറുകിയ കഴുത്തുള്ളവർക്ക് ചോക്കർ അണിഞ്ഞാൽ കഴുത്ത് ഇടുങ്ങിയ പോലെ തോന്നും. അത്തരക്കാർക്ക് വീതി കുറഞ്ഞ ഡിസൈനുകൾ ട്രൈ ചെയ്തു നോക്കാവുന്നതാണ്.
മീഡിയം കഴുത്തുള്ളവർക്ക് ചോക്കർ കിടിലൻ ലുക്ക് പകരും. അതുപോലെ മീഡിയം പൊക്കമുള്ളവർക്കും ചോക്കർ സ്യൂട്ടാകും.
ഷോർട്ട് ആയവർക്ക് ചോക്കർ ഒഴിവാക്കാം. നല്ല തടിയും ഭാരിച്ച ശരീരമുള്ളവർ ബ്രോഡ് ചോക്കർ അവോയിഡ് ചെയ്യാം. അത്തരക്കാർ കഴുത്തിന് താഴോട്ട് ഇറങ്ങി കിടക്കുന്ന നെക്പീസ് ട്രൈ ചെയ്യാം. ഇത്രയും കാര്യങ്ങൾ ശ്രദ്ധിച്ച് ചോക്കർ ഡിസൈനുകൾ തെരഞ്ഞെടുത്താൽ ആർക്കും ഒരു സ്റ്റൈൽ ഐക്കൺ ആകാം.
വെറൈറ്റി ചോക്കർ
ചോക്കറിൽ നിരവധി വെറൈറ്റി സ്റ്റൈലുകളുണ്ട്. ബ്രോഡ് ചോക്കർ തുടങ്ങി വളരെ നേർത്ത ചോക്കറുകളുണ്ട്. അതുപോലെ കഴുത്തിന് പിറകിൽ നിന്നും റ പോലെ മുന്നിലേക്ക് ധരിക്കുന്ന ചോക്കറുമുണ്ട്. മുൻഭാഗത്ത് ചോക്കറിന്‍റെ രണ്ടറ്റവും യോജിക്കാതെ പുതിയൊരു സ്റ്റൈൽ തരംഗം സൃഷ്ടിക്കുന്ന ചോക്കറാണിത്.
റ പോലെ തന്നെ മുന്നോട്ട് അണിഞ്ഞ് മുൻഭാഗം സിഗ്സാഗ് പോലെ യോജിച്ച് നിൽക്കുന്ന തരം കിടിലൻ ചോക്കറുമുണ്ട്. വേറിട്ട സ്റ്റൈൽ പകരാൻ ഇത് പിന്നോട്ടും ധരിക്കാം. ഇത്തരം ചോക്കറുകളിൽ ലൈറ്റർ ഡിസൈനുകളാണ് ഏറെയും ഉള്ളത്. സിമ്പിൾ ലൈറ്റ് ഡിസൈനുകളിലുള്ള ഈ ചോക്കറുകൾ ഇപ്പോൾ ഫാഷൻ പ്രേമികളുടെ ഇഷ്ട ചോയിസാണ്. മറ്റൊരു പ്രത്യേകത സ്റ്റൈലിലും ഈ ചോക്കർ അണിയാം. കഴുത്തിന്‍റെ വശത്തേക്ക് ഓപ്പണിംഗ് വരുന്ന പോലെയും. എല്ലാത്തരം മെറ്റലിലും ചോക്കറുകൾ നിർമ്മിക്കാം.
വ്യത്യസ്തങ്ങളായ നിറങ്ങളിലും ടെക്സ്ച്ചറുകളിലുമുള്ള ചോക്കറുകൾ സ്ത്രീകളുടെ ആഭരണപ്പെട്ടിയിൽ ഇടം നേടിയിരിക്കുകയാണ്. അൽപം വ്യത്യസ്തമായ രീതിയിൽ സ്റ്റൈലിഷ് ആകാൻ ഒരു ക്യൂട്ട് ചോക്കർ അണിഞ്ഞുനോക്കൂ. തികച്ചും ഡിഫറന്‍റ് സിമ്പിൾ സ്റ്റൈലിഷാകാം.
