വിവാഹ ശേഷമുള്ള പാർട്ടികളിൽ ഹെവി ഡ്രസ് അണിയുകയെന്നത് അത്ര കംഫർട്ടിബിള്‍ ആകണമെന്നില്ല. എന്നാൽ നോർമൽ ഡ്രസ് ധരിക്കുന്നതോ ലുക്കിനെ വികലമാക്കും. ഈ സാഹചര്യത്തിൽ ഈ 5 വസ്തുക്കൾ കയ്യിൽ കരുതിയാൽ വധുവിന് ഈസിയായി സ്റ്റൈലിഷ് ലുക്ക് സ്വന്തമാക്കാം.
വിവാഹ ശേഷമുള്ള വിരുന്ന് സൽക്കാരത്തിൽ വധുവിന് വ്യത്യസ്തമായ സ്റ്റൈലിംഗാണ് ആവശ്യം. റിസപ്ഷനുള്ള വസ്ത്രങ്ങളും മേക്കപ്പും വിവാഹ സമയത്തുള്ളതിൽ നിന്നും തീർത്തും വ്യത്യസ്തമായിരിക്കുമല്ലോ. അതിനെ തുടർന്നുള്ള മറ്റ് ആഘോഷങ്ങളിലും സ്റ്റൈലിംഗുകൾ വ്യത്യസ്തമായിരിക്കണം. ഈ സമയത്ത് ധരിക്കേണ്ട വസ്ത്രങ്ങളെക്കുറിച്ചും മേക്കപ്പിനെക്കുറിച്ചും ഒരു ധാരണയുണ്ടായിരിക്കേണ്ടതാവശ്യമാണ്.
ബ്രൈഡൽ വേഷം തന്നെ ഇതേയവസരങ്ങളിൽ അണിയുന്നത് തീർത്തും അരോചകമായിരിക്കും.
വിവാഹ ശേഷമുള്ള വിരുന്ന് സൽക്കാരങ്ങളിൽ അൽപ്പം വ്യത്യസ്തമായ വേഷമാണ് ആവശ്യം. അതിനായി വിലയേറിയ വസ്ത്രങ്ങൾ വാങ്ങണമെന്നില്ല. വധു അതിനായി 5 വസ്തുക്കൾ കയ്യിൽ കരുതിയാൽ പിന്നെ പ്രത്യേകിച്ചൊരു ഡ്രസ്സിന്‍റെ ആവശ്യം വേണ്ടി വരില്ലായെന്നാണ് ഫാഷൻ ഡിസൈനറായ അനാമിക റായ് പറയുന്നത്. അവ ഉപയോഗിച്ച് ഓരോ പാർട്ടിയിലും വധുവിന് വ്യത്യസ്ത ലുക്ക് സൃഷ്ടിക്കാനാവും.
ഹെവി എംബ്രോയ്ഡറി ദുപ്പട്ട
ഹെവി എംബ്രോയ്ഡറിയുള്ള സാരിയണിയുകയെന്നത് എല്ലാ അവസരത്തിനും ഇണങ്ങണമെന്നില്ല. ഹെവി സാരിയണിയുന്നത് അത്ര കംഫർട്ടബിളുമാവണമെന്നില്ല. ബ്രൈഡൽ ലുക്കിനായി ഹെവി എംബ്രോയ്ഡറി ദുപ്പട്ട അണിയുന്നത് മികച്ച ലുക്ക് സൃഷ്ടിക്കും. ഏത് തരം പ്ലെയിൻ സാരിക്കൊപ്പവും ഈ ദുപ്പട്ട സ്റ്റോൾ രീതിയിൽ ചുമലിൽ ഇട്ടാൽ വേറിട്ട സ്റ്റൈലാകും. ലുക്കില്ലാത്ത സാരി പോലും എലഗൻറാകും. ഓരോ സാരിക്കൊപ്പവും ഈ രീതി പരീക്ഷിച്ച് വേറിട്ട സ്റ്റൈൽ സൃഷ്ടിച്ച് ചുറ്റുമുള്ളവരെ അമ്പരിപ്പിക്കാം.
റെഡിമെയ്ഡ് സാരി
വിവാഹ ശേഷം വീട്ടിൽ പലതരം പാർട്ടികൾ സംഘടിപ്പിക്കപ്പെടാം. ഈയവസരത്തിൽ വധുവിന് അടുക്കള കാര്യങ്ങളിലും വീട്ടിലെ മറ്റ് ജോലികളിലും ശ്രദ്ധിക്കേണ്ടതായി വരാം. ഈയവസരത്തിൽ സാരിയത്ര കംഫർട്ടിബിളാവണമെന്നില്ല. എന്നാൽ പാർട്ടിയ്ക്ക് മികച്ച വേഷവുമായിരിക്കുകയും വേണം. അതിനാൽ ഇത്തരമവസരങ്ങളിൽ റെഡിമെയ്ഡ് സാരിയണിഞ്ഞ് ലുക്ക് വ്യത്യസ്തമാക്കാം.
റെഡിമെയ്ഡ് സാരി വളരെ കംഫർട്ടിബിളുമാണ്. ചില റെഡിമെയ്ഡ് സാരിക്കൊപ്പം സ്ടിച്ചബിൾ പല്ലു പ്രത്യേകമായും ലഭിക്കാറുണ്ട്. ഓരോ തവണയും പല്ലു മാറ്റിയണിഞ്ഞ് സാരിയ്ക്ക് പുത്തൻ ലുക്ക് നൽകാം.
എംബ്രോയ്ഡറി അരപ്പട്ട
വെള്ളി അരപ്പട്ട അണിയുന്നത് എല്ലാ അവസരങ്ങളിലും അനുയോജ്യമാവണമെന്നില്ല. അതിനായി എംബ്രോയ്ഡറി ഉള്ള അരപ്പട്ട പ്രത്യേകമായി ലഭിക്കാറുണ്ട്. ഒരു ആക്സസറീസായി ഇത് ഉപയോഗിക്കുകയും ചെയ്യാം. സാരി, ലോംഗ് സ്കർട്ട്, സ്യൂട്ട് എന്നീ വേഷങ്ങൾക്കൊപ്പം ഇതണിയുകയും ചെയ്യാം. 3 മുതൽ 10 ഇഞ്ച് വരെ വീതിയുണ്ടായിരിക്കും ഇതിന്.
എംബ്രോയ്ഡറി കുർത്തി
സാരി, ലഹങ്ക, ലാച്ച, ലോംഗ് സ്കർട്ട് എന്നിവയക്കൊപ്പം എംബ്രോയ്ഡറി കുർത്തി അണിയുന്നത് കൂടുതൽ സ്റ്റൈൽ പകരും. അരയോളം നീളമുള്ളതായിരിക്കും ഈ കുർത്തി. അതിനാൽ യാതൊരു മടിയും കൂടാതെ ഈ വേഷം ട്രൈ ചെയ്യാം. പാർട്ടിയിൽ ഡാൻസും ചെയ്യാം.
പ്രിന്‍റഡ് സാരി
പ്രിന്‍റഡ് സാരി വാങ്ങുകയെന്നത് ഒട്ടും നഷ്ടമുള്ള കാര്യമല്ല. ഇതണിഞ്ഞ് ഓരോ പാർട്ടിയിലും വ്യത്യസ്ത സ്റ്റൈൽ സൃഷ്ടിക്കാം. വളരെ ലൈറ്റായതിനാൽ അണിയാനും പ്രയാസമില്ല. ഓഫീസ് അല്ലെങ്കിൽ പാർട്ടിയിൽ മോഡേൺ ലുക്കിലുള്ള സാരിയണിഞ്ഞ് സുന്ദരിയായ വധുവാകാം.
