22 വയസ്സുള്ള നികിതയുടെ കണ്ണുകളും കൺതടവും കഴിഞ്ഞ കുറച്ച് ദിവസങ്ങളായി വീർത്തിരിക്കുകയാണ്. അത് മറയ്ക്കാൻ അവൾ മേക്കപ്പ് ഉപയോഗിച്ചിരുന്നു. പക്ഷേ വൈകുന്നേരത്തോടെ കണ്ണുകൾ വീണ്ടും വീർക്കും. മറ്റുള്ളവർ ഉപദേശിച്ചതുപോലെ അവൾ വീട്ടുവൈദ്യങ്ങൾ പരീക്ഷിച്ചു. പക്ഷേ അവ ഫലിച്ചില്ല. ഇതിനുശേഷം ശസ്ത്രക്രിയേതര തെറാപ്പി അവലംബിക്കേണ്ടിവന്നു.
കണ്ണുകൾക്ക് ചുറ്റും ദ്രാവകം അടിഞ്ഞുകൂടുമ്പോൾ പെരിയോർബിറ്റൽ എഡിമ സംഭവിക്കുന്നു. ഇത് ചിലപ്പോൾ ഇരുണ്ട വൃത്തങ്ങൾ ചൊറിച്ചിൽ അല്ലെങ്കിൽ ചുവപ്പ് എന്നിവയ്ക്ക് കാരണമാകും. ഇതിന് നിരവധി കാരണങ്ങളുണ്ട്. അമിതമായ കണ്ണുനീർ, അലർജികൾ, അമിതമായ സോഡിയം, ഉറക്കക്കുറവ് അല്ലെങ്കിൽ മറ്റ് ഘടകങ്ങൾ എന്നിവയാൽ കണ്ണുകൾ വീർക്കാവുന്നതാണ്.
പിങ്ക് ഐ അല്ലെങ്കിൽ വൃക്കരോഗം പോലുള്ള അടിസ്ഥാന അവസ്ഥയും വീക്കത്തിന് കാരണമാകാം. പുകവലി അലർജികൾ ചിലപ്പോൾ വീക്കത്തിന് കാരണമാകും. സാധാരണയായി കാലക്രമേണ വീക്കം മാറും. പക്ഷേ ചികിത്സകളും ജീവിതശൈലി മാറ്റങ്ങളും കൊണ്ട് വേഗത്തിൽ ഒഴിവാക്കാൻ സഹായിക്കും.
പ്രാഥമിക ലക്ഷണങ്ങൾ
കണ്ണുകൾക്ക് ചുറ്റുമുള്ളതോ താഴെയുള്ളതോ ആയ കലകളിലെ താൽക്കാലിക വീക്കമാണ് കണ്ണുകൾക്ക് താഴെയുള്ള വീക്കത്തിന്റെ പ്രധാന ലക്ഷണം.
അമേരിക്കൻ അക്കാദമി ഓഫ് ഓഫ്താൽമോളജി അനുസരിച്ച് കണ്ണുകൾക്ക് താഴെയുള്ള വീക്കത്തിന് പ്രായം കൂടുന്നത് മൂലമുണ്ടാകുന്ന ചർമ്മം തൂങ്ങുന്നതാണ് കാരണം. കണ്ണുകൾക്ക് താഴെയുള്ള കൊഴുപ്പ് അടിഞ്ഞുകൂടുന്നത് പ്രായമാകുമ്പോൾ തൂങ്ങുകയും ചർമ്മം വീർക്കുകയും ചെയ്യുമ്പോൾ ഇത് സംഭവിക്കുന്നു.
ദ്രാവകം അടിഞ്ഞുകൂടുന്നത് മൂലമുണ്ടാകുന്ന വ്യത്യസ്തമായ തരം വീക്കമാണിത്. കണ്ണുകൾക്ക് താഴെയുള്ള ഈ വീക്കത്തെ അയഞ്ഞ ചർമ്മം, കൊഴുപ്പ് പോക്കറ്റുകൾ, പിഗ്മെന്റേഷൻ എന്നി വയുടെ സംയോജനമായി തിരിച്ചറിയാം. ഇക്കാലത്ത് ഇത് ചെറുപ്പക്കാരിലും കാണപ്പെടുന്നു. അതിന് ചികിത്സ ആവശ്യമാണ്.
കാരണങ്ങളെക്കുറിച്ച്
കണ്ണുകൾക്ക് ചുറ്റുമുള്ള ചർമ്മത്തിൽ ദ്രാവകം അടിഞ്ഞുകൂടുന്നു. കണ്ണുകൾക്ക് ചുറ്റുമുള്ള ചർമ്മ കലകൾ ശരീരത്തിലെ ഏറ്റവും കനം കുറഞ്ഞതിനാൽ അവിടെയുള്ള ഏത് വീക്കവും പ്രത്യേകിച്ച് എടുത്ത് കാട്ടും. വീർത്ത കണ്ണുകൾ ഒരിക്കലും ആശങ്കയ്ക്ക് കാരണമാകില്ലെങ്കിലും അവ കൂടുതൽ ഗുരുതരമായ ആരോഗ്യപ്രശ്നങ്ങളുടെ ലക്ഷണമാകാം.
വിഷമിക്കേണ്ടതില്ല
കണ്ണുകൾക്ക് താഴെ വീക്കം സാധാരണയായി ആശങ്കയ്ക്ക് കാരണമാകില്ല. പക്ഷേ നിങ്ങളുടെ കണ്ണുകൾ ദിവസങ്ങളോളം വീർത്തതായി തുടരുകയാണെങ്കിൽ ഉടനടി ഡോക്ടറെ സമീപിക്കുക. വൃക്കകൾ മൂത്രത്തിൽ അധിക പ്രോട്ടീൻ പുറന്തള്ളുകയാണെങ്കിലും കണ്ണുകൾ വീർത്തേക്കാം. ഇത് വൃക്ക തകരാറിന്റെ പ്രാരംഭ ലക്ഷണമാണ്. അണുബാധയുണ്ടായാൽ ഓർബിറ്റൽ സെല്ലുലൈറ്റിസ് കൊഴുപ്പിനേയും കണ്ണുകൾക്ക് ചുറ്റുമുള്ള പേശികളേയും ബാധിക്കും. ചികിത്സിച്ചില്ലെങ്കിൽ കാഴ്ച നഷ്ടപ്പെടൽ അല്ലെങ്കിൽ സെപ്സിസ് (രക്ത വിഷബാധ) പോലുള്ള സങ്കീർണതകൾക്ക് കാരണമാകും.
വീർത്ത കണ്ണുകൾ ഒഴിവാക്കാനുള്ള വഴികൾ
വീർത്ത കണ്ണുകൾക്കുള്ള ചികിത്സ, വീക്കത്തിന്റെ കാരണത്തെ ആശ്രയിച്ചിരിക്കുന്നു. ഇത് സമഗ്രമായ പരിശോധനയ്ക്ക് ശേഷം ഡോക്ടർക്ക് നിർണ്ണയിക്കാൻ കഴിയും.
ജീവിതശൈലി മാറ്റങ്ങൾ
വീർത്ത കണ്ണുകൾ കുറയ്ക്കുന്നതിന് നിരവധി ജീവിതശൈലി മാറ്റങ്ങൾ വരുത്താം. അവയിൽ ഇവ ഉൾപ്പെടുന്നു.
- അലർജിയുണ്ടാക്കുന്ന വസ്തുക്കളുമായി സമ്പർക്കം ഒഴിവാക്കുക.
- ഭക്ഷണത്തിൽ പൊട്ടാസ്യം അടങ്ങിയ ഭക്ഷണങ്ങൾ ഉൾപ്പെടുത്തുക.
- കൺപോളകൾ അമിതമായി തടവരുത്.
- ധാരാളം വെള്ളം കുടിക്കുക.
- ആവശ്യത്തിന് ഉറങ്ങുക, തല ഉയർത്തിപ്പിടിച്ച് ഉറങ്ങുക.
- പുകവലി ഒഴിവാക്കുക.
- മദ്യപാനം പരിമിതപ്പെടുത്തുക.
- സോഡിയം കഴിക്കുന്നത് പരിമിതപ്പെടുത്തുക.
- ഉറങ്ങുന്നതിന് മുമ്പ് വെള്ളം കുടിയ്ക്കുന്നത് കുറയ്ക്കുക. എന്നിട്ടും വീക്കം കുറയുന്നില്ലെങ്കിൽ ക്ലിനിക്കൽ ശസ്ത്രക്രിയ ആവശ്യമായി വന്നേക്കാം.
ഇന്നത്തെ യുവാക്കൾക്ക് വളരെ അനാരോഗ്യകരമായ ജീവിതശൈലിയാണെന്ന് ഡെർമറ്റോളജിസ്റ്റ് ഡോ. സോമ സർക്കാർ വിശദീകരിക്കുന്നു. കമ്പ്യൂട്ടറുകളിൽ ദീർഘനേരം ഇരിക്കുകയും ഉറക്ക കുറവ് അനുഭവപ്പെടുകയും ചെയ്യുന്നു. ഇത് കണ്ണുകൾ വീർക്കുന്നതിലേക്ക് നയിക്കുന്നു. ഇതിന് ചിലപ്പോൾ ശസ്ത്രക്രിയേതര അല്ലെങ്കിൽ ശസ്ത്രക്രിയാ നടപടിക്രമങ്ങൾ ആവശ്യമായി വന്നേക്കാം.
ശസ്ത്രക്രിയേതര നടപടിക്രമങ്ങൾ
മൈക്രോ- ലിഫ്റ്റ് തെറാപ്പി: വീർത്ത കണ്ണുകൾ ചികിത്സിക്കുന്നതിൽ ഫലപ്രദമാണ്. പേശികളെ ടോൺ ചെയ്യാൻ മൈക്രോ- ഇലക്ട്രിക് കറന്റുകൾ ഉപയോഗിക്കുന്നു. ഇത് ലിംഫറ്റിക് ട്രെയിനേജ് സജീവമാക്കുകയും വീക്കം കുറയ്ക്കുകയും ചെയ്യുന്നു. ഈ ശസ്ത്രക്രിയയേതര നടപടിക്രമം ചർമ്മത്തെ മുറുക്കുകയും ഉയർത്തുകയും ചെയ്യുന്നു.
അൾതെറാപ്പി: കണ്ണുകൾക്ക് താഴെയുള്ള വീക്കവും നീരും കുറയ്ക്കുന്നതിന് അൾതെറാപ്പിയും മറ്റ് ചികിത്സകളും പല പ്രമുഖ ക്ലിനിക്കുകളിലും ലഭ്യമാണ്. ചർമ്മത്തെ മുറുക്കാനും കൊളാജൻ ഉൽപാദനത്തെ ഉത്തേജിപ്പിക്കാനും ഫോക്കസ് ചെയ്ത അൾട്രാസൗണ്ട് ഊർജ്ജം ഉപയോഗിക്കുന്ന ശസ്ത്രക്രിയേതര നടപടി ക്രമമാണിത്.
മൈക്രോനീഡിലിംഗ്: കൊളാജൻ ഉത്പാദനം സജീവമാക്കുകയും ചർമ്മത്തിന്റെ ഘടനയും ഇലാസ്തികതയും മെച്ചപ്പെടുത്തുകയും ചെയ്യുന്നതിനാൽ വീർത്ത കണ്ണുകൾ ചി കിത്സിക്കുന്നതിന് മൈക്രോനീഡിലിംഗ് ഫലപ്രദമായ പ്രക്രിയയാണ്. ഇത് വീക്കം കുറയ്ക്കാനും രക്തചംക്രമണം മെച്ചപ്പെടുത്താനും സഹായിക്കുന്നു. ശസ്ത്രക്രിയയില്ലാത്ത ഈ നടപടിക്രമങ്ങളെല്ലാം താൽക്കാലികമാണ്. അവ അധികകാലം നിലനിൽക്കില്ല. അവ ഒരു പരിധിവരെ വീക്കത്തെ കുറയ്ക്കാൻ സഹായിക്കും. ഒരാൾക്ക് കടുത്ത കണ്ണ് വീക്കമുണ്ടങ്കിൽ അവർക്ക് ശസ്ത്രക്രിയ്ക്ക് വിധേയമാകേണ്ടി വന്നേക്കാം.
ശസ്ത്രക്രിയ
ബ്ലെഫറോപ്ലാസ്റ്റി (കൺപോള ശസ്ത്രക്രിയ): കണ്ണുകളുടെ വീക്കത്തെ കുറയ്ക്കും. ഒരു നേത്ര ശസ്ത്രക്രിയാ വിദഗ്ദ്ധന് താഴത്തെ കൺപോളയ്ക്കുള്ളിലോ കൺപോളകൾക്ക് താഴെയോ ചെറിയ മുറിവുണ്ടാക്കി ദ്രാവകം അടിഞ്ഞു കൂടുന്നത് കുറയ്ക്കുന്നതിനും അധിക ചർമ്മമോ കൊഴുപ്പോ നീക്കം ചെയ്യാനോ പുനഃസ്ഥാപിക്കാനോ കഴിയും. ബ്ലെഫറോപ്ലാസ്റ്റി ഒരാൾക്ക് അനുയോജ്യമാണോ എന്ന് ഡോക്ടർ നിർണ്ണയിക്കണം.
ദ്രാവകം അടിഞ്ഞുകൂടാൻ സാധ്യതയുള്ള ഭാഗങ്ങളിൽ വീക്കത്തെ കുറയ്ക്കുന്നതിന് കെമിക്കൽ പീലുകൾ, ഫില്ലറുകൾ, ലേസർ റീസർഫേസിംഗ് പോലുള്ള ചർമ്മ ചികിത്സകളും പരിഗണിക്കാം. പഫി ഐസ് നീക്കം ചെയ്യുന്നത് ബുദ്ധിമുട്ടുള്ള കാര്യമല്ല. ഇതിനായി പരിശീലനം ലഭിച്ച ഡോക്ടറെ സമീപിക്കുക.
